“32. Aier me An Chon Mwichefen Mwichen opungupung,” Angang non Ewe Mwichefenin Jises Kraist ren Aramas Mi Pin Non Fansoun Soponon (2020).

“32. Aier me An Chon Mwichefen Mwichen opungupung,” Pukenapen Emwen.

32.

Aier me An Chon Mwichefen Mwichen Opungupung

32.0

Nepoputan

Napengeni aier a fis nefinen emon aramas, Kot, me ekkewe ra fen osukosuk ren tipisin emon aramas. Nge inamo, fan ekkoch mi auchea emon pisop ika presetenin steik epwe anisi chon Mwichefen non ar achocho ne aier.

Nupwen ar anisi chon mwichefen ren aier, ekkewe pisop ika presetenin steik ir mi tong me kirekiroch. Ra tapweno mwirin an ewe Chon Amanau minen apiru, ewe a anisata emon me emon me anisir ar repwe kun seni tipis me kun ngeni Kot (nengeni Matthew 9:10–13; John 8:3–11).

Usun mi afatetiw fan, ei sopun mi tettenoch an epwe emweni sou emwen non ekkewe kien finita me foffor mi auchea ar repwe anisi emon epwe aier seni ew watten tipis me an epwe anisi ne tumunu ekkoch.

Ewe Wisen Mwichefen non An Anisi emon Aramas ne Aier. Sections 32.1–32.4 a awewei an ewe Samon nongonongun aier me omusomus. Ekkei kinikin ra pwan awewei ekkewe unungat popun oukukun chon Mwichefen ika tou seni Mwichefen. Iwe nge, ra awewei wisen ekkewe pisop me presetenin steik non ar aninis ren aier.
Opungano ewe Napanapen Anisi emon Aramas ne Aier. Sections 32.5–32.7 ra awora emwen ren finitan ika ew mwichen opungupung are ourour ngeni emon epwe ina ewe napanap mi fich ne anisi emon epwe aier.
Anganga Ourour ngeni Emon. Section 32.8 a awora emwen ren ourour ngeni emon me ren ewe pisop ika presetenin steik. A pwan awewei oukukun chon choni Mwichefen ese punguno.
Anganga An Mwichefen Mwichen Opungupung. Sections 32.9–32.14 a awewei ion a wor wisan ren chon mwichen opungupung, ifa usun repwe emwenir, me ekkewe mettoch repwe finata ika epwe wor. Ekkewe pungunon ekkewe finata ra pwan awewetiw.
Ekkewe Tufichin Niwin sefan ne Choni Mwichefen. Sections 32.15–32.17 ra awewei ifa usun emon aramas a tongeni wor sefan ren ekkewe tufichin choni mwichefen ren an aier.

Tiwenon chok ika epwe affat, ekkewe porousen onukunuk ngeni presetenin steik repwe pwan nounou ngeni presetenin misin. Ekkewe porousen onukunuk ngeni pisop repwe pwan nounou ngeni presetenin pranch.

EWE WISEN MWICHEFEN AN ANISI EMON ARAMAS NE AIER

32.1

Aier me Omusomus

Ewe Samon a fen apasa pwe “ese wor mettoch mi nimengaw a tongeni muuni ewe muun nang” (Alma 11:37; nengeni pwan 3 Nifai 27:19). Ach tipis ra fori ach sipwe nimengaw—sisap fich ne nonnom me mwen Samach non Nang. Ra pwan wato ngeni kich riaffou non ei manau.

An Kot annukun pungoch a auchea an pwe epwe wor ew niiwin nupwen sia tipis (nengeni Alma 42:14, 17–18). Iwe nge, An kokkoten umoumoch mi nap “a tongeni amenemenochu ekkewe mochenin pungoch, me rokopwani [kicheno] me ne poun tumun” (Alma 34:16; pwan nengeni Mosiah 15:9).

An epwe efisi An kokkotun umoumoch, Samach won Nang a tinato Noun we Anamon, Jises Kraist, pwe epwe achasefan fan iten ach tipis (nengeni Alma 42:15). Jises a riaffouni ewe niwinin tipis minne ewe annukun pungoch a annuku pokiten ach tipis (nengeni Doctrine and Covenants 19:15–19; nengeni pwan Alma 42:24–25). Ren ei fangeno, ewe Sam me pwan ewe Nau ra pwarano Ar tong esemuch fan itach (nengeni John 3:16).

Nupwen sia aea “nuku ngeni aier,” Samach won Nang a omusakicheno, a fang umoumoch seni ewe Achasefan an Jises Kraist (Alma 34:15; nengeni pwan Alma 42:13). Nupwen sia nimenimoch me musono, sia tongeni muuni ewe muun Kot (nengeni Isaiah 1:18; Doctrine and Covenants 58:42).

Aier a nap seni siwinin nikinik. Wewen sia kun seni tipis me kun ngeni Samach won Nang me Jises Kraist. A emweni ngeni ew siwinin netip me ekiek (nengeni Mosaia 5:2; Alma 5:12–14; Ilaman 15:7). Seni aier, sia winiti minefon aramas, achasefan ngeni Kot (nengeni 2 Corinth 5:17–18; Mosaia 27:25–26).

Ewe tufichin aier ina ew me nein ekkewe feioch napanap Samach non Nang a fen ngeni kich seni ewe niffangen Noun we.

32.2

Ekkewe popun Oukukun chon choni Mwichefen ika katour

Nupwen emon aramas a papatais, i a winiti chon ewe “famini an Kot” (Ephesus 2:19). Ewe pwon mi pin ren papatais mi pachenong ew pwon ach sipwe achocho ne manau anongonong won An Kraist afanafan me annuk. Nupwen emon a turitiw, a anganga an nuku non Jises Kraist me aier, a anonga won An umoumoch ne apochokuna me omusano.

Mwirin emon chon mwichefen a fori ew watten tipis, ewe pisop ika presetenin steik epwe anisi i ne aier. Ew kinikinin ei mwokutukut, mi auchea i epwe ouku ekkoch tufichin choni Mwichefen ren och fansoun. Non ekkoch napanap, meni mi auchea i epwe oukano an emon aramas choni mwichefen ren och fansoun.

Oukuku ika oukano an emon chon mwichefen esap wewen pwe niwinin fofforungaw. Nge, fan ekkoch ekkei foffor mi namot an epwe anisi emon aramas ne aier me weri ew siwinin netip. Ra pwan ngeni emon aramas ew fansoun ne mwonneta non pekin ngun an epwe asofosefani me apwonueta sefan an pwon mi pin.

Ewe pisop ika presetenin steik a nemenem won oukukun ika oukanon choni mwichefen usun mi affat non 32.5–32.14. Ekkei foffor mi fiti ekkewe nongonongen aier. Nupwen emon aramas a ennetin aier, epwe niwin sefan ngeni i ekkewe tufichin choni Mwichefen.

Nupwen ekkewe oukukun choni mwichefen ika kounon epwe namot, ewe pisop ika presetenin steik epwe ouatapwa ewe emwen an ewe Ngun mi Fel me ekkewe ourour non ei sopwun. I a fori non ew angang murinon tong (nengeni 32.3).

Oukukun choni Mwichefen ir pekin namanam, esap pekin muu ika atai annuk. Ra chok awosukosuka nonnomun emon aramas me non ewe Mwichefen. (Nengeni Doctrine and Covenants 134:10.)

Ekkewe unugat popun oukukun choni mwichefen ika oukanon ir mi makketiw fan.

32.2.1

Anisi ne Tumunu Ekkoch

Ewe aewin popun pwe epwe anisi ne tumunu ekkoch. Fan ekkoch emon aramas a forata ew minen eniwokusun inis ika ngun. Manauen attapwa ekkoch, efeiengawen inis, abusun nisou, abusun pekin safei, nikatuputup, me angangen rochopwak ir ekkoch ekkewe napanap mi tongeni fis. Fiti mokutukutun memef, emon pisop ika presetenin steik a mokutukut an epwe tumunu ekkoch nupwen emon a forata ew minen eniwokus non ekkei me ekkoch ennetin napanap (nengeni Alma 5:59–60).

32.2.2

Anisi emon Aramas epwe Angei ewe Manamanen Ngaseno an Jises Kraist seni Aier

Ewe ourwen popun pwe epwe anisi emon aramas epwe angei ewe manamanen ngaseno an Jises Kraist seni aier. Seni ei mwokutukut, i epwe winiti mi nimoch sefan me epwe fich ngeni an epwe angei an Kot feioch meinisin.

32.2.3

Tumunu ewe Wenechar an ewe Mwichefen

Ewe aunungatin popun pwe epwe tumunu ewe wenechar an ewe Mwichefen. Oukukun ika kounon an emon aramas choni Mwichefen epwe namot ika an atewe are neminewe mwokutukut mi wesewesen efeiengawa ewe Mwichefen (nengeni Alma 39:11). Ewe wenecharen ewe Mwichefen ese tumun ren ach opano ika ekisatiw watten tipis—nge ren ach porous usur.

32.3

Ewe Wisen Sou apung non Israel

Pisop me presetenin steik ra kokko me ewis ngeni ar repwe sou apung non Israel (nengeni Doctrine and Covenants 107:72–74). Ra amwochu kiien pristut ar repwe tupuni ewe Samon ne anisi chon Mwichefen ne aier (nengeni Doctrine and Covenants 13:1; 107:16–18).

Napengeni pisop ika presetenin steik ra aninis ren aier me ren pusin ourouren emon won winikapan. Ei aninis mi tongeni pachenong ese punguno ne oukuku ekkoch tufichin choni Mwichefen non och fansoun. (Nengeni 32.8.)

Ren ekkoch watten tipis, sou emwen ra aninis ren aier ren ar efisi ew mwichen opungupung (nengeni 32.6 and 32.9–32.14). Ei aninis mi tongeni pachenong ese kapunguno ne oukuku ekkoch tufichin choni Mwichefen ika oukano an emon aramas choni mwichefen non och fansoun (nengeni 32.11.3 and 32.11.4).

Pisop me presetenin steik ra anisi chon Mwichefen ne weweiti pwe Kot mi tongei meinisin Noun semirit, inamo ika mi wor ar kewe tipis. Pokiten A mochen ir repwe pwapwa me angei feioch, I a apwan unusen aureki usun ar aneasochis.

Pisop me presetenin steik ir mi tong me kirekiroch nupwen ra anisi chon mwichefen repwe aier. An ewe Chon Amanau foffor ngeni ewe fefin a tipisin nisou mi ew emwen (nengeni John 8:3–11). Inamo I ese apasa pwe an kewe tipis ra musono, I ese etipisi neminewe. Nge, I a ureni neminewe pwe esap “chiwen fori tipis”—pwe epwe aier me siwini manauan.

Ekkei sou emwen ra asukuna pwe mi wor “pwapwa … non nang ren emon chon tipis mi aier” (Luke 15:7). Ra tipepos, aninisoch, me ekiek murinno. Ra pesei epinukunuk. Ra asukuna me pwarata pwe pokiten an ewe Chon Amanau asoren achasefan, meinisin aramas mi tongeni aier me winiti mi nimenimoch.

