Personal Study Tracker

Tusleb’aal re xtz’ilb’al rix laa tzolb’al

Tz’iib’a k’a’ut naq nakawaj xtzolb’al li Ingles.

Ajom: Laa’in nawaj xtzolb’al li Ingles xb’aan naq:

Naru nakanimob’resi laa seeb’al chi tzolok wi taatz’il rix lix yalb’al aaq’e ut wi taak’eheb’ laa meta re chaab’ilo’k. Oksi li “Tusleb’aal re xtz’ilb’al rix laa tzolb’al” re xk’eeb’al reetal li yookat chixb’aanunkil. Chirix li junjunq chi tzolok, k’e jun ch’ina meta. Ninq’ehi li ak xab’aanu; chixjunil li nakab’aanu yoo chanach’ob’resinkil rik’in laa meta.

B’ayaq xinyal inq’e

B’ayaq chik xinyal inq’e

Mas xinyal inq’e

“Tusleb’aal re xtz’ilb’al rix laa tzolb’al” re risinkil chiru hu

Example

Eeetalil

Lesson Tzolok	Study the Principle of Learning Xtzolb’al li na’leb’ re tzolok	Memorize Vocabulary Xtzolb’al sa’ aach’ool eb’ li aatin	Practice the Patterns Xyalb’al roksinkileb’ li eetalil	Practice Daily Xyalb’al roksinkil li Ingles wulaj wulaj	My Goal Lin meta
Lesson Tzolok 1	Study the Principle of Learning Xtzolb’al li na’leb’ re tzolok	Memorize Vocabulary Xtzolb’al sa’ aach’ool eb’ li aatin	Practice the Patterns Xyalb’al roksinkileb’ li eetalil	Practice Daily Xyalb’al roksinkil li Ingles wulaj wulaj	My Goal Lin meta Il li xtikib’ankil. B’aanu li raqal “Tzolok sa’ junesal” re tzolok 2.
Lesson Tzolok 2	Study the Principle of Learning Xtzolb’al li na’leb’ re tzolok	Memorize Vocabulary Xtzolb’al sa’ aach’ool eb’ li aatin	Practice the Patterns Xyalb’al roksinkileb’ li eetalil	Practice Daily Xyalb’al roksinkil li Ingles wulaj wulaj	My Goal Lin meta Tzol li na’leb’ re tzolok rub’elaj xb’aanunkil li tzolok
Lesson Tzolok 3	Study the Principle of Learning Xtzolb’al li na’leb’ re tzolok	Memorize Vocabulary Xtzolb’al sa’ aach’ool eb’ li aatin	Practice the Patterns Xyalb’al roksinkileb’ li eetalil	Practice Daily Xyalb’al roksinkil li Ingles wulaj wulaj	My Goal Lin meta Naq tintijoq, tinwoksiheb’ li ak’ aatin sa’ Ingles.

Study Suggestions

Li naru nab’aanuman re tzolok

K’oxla roksinkileb’ li na’leb’ a’in re xchaab’ilob’resinkil laa tzolb’al.

Study the Principle of Learning

Xtzolb’al li na’leb’ re tzolok

1. Tijon. Tikib’ ut raq laa tzolb’al rik’in jun tij. Patz’ re li Dios naq tatxtenq’a chixtawb’al ru ut chiroksinkil li na’leb’.

2. Ab’i li Musiq’ej. K’e reetal li nakak’oxla ut nakaweek’a, us ta maare jalan wi’ rik’in li aatin li yookat chirilb’al. Tz’iib’a li k’a’ru nakak’oxla ut nakaweek’a B’aanu li nakatxb’oq li Musiq’ej chixb’aanunkil.

3. Tz’iib’aheb’ li aatin ut ch’ol aatin li neke’xwaklesi aach’ool. Maare taak’e reetal naq wankeb’ li aatin ut ch’ol aatin li tz’aqal te’k’anjelaq sa’ laa yu’am ut tate’xmusiq’a ut te’xwaklesi aach’ool. Tz’iib’aheb’ sa’ jun na’ajej taawileb’. K’eheb’ chiru laa lem malaj sa’ laa celular.

