“Chapit 59: Tanp Nauvoo a Fini: Oktòb 1845–Septanm 1846,” Istwa ki nan Doktrin ak Alyans (2002), 212–14
“Chapit 59,” Chapit, 212–14
Chapit 59
Tanp Nauvoo a Fini
(Oktòb 1845–Septanm 1846)
Anpil nan Sen yo te malad. Pifò ladan yo te malere. Yo te konnen yo dwe kite Nauvoo anvan lontan. Men yo te toujou vle fini tanp lan.
Alafen, tanp lan te fini. Sen yo te fè travay tanp lajounen tankou nan nuit. Yo te resevwa dotasyon yo. Yo te kontan anpil poutèt yo te gen tanp lan.
Alafen, rès Sen yo te gen pou yo kite Nauvoo. Yo te mete tout bagay yo nan charyo yo. Yo te travèse lòtbò Rivyè Misisipi a.
Yo te gade dèyè lè yo t ap travèse rivyè a e yo te wè Nauvoo. Yo te wè tanp lan nan mòn nan. Yo te regrèt yo t ap kite Nauvoo. Men yo te kontan poutèt yo te fini tanp Senyè a.
Sen yo te ret bò rivyè a pandan kèk jou. Yo pa t gen ase manje pou yo manje. Senyè a te ede yo. Li te voye kèk ti zwazo yo rele pèdri. Sen yo te touye pèdri yo pou yo manje.
Apre sa, Brigham Young te voye kèk mesye pou ede Sen yo. Mesye yo te mennen yo kote lòt Sen yo te monte kan an.