Kōn Māākjiin ko an Kabun̄ in
N̄an Kōkajoorļo̧k Jodikdik Ro: Juon Māākiiin Ekāāl n̄an Jodikdik Ro
N̄an Kōkajoorļo̧k Jodikdik ro

“N̄an Kōkajoorļo̧k Jodikdik Ro: Juon Māākjiin Kāāl n̄an Jodikdik ro,” Jān. 2021.

N̄an Kōkajoorļo̧k Jodikdik Ro:Juon Māākjiin Kāāl n̄an Jodikdik ro

Kappukōt Lan̄lōn̄ ilo Kraist

juon jiron̄ ej kōjerabale taļeboon

Jodikdik Māākjiin an Aolepān Laļin N̄an Kwe Wōt!

N̄an Kōkajoorļo̧k Jodikdik Ro ej juon māākjiin n̄an jodikdik ro wōt Kajjojo kajjitōk ko ewōr ennaan ko ilo jetōb rekōketak jān Rijilōk ro im ritōl ro jet, naan in kam̧ool ko im en̄jake ko jān jodikdik ro ipeļaakin laļin, m̧akūtkūt ko rekaitoktok limo im eļōn̄ļo̧k. Ilo kajjojo peij ko komaron̄ loe ikideelel ko im kajoor ko remaron̄ jipan̄ eok kapukōt m̧ōņōņō āinwōt rikalo̧o̧r an Jisōs Kraist.

Jipan̄ n̄an Itok, Ļoor Eō

Elōn̄ bwebwenato ko im m̧akūtkūt ko ilo N̄an Kōkajoorļo̧k Jodikdik Ro ej jipan̄ eok ilo ekkatak jeje ko rekwojarjar kwaļo̧k ilo Itok, Ļoor Eō kajjojo allōn̄. Menin emaron̄ jipan̄ kōkajoor ekkatak in jeje ko rekwojarjar ippem make im baam̧le eo am̧ im kakobaik eok ippen jodikdik ro ipeļaakin laļin ilo aer ekkatak ejja jeje ko rekwojarjar ko koj ekkatak. Jekdoon ia eo kwoj jokwe ie, katak kein renaaj im̧we im jipan̄ eok ilo am̧ niknik n̄an mour kōn ta eo kwoj ekkatak jān jeje ko rekwojarjar kajjojo raan.

Jilkintok n̄an Kōm Bwebwenato ko Am̧

N̄an Kōkajoorļo̧k Jodikdik Ro ekōnaan ron̄ jān kwe! Komaron̄ jipan̄ jodikdik ro āinwōt kwe ipelaakin laļ in. Kwaļo̧k en̄jake ko am̧ ilo mour kōn gospel in emaron̄ im̧we jodikdik ro aolep jikin.

Jouj im jilkintok jabdewōt iaan men kein rej elaajrak:

  • juon iien kwar mour in tiljek ilo gospel, men̄e ekar pen

  • juon apan̄ me tōmak eo am̧ ilo Anij ekar jipan̄ eok eļļā ioon

  • men ko loi kōn mour āinwōt juon membōr in Kabun̄ in an Jisōs Kraist ilo ijo kwoj jokwe ie.

  • juon en̄jake eo kōn an kar bar juon armej kwaļo̧k lukkuun m̧ool in iakwe an Kraist

  • naan in kam̧ool eo am̧

  • jabdewōt bwebwenato ko kōn elmen an gospel in kōjeraam̧m̧an mour eo am̧

Jilkinļo̧k bwebwenato ko am̧ n̄an ftsoy@ChurchofJesusChrist.org.

Māākjin ko Rellōn̄ļo̧k ilo Digital

Kwar ke jeļā ke N̄an Kōkajoorļo̧k Jodikdik Ro ej kadiwōjļo̧k eļaplok kobban jān ta eo konaaj loe ilo māākjiin ko rej būriini Digital kein remaron̄ loi ilo ChurchofJesusChrist.org ak ilo Gospel Library app eo.

Meļeļe ko relimo im rej kōketak , kajjeon̄ e Gospel Library app eo. Ewōr kobban obrak kōn quiz ko, bitio ko, kilen ekatak jeje ko rekwojarjar, wo̧o̧ļpepa ko, im elōn̄ļo̧k.

Lale “Digital Options” n̄an meļeļe ko reļļapļo̧k kōn kobban digital n̄an jodikdik ro.