4. Oksi li na’leb’ re tzolok. K’e reetal chan ru naru nakawoksi li na’leb’ re tzolok, eb’ li aatin, ut eb’ li loq’laj hu sa’ laa yu’am. Tz’iib’a li nakak’oxla naq yooqat chiroksinkil li na’leb’ re tzolok.

5. Il xkomon chik. Ileb’ li loq’laj hu malaj aatin re li jolomil ch’utub’aj-ib’ li neke’xk’am rib’ rik’in li na’leb’ re tzolok.

6. Tzoleb’ li ak’ aatin. Sik’ ru junjunq reheb’ li aatin re li na’leb’ re tzolok li taawaj xtzolb’al sa’ Ingles. Sik’ li naraj naxye li junjunq chi aatin. Aatinan rik’ineb’ laa wech aj tzolonel chirix k’a’ru naraj neke’xye li aatin ut ch’ol aatin choq’ reheb’ a’an.

Memorize Vocabulary

Xtzolb’al sa’ aach’ool eb’ li aatin

1. Tzol chi us k’a’ru naraj naxye ut chan ru nayaab’asiman li junjunq chi aatin. Yal xyaab’asinkil li aatin ut k’oxla k’a’ru naraj naxye. Tzol lix yaab’ li junjunq chi aatin ut yal xyaab’asinkil toj reetal naq nakatru chi chaab’il. Maakanab’ xb’aanunkil toj reetal naq naru nakaye li aatin chi kaw aach’ool ut ak nakanaw k’a’ru naraj naxye.

2. Oksiheb’ li kok’ hu re tzolok. Oksiheb’ li kok’ hu (malaj jun aplicacion) re tzolok. Tz’iib’a li aatin chiru jun pak’al, ut sa’ li jun pak’al chik tz’iib’a li naraj naxye, lix jaltesinkil ru, malaj xjalam-uuch. Li k’iilasutink tz’aqal chaab’il re xtzolb’aleb’ sa’ aach’ool li aatin.

3. Yal roksinkileb’ li aatin sa’eb’ li ch’ol aatin. Yal xyeeb’al li aatin yookat chixtzolb’al sa’ jun ch’ol aatin. Naru nakawoksiheb’ li reetalileb’ li ch’ol aatin re roksinkileb’ li aatin yookat chixtzolb’al.

4. Oksi li aatin. K’oxlaheb’ hoonal b’ar wi’ taawoksi raj li aatin sa’ laa yu’am wulaj wulaj. Yal roksinkil li aatin sa’ li hoonal toj reetal naq sa sa roksinkil. Naq nakatxik sa’ laa trab’aaj, li eskweel, li k’ayib’aal, malaj jalan chik na’ajej, oksiheb’ li aatin sa’ laa k’a’uxl re xch’olob’ankil li k’a’ru nakawil.

5. K’e reetaleb’ li aatin. K’e reetaleb’ li ak’ aatin chiru li kutan. Naru nakatzoleb’ sa’ kaxmu, hu, podcast, malaj son. Tz’iib’aheb’ li ak’ aatin.

6. Tzol xkomon chik. Oksi jun tusleb’aal aatin re xtzolb’al xkomoneb’ chik li aatin. Tzol li naraj naxye, chan ru na’oksiman, xraqalil li aatin, chan ru nayaab’asiman, ut eb’ li ch’ol aatin wan wi’.

7. Tz’il rix wi’chik. K’e aahoonal chi kok’ aj xsa’ re xtz’ilb’aleb’ wi’chik rixeb’ li aatin ak xatzol. A’in tatxtenq’a chixk’eeb’al reetal jo’ k’ihal ak xatzol ut tixk’e chi naqk sa’ laa ch’ool.

Practice the Patterns

Xyalb’al roksinkileb’ li eetalil

1. K’e reetal li naraj naxye li aatin ut chan ru xyeeb’al chi chaab’il. Yal xyaab’asinkil jun ch’ol aatin re li eetalil k’iila sut, ut k’oxla k’a’ru naraj naxye li ch’ol aatin. B’aanu a’an toj reetal naq naru nakaye li ch’ol aatin chi chaab’il, chi kaw aach’ool, ut chi nakanaw k’a’ru naraj naxye.

2. Chap lix yaab’ aakux. Chapeb’ lix yaab’ aakux naq nakayeheb’ li patz’om ut sumehom sa’ laa celular. Ab’i li k’a’ru chapb’il ut k’e reetal ma us yookat chixyeeb’al.