Pisop me presetenin steik ra kutta emwen seni ewe Ngun ar repwe sinei ifa usun repwe anisi emon me emon aramas epwe aier. Ren ekkewe chok tipis watte mi wor an ewe Mwichefen tettenin nongonong mi foruno won met foffor noun kewe sou emwen repwe fori (nengeni 32.6 and 32.11). Ese wor ru nikinik mi nonnofengen. Ewe kapasen ourour minne sou emwen ra awora me ewe angangen aier ra efisi epwe emwen me ren ewe ngun me menin epwe sokofesen ren emon me emon aramas.

Ewe Samon mi sinei nonnomun emon me emon aramas, ar tongeni, me unusochur non pekin ngun. Ewe Ngun mi Fel epwe anisi sou emwen repwe esinna ifa usun ar repwe anisi chon mwichefen ar repwe fori ekkewe siwin mi namot pwe repwe tongeni chikar me ungeni ewe sossot ne eniwini ewe tipis.

Anisi emon ne aier, kun sefan ngeni Kot, me chikar ren ewe Achasefan an Jises Kraist ina ew me nein ekkewe memefin pwapwa mi nap a tongeni wor ren emon aramas. Doctrine and Covenants 18:10–13 a awewei:

“Chechemeni ewe auchean aramas mi napanap me non mesen Kot;

“Pun, nengeni, ewe Samon om Chon Angasano a riaffouni mano non ewe aion; ina minne i a riaffouni metekin aramas meinisin, pwe aramas meinisin repwe tongeni aier me feito ren.

“Me i a fen manausefan seni mano, pwe i epwe tongeni wato aramas meinisin ren, ika repwe aier.

“Me ifa watten an pwapwa non ewe aramas a aier!”

6:18

32.4

Pwaratan tipis, Monomon, me Repot ngeni Meinapen Muu

32.4.1

Pwaratan tipis

Ren aier a auchea pwe ekkewe tipis repwe pwa ngeni Samach won Nang. Jises Kraist a apasa, Ren ei oupwe sinei ika emon mwan a aier seni an tipis—nengeni, i epwe pwarireta me monnukireno (Doctrine and Covenants 58:43; pwan nengeni Mosaia 26:29).

Nupwen chon Mwichefen ra fori watten tipis, ar aier mi pwan pachenong pwarata ar tipis ngeni nour pisop ika presetenin steik. Mwirin i epwe tongeni aea ekkewe kiien ewe kapas allimen aier fan iter (nengeni Doctrine and Covenants 13:1; 84:26–27; 107:18, 20). Ei a anisir ar repwe chikar me niwin ngeni ewe aanen ewe kapas allim me ren manamanen an ewe Chon Amanau Achasefan.

Ewe popun pwarata tipis pwe epwe pesei chon mwichefen ar repwe appana chour pwe repwe tongeni unusen kutta an ewe Samon aninis ne siwin me chikar. Awattenon ew “netipechou me netip niemam” a aninis me ren pwaratan tipis (2 Nifai 2:7). Pwisin chengenin pwarata tipis a pwano pwe emon aramas mi mochen aier.

Nupwen emon chon mwichefen a pwarata an tipis, ewe pisop ika presetenin steik a opuru ekkewe emwen ren pekin ourour non 32.8. I epwe unusen iotek ne kutta emwen usun ewe neni mi fich ngeni an epwe anisi ewe chon mwichefen an epwe aier (nengeni 32.5). I a ekieki ika pwe ew mwichen opungupung epwe aninisoch. Ika annukun Mwichefen a aucheani ew mwichen opungupung, i a awewei ei (nengeni 32.6 me 32.10).

Fan ekkoch emon chon mwichefen a mwan ngeni punuwan ika pwan emon mei muk. Ren pekin aier, atewe ika neminewe epwe pwari ngeni ena aramas me kutta omusomus. Emon serafo a fori ew watten tipis napengeni epwe pesepes an epwe wor kapasen ourour meren saman me inan.

32.4.2

Watten Tipis Minne Rese Pwarata ika Ir mi Amam

Napengeni emon Pisop ika presetenin steik a sinei usun ew watten tipis ren an emon pwarata tipis ika seni pwan emon aramas. I epwe pwan angei memmef me ren ewe Ngun mi Fel usun nikinikin pwan ew watten tipis. Ika a mefi pesepes me ren ewe Ngun pwe menin emon mei osukosuk ren tipis, i epwe okkota ew interfiu. Fansoun ewe interfiu, a apasa usun an aurek non ew napanapen kirekiroch, me sufon. I epwe orukanoseni och ngingin eitengaw.

Ika emon chon mwichefen a amam pwe a fori ew watten tipis minne a fen wor ren ewe pisop ika presetenin steik porous ne anisata, ew mwichen opungupung epwe chok fis. Nge inamo, ew ememmef ren pekin ngun chok esap naf an epwe efisi ew opungupung (nengeni Doctrine and Covenants 10:37). Menin sou emwen epwe ionfengeni pwan ekkoch porous ika epwe auchea. A apuru ekkewe emwen non 32.4.3 me 32.10.2.

32.4.3

Ionfengeni Porous

Me mwen epwe efis ew mwichen opungupung, ewe pisop ika presetenin steik epwe ionfengeni ukukun watten porous mi namot ngeni. Ekkewe porous seni an emon chon mwichefen pwarata tipis mi soun naf. Ekkewe porous repwe pwan feito seni emon chon ewe famini, pwan emon sou emwenin Mwichefen, emon a feiengaw, ika emon chon fori ewe tipis.

Nupwen ionfengeni porous, ewe pisop ika presetenin steik epwe chok aea ekkewe mettoch mi fich ngeni emon sou emwenin pristut. I esap masa imwen emon aramas ika rekotuni atewe ika neminewe ika ese wor mumutan. Esap pwan aea och foffor ekkewe mi ungeni ewe annuk.

Tipi-muan rese kon fifis nge ir mi tongeni fis. Sou emwenin pristut repwe tumunoch nupwen mi aukuk porous me nukun an emon chok aramas kapas. Ren awewe, meni emon chon mwichefen mi itengaw ren nisou epwe amam ewe tipis. Ekkewe pukefel ra awewei pwe meinisin kapas repwe foruno ngeni atewe ika neminewe me ren ruemon chon pwarata seni ewe mwichefen (Doctrine and Covenants 42:80). “Ruemon chon pwarata” wewen ru sokofesenin pekin porous. Ei mi tongeni apachanong ewe sinei usun ewe emon chon fiti me pwan ekkoch popun sinei mi pung. Fan ekkoch a auchea emon sou emwenin pristut epwe witiwitino fofforun tori an epwe chommong porous epwe kawor.

Nupwen emon sou emwenin Mwichefen a ionfengeni porous fan iten ew mwichen opungupung, i epwe mwitir kouno ika a sinei pwe chon angangen annukun muu ir mi achocho ne chosani ewe chon ewe mwichefen. Ei a fis an epwe orukano ekkoch tufichin ekiek pwe ewe sou emwen a eppeti pung. Ren ourour mi pungoch usun ekkei napanap non ewe United State ika Canada, ewe presetenin steik epwe kokkori ewe Ofesin Ourour mi Nap an ewe Mwichefen:

1-800-453-3860, kapachetan 2-6301

1-801-240-6301

Me nukun ewe United State me Canada, ewe presetenin steik epwe kokkori ewe chon ourour mi kapunguno ren ewe ofes non ewe neni.

Napengeni ew mwichen opungupung ese fis an epwe ekieki minne ew kapungun mwokutukut aramas ika kapungun tipis mi akkatona me non imwen kapung tori an ewe imwen kapung epwe tori ew pungunon kapung. Non ekkoch napanap, epwe pwan och ne ammangano ew mwichen opungupung tori ewe fansoun tingoren kapung a mwuchuno ika ewe tingor ese ketiw.

32.4.4

Monomon

Pisop, presetenin steik, me nour kewe chon aninis mi wor wiser mi pin ar repwe tumunu porous mi monomon a kawor ngenir. Ei porous meni epwe fis non interfiu, mwichen ourour, me pwaratan tipis. Ewe pwan chok wis ren monomon mi fich ngeni meinisin ir ekkewe mi wor wiser non mwichen opungupung. Monomon mi auchea pokiten meni chon mwichefen resap pwarata ar tipis ika kutta emwen ika met repwe apasa resap nom non monomon. Atai ew epinukunuk a angawano an chon mwichefen nuku me efisi an esap wor ar epinukunuk non nour sou emwen.

Nukuchar ren wiser ren monomon, emon pisop, presetenin steik, ika nour kewe chon aninis ir mi tongeni aea chok sokkun porous usun mi makketiw fan:

Mi auchea repwe aporous fengen me noun ewe chon mwichefen ewe presetenin steik, presetenin misin, ika pisop usun ar repwe efisi ew mwichen opungupung ika mettoch mi wewengeni. Ewe presetenin steik epwe pwan aporous fengen me ewe Area Fik mi ewis ngeni. Ika mi namot, ewe Area Fik epwe mina ngeni ewe presetenin steik ewe Presetenisin Area. Ewe chok presetenin steik a finata ika ew opungupung epwe fis ika pungunon we.
Ewe aramas a mwokut ngeni ew minafon wart (ika ewe sou emwenin pristut a kepichino) nupwen fofforun choni mwichefen ika ekkoch ennetin aurek mi chiwen ewitiwit. Non ekkei napanap, ewe sou emwen a esine ngeni ewe minafon pisop ika presetenin steik usun ekkewe aurek ika foffor mi ewitiwit (nengeni 32.14.7). A pwan ureni ewe sou emwen ika pwe ewe chon mwichefen epwe awora feiengaw ngeni ekkoch.
Emon pisop ika presetenin steik a sinei pwe emon chon Mwichefen a kan nonnom nukun kinikinin ewe wart ika steik meni a fen nom non ew watten tipis. Non ena atun, i a kokkori noun ena chon mwichen ewe pisop.
Mi namot epwe pwari ekkewe porous fansoun ew mwichen opungupung. Meinisin porous mi ionfengen me aea fengen pwe pekin ew mwichen opungupung mi monomon.
Emon chon mwichefen a finata ne awora mumuta ngeni ewe sou emwen an epwe aea porous ngeni chok ekkoch aramas mi kefiniata. Ekkei meni epwe pachenong sam me in, sou emwenin Mwichefen, ika ekkoch meni repwe awora aninis. Ewe sou emwen esap aea ekkewe porous nap seni ewe mumuta ewe chon mwichefen a fen awora.
Meni epwe namot ne aea ekis chok porous usun met ewe mwichen opungupung a finata (nengeni 32.12.2).

Non meinisin pwan ekkoch napanap, ewe sou emwen epwe no ngeni 32.4.5. Ekkei napanap mi pachenong nupwen ewe annuk epwe aucheani pwe ew tipis, usun abuse ren semirit, repwe repot ngeni meinapen muu.

An epwe anisi sou emwen ne tumunu ekkoch me aneasochisi ewe annuk, ewe Mwichefen a awora aninis seni ekkewe mi sinenap. Om kopwe angei ei emwen, sou emwen repwe mwitir kokkori noun ewe Mwichefen nampan fonnun aninis ren abuse ikewe ia mi wor (nengeni 32.4.5 me 38.6.2.1). Ikewe ese wor ie, ewe presetenin steik epwe kokkori ewe chon ourour mi kapunguno ren ewe ofes non ewe neni.

