Lesson 1

Introductory Lesson

Sahil k’ulunik choq’ aawe sa’ EnglishConnect! Jwal sa qach’ool naq wankat arin. Laa’o jun ch’uut chi kristiaan li naqasik’ xchaab’ilob’resinkil li qayu’am rik’in xtzolb’al li Ingles. Maare jalan jalanqo, jalan jalanqeb’ li qaatinob’aal, ut jalan jalanq li qaseeb’al rik’in li Ingles, a’b’an sa’ komonil tooruuq chixtz’aqob’resinkileb’ ru li qameta.

Jalan li k’anjeleb’aal EnglishConnect rik’in lix k’ihaleb’ li k’anjeleb’aal re xtzolb’al li Ingles. Xk’uub’aman EnglishConnect re aatenq’ankil chixnimob’resinkil laa seeb’al rik’in li Ingles rik’in paab’aal, wank sa’ komonil, ut k’iik. A’in naraj naxye naq moko aajunes ta tatwanq. Chixjunileb’ li kristiaan sa’ laa ch’uut re EnglishConnect te’xtenq’a rib’ ut te’xwaklesi xch’ooleb’ chirib’ileb’ rib’. A’in naraj ajwi’ naxye naq taawoksiheb’ li musiq’ejil na’leb’ re tzolok naq yooqat chi tzolok.

Sa’ li tzolok a’in, taqaye aawe k’a’ru taab’aanu sa’ li junjunq chi tzolok sa’ li tzolok sa’ junesal ut sa’ li aatinak jo’ ch’uut.

Qatikib’aq!

Conversation Group

Li ajom: Laa’in nawaj xtzolb’al chan ru xyeeb’al anihin ut aniheb’ a’an.

Discuss the Principle of Learning: You Are a Child of God

(10–20 minutes)

Li junjunq chi tzolok sa’ li hu a’in natikla rik’in jun na’leb’ re tzolok. A’aneb’ a’in musiq’ejil na’leb’ li nakate’xtenq’a chixchaab’ilob’resinkil laa tzolb’al rik’in tzolok ut paab’aal. Sa’ li junjunq chi tzolok, laa’o:

• Taqayaab’asi li na’leb’ re tzolok.

• Too’aatinaq chirixeb’ li patz’om.

Laa’at jun ralal li Dios

Ma nakanaw naq jun reheb’ li na’leb’ jwal aajel ru naru nakab’aanu re xtz’aqob’resinkil ru jun meta, a’an xk’eeb’al reetal li nakak’oxla chawix laa’at? Li nakak’oxla chirix laa wankilal jwal tixjal li taab’aanu ut li taatzol. Maare nawiib’an aach’ool chirix laa wankilal xb’aan li xatsachk wi’ junxil. A’ut li chaab’il esilal, a’an naq naru nakajal laa k’oxlahom! Naq naqajal li nakak’oxla chawix, naru nakajal li taak’ul. Li wankil re xjalb’al laa k’oxlahom chawix nachal rik’in xtawb’al ru anihat tz’aqal.

Laa’at jun ralal li Dios. A’an nakatxra. Jo’ ralal a’an, wan laa junelikil wankilal ut ajom. Wan aawankilal chi tzolok ut chi jalaak. Wan aawankilal chi k’iik ut chi chaab’ilo’k. Li Dios naraj naq tatxik chi uub’ej. A’an naraj k’anjelak aawik’in re aatenq’ankil chixtawb’al laa wankilal. Li sumk’anjelak rik’in li Dios re xtzolb’al li Ingles tatxtenq’a chixnawb’al chik ru. A’an tatxtenq’a ajwi’ chixnawb’al chik aawib’.