3. Tzolon rik’in jun laa wochb’een. Yal roksinkil li eetalil re patz’ok ut re sumenk aawochb’een jun laa wamiiw. Naru nekeb’aanu sa’ kristiaanil malaj sa’ li celular. Yal roksinkil li eetalil naq yookat chixtz’iib’ankil jun esil choq’ re jun laa wamiiw.

4. K’oxlaheb’ ut aatinan chirixeb’ li eetalil. K’a’ru nakak’e reetal chirix chan ru nak’anjelak li Ingles? Chan ru naq juntaq’eet li Ingles rik’in laa waatinob’aal? Chan ru naq jalan li Ingles rik’in laa waatinob’aal? Chan raj ru taaruuq taawoksi li eetalil re jun tzolok sa’ jalan chik li hoonal?

5. Oksi jalaneb’ chik li k’anjeleb’aal. Eb’ li hu re gramatica, li aplicacion, li perel web, ut jalaneb’ chik laj tzolonel naru nakate’xtenq’a chixtzolb’al xkomon chik li na’leb’ chirix li gramatica re Ingles.

6. K’e reetaleb’ li eetalil. K’e reetaleb’ li eetalil yookat chixtzolb’al naq nakawil malaj nakawab’i li Ingles.

Practice Daily

Xyalb’al roksinkil li Ingles wulaj wulaj

1. Xaqab’ jo’q’e tattzoloq. Xaqab’ jo’q’e ut b’ar tattzoloq wulaj wulaj, ut b’aanu a’an. Re naq taajultiko’q aawe, tz’iib’a laa meta jo’ jun ch’ol aatin natikla rik’in “naq.” Qayehaq, “Naq laa’in , laa’in .” Wahe’keb’ junjunq li eetalil: “Naq laa’in wankin sa’ li camioneet, laa’in nintz’il wi’chik rixeb’ li aatin.”; “Naq laa’in nink’uub’ li wa, laa’in ninye li yookin chixb’aanunkil sa’ Ingles.”; ut “Naq laa’in nintijok, laa’in ninye li jo’ k’ihal naru chiwu sa’ Ingles.”

2. B’aanuheb’ li kok’ k’anjel re wulaj wulaj sa’ Ingles. K’e reetal chan ru naru nakawoksi li Ingles sa’ xna’aj laa waatinob’aal sa’eb’ li kok’ k’anjel nakab’aanu wulaj wulaj. Qayehaq, naq yookat chirab’inkil li son, ab’i sa’ Ingles. Xkomoneb’ chik li na’leb’: ileb’ li kaxmu sa’ Ingles malaj rik’ineb’ li subtitulo sa’ Ingles, jal li raatinob’aal laa celular toj sa’ Ingles, ut ileb’ li loq’laj hu sa’ Ingles.

3. Ileb’ li aatin. Il li jo’ k’ihal naru chawu sa’ Ingles. Ileb’ li loq’laj hu, li aatin re li jolomil ch’utub’aj-ib’, li perel hu, li blog, li noticias, ut xkomon chik sa’ Ingles.

4. Ab’ink. Ab’i li jo’ k’ihal naru chawu. Ab’iheb’ li podcast, li loq’laj hu, li yeeb’il aatin, li video, malaj li kaxmu.

5. Aatinan. Taweb’ laa wamiiw, laa komon, malaj laa wech aj trab’aaj ut yal aatinak rik’ineb’. Wotz li k’a’ru yookat chixtzolb’al ut chixb’aanunkil re roksinkil li Ingles. Taqlaheb’ li chapb’il esil re jun ch’uut chi kristiaan sa’ laa celular.

6. Tz’iib’an. K’e aahoonal chi tz’iib’ak sa’ Ingles. Tikib’ a’an rik’in tz’iib’ak sa’ jun diario wulaj wulaj malaj re jun ch’uut chi kristiaan sa’ laa celular. Okisheb’ li ch’ol aatin ut aatin li yookat chixtzolb’al.

7. B’aanuheb’ li kok’ k’anjel wankeb’ sa’ li tzolok. B’aanuheb’ li kok’ k’anjel ut tz’ilok-ix sa’ internet sa’ englishconnect.org malaj sa’ li Hu re tzolok re EnglishConnect.