Non ew chok napanap emon pisop ika presetenin steik epwe pwari porous mi monomon me nuku an epwe kutta ena sokkun emwen. Ina nupwen pwarata mettoch mi namot an epwe eppeti efeiengawen manau ika ennetin feiengawen inis me ese wor fansoun kutta aninis. Non ekkena sokkun napanap, ewe wisen tumunu ekkoch mi kon auchea nap seni ewe wisen monomon. Sou emwen repwe mwitir kokkori meinapen ewe neni.

Ika sou emwen repwe rekotuni porous ika aporous fengen won fon me kampiuter, ra tumunuochu ei porous. Ra pwan tonano ika atano ewe porous nupwen ese chiwen auchea ngenir. Ese kon namot ar repwe aea fengen porousen emon.

Meni meinapen ewe neni epwe wippenei ewe monomon mi auchea seni emon sou emwenin pristut. Ika ei a fis non ewe United State ika Canada, ewe presetenin steik epwe kutta ourour seni sou annuk seni ewe Ofesin Ourour mi Nap an ewe Mwichefen:

1-800-453-3860, kapachetan 2-6301

1-801-240-6301

Me nukun ewe United State me Canada, ewe presetenin steik epwe kokkori ewe chon ourour mi kapunguno ren ewe ofes non ewe neni.

32.4.5

Repot ngeni Meinapen Muu

Aierin ekkoch tipis epwe auchea an emon aramas epwe repot ngeni meinapen muu ika atewe are neminewe a atai ew annukun ewe neni. Pisop me presetenin steik ra pesei chon mwichefen ar repwe tapweno mwirin annuk me repotuni sokkun osukosuk. Ra pwan ouroura chon mwichefen ar repwe angei ourour seni sou annuk nupwen ra repotuni. An ewe Mwichefen annuk pwe sipwe aneasochisi ewe annukun fonu.

Non chommong neni, mi auchea me ren annukun fonu pwe ekkewe sou emwenin pristut repwe repotuni ekkoch mwokutukut mi atai annuk ekkewe ra sinei usun. Ren awewe, mi auchea ren ekkoch state me country pwe ewe efeiengawen semirit epwe repot ngeni meinapen chon pesei annuk.

Non ekkewe fonu ese wor ewe nampan fonnun aninis, emon pisop ewe a sinei usun abuse epwe kokkori noun we presetenin steik. Ekkei sou emwen repwe mwitir kokkori ewe nampan fonnun aninis usun nikinik meinisin ren minne ika emon aramas mi fen abuse—ika meni epwe fen feiengawen abuse (nengeni 38.6.2.1). Mi chok kawor 24 awa iteiten ran, 7 ran ew wiik.

Non ekkewe fonu ese wor ewe nampan fonnun aninis, emon pisop ewe a sinei usun abuse epwe kokkori noun we presetenin steik.

Ren pwan ekkoch porous usun repotun abuse, nengeni 38.6.2.1 me 38.6.2.7.

OPUNGANO EWE NENIEN ANISI EMON ARAMAS NE AIER

32.5

Nenien Anisi emon Aramas ne Aier

Mwirin an sinei pwe emon chon mwichefen a fori ew watten tipis, emon pisop ika presetenin steik repwe fori met mi auchea ne tumunu ekkoch. I a pwan kutta ewe emwenin ewe Ngun mi Fel ne opungano ewe nenien anisi ewe aramas ne aier me arap ngeni ewe Chon Amanau.

32.5.1

Amwochen awewen ekkewe Neni

Ewe etetten mwirin a etettenatiw unungat nenien anisi emon aramas ne aier. A pwan achupa wewen ekkoch ekkewe pekin ekiek ren sou emwen nupwen repwe finata menni neni repwe aea.

Nenien Anisi emon Aramas ne Aier

Neni	Ekkoch Pekin Ekiek (nengeni pwan 32.7)
Neni An Steik Mwichen Opungupung	Ekkoch Pekin Ekiek (nengeni pwan 32.7) Fan iten chon mwichefen ekkewe ra fen angei ar tempel endowment. Mi auchea ika emon mwan ika fefin a fen endow pwe an choni Mwichefen epwe koukuno ren och sokkun watten tipis ika foffor mi affatetiw non 32.6.1, 32.6.2, ikar 32.6.3.
Neni An Ward Mwichen Opungupung	Ekkoch Pekin Ekiek (nengeni pwan 32.7) Fan iten ekkoch chon mwichefen. Mi auchea fan iten ewe watten tipis mi affatetiw non 32.6.1. Epwe namot ren ewe watten tipis me foffor mi affatetiw non 32.6.2 me 32.6.3. Ese naf ika emon mwan ika fefin a fen endow pwe an choni Mwichefen epwe koukuno ren och sokkun watten tipis ika foffor mi affatetiw non 32.6.1, 32.6.2, ika 32.6.3.
Neni Ourouren ngeni emon (nengeni 32.8)	Ekkoch Pekin Ekiek (nengeni pwan 32.7) Fan iten ekkoch chon mwichefen. Meni epwe pachenong oukukun chon choni Mwichefen ese punguno. Meni ese naf ren watten tipis ika foffor ren minne ew mwichen opungupung epwe aninisoch non ewe angangen aier (nengeni 32.6.2 me 32.6.3). Ese naf ren watten tipis minne mi aucheani epwe wor ew mwichen opungupung (nengeni 32.6.1). Ese naf ika emon mwan ika fefin a fen endow pwe an choni Mwichefen epwe koukuno ren och sokkun watten tipis ika foffor mi affatetiw non 32.6.1, 32.6.2, ika 32.6.3.

Ourouren ngeni emon me oukukun ese punguno me ren ewe pisop ika presetenin steik fan ekkoch ese naf an epwe anisi emon aramas an epwe aier seni watten tipis. Ewe Samon a fen awora mwichen opungupung an epwe anisi emon sou kapung non Israel non ekkei napanap. (Nengeni Exodus 18:12–27; Mosaia 26:29–36; Doctrine and Covenants 42:80–83; 102.) Ren ekkoch watten tipis, ew opungupung mi auchea me ren annukun Mwichefen (nengeni 32.6.1). Atai pwonen tempel epwe anapano meni an ew mwichen opungupung epwe namot (nengeni 32.7.4).

Non ew wart, noun ewe pisop kewe chon aninis ra aninis non mwichen opungupung. Non ew steik, noun ewe presetenin steik kewe chon aninis repwe aninis. Non ekkoch an steik mwichen opungupung, ewe chon opungupung mi nap epwe pwan fiti (nengeni 32.9.2). Non ew mwichen opungupung, ewe mwichen pisop ika presetensin steik ra mwich fengen me ewe aramas non ew tongen chiechioch.

32.5.2

Opungano ewe Neni me Fansoun

Nupwen ar finata menni nein ekkei neni epwe kon murino ne anisi emon aramas an epwe aier, sou emwen repwe kutta emwenmerenewe Ngun mi Fel. Ra pwan ekiek won ekkei popun mettoch:

Ewe wachemwuken ewe tipis me annukun Mwichefen usun ika pwe ew opungupung mi auchea epwe fis (nengeni 32.6)
Nonnomun ewe aramas (nengeni 32.7)

Emon pisop a ourour fengen me ewe presetenin steik usun ekkoch napanap. Mi auchea an epwe angei mumuta seni ewe presetenin steik me mwen an epwe efisi ew mwichen opungupung.

Ren mettoch mi weires, ewe presetenin steik epwe kutta ourour seni ewe Area Fik mi ewis ngeni. Ewe presetenin steik epwe ourour ngeni ewe Presetensin Area usun ekkewe mi tettenitiw non 32.6.3. Iwe nge, ewe chok presetenin steik a finata ika ew opungupung epwe fis an epwe porous usun ewe mwokutukut. Ika ew opungupung a fis, ewe presetenin steik ika pisop epwe finata pungunon.

Ika emon pisop ika presetenin steik a opungano pwe ourour ngeni emon mi naf, i epwe tapweno mwirin ekkewe emwen non 32.8. Ika i epwe opungano pwe ew mwichen opungupung mi namot, are ika annukun Mwichefen a aucheani epwe wor ew apungupung, ewe emon a etettteni epwe opuru ekkewe kokkoten foffor non 32.9–32.14.

Me mwen epwe efis ewe opungupung, ewe pisop ika presetenin steik epwe opungano pwe ukukun chon choni mwichefen ese punguno epwe murino ren ew fansoun. I a efisi ewe opungupung nupwen epwe murino ne pesei an ewe chon mwichefen ennetin aier. Iwe nge, i esap ammangano ew opungupung ika mi namot an epwe tumunu ekkoch.

32.6

Wachemwuken ewe Tipis me Annukun Mwichefen

Ewe wachemwuken ew tipis ina ew pekin ekiek mi auchea ne opungano ewe neni pwe epwe (1) anisi ne tumunu ekkoch me (2) anisi emon aramas an epwe aier. Ewe Samon a fen apasa pwe I ese tongeni neneta won tipis ren ekis ukukun an epwe mutata (Doctrine and Covenants 1:31; nengeni pwan Mosaia 26:29). Noun chon angang resap amonungaw seni pisekin pwarata watten tipis.

Watten tipis ir mi akokkot me ir watten enetipengaw ngeni ekkewe annuk an Kot. Etettenin watten tipis mi tettenitiw fan.

Foffor mi efeiengaw me abuse (nengeni 32.6.1.1 me 32.6.2.1)
Ngawen nisou (nengeni 32.6.1.2 me 32.6.2.2)
Foffor mi nikatuputup (nengeni 32.6.1.3 me 32.6.2.3)
Atai an emon nuku (nengeni 32.6.1.4 me 32.6.2.4)
Pwan ekkoch foffor (nengeni 32.6.1.5 me 32.6.2.5)

Ekkewe kinikin mwirin ra awewei inet a auchea ew mwichen opungupung epwe fis, inet epwe namot, me inet esap namot.

32.6.1

Nupwen ew Mwichen Opungupung a Auchea epwe fis

Ewe pisop ika presetenin steik epwe efisi ew mwichen opungupung nupwen porous a pwari pwe meni emon chon mwichen a fen fori ekkoch ekkewe tipis mi awewetiw non ei kinikin. Ren ekkei tipis, ew opungupung mi auchea an epwe fis ese nifinifin ifa ukukun watten an emon chon mwichen mar non pekin ngun me miritin ewe kapas allim.

Nengeni 32.11 ren tufichin pungunon opungupung ekkewe ra mwichfengen fan iten ekkewe tipis mi tettenitiw non ei kinikin. Oukukun chon choni mwichefen ese punguno resap minen finata ren ekkei opungupung.

32.6.1.1

Foffor mi Efeiengaw me Abuse

Ni Manau. Ew mwichen opungupung mi auchea epwe fis ika emon chon mwichefen a nieno emon. Usun aean me ikei, ni manau wewen ewe kokkoten angeiano manauen aramas ese wor popun. Aukano an emon aramas choni Mwichefen mi namwot epwe fis.

