Ia Saunia Mea Tatau Uma
O Mea Tautupe a le Aiga
Savali mai le Au Peresitene Sili
Uso e ma Tuafafine Pele:
Ua tele tausaga o fautuaina le Au Paia o Aso e Gata Ai ina ia saunia mo faigata e ala lea i le faataatia ese o sina tupe tiiti. O le faia o lena mea e matuai tele se faaopoooga i le saogalemu ma le soifua sololelei. Ua i ai i aiga taitasi se matafaioi e saunia ai mea e manaomia mo latou lava i le mea e gata mai ai le mafai.
Matou te fautuaina outou pe o fea lava o outou nonofo ai i le lalolagi ina ia saunia mo faigata e ala lea i le tagatagai i le tulaga o a outou mea tau tupe. Matou te uunaia outou ina ia faautauta i a outou tupe faaalu; ia pulea lelei outou lava i a outou faatauga ina ia aloese mai i le aitalafu. Ia vave ona totogi uma aitalafu i le mea tou te mafaia, ma faasaoloto mai outou lava mai lenei pologa. Teu sina tupe e le aunoa, e faifai malie ai lava ona fausia se tupe faaleoleo mo le lumanai.
Afai ua totogi au aitalafu ma ua i ai se tupe faaleoleo mo le lumanai, e tusa lava pe laitiiti, o le a lagona e oe ma lou aiga le faateleina o le saogalemu ma ‘ae’ae ai i le filemu sili i o outou loto.
Ia faamanuia outou e le Alii ia outou taumafaiga faaleaiga mo mea tautupe.
O Le Au Peresitene Sili
O Faavae o Tupe a le Aiga
Totogi Sefuluai ma Taulaga
O le faamanuiaina o mea tau tupe a le aiga e amata i le totogiina o se sefuluai faamaoni ma le foaiina atu o se taulaga anapogi matamau. Ua folafola mai e le Alii e toina mai pupuni o le lagi ma sasaa mai faamanuiaga e tele i luga o i latou o e totogi ma le faamaoni sefuluai ma taulaga (tagai Malaki 3:10).
Aloese mai le Aitalafu
O le laitiiti o tupe e faaaluina nai lo au tupe e maua e taua lea mo lou saogalemu i mea tautupe. Aloese mai le aitalafu, sei vagana ai le faatauina o se fale talafeagai po o le totogiina foi o a’oga po o isi tulaga taua e manaomia. Teu tupe e faatau ai mea e te manaomia. Afai o e nofo aitalafu, ia vave ona totogi uma.
Faaaoga se Paketi
Tausi se faamaumauga o au tupe faaalu. Tusi ma iloilo tupe maua ma tupe faaalu i masina taitasi. Fuafua pe faapefea ona faaitiitia tupe e te faaaluina i mea e le taua.
Faaaoga le faamatalaga lenei e faavae ai se paketi faaleaiga. Fuafua pe o le a le tupe o le a e tuuina atu o ni foai i le Ekalesia, pe fia o le a e teuina, ae pe fia foi o le a faaalu i meaai, fale, eletise, femalagaaiga, lavalava, inisiua, ma isi mea. Ia pulea lelei oe lava ina ia ola e tusa ai ma le fuafuaga o le paketi. (Tagai i le Pepa o Galuega mo le Paketi o loo i le itulau pito i tua.)
Faaputu se Tupe Faaleoleo mo le Lumanai
Ia faasolosolo malie lava ona faaputuina se tupe faaleoleo mo le lumanai, ma ia tau lava o faalavelave faafuasei e faaaoga ai. Afai e te teuina soo sina tupe itiiti, o le a e ofo i le aofaiga na faaputuputu pe a mavae se taimi umi.
Aoao Tagata o le Aiga
Aoao atu i tagata o le aiga mataupu faavae o le puleaina o tupe. Ia faaaofia ai i latou i le amataina o se paketi ma faatutu ni sini tau tupe a le aiga. Aoao atu i ai mataupu faavae o le galue malosi, faasoasoa tatau, ma le teu faaputuputu. Ia faamamafa atu i ai le taua o le mauaina o le aoaoga i le tele e mafai ai.
Pepa o galuega o le paketi
Paketi mo le (masina/tausaga):
|
Tupe maua |
Fuafuaina |
Tupe moni lava na maua |
|
Totogi (ina ua aveese lafoga) | ||
|
Isi tupe maua | ||
|
Aofaiga o tupe maua |
|
Tupe faaalu |
Fuafuaina |
Tupe moni lava na faaalu |
|
Sefuluai ma taulaga | ||
|
Tupe teu | ||
|
Meaai | ||
|
Mokesi po o le lisi | ||
|
Eletise | ||
|
Femalagaaiga | ||
|
Totogi o aitalafu | ||
|
Inisiua | ||
|
Togafitiga Faafomai | ||
|
Lavalava | ||
|
Tupe faaalu i aoga | ||
|
Isi | ||
|
Aofaiga o tupe faaalu | ||
|
Tupe maua toese ai tupe faaalu |
-
Paketi mo se vaitaimi patino (e pei o le tai vaiaso, tai lua vaiaso, tai masina).
-
Iloilo lau paketi e le aunoa.
Asiasi ane i le www.providentliving.org mo nisi faamatalaga e uiga i tupe a le aiga.