Naru nakattijok chiru li Dios. A’an tatrab’i. Naru nakapatz’ re naq tatxtenq’a chixtzolb’al li Ingles. Naru nakab’antioxi re chixjunil laa wosob’tesinkil. Naq nakattijok, k’e reetal li nakak’oxla ut li nakaweek’a. Naru taanaw naq wan aran li Dios, naq nakatxra, ut naq naraj aatenq’ankil. Naru taasik’ ru xpaab’ankil naq laa’at jun ralal li Dios rik’in junelikil wankilal, ut naru taasik’ lix tenq’ a’an re xtzolb’al li Ingles.

Ponder

• Chan ru naq xnawb’al naq laa’at jun ralal li Dios naxjal li nakak’oxla chawix?

• Chan ru naq xnawb’al naq laa’at jun ralal li Dios naru nakatxtenq’a chixtzolb’al li Ingles?

Activity 1: Practice the Pattern

(10–15 minutes)

Part 1: Tz’ileb’ rix li aatin rik’in jun laa wochb’een.

Naq nakatzoleb’ li aatin, k’e reetal li naraj naxye ut chan ru nayaab’asiman li junjunq chi aatin.

I/my	laa’in/lin
you/your	laa’at/laa
he/his	a’an/lix
she/her	a’an/lix

no	ink’a’
yes	hehe’

name	k’ab’a’ej
please	b’aanu usilal
thank you/thanks	b’antiox aawe/b’antiox

What is … ?	K’a’ru … ?
Nice to meet you.	Chan xawil.

Part 2: Yal roksinkil li eetalil 1 rik’in jun laa wochb’een.

Yal roksinkileb’ li eetalil rik’in jun laa wochb’een. Laa meta, a’an li patz’ok ut sumenk chi kaw aach’ool ut chi nakataw ru li yoo chi yeemank.

Yal patz’ok.

K’oxlaheb’ jo’ k’ihal li patz’om naru chawu.

Example 1

What is your name?

Example 2

What’s his name?

Yal sumenk.

K’oxlaheb’ jo’ k’ihal li sumehom naru chawu. Naru nakak’e jalan chik li aatin nakawaj sa’ xna’ajeb’ li aatin li wankeb’ xjuch’ chirub’eleb’.

Example 1

My name is Rosa.

Example 2

His name is Niko.

Yal aatinak rik’in roksinkileb’ li eetalil a’in.

Patz’on ut sumen rik’in roksinkileb’ li eetalil a’in.

Questions

Answers

Example

• A: Hi! What is your name?

• B: Hello! My name is .

• A: Nice to meet you.

• B: What’s your name?

• A: My name is .

• B: Nice to meet you.

• A: What’s her name?

• B: Her name is Rosa.

Activity 2: Create Your Own Sentences

(5–10 minutes)

Li rajb’al li k’anjel a’in, a’an naq taawoksiheb’ li eetalil ut li aatin re xk’oxlankileb’ aajunes laa ch’ol aatin.

Ileb’ li jalam-uuch. Patz’on ut sumeheb’ li patz’om chirix lix k’ab’a’ li junjunq chi kristiaan K’ehomaq eehoonal cherib’il eerib’ re xb’aanunkil.

Example: Talia

• A: What’s her name?

• B: Her name is Talia.

Laj Marco

Li xNat

Li xMari

Laj Jean

Laj Sam

Activity 3: Create Your Own Conversations

(10–15 minutes)

Li rajb’al li k’anjel a’in, a’an li aatinak sa’ Ingles.

Part 1

Ch’utub’ aawib’ rik’in laa ch’uut. Patz’ ani xk’ab’a’ li junjunq chi komon sa’ laa ch’uut. K’anjela laa seeb’al. Oksi jo’ k’ihaleb’ li aatin naru chawu.

Example

• A: Hi, what’s your name?

• B: My name is Mei. What is your name?

• A: My name is Sione. Nice to meet you.

• B: Nice to meet you. Goodbye.

• A: Bye!

Part 2

Taw jun laa wochb’een ut ye re laa ch’uut b’ayaq li na’leb’ chirix a’an.