Ni manau ese pachenong police ika fofforun sounfiu non ar fori wiser. Atano mwonukon esap wewen ni manau non ei napanap. Ika mano a fis ren akseten ika ren eppetin emon ika ekkoch seni feingaw, ewe angeiano manauen emon aramas meni esap wewen ni manau. Ei epwe pwan ennet ren ekkoch napanap, usun nupwen emon aramas mi aukuk an tufichin ekiek.

Achomanau. Ew mwichen opungupung mi namwot epwe fis pokiten achomanau. Usun aean me ikei, achomanau wewen achomanaw nefinen ruomon ika nisou ngeni emon ese tongeni awora mumuta pokiten a kisino an ekiek ika an tufichin mwokutukut. Usun aean me ikei, achomanau ese pachenong nisou nefinen ruemon at me nengin mi arap fengen ierir.

Kaweten Nisou mi Fiti Pungun Kapong Ew mwichen opungupung mi namwot epwe fis ika emon chon Mwichefen tipisini tipisin feiengawen nisou.

Abusun Semirit ika Serafo. Ew mwichen opungupung mi namwot ika emon aramas a abusuni emon semirit ika serafo usun mi awewetiw non 38.6.2.3.

Abusuni Punuwan ika Pwan emon Menimwuk. Mi sokopat foffor mi wachemwuk non manauen emon mi fori abuse. Nengeni 38.6.2.4 ren nupwen ew mwichen opungupung mi auchea epwe fis pokiten abusuni punuwan ika pwan emon menimwuk.

Efeiengawen Manauen Attapwa ekkoch. Mi namwot epwe fis ew mwichen opungupung ika emon menimwuk a anniwini ne efeiengawa aramas ren napanapen efeiengaw me ew minen eniuokus ngeni ekkoch.

32.6.1.2

Ngawen Nisou

Nisou ngeni emon chochon famini. Ew mwichen opungupung mi namwot epwe fis pokiten nisou ngeni emon chochon famini usun mi awewetiw non 38.6.10. Aukano an emon aramas choni Mwichefen napengeni fansoun meinisin mi namwot epwe fis.

Sasingin ika Kachiton Semirit Mi Ngaw. Mi namwot epwe fis ew mwichen opungupung ika emon aramas mi kakaton sasingin semirit mi ngaw usun mi tettenitiw non 38.6.6.

Pupunu Chommong Mi namwot epwe fis ew mwichen opungupung ika emon aramas mi sinei pwe a tonong non ew epupunu chommong. Ekkoch epupunu chommong mi fis non monomon, me mi tufich punuwan we emon esap sinei usun pwan emon ika pwan punuwan kewe koch. Aukano an emon aramas choni Mwichefen mi namwot epwe fis ika emon aramas mi sinei pwe a tonong non ew epupunu chommong.

Manauen Attapwa ekkoch ren Nisou. Mi namwot epwe fis ew mwichen opungupung ika emon menimwuk a enniwini ne efeiengawa aramas ren nisou me ew eniwokus ngeni ekkoch.

32.6.1.3

Foffor mi Nikatuputup

Manauen Attapwa ekkoch ren pekin Moni. Mi namwot epwe fis ew mwichen opungupung ika emon menimwuk a finata ne anniwini ne efeiengawa aramas ren pekin moni me ew eniwokus ngeni ekkoch (nengeni 38.6.2.4). Ei mi pachenong angangen awora moni mi nikatuputup me ekkoch mwokutukut usun chok. Tumunungawen turunon moni pokiten nonnomun angangen moni rese nom non kinikinin nikatuputup. Ika fofforun apungano ren annuk mi pachenong, sou emwenin pristut mi tongeni finata ar repwe witiwit tori pungun epwe wesino.

32.6.1.4

Atai an emon pochokunen Nuku

Watten Tipis Nupwen an Wor ew Wisan mi Auchea non Mwichefen. Mi namwot epwe fis ew mwichen opungupung ika emon chon mwichefen a fori ew watten tipis nupwen an wor wisan mi auchea. Ekkei mi pachenong Meinap Unus, Nouwisen Mwichefen mi Nap, Area Fik, presetenin tempel ika punuwan ewe presetenin tempel, presetenin misin ika an we kampanion, presetenin steik, petriark, ika pisop. Ei ese pwan fis ngeni presetenin pranch. Nge inamo, an emon presetenin pranch tufichin choni Mwichefen mi tongeni aukuk ika koukuno usun chok ekkoch chon mwichefen.

32.6.1.5

Pwan Ekkoch Foffor

Tipisinap mi fiti Pungun Kapung Mi namot epwe fis Ew mwichen opungupung nupwen emon aramas a tipis fiti pungun kapung ren ew tipisinap.

32.6.2

Nupwen ew Mwichen Opungupung Epwe Namot

Meni ew mwichen opungupung epwe namot non ekkei mettochmi fis.

32.6.2.1

Foffor mi Efeiengaw me Abuse

Ewe Samon a annuku, “Kosap … ninni, ika fori och mettoch usun” (Doctrine and Covenants 59:6; mak pereinging mi kapacheta). Foffor mi efeiengaw me abuse ren minne ew mwichen opungupung epwe namot mi pachenong (nge rese aukuk) ngeni ekkewe mi tettenitiw fan.

Sossot me Ni Manau. Akokkota an epwe nieno emon.

Abuse ren Nisou, Mi pachenong Kawet me Eriaffou ekkoch. Abuse ren nisou mi ounusa chommong tettenin foffor (nengeni 38.6.18). Meni epwe namot ew mwichen opungupung ren an emon aramas a awata emon ren nisou ika abusuni emon. Nengeni 38.6.18.3 nupwen ew opungupung mi namot epwe fis.

Abusuni Punuwan ika Pwan emon Menimwuk. Mi sokopat foffor mi wachemwuk non manauen emon mi fori abuse (nengeni 38.6.2.4). Meni epwe namot ew mwichen opungupung epwe fis ren an emon aramas a fen abusuni emon punuwan ika pwan emon menimwuk. Nengeni 38.6.2.4 nupwen ew opungupung mi namot epwe fis.

32.6.2.2

Ngawen Nisou

An ewe Samon annukun nimenimoch wewen kouno seni nisou fengen me nukun apupunu nefinen emon mwan me emon fefin anongonong won an Kot annuk (nengeni Exodus 20:14; Doctrine and Covenants 63:16). Meni epwe namot ew mwichen opungupung epwe fis ren ngawen nisou usun mi awewetiw non 38.6.5. Nengeni 32.6.1.2 nupwen ew opungupung mi namot epwe fis.

32.6.2.3

Foffor mi Nikatuputup

Ekkewe Engon Annuk ra aitikich, “Ousapsona” ika “ousap tipi-muan ngeni emon” (Exodus 20:15–16). Meni epwe namot ew mwichen opungupung epwe fis ren foffor usun sonani pisek seni emon ika neni, atai me tomwaninong non imw,sona nounoungaw ika sonani noun emon moni, me mwaken ngeni kapung. Nengeni 32.6.1.3 nupwen ew opungupung mi namot epwe fis ren foffor mi nikatuputup.

32.6.2.4

Atai an emon pochokunen Nuku

Meni epwe namot ew mwichen opungupung ika emon chon mwichefen:

A fori ew watten tipis nupwen an wor ew wisan ren meinap ika ren nuku non ewe Mwichefen ika ewe community.
A fori ew watten tipis mi itefouno.

Nengeni 32.6.1.4 nupwen ew opungupung mi namot epwe fis.

32.6.2.5

Pwan Ekkoch Foffor

King Benjamin a aiti kich, “Use tongeni ereni kemi ekkewe mettoch meinisin ren minne oupwe tongeni fori tipis; pun ekke aan me popun mi sokopat, pwan mwo ra fokkun chommong iwe use tongeni anneani ir” (Mosaia 4:29). Meni epwe namot ew opungupung ika emon aramas:

Mi soun pwari an fori watten tipis (nengeni Doctrine and Covenants 82:7).
A Finata ne nikitano wisen famini, mi pachenong an ese momoni aninisin semirit me aninisin punuwan.
A amomo drugs ese mumuta.
A Fori ekkoch fofforungaw mi watte.

Meni epwe namotEw mwichen opungupung ika emon chon mwichefen a fang ngeni, fori, akokkota, moni, ika pesei ew atai mwonukon. Nengeni 38.6.1 ren emwen.

Nupwen ew Mwichen Opungupung Mi Auchea Epwe Fis ika Meni Epwe Namot

Sokkun Tipis	Mwichen Opungupung mi Auchea Epwe Fis (nengeni 32.6.1)	Mwichen Opungupung Meni Epwe Namot Epwe Fis (nengeni 32.6.2)
Sokkun Tipis Foffor mi Rochongaw me Abuse	Mwichen Opungupung mi Auchea Epwe Fis (nengeni 32.6.1) Ni Manau Achomanau Kaweten nisou fiti pungun kapung Abuse-en Semirit me serafo Rochongawen manauen attapwa ekkoch	Mwichen Opungupung Meni Epwe Namot Epwe Fis (nengeni 32.6.2) Sossot ne ni manau. Abuse ren nisou, mi pachenong kawet me eriaffou ekkoch (nengeni 38.6.18 ren nupwen ew opungupung mi auchea epwe fis.) Abuse ini emon punuwan ika pwan emon menimwuk (nengeni 38.6.2.4 ren nupwen ew opungupung mi auchea epwe fis)
Sokkun Tipis Ngawen Nisou	Mwichen Opungupung mi Auchea Epwe Fis (nengeni 32.6.1) Nisou ngeni emon chochon famini Sasingin semirit mi ngaw. Pupunu chommong Manauen attapwa ekkoch ren nisou	Mwichen Opungupung Meni Epwe Namot Epwe Fis (nengeni 32.6.2) Nisou nge rese pupunu, nisou nefinen ruemon rese pupunu, me nefinen ruemon mwan me mwan ika fefin me fefin Nom fengen nge rese pupunu, pupunu nefinen mwan me mwan me fefin me fefin Watten ika umwesinon nounoun sasing mi ngaw ewe a efisi watten efeiengaw ngeni an chon mwichefen pupunu ika famini
Sokkun Tipis Foffor mi Nikatuputup	Mwichen Opungupung mi Auchea Epwe Fis (nengeni 32.6.1) Manauen attapwa ekkoch ren pekin moni, usun mwokutukut mi nikatuputup me nonno ngeni	Mwichen Opungupung Meni Epwe Namot Epwe Fis (nengeni 32.6.2) Sona, firionong non imw, mwacho, ika angemwan Akkaponumuan
Sokkun Tipis Atai an emon Nuku	Mwichen Opungupung mi Auchea Epwe Fis (nengeni 32.6.1) Watten tipis nupwen an wor ew wisan mi auchea non Mwichefen	Mwichen Opungupung Meni Epwe Namot Epwe Fis (nengeni 32.6.2) Watten tipis nupwen an wor ew wisan ren meinap ika ren nuku non ewe Mwichefen ika ewe community Watten tipis mi itefouno
Sokkun Tipis Pwan Ekkoch Foffor	Mwichen Opungupung mi Auchea Epwe Fis (nengeni 32.6.1) Napengeni tipisinap mi kapunguno	Mwichen Opungupung Meni Epwe Namot Epwe Fis (nengeni 32.6.2) Atai mwonukon Napanapen watten tipis Finata nikitanon wisen famini, mi pachenong an ese moni aninisin semirit me aninisin punuwan Amomo drug ese mumuta Ekkoch fofforungaw mi watte

32.6.3

Nupwen ewe Presetenin Steik a Ourour ngeni ewe Presetensin Area usun Ika ew Mwichen Opungupung ika Pwan ew Foffor Mi Namwot

Ekkoch mettoch mi auchea epwe nap watten mennin me emwen. An epwe sinei ifa usun murinon an ewe aninis, ewe presetenin steik epwe ourour ngeni ewe Presetenin Area usun ekkewe mettoch non ei kinikin. Nge inamo, ewe chok presetenin steik a finata ika ew opungupung epwe fis an epwe porous usun ewe mwokutukut. Ika ew opungupung a fis, ewe presetenin steik ika pisop epwe finata pungunon.

