“Kwa Ajili ya Nguvu kwa Vijana: Gazeti Jipya kwa Vijana,” Januari 2021.
Kwa Ajili ya Nguvu kwa Vijana: Gazeti Jipya kwa Vijana
Kupata Shangwe katika Kristo
Gazeti la Vijana Ulimwenguni Mahususi Kwako!
Kwa Ajili ya Nguvu kwa Vijana ni gazeti mahususi kwa vijana. Kila toleo lina na jumbe za kuinua za kiroho kutoka kwa Mitume na viongozi wengine wa Kanisa, shuhuda na uzoefu kutoka kwa vijana ulimwenguni kote, shughuli za burudani na mengine mengi. Katika kila ukurasa unaweza kupata maongozi na nguvu ambazo zinaweza kukusaidia kupata furaha kama mfuasi wa Yesu Kristo.
Msaada wa Njoo, Unifuate
Makala nyingi na shughuli katika Kwa Ajili ya Nguvu kwa Vijana husaidia kujifunza maandiko kwako kulikojumuishwa kwenye Njoo, Unifuate kila mwezi. Hii inaweza kusaidia kuimarisha kujifunza maandiko kwako kibinafsi na kifamilia na kukuunganisha na vijana kote ulimwenguni wanapojifunza maandiko hayo hayo. Bila kujali unaishi wapi, makala hizi zitakutia moyo na kukusaidia unapojitahidi kuishi kile unachojifunza katika maandiko kila siku!
Tutumie Hadithi Yako
Kwa Ajili ya Nguvu kwa Vijana inataka kusikia kutoka kwako! Unaweza kusaidia kuwabariki vijana kama wewe ulimwenguni kote. Kushiriki uzoefu wako wa kuishi injili kunaweza kuwatia moyo vijana kila mahali.
Tafadhali tutumie chochote kati ya yafuatayo:
-
wakati ambapo uliishi injili kwa uaminifu, hata wakati ilipokuwa vigumu
-
changamoto ambayo imani yako kwa Mungu ilikusaidia kuvuka
-
umaizi juu ya jinsi ilivyo kuwa muumini wa Kanisa la Yesu Kristo mahali unapoishi
-
uzoefu ambapo mtu alikuonyesha upendo wa kweli kama wa Kristo
-
ushuhuda wako
-
hadithi nyingine yoyote inayoonyesha jinsi injili imebariki maisha yako
Tuma hadithi yako kwenda ftsoy@ChurchofJesusChrist.org.
Maudhui Zaidi ya Kidigitali
Je, ulijua kwamba Kwa Ajili ya Nguvu kwa Vijana huchapisha maudhui zaidi ya yale utakayopata kwenye gazeti lililochapishwa? Nyongeza hizi za kidijitali zinaweza kupatikana katika ChurchofJesusChrist.org au katika programu ya Maktaba ya Injili.
Kwa maudhui zaidi ya kufurahisha na kuinua, jaribu programu ya Gospel Living! Ina sehemu iliyojaa maswali, video, vidokezo vya kujifunza maandiko, mandhari na zaidi.
Ona “Chaguzi za Kidijitali” kwa taarifa zaidi kuhusu maudhui ya kidijitali kwa vijana.