“Kapitulo 59: Ang Templo sa Nauvoo Nahuman: Oktubre 1845–Septyembre 1846,” Mga Istorya sa Pagtulun-an ug mga Pakigsaad (2002), 212–14
“Kapitulo 59,” Mga Istorya sa Pagtulun-an ug mga Pakigsaad, 212–14
Kapitulo 59
Ang Templo sa Nauvoo Nahuman
(Oktubre 1845–Septyembre 1846)
Pipila sa mga Santos wala mobiya sa Nauvoo. Ang Ginoo misulti sa mga Santos sa pagtukod ug usa ka templo sa Nauvoo. Sila buot nga mosunod kaniya. Ang mga tawo nga mipabilin sa Nauvoo mitrabaho pag-ayo sa templo.
Kadaghanan sa mga Santos nangasakit. Kadaghanan kanila mga kabus. Sila nasayud nga sa dili madugay sila mobiya sa Nauvoo. Apan buot sila nga humanon usa ang templo.
Sa katapusan nahuman ra gayud ang templo. Ang mga Santos mihimo ug mga buluhaton sa templo tibuok adlaw ug tibuok gabii. Sila gihatagan sa ilang tuga. Malipayon kaayo sila nga nakabaton ug templo.
Sa katapusan ang nahibilin nga mga Santos mibiya sa Nauvoo. Gikarga nila ang tanan nilang mga butang sa ilang mga karomata. Sila mitabok sa suba sa Mississippi ngadto sa pikas nga daplin.
Sila milingi sa tabok sa suba ug nakita ang Nauvoo. Ilang nakita ang templo sa ibabaw sa bungtod. Sila nasubo sa pagbiya sa Nauvoo. Apan malipayon sila nga nahuman ang templo sa Ginoo.
Ang mga Santos namahulay sa daplin sa suba sulod sa pipila ka mga adlaw. Wala silay igong pagkaon aron kan-on. Ang Ginoo mitabang kanila. Siya mipadala ug gagmay nga mga langgam nga gitawag ug buntog. Gipamatay sa mga Santos ang mga buntog ug gipangaon kini.
Unya si Brigham Young mipadala ug pipila ka mga tawo aron sa pagtabang sa mga Santos. Ang mga tawo midala kanila sa dapit diin nagkampo ang uban nga mga Santos.