Ika ew mwichen opungupung a fis ren ew me nein ekkei mettoch mi tettenitiw non ei kinikin, ewe finata an ewe opungupung epwe “chok och ngeni annuk,” An ewe Aewin Presetensi etipew mi auchea an epwe awesano oukuk mi punguno ika atiwanong sefani ewe aramas non ewe Mwichefen (nengeni 32.16.1, number 9).

32.6.3.1

Pwan ew Foffor

Ika ew mwichen opungupung ese fis, pwan foffor mi tongeni pachenong:

Oukukun chon choni mwichefen ese punguno (nengeni 32.8.3).
Awewen rekotun choni Mwichefen (nengeni 32.14.5).
Oukukun angangepin, minne a auku emon aramas seni an angei ika aea ewe pristut ika angei ika nounou echo toropwen mumuta non tempel.

Emon presetenin steik a ourour fengen me ewe Presetensin Area me mwen ew me nein ekkei foffor epwe fis.

32.6.3.2

Rochopwak

Osukosuken rochopwak a soun wor feiengawan mi nap seni kinikinin ew wart ika steik. Mi auchea repwe mwitir apungur ar repwe tumunu ekkoch.

Ewe pisop a ourour fengen me ewe presetenin steik ika i mi mefi pwe an emon chon mwichefen foffor mi napanapen rochopwak. Ewe pisop ika presetenin steik meni epwe awora oukukun an choni mwichefen ese punguno won ewe chon mwichefen (nengeni 32.8.3). Ewe presetenin steik a mwitir ourour fengen me ewe Presetensin Area. Nge inamo, ewe chok presetenin steik a finata ika ew mwichen opungupung ika pwan ew foffor mi namot epwe fis.

Usun aean me ikei, rochopwak a wewe ngeni emon chon mwichefen, a fiti ew me nein ekkei mi makketiw fan:

Eniwini ne foffor non fatafatoch me akokkot nein aramas ne ungeni ewe Mwichefen, nongonongan, annukun, ika sou emwenin
Tiniken ne afanafana pwe nongonongen Mwichefen met esap nongonongen Mwichefen mwirin an ewe pisop ika presetenin steik a fen apungu
Pwarano ew napanapen mochenin angang ne apwangapwangano ewe nuku me mwokutun chon Mwichefen
Soposopono ne tapweno mwirin afanafanen mwicheich mi rikino seni mwichefen mwirin an ewe pisop ika presetenin steik ra fen apungu
A punguno ne choni pwan ew mwichefen me pesei afanafanan (Wesewesen patapateno non ewe Mwichefen ika fiti pwan ew mwichefen pwisin ese efisata rochopwak. Nge inamo, ika emon chon mwichefen a punguno ne choni pwan ew mwichefen me anisata afanafanan, oukano an choni mwichefen meni epwe namot epwe fis.)

Ewe Chon Amanau a aiti ekkewe Chon Nifai pwe repwe sopweno ne iamwir ngeni emon aramas a fen tipis. “Nge ika esap aier esap anneanong nein nei kewe aramas, pwe i esap tongeni amworano nei kewe aramas” (3 Nifai 18:31).

32.6.3.3

Angemwani Monien Mwichefen

Ika emon aramas a angemwani monien Mwichefen ika sonani pisekin ewe Mwichefen mi auchea, ewe presetenin steik a ourour fengen me ewe Presetenin Area usun ika ew mwichen opungupung ika pwan we foffor epwe namot. Sou emwen repwe ekieki:

Ewe ukukun moni ewe aramas a angemwani ika sonani.
Ika niwini sefani ewe moni a fis.
Ukukun an ewe aramas mefi niemam.

Napengeni, ika emon chon Mwichefen a angemwani monien Mwichefen ika sonani pisekin Mwichefen mi auchea, an rekotun chon Mwichefen epwe awewetiw. Nupwen aier a wesino, emon presetenin steik meni epwe tingor ewe toropwen awewe epwe katuruno (nengeni 32.14.5).

32.6.3.4

Aramas mi Ekkesiwin inisir seni ar uputiw

Pisop me presetenin steik mi angang fengen me aramas mi affateno pwe ir mi ekkesiwini inisir seni ar uputiw repwe attapwa ekkewe emwen non 38.6.23.

32.6.4

Nupwen ew Mwichen Opungupung Meni Ese Kan Namot

Ew mwichen opungupung meni ese kan namot non ekkei atun mi makketiw mwirin.

32.6.4.1

Fetanengaw ne Aneasochis ngeni Ekkoch Nongonongen Mwichefen

Ew mwichen opungupung esap fis ren ekkewe foffor mi tettenitiw fan. Nge inamo, esina ewe mi tiweno non ewe mettoch amwuchunon.

Patapateno non ewe Mwichefen
Ese apwonueta wisen Mwichefen
Ese moni eu ne engon
Tipisin nikitau
Mwacheni
Ese tipeew ngeni ewe Kapasen Emirit
Nounoun sasing mi ngaw, tiwenon chok ren sasingin semirit mi ngaw (usun mi makketiw non 38.6.6) watten ika umwesinon nounoun sasing mi ngaw ewe a efisi watten efeiengaw ngeni an chon mwichefen pupunu ika famini (usun mi makketiw non 38.6.13).

32.6.4.2

Fetanenagawen Business ika Esekamotiw Niwinimang

Sou emwen resap aea mwichen opungupung ne awesi tipengawen business. Fetanengawen business me esekamotiw niwinimang esap ir popun epwe fis ew mwichen opungupung. Nge inamo, ew opungupung epwe fis ren ennetin foffor mi nikatuputup ika pwan ekkoch ennetin mwokutukutun moni mi nikatuputup (nengeni 32.6.1.3).

32.6.4.3

Tipengaw Nefinen Ekkoch mi fiti Annuk

Mwichen opungupung resap fis ar repwe awesi tipengaw nefinen ekkoch mi fiti annuk (nengeni Doctrine and Covenants 134:11).

32.7

Nonnomun ewe Aramas

Ewe Samon a apasa, “Pei mi umoumoch a keitiuu ngenikemi, iwe ion chok epwe feito, i upwe etiwa; me efeiochu ir ekkewe ra feito rei” (3 Nifai 9:14). Ekkewe nonnomun emon aramas ir ew euchean ekiek ne opungano:

Ewe neni mi fich ne anisi atewe ika neminewe ne aier seni watten tipis (nengeni 32.5 me 32.6).
Ika annukun Mwichefen a ucheani ew mwichen opungupung, i a awewei ei (nengeni 32.8 me 32.11).

Pisop me presetenin steik repwe kutta ekiekin me mochenin ewe Samon ren ew me ew nikinik. Ra ekieki ekkei mettoch ne opungano menni neni repwe aea me met ewe pungun. Ekkei mettoch resap forano ew sokkun finata. Nge, ir pekin aninis ngeni ew finata ekkewe sou emwen repwe fori non iotek me usun mi emwen me ren ewe Ngun.

32.7.1

Ukukun ewe Tipis

Ewe ennetin ew tipis a aukuk me ren ukukun. Ei mi tongeni pachenong ewe nampan me chommongun tipis a fis, ewe wachemwuken ewe feiengaw a fis senir, me nampan aramas ra metek senir.

32.7.2

Mochenin ewe mi Feiengaw

Sou emwen repwe ekieki mochenin ewe mi feiengaw me ekkoch. Ekkei meni mi pachenong punuwen emon aramas me ekkoch chochon famini. Sou emwen repwe pwan ekieki wachemwuken ewe feiengaw.

32.7.3

Pisekin pwaratan Aier

Emwenin ngun mi auchea an epwe esinna ika emon aramas a ennetin aier. Ena sokkun aier mi pwano akkaewin ren foffor mi wenechar ekis me ekis nap seni unusen netipechou fansoun ew chok interfiu. Mettoch repwe ekieki mi pachenong:

Pochokunen nuku non Jises Kraist.
Ewe napanapen ewe pwaratan tipis.
Ewe anonnonun netipechou ren ewe tipis.
Eniwinsefan ngeni aramas mi feiengaw.
Tipeew ngeni mettoch mi auchea ren pekin annuk.
Fisioch non ponnukano ewe tipis.
Nukuchar ne aneasochisi ekkewe annuk mwirin ewe tipis.
Wenechar ngeni sou emwenin Mwichefen me ekkoch.
Tipemecheres ne tapweno mwirin ourouren sou emwenin Mwichefen.

32.7.4

Atai Pwonen Tempel mi Pin

Ewe Samon a affata, Pun seni i ewe a fen watte a kawor ngeni a pwan watte mi auchea seni (Doctrine and Covenants 82:3). Emon aramas ewe a angei ewe tempel endowment a fori pwon mi pin an epwe manaueni ew nongonong mi tekia. Atai ekkei pwon mi pin a anapano ennetin watten ewe tipis. A anapano ewe popun ew mwichen opungupung epwe namot.

32.7.5

Wisen Epinukunuk ika Nemenem

Ewe wachemwuken ewe tipis a napono ika emon aramas a fori nupwen mi nom non ew wisen epinukunuk ika nemenem, usun ren sam me in, sou emwen, ika sense.

32.7.6

Enniwin

Ew napanapen enniwini ewe chok watten tipis meni a pwarano nikinik a unusen pochokununo ika oruni mi ngaw minne a eppeti fetanochun ennetin aier. Kapach ngeni oukukun chon choni mwichefen meni epwe namot, prokramin pwak seni oruni mi ngaw me ourour seni mi sinenap meni epwe aninisoch (nengeni 32.8.2).

32.7.7

Ier, Mwukono, me Sinenap

Sou emwen repwe ekieki usun ier, mwukono, me sinenap nupwen ra ourour ngeni emon chon mwichefen ika finata pungunon ew mwichen opungupung. Umoumoch mi tufich fan chommong ren ekkewe rese mwo marino non ewe kapas allim. Ren awewe, umoumoch meni epwe tufich ren chon mwichefen mi kukkun ekkewe ir mi nom non mwokutukut mi ngaw ika repwe nikitano ewe tipis me pwari ennetin aier. Nge inamo, meni ennetin watten foffor epwe namot ika repwe soposopono non ewe mwokutukut.

