« Te Hoa : E ve’a nā te ao ato’a nei nā te mau tamari’i », Tēnuare 2021.

Te Hoa : E ve’a nā te ao ato’a nei nā te mau tamari’i

Pe’e-’āmui-ra’a ia Iesu

Hōho’a

e tamāhine e tāpe’a ra i te ve’a Hoa

E ve’a nā te ao ato’a nei

Tē ani manihini nei te ve’a Hoa i te mau tamari’i nā te ao ato’a nei ’ia pe’e ’āmui ia Iesu. I roto i te ve’a tāta’itahi tē vai ra te mau ’ā’amu o te pāpa’ira’a mo’a, te mau poro’i hoara’a a te mau peropheta ’e a te tahi atu feiā fa’atere o te ’Ēkālesia, te mau ’api ha’uti ’e te fa’a’ūra’a, ’e te mau ’ā’amu o te mau tamari’i nā te ao ato’a nei ’o tē fa’a’ohipa nei i tō rātou fa’aro’o nō te Fa’aora. Tē vai ra i roto i te Hoa te mau mea e tītauhia, te mau mea e fa’aitoitohia te fa’aro’o, tei ’īritihia nā roto e 48 reo.

Nō te mau tamari’i nō te mau fāito matahiti ato’a

I roto i te mau tuha’a ta’a ’ē nō te mau tamari’i pa’ari a’e ’e te mau tamari’i ’āpī a’e, tē vai ato’a ra i roto i te ve’a Hoa tāta’itahi te mau mana’o nō te fa’ariro i te pō ’utuāfare ’e te mau ha’api’ira’a nō te Mai, pe’e mai ’ei mea ’ārearea nō te mau tamari’i nō te mau fāito matahiti ato’a. E nehenehe te Hoa e tauturu i te mau tamari’i ’e i te mau ’utuāfare ’ia ha’amaita’i i te ’aravihi nō te ha’api’i i te tai’o, ’ia fa’arahi i te hāro’aro’ara’a i te ’evanelia, ’e ’ia ha’afātata atu ā ia Iesu Mesia, tō rātou Fa’aora ’e tō rātou hoa.

Nā te mau metua ’e te mau ’orometua ha’api’i

E nehenehe te mau metua ’e te mau ’orometua ha’api’i e fa’a’ohipa i te ve’a nō te tauturu i te ha’api’i i te mau pāpa’ira’a mo’a ma te Mai, pe’e mai. E nehenehe e fa’a’ohipa i te mau ’ā’amu i roto i te ve’a ’ei mauha’a ha’api’ira’a pūai ’e ’ia ha’amata i te mau ’āparaura’a ’e te mau tamari’i nō ni’a i tō rātou iho mau ’itera’a rau.

Mau video ’e te tahi atu

Tē ha’apūroro nei te Hoa i te mau video nō te ’ā’amu o te pāpa’ira’a mo’a ’e te mau video e hīmene nā te mau tamari’i, ’e tae noa atu i te mau ’ā’amu i ni’a noa i te rorouira nō ni’a i te mau tumu parau fifi. ’A ’ite mai i te mau video ’e te tahi atu i ni’a i te ChurchofJesusChrist.org ’aore rā i roto i te fa’anahora’a ’āfa’ifa’i o te Vaira’a buka ’evanelia.

Tē hina’aro nei mātou e fa’aro’o ia ’outou !

Tē hina’aro nei te Hoa e fa’aro’o i te mau tamari’i nā te ao ato’a nei ! ’A hāpono mai i te hō’ē o teie mau mea i muri nei :

hō’ē taime ’a mā’iti ai ’outou i te maita’i, noa atu ē, e mea pa’ari
hō’ē hōho’a ’aore rā hō’ē hōho’a pāpa’i nō ’outou i te hiero
hō’ē taime ’a tauturu ai ’outou i te hō’ē ta’ata
hō’ē hi’ora’a e nāhea tō ’outou ’utuāfare ’ia fa’a’ohipa i te Hoa (’āfa’i mai i te hō’ē hōho’a !)
hō’ē hōho’a pāpa’i ’aore rā, hō’ē ’ohipa anoihi e fa’a’ite ra i te hō’ē ’ā’amu o te pāpa’ira’a mo’a, o Iesu, te mau hiero, ’e te tahi atu ā.

’A hāpono i tō ’outou ’ā’amu ’aore rā, te hō’ē ’ohipa anoihi i te friend@ChurchofJesusChrist.org.