« Nō te Pūai o te Feiā ’Āpī : E ve’a ’āpī nō te feiā ’āpī », Tēnuare 2021.
Nō te Pūai o te Feiā ’Āpī : E ve’a ’āpī nō te feiā ’āpī
Te ’itera’a i te ’oa’oa i roto i te Mesia
Hō’ē ve’a nā te feiā ’āpī nā te ao ato’a nei, nō ’outou ana’e !
Nō te Pūai o te Feiā ’Āpī e ve’a nā te feiā ’āpī ana’e. I roto i te ve’a tāta’itahi tē vai ra te mau parau poro’i fa’ateitei i te pae vārua nō roto mai i te mau ’āpōsetolo ’e te tahi atu feiā fa’atere o te ’Ēkalesia, te mau ’itera’a pāpū ’e te mau ’itera’a rau nō roto mai i te feiā ’āpī nā te ao ato’a nei, te mau fa’a’oa’oara’a ’ārearea ’e tē vai atu ra. I ni’a i te ’api tāta’itahi e nehenehe ’outou e ’ite mai i te fa’aurura’a ’e te pūai ’o te nehenehe e tauturu ia ’outou ’ia ’ite i te ’oa’oa ’ei pipi nā Iesu Mesia.
Pāturura’a nō te Mai, pe’e mai
E rave rahi mau parau pāpa’i ’e mau ’ohipara’a i roto i te Nō te Pūai o te Feiā ’Āpī e pāturu nei i tā ’outou tuatāpapara’a i te mau pāpa’ira’a mo’a tei vauvauhia i roto i te Mai, pe’e mai i te ’āva’e tāta’itahi. E nehenehe te reira e tauturu i te ha’apūai i tā ’outou iho tuatāpapara’a pāpa’ira’a mo’a ’e tā te ’utuāfare ’e ’ia fa’atū’ati ia ’outou i te feiā ’āpī nā te ao ato’a nei ’a tuatāpapa ai rātou i te reira ato’a mau pāpa’ira’a mo’a. Noa atu te vāhi tei reira ’outou i te orara’a, e fa’auru ’e e tauturu teie mau parau pāpa’i ia ’outou ’a tūtava ai ’outou i te ora i te mea tā ’outou i ’apo mai i roto i te mau pāpa’ira’a mo’a i te mau mahana ato’a !
Hāpono mai i tō ’outou ’ā’amu
Tē hina’aro nei Nō te Pūai o te Feiā ’Āpī e fa’aro’o ia ’outou ! E nehenehe ’outou e tauturu i te ha’amaita’i i te feiā ’āpī mai ia ’outou nā te ao ato’a nei. E nehenehe te fa’a’itera’a i te ’ohipa i tupu nō ’outou nō te orara’a i te ’evanelia e fa’auru i te feiā ’āpī i te mau vāhi ato’a.
’A fa’atae mai i te hō’ē o teie mau mea i muri nei :
-
hō’ē taime ’a ora ai ’outou i te ’’evanelia ma te ha’apa’o maita’i, noa atu e mea fifi roa te reira
-
hō’ē tītaura’a tā tō ’outou fa’aro’o i te Atua i tauturu ia ’outou ’ia upo’oti’a
-
mau mana’o nō ni’a i te huru nō te rirora’a ’ei melo nō te ’Ēkālesia a Iesu Mesia i te vāhi tā ’outou e ora ra
-
hō’ē ’ohipa i tupu i reira te hō’ē ta’ata i te fa’a’itera’a ia ’outou i te here huru Mesia
-
tō ’outou ’itera’a pāpū
-
te tahi atu mau ’ā’amu ’o tē fa’a’ite ra nāhea te ’evanelia i te ha’amaita’ira’a i tō ’outou orara’a
’A hāpono mai i tō ’outou ’ā’amu i te ftsoy@ChurchofJesusChrist.org
Te tahi atu mau parau pāpa’i rorouira
’Ua ’ite ānei ’outou ē, tē nene’i nei Nō te Pūai o te Feiā ’Āpī e rave rahi parau pāpa’i i tā ’outou e ’ite nei i roto i te ve’a nene’ihia ? E ’itehia teie mau pāpa’i rorouira hau atu, i ni’a ChurchofJesusChrist.org ’aore rā i roto i te fa’anahora’a ’āfa’ifa’i o te Vaira’a buka ’evanelia.
Nō te tahi atu mau parau pāpa’i ’ārearea ’e te fa’aitoito, ’a tāmata i te fa’anahora’a ’āfa’ifa’i o te Vivre l’evangile [Ora i te ’evanelia] ! ’Ua ’ī te reira i te mau uiuira’a, te mau video, te mau rāve’a nō te tuatāpapara’a pāpa’ira’a mo’a, te mau paruai o te mātini rorouira, ’e te tahi atu ā.
Hi’o « Mau rāve’a rorouira » nō te tahi atu ha’amāramaramara’a nō ni’a i te mea i roto o te rorouira nō te feiā ’āpī.