32.7.8

Tufichin Ekiek

Semwenin ekiek, oruni, ika aukukun tufichin ekiek ese etiwano emon aramas a fen fori ew watten tipis. Nge inamo, ekkei ekkoch mettoch repwe ekieki. Ren pekin aninisin emon aramas epwe aier, sou emwen ra kutta an ewe Samon emwen usun an ewe aramas weweiti nongonongen kapas allim me ukukun an epwe pusin ponuweni an foffor,

32.7.9

Pwisin finata Pwaratan tipis

Ew pwisin finata pwaratan tipis me netipechou ren kot fan iten an emon foffor a pwarata ew mochenin aier.

32.7.10

Fansoun nefinen Tipis me Pwaratan Tipis

Pwaratan tipis ina kinikinin aier me esap ammangano. Fan ekkoch ew tipis mi atapwa ew nangatamen fansoun eniwinsefan me manau nukuchar. Ika emon chon mwichefen a pwarata ew tipis me ese enniwini, ena mi tongeni pwarata pwe atewe ika neminewe a fen nikitano. Non ena fansoun, pwaratan tipis epwe wesino nap seni epwe poputani ewe angangen aier.

ANGANGA OUROUR NGENI EMON

32.8

Ourour ngeni Emon me Oukukun chon choni Mwichefen ese punguno.

Ourour ngeni emon epwe kan naf an epwe anisi ne eppeti ekkoch me anisi emon aramas epwe angei ewe manamanen ngasenon an Jises Kraist Achasefan seni aier. Ena sokkun ourour mi tongeni pwan anisi chon mwichefen ar repwe eppet seni ennetin watten tipis. Non ourour ngeni emon, sou emwen mi pwan tongeni awora oukukun chon choni mwichefen ese punguno an epwe anisi emon chon mwichefen ne aier seni ekkoch watten tipis (nengeni 32.8.3).

Watten tipis esap och mettoch sipwe tunano (nengeni Doctrine and Covenants 1:31). Atai pwonen tempel epwe anapano meni an ew mwichen opungupung epwe namot (nengeni 32.7.4).

Ekkewe emwen epwe anisi sou emwen ar repwe sinei inet opungupung me oukuk ese punguno epwe naf ir mi tettenitiw fan (nengeni pwan 32.7):

Emon aramas ese mwo fori ew watten tipis minne epwe auchea pwe ew mwichen opungupung epwe fis (nengeni 32.6.1).
Emon aramas a pwarata ren an pwisin finata me mi ennetin mefi aier.
Emon aramas mi aier seni ew watten tipis minne i ese mwo fori akkom.
An emon aramas tipis ese mwo atai pwonen tempel mi pin.
A fokkun nap kisitiwen nonnomun emon aramas.

32.8.1

Ourour ngeni Emon

Ekkewe emwen repwe fich nupwen emon pisop ika presetenin steik mi ouroura emon chon mwichefen an epwe anisi i ne aier.

Eis ren ukukochun chok porous epwe naf ne opungano (1) mwokutukutun ewe chon mwichefen ngeni ewe nikinik mi tipis me (2) ewe napanapan, fan fite a fis, me taman ewe nikinik. Kosap eis tichikin nap seni met mi namot an epwe weweiti ewe napanap. Kosap eis kewe kapaseis ra pita seni an emon pwisin mochen sinei.
Eis ifa usun ewe mwokutukut a ekesiwini ekkoch.
Anonga om ekiek won ekkewe napanap mi anapano minne mi apochokunano an ewe chon mwichefen siwin me nikitu ngeni ewe Samon. Pesei ewe chon mwichefen an epwe fori ekkoch tichikin foffor an epwe efisi ewe siwinin nikinik me siwinin netip an epwe aier. Etiwa atewe ika neminewe an epwe arap ngeni ewe Chon Amanau, kutta An pochokun me an epwe mefi usun An ngasenon tong.
Pesei urumot mi amwasangasang usun ren iotek, kaeo ekkewe pukefel, me fiti mwichen Mwichefen. Asukuna pwe uruon famini me angangen tempel mi tongeni akukunano pochokunen ewe chon koum. Pesei ne aninis fengen me afanafana ewe kapas allim.

Pesei ne fori asofo sefanin mettoch ngeni ekkewe ir mi feiengaw ren tipis me tingor omusomus
Pesei ne kun seni mwokutukut mi ngaw. Anisi chon mwichefen ar repwe awora fofforun eppet ar repwe ungeni tichikin sossot.
Esinna pwe en emon sou emwenin namanam, esap emon chon ourour mi sinenap. Pachengeni ewe ourour ka awora, ekkoch chon mwichefen repwe feioch seni ourouren mwokutukutun aramas. Ekkoch ra riaffou seni semwenin ekiek. Nupwen epwe namot, ouroura chon mwichefen ar repwe kutta aninis seni chon safei mi chofo me chon mi sinenap non pekin pochokunen ekiek.
Epwe uren iotek me kutta emwen seni ewe Ngun me mwen epwe atou oukukun choni mwichefen ese punguno. Ekkoch chon mwichefen meni repwe tufich seni ar repwe akkaea ekkewe tufichin chon Mwichefen nap seni ar oukuk.
Cheki sefan ne awora pesepes, apochokuna pochokunen ngun, me kakaton fetanochun.

Mwirin emon chon mwichefen a pwarata an tipis ngeni ewe pisop ika presetenin steik, soposoponon ourour meni epwe fis non pwan ekkoch napanap. Ewe sou emwen pwisin mi tongeni awora. Ika, ren an ewe chon mwichefen mutata, i epwe ewiisa emon noun kewe chon aninis an epwe awora.

Ren an ewe chon mwichefen tipeew, emon pisop ika presetenin steik epwe ewiisa chon ewe mwichen elter ika Fin Anisi ar repwe aninis non ekkoch napanap. Ren serafo, i epwe ewiisa ewe presetensin Ekkewe Fopun ika chon ourouren mwichen Aaronik Pristut ar repwe aninis. Ekkewe ra finita ar repwe aninis a pung ngenir ar repwe angei ememef ar repwe apwonueta ena angang (nengeni 4.2.6).

Nupwen epwe ewiisa emon an epwe aninis ren soposoponon ourour, ewe sou emwen a chok awora ukukochun porous mi namot an epwe anisi ewe chon mwichefen. Ewe aramas mi finita epwe sopweno monomonun. Atewe ika neminewe a pwan esine ngeni ewe pisop usun fetanochun ewe chon mwichefen me met mi auchea ngeni.

32.8.2

Anisi Aramas mi wor ar Oruni mi Ngaw

Ourour ngeni emon fan ekkoch mi pachenong anisi chon mwichefen ar repwe aier seni tipis mi wewe ngeni ika fis seni oruni mi ngaw. Ekkei oruni mi ngaw epwe tongeni pachenong ekkoch mettoch ika sokopaten mwokutukutun aramas. Oruni mi ngaw a efeiengawa aramas, pupunu, me famini. Pisop repwe ouroura chon mwichefen ar repwe kutta aninis seni An Mwichefen prokramin apwaki seni oruni mi ngaw me seni chon safei mi chofo me chon mi sinenap non pekin pochokunen ekiek.

Ew oruni mi ngaw mi cheewno a napeno ina ewe nounoun sasingin me kachiton aramas mi seneno. Ika pwe ew oruni mi ngaw ika ew chok mwokutukut fan ekkoch, nounoun sasingin me kachiton aramas mi seneno ren och sokkun mi efeienagw. Nounoun a osuono ewe Ngun mi Fel. A apwangapwangano ewe tufichin angei manaman minne a feito seni ach apwonueta pwon mi pin. A pwan angawa nefinen aramas mi auchea.

Ourour ngeni emon me oukukun chon choni Mwichefen ese punguno napengeni mi naf an epwe anisi emon aramas an epwe aier seni an nounou sasingin me kachiton aramas mi seneno. Mwichen chon opungupung rese kan fifis. Ren ketiwenon, nengeni 38.6.6 me 38.6.13. Ourour seni mi sinenap meni epwe namot.

Ekkewe presetenin steik me ekkewe pisop repwe awora aninis ngeni ekkewe chon famini nupwen mi auchea. Sam me in ir mi tongeni pachenong nupwen ra ouroura serafo usun nounoun sasing mi ngaw. Punuwan meni epwe pwan pachenong nupwen epwe ouroura emon aramas mi pupunu.

Ren ekkoch pwan porous usun ourouren chon mwichefen ekkewe ir mi kakaton sasingin ika kachiton aramas mi seneno, nengeni 38.6.13.

32.8.3

Oukukun Chon Choni Mwichefen Ese Punguno

Non soposopun ne pesei foffor mi murinno nupwen fansoun ourour, emon pisop ika presetenin steik epwe oukano ekkoch tufichin choni Mwichefen ren och fansoun. Angangan mi fis non mirit, ekkei oukuk mi tongeni aninis ren aier me fefeitan ngun. Ir ra nom non kinikinin ese punguno pokiten rese makketiw won ew rekotun choni mwichefen.

Oukuk ese punguno meni repwe fis non fitu wiik, ekkoch maram, are epwe nangatam ika epwe namot ren an ewe aramas epwe unusen aier. Non ekkoch fansoun mi sokkono, ewe fansoun mi tongeni epwe nangatam seni ew ier.

Sou emwen repwe kutta ewe emwen an ewe Ngun mi Fel usun menni oukuk epwe murino ne anisi emon aramas epwe aier. Ekkei mi tongeni pachenong (nge esap kauk ngeni) ewitiwitinon ewe tufichin angang non ew wisen Mwichefen, aea ewe pristut, ika tonong non tempel. Ewe sou emwen mi pwan tongeni ouku ewe aramas seni an epwe afanafan non fan, fori nesen, ika iotek non nenien Mwichefen. Ika ewe sou emwen a oukatiw ewe pungun tonong non ew tempel, i epwe akkounoi ewe toropwen mumutan non tempel non Leader and Clerk Resources (LCR).

Angei ewe sakrament ina ew auchean kinikinin aier. Esap ina ewe aewin aukuk epwe kawor ngeni emon aramas mi aier ewe mi netipechou me netip niamam. Nge inamo, ika emon aramasa a fen fori ew watten tipis, emon sou emwen epwe aukatiw ei tufich ren ew fansoun.

Sou emwen rese kan ureni pwan emon usun oukuk ese punguno tiwenon chok ika mi namot epwe sinei (nengeni 32.12.2).

Ewe pisop ika presetenin steik mi tongeni awesano oukuk ese punguno usun an emwen me ren ewe Ngun mi Fel nupwen ewe aramas a fisioch an fefeita non ennetin aier. Ika ewe chon mwichefen mi soposopono non ewe napanapen tipis, epwe aninisoch ika namot an epwe fis ew mwichen opungupung.

ANGANGA AN CHON MWICHEFEN MWICHEN OPUNGUPUNG

An Mwichefen mwichen opungupung ra fis nupwen ewe pisop ika presetenin steik a opungano pwe repwe aninisoch ika nupwen repwe auchea me ren annukun Mwichefen (nengeni 32.6). Ra fis non ewe wart, steik, pranch, tischrik, ika kinikinin misin. Ei kinikin a awora porous ren ifa usun sipwe anganger.

