Ko Hono Maʻu ha Tokoni Fakaeloto mo Fakaeʻatamai ʻi ha Meʻa Fakatuʻupakeé

ʻOku tokoni ʻa e Ngaahi Tokoni ki he Fāmilí ki he kau taki ʻo e Siasí ʻi hono tokangaʻi ʻo e niʻihi fakafoʻituitui ʻoku faingataʻaʻia fakasōsiale mo fakaelotó ʻaki hono foaki ha ngaahi maʻuʻanga tokoni ʻoku fenāpasi mo e ngaahi tefitoʻi moʻoni ʻo e ongoongoleleí.

ʻE lava ke fai ʻe he Ngaahi Tokoni ki he Fāmilí ha tokoni fakasōsiale, fakaeloto, mo fakaeʻatamai ʻi ha hili ha fakatamaki pe palopalema. ʻI he taimi ʻoku tau foua ai ʻa e ngaahi faingataʻa ʻoku ʻikai ke tau lava ʻo mapuleʻí, ʻoku tau takitaha tali ia ʻi ha ngaahi founga kehekehe. Ko e taimi ʻe niʻihi ʻoku tau fāifeinga pē, pea ʻoku sai pē ia. Ko e taimi ʻe niʻihi, ʻoku tau tali ia ʻaki ʻa e ivi matuʻuakí ʻi hano fakaʻaongaʻi hotau iví mo ʻetau ngaahi maʻuʻanga tokoní. ʻOku ʻikai ko ha meʻa foʻou ke tau tali ʻaki hano tuifio ʻa e ngaahi fāifeingá mo e ngaahi iví.

ʻE lava ke ʻoatu ʻa e ngaahi tokoni ki hono tokangaʻi ʻo e tali ki he meʻa fakatuʻupakeé ʻi he ʻi ai tonu pe ʻi he ʻinitanetí. ʻI ha meʻa fakatuʻupakē, ʻoku tokanga taha ʻa e Ngaahi Tokoni ki he Fāmilí ki hono fakahoko ʻo e ʻuluaki tokoni fakaeʻatamaí. ʻOku kau heni hono ʻomi ha ʻamanaki lelei mo ha ngaahi maʻuʻanga tokoni. ʻOku ʻikai fiemaʻu ha ngāue fakapepa ki he ngaahi tokoni ko ʻení.

Ko e ngaahi tokoni kehé ʻoku kau ai ʻa e:

• Ngaahi Tokoni Faifaleʻi ki he Kau Taki ʻo e Siasí

• Ngaahi Maʻuʻanga Tokoni ki he Tokoniʻi Kitá

• Mateuteu ki ha meʻa fakatuʻupakē ʻe hoko fakaeloto mo fakaeʻatamai

• Ngaahi sivisiviʻi ʻo e ngaahi fiemaʻu fakaelotó

• Tokoni ki hono tokangaekina fakaeloto ʻi ha meʻa fakatuʻupakē ki he niʻihi fakafoʻituituí, ngaahi fāmilí mo e ngaahi kulupú

• Ngaahi fehokotaki ki he ngaahi maʻuʻanga tokoni lahi angé

Ki ha tokoni ki he ngaahi fiemaʻu ki he moʻui lelei fakaelotó pe fakaeʻatamaí, te ke lava ʻo maʻu ha ngaahi maʻuʻanga tokoni lahi ange ki he moʻui lelei fakaeʻatamaí ʻi he konga ki he Tokoni ʻo e Moʻuí ʻi he uepisaiti ʻa e Siasí. ʻE lava foki ke ke fetuʻutaki ki hoʻo pīsopé ke maʻu ha fetuʻutaki ke fakataha mo ha tokotaha faifaleʻi (ʻi he feituʻu ʻoku maʻu aí) mei he Ngaahi Tokoni ki he Fāmilí .