Kōn Māākjiin ko an Kabun̄ in
Eo Jera: Māākjiin an Aolepān Laļ in n̄an Ajri.
Kōn Eo Jera

“Eo Jera: Māākjiin an Aolepān Laļ in n̄an Ajri,” Jān. 2021.

Eo Jera: Māākjiin an Aolepān Laļ in n̄an Ajri.

Ļoor Jisōs Ippān Doon

Pija
leddik ej jibwe Eo Jera māākjiin

Māākjiin an Aolepān Laļ in

Eo Jera māākjiin ej karuwainene ajri ro ipeļaakin laļin n̄an ļoor Jisōs ippān doon. Kajjojo men ko rej waļo̧k ewōr jeje ko rekwojarjar ie, enaan ko an rikanaan ro n̄an ajri ro im ritōl ro jet an Kabun̄ in, ikkure ko im peij ko n̄an kōļar, im bwebwenato in ajri ro ipeļaakin laļ in eo rej likūt tōmak ko aer ioon Riļomo̧o̧r eo n̄an jerbal. Eo Jera epād kobban, meļeļe ko rej kalōk-tōmak ko em̧ōj ukōti n̄an 48 kajin ko.

N̄an Ajri ro ilo Aolep Iiō

Jikin ko eļaptata n̄an ajri ro rerūtto im ajri ro reddik, kajjojo men ko rej waļo̧k ilo Eo Jera eped barāinwōt ļōmņak ko n̄an kōm̧m̧an nokon in jota im Itok, Ļoor Eō katak ko rekalimomo n̄an aolep iiō an ajri. Eo Jera emaron̄ jipan̄ ajri ro im baam̧le ko em̧m̧anļo̧k ilo aer ekōnono, kōlapļo̧k meļeļe eo aer ilo gospel in, eddōkļo̧k n̄an epaake Jisōs Kraist, aer Riļomo̧o̧r, im m̧ōttāer.

N̄an ro Jineer im Jemāer im Rikaki ro

Ro jineer im jemeer im rikaki ro remaron̄ kōjerbale māākjiin eo n̄an jipan̄ katak kōn jeje ko rekwojarjar ippān Itok, Ļoor Eō. Bwebwenato ko ilo māākjiin emaron̄ kōjerbale āinwōt kein jerbal ekajoor n̄an ekkatak im jino juon iien bwebwenato ippen ajri kōn en̄jake ko aer make.

Pija in Alooj ko im Elōn̄ļo̧k

Eo Jera ej kadiwōjļo̧k bwebwenato ko ilo jeje ko rekwojarjar im pija in alooj ko n̄an ajri, barāinwōt bwebwenato ko ilo digital ko kōn unin kōnono ko reļļap. Pukōt pijaan alooj ko im eļapļo̧k ilo ChurchofJesusChrist.org ak ilo Gospel Library app eo.

Kōm Kōņaan Ron̄ jān Kwe!

Eo Jera ekōņaan ron̄ jān aolep ajri ro ipeļaakin laļin! Jouj im jilkintok n̄an kōm jabdewōt iaan men kein rej elaajrak:

  • juon iien kwaar kalet jim̧we eo, men̄e ekar ben

  • juon pija ak jin̄n̄a in kwe ilo tampeļ

  • juon iien kwar jipan̄ juon armej

  • waanjon̄ak in elmen an baamle eo am̧ kōjerbal eo Jera (likūt juon pija!)

  • juon jin̄n̄a ak jabdewōt jin̄n̄a ej kwaļo̧k bwebwenato ko ilo jeje ko rekwojarjar, Jisōs, tampeļ, im ko jet.

Jilkinļo̧k bwebwenato ko am̧ ak jin̄n̄a n̄an friend@ChurchofJesusChrist.org

Būriin