32.9

Fiti me Wis

Ewe tetenin mwirin mi pwarano ion kewe ra soun fiti mwichen opungupung.

	Chon fiti Mwichen Opungupung
An Ward Mwichen Opungupung	Chon fiti Mwichen Opungupung Ewe aramas minne ewe opungupung a fis fan itan Pisop me noun chon aninis Noun Wart sou mak Mwichen Elter me presetenin Fin Anisi (ika epwe mochen; nengeni 32.10.1)
An Steik Mwichen Opungupung	Chon fiti Mwichen Opungupung Ewe aramas minne ewe opungupung a fis fan itan Presetenin Steik me noun chon aninis Noun Steik sou mak Chon Opungupung mi Nap (non napanap mi aukuk usun mi awewetiw non 32.9.2) Ewe pisop noun ewe aramas minne ewe opungupung a fis fan itan (ika epwe mochen; nengeni 32.9.3) Mwichen Elter me presetenin Fin Anisi (ika epwe mochen; nengeni 32.10.1)

32.9.1

Presetenin Steik

Ewe presetenin steik:

A wor an nemenem won ekkewe mwichen opungupung non ewe steik; nge inamo, napengeni ekkei opungupung ra fis me ren ekkewe pisop.
Epwe awora mumuta me mwen emon pisop epwe efisi ew mwichen opungupung.
Epwe efisi ew an steik mwichen opungupung ika emon mwan are fefin a fen angei ewe tempel endowment epwe koukuno an choni Mwichefen.
Meni epwe efisi ew opungupung ika emon chon mwichefen a tingor ew ekkesiwinin ewe pungunon an ew wart mwichen opungupung.
Epwe awora mumuta me mwen ew an wart mwichen opungupung finata ne aukano an emon aramas ese endowed choni mwichefen epwe mwuchuno.

32.9.2

Chon Opungupung mi Nap

Chochon ewe mwichen opungupung mi nap rese kan soun fiti an steik mwichen opungupung. Nge inamo, ewe chon opungupung mi nap mi tongeni fiti ekkoch napanap mi weires (nengeni Doctrine and Covenants 102:2). Ren awewe, ewe presetensin steik mi tongeni etiwa ewe chon opungupung mi nap epwe fiti nupwen:

Mi wor ekkewe ennet ekkoch rese tipeew ngeni.
Repwe awora mettoch mi auchea me nonnopok.
Ewe chon mwichefen epwe tingor ar repwe fiti.
Emon chon ewe presetensin steik ika an famini mi pachenong (nengeni 32.9.7).

32.9.3

Pisop (ika Presetenin Pranch non ew Steik)

Ewe pisop:

A wor an nemenem won an wart mwichen opungupung.
Epwe aporous fengen me ewe presetenin steik me angei an mumuta me mwen epwe efisi ew opungupung.
Meni esap efisi opungupung ika emon mwan are fefin a fen angei ewe tempel endowment epwe koukuno an choni Mwichefen. Ew an steik mwichen opungupung epwe fis non ekkena napanap.
Meni epwe ketiw an epwe fiti ew an steik mwichen opungupung fan iten emon chon ew wart ewe ir mi chosani an choni mwichefen. An epwe fiti epwe mumuta me ren ewe presetenin steik me ewe aramas.

Ew wart ika ew an pranch mwichen opungupung mi tongeni pesei kounon an emon aramas choni Mwichefen ika atewe are neminewe ese mwo endow. Nge inamo, an ewe presetenin steik mumuta mi auchea me mwen pungunon epwe mwuchuno.

Fan ekkoch ew an wart mwichen opungupung a fis fan iten emon chon mwichefen mi endow me ekkewe mwokutukut ra pwarano pwe eni ewe chon mwichefen epwe koukuno an choni Mwichefen. Non ekkei napanap, ewe pisop epwe awenano ewe osukosuk ngeni ewe presetenin steik.

32.9.4

Presetenin Misin

Ewe presetenin misin:

A wor an nemenem won ekkewe mwichen opungupung non an ewe misin kewe pranch me tischrik.
Epwe awora mumuta me mwen emon presetenin tischrik ika pranch epwe efisi ew mwichen opungupung.
Epwe efisi ew mwichen opungupung ika emon mwan are fefin a fen angei ewe tempel endowment epwe koukuno an choni Mwichefen. Ika ukukun fansoun are towawan mi eppeti seni, i mi tongeni ewiisa emon noun kewe chon aninis an epwe nemeni ewe opungupung. I a finata ruemon pwan chon amwochu ewe Melchizedek Pristut ar repwe fiti.
Ika epwe tufich, epwe efisi mwichen opungupung fan iten ekkewe ir rese mwo endow. Ika ukukun fansoun are towawan mi eppeti seni, i mi tongeni mutata unumon chon amwochu ewe Melchizedek Pristut an epwe efisi. Non ei fansoun, noun ewe chon mwichefen presetenin tischrik ika presetenin pranch a soun emweni ewe opungupung.
Meni epwe efisi ew opungupung ika emon chon mwichefen a tingor ew ekkesiwinin ewe pungunon an ew tischrik ika pranch mwichen opungupung.
Fiti mumuta seni emon Meinap Unus seni ewe Misionary Department, a efisi ew mwichen opungupung ika emon misineri a fori ew watten tipis non an we nenien misin (nengeni 32.9.8). A pwan nenengenochu ewe mettoch fiti emon chon ewe Presetensin Area me ourour fengen me ewe presetenin steik non an ewe misineri we steik.
Epwe awora mumuta me mwen ew an pranch ika tischrik mwichen opungupung finata ne aukano an emon aramas ese endow choni mwichefen epwe mwuchuno.

Ika emon misineri a pwarata ew watten tipis i a fori me mwen a fori an angangen misin, ewe presetenin misin a kokkori noun we chon tupuni non ewe Missionary Department ren emwen.

Nupwen emon presetenin misin a efisi ew mwichen opungupung, i a finata ruemon chon amwochu ewe Melchizedek Pristut ar repwe anisi i. Non chok fansoun mi sokkono i epwe finata enuwon misineri ar repwe aninis. A apuru pwan ewe chok tetten usun non ew an steik mwichen opungupung (see 32.10). Nge inamo, emon chon opungupung mi nap ika chon opungupung non tischrik esap fori.

32.9.5

Tischrik ika Presetenin Pranch non ew Misin

Emon presetenin tischrik ika pranch non ew misin mi tongeni efisi ew mwichen opungupung nupwen a angei mumuta seni ewe presetenin misin. Ewe chon mwichen opungupung non tischrik esapw fori.

Ew tischrik ika ew an pranch mwichen opungupung mi tongeni pesei koukunon an emon aramas choni Mwichefen ika atewe are neminewe ese mwo angei ewe tempel endowment. Nge inamo, an ewe presetenin misin mumuta mi auchea me mwen pungunon epwe mwuchuno.

32.9.6

Noun Steik ika Wart Sou mak

Noun ewe Steik ika Wart Sou mak:

Epwe annomu ekkewe rekot mi makketiw an ewe opungupung ren chok ukukun fansoun epwe namot an epwe wanong ewe toropwen Repotun An Chon Choni Mwichefen Opungupung.
Epwe amwonnata ewe toropwe ika emon sou emwen a emweni ewe opungupung epwe eis.
Ese fiti ewe aporous fengen ika angangen finata non ewe opungupung.

32.9.7

Fiti ekkoch Fansoun mi Sokkono

Ika emon chon aninis non ewe presetensin steik ese tufichin fiti ew mwichen opungupung, ewe presetenin steik epwe tingor emon chon ewe mwichen opungupung mi nap ika pwan emon prist mi nap epwe wisen tupuni. Ika ewe presetenin steik ese tufichin fiti, ewe Aewin Presetensi mi tongeni mutata emon noun kewe chon aninis epwe wisen tupuni ne nemenem.

Ika emon chon aninis non ewe mwichen pisop ese tufichin fiti ew mwichen opungupung, ewe pisop mi tongeni tingor emon prist mi nap non ewe wart an epwe wisen tupuni. Ika ewe pisop ese tufichin fiti, epwe awenano ewe osukosuk ngeni ewe presetenin steik, ewe a achufengeni ew mwichen opungupung. Ewe pisop meni esap ewisa emon chon aninis an epwe achufengeni ew mwichen opungupung.

Ika ew mwichen opungupung a fis fan iten emon chon ewe faminien ewe pisop ika emon noun kewe chon aninis, a fis ren kinikinin steik. Ika a fis fan iten emon nein chon faminien noun ewe presetenin steik kewe chon aninis, ewe presetenin steik a ewisa pwan emon prist mi nap an epwe wisen tupuni noun ewe presetenin steik we chon aninis. Ika ew opungupung a fis fan iten emon chon faminien ewe presetenin steik, i epwe kutta ourour seni ewe Ofesin ewe Aewin Presetensi.

Ika emon chon mwichefen ese tipeew ngeni an ewe pisop ika noun kewe chon aninis repwe fiti, ewe mwichen opungupung epwe fis ren kinikinin steik. Ika emon chon mwichefen ese tipeew ngeni an emon noun ewe presetensin steik kewe chon aninis epwe fiti, ewe presetenin steik epwe ewisa pwan emon prist mi nap an epwe wisen siwini noun we chon aninis. Ika ewe chon mwichefen ese tipeew ngeni ewe presetenin steik an epwe fiti, are ika ewe presetenin steik a mefi pwe i ese tongeni anonnopoku, i epwe kutta ourour seni ewe Ofesin ewe Aewin Presetensi.

32.9.8

Opungano Menni Sou emwen epwe Efisi ew Opungupung non ekkoch Fansoun mi Sokkono

Mwichen opungupung napengeni ngeni ra soun fis non ewe kinikinin kianin Mwichefen ewe a nom an ewe aramas we rekotun choni mwichefen ie.

Fan ekkoch ew mwichen opungupung mi namwot fani ten ewe aramas a mwokutuno ekis. Ika ewe mwokut a fis non ewe chok steik, ewe presetenin steik a porous fengen me ekkewe pisop ren ir me ru ekkewe wart me finata ian epwe fis ia.

Ika ewe chon mwichefen a mwokut seni ewe steik, ekkewe presetenin steik ren ir me ru steik repwe porous fengen me finata ian ewe opungupung epwe fis ia. Ika ra finata pwe epwe fis non ewe wart ika steik minen nom, ewe rekotun choni mwichefen epwe nomwetiw non ena wart tori an ewe opungupung a wesino. Are esap ina, ewe rekot epwe no ngeni ewe minafon wart. Ewe pisop ika presetenin steik epwe esinei ngeni noun ewe chon mwichefen we minafon pisop ika presetenin steik non monomon usun pwata ew opungupung mi namot.

Fan ekkoch ew mwichen opungupung mi namot ngeni emon chon mwichefen ewe a nonnom ekis seni imwan non och fansoun mwochomwoch. Ren awewe, ew opungupung epwe namot ngeni emon chon sukun ika emon chon ewe mwichen sounfiu. Ewe pisop ikewe ewe emon chon mwichefen a chok nom non fansoun mwochomwoch mi tongeni awora ourour ika aninis. Nge inamo, i esap efisi ew mwichen opungupung tiwenon chok ika ewe rekotun chon mwichefen mi nom non an kinikin me i a fen ourour fengen me ewe pisop non ewe wart imwan a nom non.

