Sāvali mai le Au Peresitene Sili

O matou uso e ma tuafafine talavou pele,

Matou te alolofa ia te outou ma talitonu ia te outou. O outou moni lava o ni agaga filifilia a le Tama Faalelagi, na auina mai i le lalolagi i lenei taimi e faia ni mea taua.

Atonu e i ai taimi e te le lagonaina ai le malosi po o le gafatia. O se mea masani lena. Aemaise lava i na taimi, liliu atu i le Faaola. O Ia o le “malosi o le autalavou.”

O lenei taiala o le a fesoasoani ia te oe e fausia ai se faavae mautu mo le faia o filifiliga e tumau ai i luga o le ala o feagaiga. O le a fesoasoani ia te oe e saunia ai e osia feagaiga paia i le malumalu, saunia e auauna atu i se misiona, ma maua le olioli i le mulimuli ia Iesu Keriso i lou olaga atoa. Matou te faamoemoe tou te lagonaina ua outou auai i le Ekalesia a le Faaola ma ua i ai le mana mai ia te Ia e faataunuu ai Ona faamoemoega mo oe.

Ua tatou iloa o loo soifua le Atua. O la matou tatalo ia outou tumau mausali i luga o le ala o feagaiga lea e toe taitai atu ai i lou Tama oi le Lagi. A outou faia lenei mea, o le a avea outou ma se uunaiga mo le lelei, faasoaina atu ma le fiafia le talalelei ma le sauniaina o le lalolagi mo le Afio Mai Faalua o le Faaola.

O Le Au Peresitene Sili