“Chapit 47: Joseph Smith Mande Prezidan an Konkou: Mas–Novanm 1839,” Istwa ki nan Doktrin ak Alyans (2002), 176–79
“Chapit 47,” Istwa ki nan Doktrin ak Alyans, 176–79
Chapit 47
Joseph Smith Mande Prezidan an Konkou
(Mas–Novanm 1839)
Joseph Smith te ekri Sen yo pandan li te nan Prizon Liberty a. Li te di yo pou yo ekri mechanste popilas yo te fè yo. Yo ta dwe voye sa yo ekri yo bay dirijan peyi a.
Joseph te di Sen yo pou yo ekri non mechan ki te fè yo mal yo. Yo ta dwe di kijan kay yo ak fèm yo te kraze.
Yon jou, kèk gad t ap mennen Joseph ak kat zanmi l yo nan yon lòt prizon. Joseph ak zanmi l yo te achte de cheval nan men gad yo. Yo te bay rad yo pou peye youn. Yo te pwomèt pou yo peye lòt cheval la pita.
Yon nuit, kat nan gad yo te sou e yo te al dòmi. Yon lòt gad te ede Joseph ak zanmi l yo sove.
Joseph ak zanmi l yo te monte cheval yo youn apre lòt. Yo te ale Quincy, Illinois. Sa te pran yo di jou pou yo rive.
Joseph ak zanmi l yo te jwenn fanmi yo. Yo te kontan poutèt yo te avèk yo ankò.
Sen yo te vle jwenn yon kote nan Illinois pou yo te bati yon vil. Yo te achte kèk tè bò Rivyè Misisipi a. Tè yo te mouye e yo te gen labou. Joseph ak Sen yo te bote al ret lòtbò a. Yo te travay di pou yo te ka seche tè a. Yo te bati kay e yo te fè jaden. Yo te bati yon bèl vil. Yo te rele li Nauvoo. Nauvoo vle di bèl kote.
Pita, Joseph Smith te al kote prezidan Etazini an. Joseph te pale prezidan an apwopo popilas Misouri yo. Li te rakonte kijan mechan yo te boule kay Sen yo epi vòlè zannimo yo.
Joseph te di yo te touye kèk nan Sen yo. Gen lòt Sen yo te mete nan prizon. Li te montre prezidan an sa Sen yo te ekri. Joseph te di dirijan Misouri yo pa t vle ede Sen yo. Li te mande prezidan an pou l ede Sen yo epi pou l pini lenmi yo.
Prezidan te di li te konnen Sen yo te soufri. Men li pa t vle fè anyen pou ede yo. Si l te ede Sen yo, moun Misouri yo tap fache.
Joseph te tris paske prezidan an pa t vle ede Sen yo. Se sèl Papa ki nan Syèl la ki tap ede yo.