Example

• A: Hi, what’s her name?

• B: Her name is Luna. What is his name?

• A: His name is Seth.

Evaluate

(5–10 minutes)

Laa’at jun ralal li Dios ut maak’a’ roso’jik laa wankilal chi tzolok ut chi k’iik. Naru nakanaw chan ru naru tatchaab’ilo’q wi taatz’il rix rik’in tijok li ak xab’aanu. Chirix li junjunq chi tzolok, tz’il rix li ak xab’aanu re xtz’aqob’resinkil ru li junjunq chi ajom. Chirix a’an, tz’il rix lix yalb’al aaq’e rik’in li “Tusleb’aal re xtz’ilb’al rix laa tzolb’al,” ut taasik’ jun na’leb’ tatchaab’ilo’q wi’ rub’elaj li tzolok chalk re.

Tz’il rix li ak xab’aanu re xtz’aqob’resinkileb’ ru li ajom ut lix yalb’al aaq’e chiroksinkil li Ingles wulaj wulaj.

Evaluate Your Progress

I can:

• Say my name and others’ names.

  Xyeeb’al ink’ab’a’ ut jalaneb’ chik li k’ab’a’ej

  

• Say hello and goodbye.

  Xyeeb’al ma sa laa ch’ool ut chawil aawib’.

  

• Understand how EnglishConnect can help me learn English.

  Xk’eeb’al reetal chan ru naq EnglishConnect naru tinixtenq’a chixtzolb’al li Ingles.

  

Evaluate Your Efforts

Tz’il rix lix yalab’al aaq’e sa’:

1. Xtzolb’al li na’leb’ re tzolok.

2. Xtzolb’al sa’ aach’ool eb’ li aatin.

3. Xyalb’al roksinkileb’ li eetalil.

4. Roksinkil li Ingles wulaj wulaj.

K’e jun li meta. K’oxla roksinkileb’ li na’leb’ sa’ Li naru nab’aanuman re tzolok li wankeb’ sa’ li “Tusleb’aal re xtz’ilb’al rix laa tzolb’al.”

Wotz laa meta rik’in jun laa wochb’een.

Li kawresink-ib’ choq’ re li tzolok chal re

(5 minutes)

Li Dios junelik wan qik’in re qatenq’ankil. A’an naraj ajwi’ naq taqab’aanu li jo’ k’ihal naru chiqu. Tat-usaaq xb’aan chixjunil li nakab’aanu re xkawresinkil aawib’ re tzolok. Wahe’keb’ oxib’ li na’leb’ naru nakab’aanu rub’elaj naq tattz’aqonq sa’ laa ch’uut re aatinak:

• Xtzolb’al li na’leb’ re tzolok.

• Xtzolb’al sa’ aach’ool eb’ li aatin.

• Xyalb’al roksinkileb’ li eetalil.

Naru nakataweb’ li oxib’ chi na’leb’ a’in sa’ li raqal “Tzolok sa’ junesal” li wan sa’ xtiklajik li junjunq chi tzolok. Chijultiko’q aawe li tzolok ut li roksinkil li Ingles wulaj wulaj.

Act in Faith to Practice English Daily

Sa’ xraqik li junjunq chi tzolok, wan jun raqal k’ab’a’inb’il “K’anjela laa paab’aal re roksinkil li Ingles wulaj wulaj.” K’e ahoonal chirilb’al li ch’ol aatin a’in chi kaw xyaab’ aakux rik’in laa ch’uut.

“Chiqajunqal wan choxahil wankilal qik’in, xb’aan naq chiqajunqal ralal xk’ajolo li Dios. Li junjunq juntaq’eet sa’ rilob’aal a’an. Kʼaʼjoʼ xnimal ru li naʼlebʼ aʼan” (Russell M. Nelson, “Chinumtaaq li Dios,” Jolomil chʼutubʼaj-ibʼ re octubre 2020).