O Lo’u Faavae: Foia o Faafitauli—Taimi Aofai: 20 Minute

Lipoti:

Faasoa puupuu ma le vaega se galuega faigata sa mafai ona e faamaeaina i le vaiaso ua tuanai.

Mafaufau loloto:

Aisea e faataga ai e le Tama Faalelagi i tatou ia oo i faafitauli ma luitau?

Maimoa:

“A Bigger Truck?” maua i le https://churchofjesuschrist.org/study/video/self-reliance-videos. (E lē maua le vitiō? Faitau le tusiga mo le “A Bigger Truck?”)

Se Loli e Tele Atu?

Afai e lē mafai ona e matamata i le vitiō, faitau le tusiga lenei.

Peresitene Dallin H. Oaks:

E toalua ni alii sa faia se la pisinisi faapaaga. Sa la fauina se tamai fale i tafatafa o se auala pisi. Sa la maua se loli ma malaga atu ai i le faatoaga a se faifaatoaga, ma sa la faatauina mai ai se uta o meleni e ta’i tālā i le meleni. Sa la aveina le loli ma le uta meleni i lo la tamai fale i tafatafa o le auala, ma sa la faatauina atu i le tālā i le meleni.

Sa la malaga atu i le faifaatoaga meleni ma toe faatau mai ai foi se isi uta meleni e tālā i le meleni. Ina ua taunuu i le tamai fale i tafatafa o le auala, sa la toe faatauina atu foi i le tālā i le meleni. Ina ua toe malaga atu i le faifaatoaga meleni e toe faatau mai se isi uta, sa fai atu le tasi o le paaga i le isi, “E lē o tele se tupe o ta mauaina i lenei pisinisi, a ea?” “E leai,” o le tali lea a lana paaga. “Faamata e lē tatau ona aumai se loli e telē atu?”

(“Ia Tulimatai Atu ma Mea e Faamuamua,” Ensign, Me 2001, 82)

Talanoa:

O le a le faafitauli moni o loo i ai i lenei tala? O a nisi o filifiliga mo alii e toalua?

Faitau:

O le fuaitau lenei o le mau ma le saunoaga a Elder Hales:

“Faauta, e te le’i malamalama; fa te oe ou te tuuina atu ia te oe, i le na o lou ole mai ae te le’i mafaufau i ai.

“Ae peitai, faauta, ou te fai atu ia te oe, e ao ina e filifili mae’a ai i lou mafaufau; ona e ole mai lea ia te a’u po ua sa’o, afai ua sa’o ou te faia ia mu lou loto i totonu ia te oe; o lea la, o le a e lagona ai ua tonu.

“Ae peitai afai e le sa’o o le a e le maua lena faalogoga, a o le a e maua le pogisa i le mafaufau e te faagaloina ai mafaufauga e sese” (Mataupu Faavae ma Feagaiga 9:7–9).

“E finagalo le Alii ia i tatou ia tatou fesoasoani e foia o tatou lava faafitauli. … O i tatou o ni tagata e mafaufau ma finafinau. Ua ia i tatou le tomai e faailoa ai o tatou manaoga, e fuafua ai, e faatutu ai ni sini, ma foia ai a tatou faafitauli” (Robert D. Hales, “Every Good Gift,” New Era, Aug. 1983, 8, 9).

Gaoioiga

Laasaga 1: Filifili se paga ma faitau laasaga o loo i lalo.

Laasaga 2: Filifili se faafitauli o loo feagai ma oe ma tusi i le pito i lalo.

Laasaga 3: Faaaoga laasaga taitasi i lou faafitauli.

Faitau:

Fuaitau o mau nei.

“Ma o lenei, afai ua i ai i le Alii se mana tele faapea, ma e tele vavega ua faia e ia i totonu o le fanauga a tagata, e faapefea la ona lē mafai ona ia aʼoaʼoina o aʼu, ia ʼou fausia se vaa?” (1 Nifae 17:51).

“O lenei, o aʼu o Nifae, sa ou lē taina laau i le ala sa aʼoaʼoina e tagata, pe sa ou fauina le vaa i ala a tagata; ae sa ou fauina i le ala na faaali mai e le Alii ia te aʼu; o le mea lea, sa lei tusa ai ma le ala a tagata.

“Ma o a’u, o Nifae, sa ou alu soo i le mauga, ma sa ou tatalo soo atu i le Alii; o le mea lea na faaali mai ai e le Alii ia te a’u mea tetele” (1 Nifae 18:2–3).

Talanoa:

Na faapefea ona mafai e Nifae ona fausia se vaa?

Tautino:

O le a ou faatinoina laasaga sa tatou talanoaina i le gaoioiga e galue ai i lou faafitauli. (Manatua, aua le fiu! E alu ai le taimi e foia ai faafitauli ma faia ni suiga.