“Chapit 37: Dirijan Prètriz yo: Fevriye 1835,” Istwa ki nan Doktrin ak Alyans (2002), 140–44
“Chapit 37,” Istwa ki nan Doktrin ak Alyans, 140–44
Chapit 37
Dirijan Prètriz yo
(Fevriye 1835)
Joseph Smith te gen yon reyinyon enpòtan nan Kirtland, Ohio. Li te mande mesye Kan Siyon yo pou yo vini. Joseph te di mesye yo Jezi te vle pou douz Apot ede dirije Legliz li a.
Senyè a te di Oliver Cowdery, David Whitmer, ak Martin Harris pou yo chwazi Apot yo. Premye Prezidans Legliz la te beni Oliver, David, ak Martin nan reyinyon an. Lè sa a, yo te priye ansanm. Yo te chwazi douz bon mesye.
Yo te òdone mesye yo. Se yo te ki te Douz Apot yo.
Apot se mesye ki enpòtan anpil nan Legliz la. Yo konnen Jezi se Sovè nou. Yo anseye levanjil la toupatou nan mond lan.
Apre kèk jou, yo te chwazi lòt mesye kòm dirijan nan Legliz la. Yo te rele yo Premye Kowòm Swasanndis yo. Premye Kowòm Swasanndis la ede Apot yo. Se yo ki alatèt travay misyonè nan Legliz la.
Yon jou, Douz Apot yo te nan yon reyinyon. Yo t ap prepare yo pou y ale nan misyon. Yo t ap chèchè pou yo jis. Yo te vle pou Papa ki nan Syèl la ede yo.
Apot yo te mande Joseph Smith pou l priye pou yo ka jwenn yon revelasyon ki tap ede yo nan misyon yo. Jezi te bay Joseph ak Apot yo yon gwo revelasyon. Li te pale yo apwopo prètriz la.
Prètriz la se pouvwa Bondye. Se pi gwo pouvwa sou tè a. Bondye bay mesye ki jis yo prètriz la. Mesye yo sèvi ak prètriz la pou yo fè travay Bondye a.
Gen de prètriz nan Legliz la. Youn se Prètriz Mèlkisedèk la. Dirijan Legliz la yo gen Prètriz Mèlkisedèk la. Dirijan yo se Prezidan Legliz la ak konseye l yo, Douze Apot yo, ak Premye Kowòm Swasanndis la.
Prezidan Legliz la se pwofèt Bondye a. Li di moun kisa Jezi vle pou yo fè. Pwofèt la gen mesye k ap ede l. Yo se konseye l. Pwofèt la ak konseye l yo se Premye Prezidans Legliz la.
Gen lòt mesye nan Legliz la ki gen Prètriz Mèlkisedèk la. Yo rele gran prèt, swasanndis, ak ansyen. Gran prèt kapab patriyach, prezidan pye, manm gran konsèy, ak evèk yo.
Yo chwazi kèk mesye pou vin swasanndis.
Yo chwazi kèk lòt mesye pou vin ansyen. Ansyen yo al fè misyon.
Tout mesye ki gen Prètriz Mèlkisedèk la ka beni moun. Yo kapab bay moun Sentespri a.
Lòt prètriz la se Prètriz Aawon an. Prèt yo, enstriktè yo, ak dyak yo gen Prètriz Aawon an. Prèt yo ka batize moun. Yo beni Sentsèn. Yo ede ansyen yo.
Enstriktè yo bay koutmen nan preparasyon Sentsèn nan. Yo fè ansèyman nan fwaye. Yo ede manm Legliz la viv nan ladwati.
Dyak yo distribiye sentsèn. Yo ede evèk la. Yo ranmase ofrann jèn.
Jezi te di tout gason ki gen prètriz la ta dwe aprann kisa Bondye vle pou yo fè. Yo ta dwe travay di. Lè yo fè sa a, Papa nou ki nan Syèl la ap beni yo.