Երիտասարդներին զորացնելու համար․ նոր ամսագիր երիտասարդների համար

Ինչպես ուրախություն գտնել Քրիստոսում

պարմանուհին խոսում է հեռախոսով

Երիտասարդների համաշխարհային ամսագիր հատուկ ձեզ համար

Երիտասարդներին զորացնելու համար ամսագիրը նախատեսված է միայն երիտասարդների համար։ Յուրաքանչյուր համարում ներառված են առաքյալների և Եկեղեցու մյուս ղեկավարների հոգևորապես վեհացնող ուղերձները, աշխարհի տարբեր ծայրերում ապրող երիտասարդների վկայություններն ու փորձառությունները, զվարճալի միջոցառումներ և այլն։ Յուրաքանչյուր էջում դուք կարող եք գտնել ոգեշնչում և ուժ, որը կարող է օգնել ձեզ ուրախություն գտնել՝ որպես Հիսուս Քրիստոսի աշակերտ։

Աջակցություն Եկ, հետևիր ինձ ձեռնարկի համար

Երիտասարդներին զորացնելու համար ձեռնարկի շատ հոդվածներ և վարժություններ աջակցում են ձեզ, մինչ ուսումնասիրում եք սուրբ գրությունները, որոնք տրված են Եկ, հետևիր ինձ ձեռնարկում ամեն ամիս։ Սա կարող է օգնել բարելավել սուրբ գրությունների ձեր անձնական և ընտանեկան ուսումնասիրությունը և կապել ձեզ աշխարհի երիտասարդների հետ, քանի որ նրանք ուսումնասիրում են նույն սուրբ գրությունները։ Անկախ ձեր բնակավայրից, այս հոդվածները կոգեշնչեն և կօգնեն ձեզ, մինչ դուք կձգտեք ապրել համաձայն ամեն օր սուրբ գրություններից ձեր սովորածի։

Ուղարկեք մեզ ձեր պատմությունը

Երիտասարդներին զորացնելու համար ամսագիրը սպասում է ձեր արձագանքին։ Դուք կարող եք օգնել օրհնել ձեզ նման երիտասարդներին ամբողջ աշխարհում։ Կիսվելով ավետարանով ապրելու ձեր փորձառություններով՝ կարող եք ոգեշնչել երիտասարդներին ամենուր։

Խնդրում ենք ուղարկել մեզ հետևյալ նյութերից ցանկացածը․

• մի ժամանակ, երբ դուք հավատարմորեն ապրում էիք ավետարանով, նույնիսկ երբ դժվար էր այդ անելը

• մարտահրավեր, որը հաղթահարել եք Աստծո հանդեպ ունեցած ձեր հավատքով

• գաղափարներ այն մասին, թե ինչ է նշանակում լինել Հիսուս Քրիստոսի Վերջին Օրերի Սրբերի Եկեղեցու անդամ ձեր բնակավայրում

• որևէ փորձառություն, երբ մեկը իրական քրիստոսանման սեր է ցուցաբերել ձեր հանդեպ

• ձեր վկայությունը

• ցանկացած այլ պատմություն, որը ցույց է տալիս, թե ավետարանն ինչպես է օրհնել ձեր կյանքը

Ուղարկեք ձեր պատմությունը [e-mail]։

Ավելի շատ նյութեր թվային տարբերակով

Գիտե՞ք արդյոք, որ Երիտասարդներին զորացնելու համար ամսագիրն ունի ավելի մեծ բովանդակություն, քան դուք կգտնեք տպագիր ամսագրում։ Այս թվային տարբերակով լրացումները կարելի է գտնել ChurchofJesusChrist.org կայքում կամ Gospel Library հավելվածում։

Ավելի շատ զվարճալի և վեհացնող նյութեր կարող եք գտնել Gospel Living հավելվածում։ Այն ներառում է՝ գիտելիքների ստուգում, տեսանյութեր, սուրբ գրությունների ուսումնասիրության խորհուրդներ, պաստառներ և ավելին։

Տես «Թվային տարբերակներ»՝ երիտասարդների համար թվային նյութերի մասին լրացուցիչ տեղեկությունների համար։

Երիտասարդներին զորացնելու համար ամսագրին բաժանորդագրվելու վերաբերյալ տեղեկությունների համար այցելեք առցանց խանութ և ընտրեք ձեր նախընտրած լեզուն։

Նշում․ Բաժանորդագրված նյութերը ստանալու համար կարող է պահանջվել մինչև երեք ամիս։