Fan ekkoch emon misineri a fori ew watten tipis non an we nenien misin ewe ese pwano tori mwirin i a wesino. Ewe pisop me presetenin steik ra porous fengen usun ion neir epwe efisi ewe mwichen opungupung. Emon me neir epwe porous ngeni ewe akkomwen presetenin misin me mwen epwe efisi.

32.10

Kokkotun Forun Mwichen Opungupung

32.10.1

Awora Esinesin me Mwonneta ngeni ewe Opungupung

Ewe pisop ika presetenin steik a ngeni emon chon mwichefen ew esinesin non mak usun ew mwichen opungupung minne epwe fis fan itan. I a sainnei ewe toropwe. Mi pachenong ekkei porous mi tettenitiw:

“Ewe [mwichen pisop ika presetensin steik] mi efisi ew mwichen opungupung fan itom. Ewe opungupung epwe fis won [ran me kunok] non [neni].

“Ewe opungupung epwe ekiekin [menapei usun ewe fofforungaw non unusen napanapan, nge esap awora tichikin ika pisekin pwarata].

“En mi ketiw om kopwe fiti ewe opungupung om kopwe awora ponuwan. En mi tongeni awora esinesin non mak seni ekkewe aramas ir mi tongeni awora porous mi wewe ngeni. En mi tongeni tingor sokkun aramas ne kapas ngeni ewe opungupung fan itom ika mi mumuta me akkom me ren ewe presetenin steik ika pisop. En mi pwan tongeni tingor [ewe presetenin Fin Anisi non ewe wart ika ewe presetenin mwichen elter] an epwe nom me awora aninis.

“Ion mi fiti epwe tipemecheres ngeni sufonun nonnomun ewe opungupung, mi pachenong kokkotun fofforun me monomonun. Chon ourour non pekin annuk me chon aninis nap seni ekkewe iter mi nom asan rese tongeni nom.”

Ew omuchunon kinikinin mak mi tongeni pachenong och kapasen tong, epinukunuk, me aurek.

Ekkoch emwen usun ion ewe aramas mi tongeni etiwa an epwe kapas ngeni ewe opungupung ra kawor non 32.10.3, number 4.

Ika ewe toropwe ese tongeni tour ren an pwisin atoura, mi tongeni titino ren pekin posto epwe rekot, fiti echo risiten an epwe niwin.

Ewe pisop ika presetenin steik a akokkota ew mwichen opungupung non ew fansoun mi taweoch ngeni ewe aramas. I a pwan tumunochu pwe mi wor fansoun an epwe angei ekkoch toropwen pwarata seni ewe mi feiengaw ren ewe fofforungaw ika pwe ra mochen repwe aworer (nengeni 32.10.2).

Ewe pisop ika presetenin steik a amonnata ewe chon mwichefen ngeni ew opungupung ren an awewei popun me kokkotun fofforun. I a pwan awewei ekkewe finata ewe opungupung epwe tori me pungunon kewe. Ika emon chon mwichefen a pwarata tipis, ewe sou emwen a awewei pwe ewe pwaratan tipis mi namot epwe aea non ewe mwichen opungupung.

32.10.2

Angei Toropwen Pwarata seni ekkewe Mi Feiengaw

Nupwen emon chon Mwichefen ewe mi feiengaw (usun ren nisou ngeni chochon famini, abuse ren semirit, abuse ren pupunu, ika nikatuputup), ewe pisop ika presetenin steik a kokkori noun ena aramas we minafon pisop ika presetenin steik. Ekkei sou emwen ra opungano ika pwe mi namot ar repwe ngeni ewe mi feiengaw ewe tufichin awora ew esinesin non mak usun ewe fofforungaw me mwirimwirin we. Ekkei esinesin repwe aneanir me non ew mwichen opungupung (nengeni 32.10.3, number 3). Sou emwenin Mwichefen ese wor ar mumuta ar repwe poputa ne chufengen me ekkewe mi feiengaw ekkewe esap ir chon ewe Mwichefen.

Och mwich ngeni emon mi feiengaw ren ei popun a fis me ren noun ewe minafo pisop ika presetenin steik. Ika emon mi feiengaw a awora och esinesin non mak, ei sou emwen epwe ngeni ewe pisop ika presetenin steik ewe a efisi ewe mwichen opungupung. Sou emwen repwe tumunochu ar repwe omonungaw seni ekkoch pwan osukosuk.

Och kapaseis usun emon mi feiengaw ewe a kukkun ierin seni 18 epwe wenengeni saman me inan ewe semirit ika chon tumunu mi kapunguno, pun ika epwe fori epwe annomu ewe mi feiengaw non osukosuk.

Ren porous ussun kewe pisop me presetenin steik ar angei emwen non sokkun abuse, nengeni 32.4.5 me 38.6.2.1.

32.10.3

Emweni ewe Opungupung

Mwitir chok mwirin an ewe opungupung poputa, ewe pisop ika presetenin steik a ureni ekkewe chon fiti ion ewe opungupung a fis fan itan me met ewe fofforungaw mi repotitiw a fori. Ika mi namot, i a awewei ewe kokkotun fofforun ewe opungupung.

Ewe aramas, ika mi nom, ina atun ra etiwanong non ewe rum. Ika ewe pisop a fen kokoto an epwe fiti ew an steik mwichen opungupung, i ra pwan etiwanong non ewe rum non ei fansoun. Ika ewe aramas a etiwa ewe presetenin Fin Anisi non ewe wart ika ewe presetenin mwichen elter an epwe nom me awora aninis, neminewe ika atewe mi pwan ketiwenong none ewe rum.

Ewe pisop ika presetenin steik a emweni ewe opungupung non ew tongen chiechioch, usun mi affatetiw fan.

A tingoer emon epwe apasa ewe iotekin nepoputan.
A apasa ewe fofforungaw mi repotitiw. A ngeni ewe aramas (ika mi nom) ew tufichin an epwe apungano, amam, ika affata ewe esinesin.
Ika emon chon mwichefen a apungano ewe fofforungaw, ewe pisop ika presetenin steik a soposopono ngeni nampa 5 fan. Ika emon chon mwichefen a amam, ewe pisop ika presetenin steik epwe wau ekkewe porous usun. Ei mi tongeni pachenong ar wau toropwe mi ennet me neuwomwong ne anneani ekkoch esinesin non mak seni ekkewe mi feiengaw (nengeni 32.10.2). Ika i a anneani och sokkun esinesin, i a tumunu iten ewe mi feiengaw.
Ika ewe aramas a amam ewe fofforungaw, atewe ika neminewe epwe awora ekkoch porous ngeni ewe opungupung. Ei mi tongeni epwe makketiw. Ika ewe chon mwichefen mi tongeni eisini ekkoch aramas ekkewe mi tongeni awora porous mi wewe ngeni ar repwe kapas ngeni ewe opungupung, emon fan ew. Ekkena aramas ir repwe chon ewe Mwichefen tiwenon chok ika ewe pisop are presetenin steik a opungano me mwan pwe emon esap chon ewe mwichefen mi tongeni fiti. Ra witiwit non ew rum mi imwuno tori ar fansoun repwe kapas. Emon me emon aramas a no seni ewe rumwen opungupung nupwen i a wes. Repwe tipemecheres ngeni sufonun nonnomun ewe opungupung, mi pachenong kokkotun fofforun me monomonun. Chon mwichefen mi tongeni wor nour chon ourour non pekin annuk epwe nom. Ika mi tongeni wor nour chon aninis nap seni ekkewe iter mi nom non ewe oruwen kinikinin mak non ei kinikin.
Ewe pisop ika presetenin steik mi tongeni eisini ewe chon mwichefen ekkewe kapaseis non ew napanap mi pwetete me sufon. I mi pwan tongeni eis ekkewe kapaseis ngeni ekkoch aramas minne ewe chon mwichefen a tingor repwe awora porous. Chon aninis non ewe mwichen pisop me presetensin steik ir mi pwan tongeni kapaseis. Ekkoch kapaseis repwe mwitiri me aukuk ngeni ekkewe ennet mi auchea.
Mwirin meinisin ekkewe porous mi wewe ngeni ra fen kawor, ewe pisop ika presetenin steik a mutau ewe chon mwichefen seni ewe rum. Ewe sou mwak a pwan tongeni no, tiwenon chok ika ewe chon opungupung mi nap a fen fiti ew an steik mwichen opungupung. Ika noun ewe chon mwichefen we pisop mi nom ren ew an steik mwichen opungupung, i a pwan tongeni no. Ika ewe presetenin Fin Anisi non ewe wart ika ewe presetenin mwichen elter mi fiti an epwe awora aninis, neminewe ika atewe a pwan tongeni no.
Ewe pisop ika presetenin steik a eis ar kapas ika ekiek seni noun kewe chon aninis. Ika ewe chon opungupung mi nap a fen fiti ew an steik mwichen opungupung, i a eis ar kewe memef me ekiek.
Fiti noun kewe chon aninis, ewe pisop ika presetenin steik a iotek ne kutta an ewe Samon mochen usun ewe mettoch. Ewe chok presetenin steik me noun kewe chon aninis ika ewe pisop me noun chon aninis repwe nom non ewe rum non ei fansoun. Ika ew an steik mwichen opungupung mi pachenong ewe chon opungupung mi nap, ewe presetensin steik ra soun no ngeni an ewe presetenin steik ofes.
Ewe pisop ika presetenin steik a ureni noun kewe chon aninis usun met a finata me tingorer repwe tipeew me pesei. Ika ew an steik mwichen opungupung mi pachenong ewe chon opungupung mi nap, ewe presetensin steik a niwin ngeni ewe rum me eisini ewe chon opungupung mi nap an epwe tipeew ngeni me pesei. Ika emon chon aninis are chon opungupung mi nap a sokkono an ekiek, ewe pisop ika presetenin steik a ausening ar epwe awesano ekkewe sokkofesen. Ewe sekining ren ewe pungunon finata a nom won ewe nouwis mi nemenem.
I a etiwanong sefan ewe aramas non ewe rum. Ika ewe sou mak a fen no, i a pwan kokoto sefan non ewe rum. Ika noun ewe chon mwichefen we pisop mi nom ren ew an steik mwichen opungupung, i a pwan kokoto non ewe rum. Ika ewe presetenin Fin Anisi non ewe wart ika presetenin mwichen elter mi fiti an epwe awora aninis, neminewe ika atewe a pwan ketiw sefan.
Ewe pisop ika presetensin steik epwe aporousa ngenir ewe pungunon finata an ewe opungupung non ew tongen chiechioch. Ika ewe pungunon finata epwe auku an ewe aramas tufichin choni Mwichefen ika oukano chon choni mwichefen, i a awewei nonnomun kewe (nengeni 32.11.3 me 32.11.4). I a pwan awewei ifa usun epwe awesi ekkewe aukuk me awora pwan ekkoch emwen me ourour. Ewen pisop ika presetenin steik mi tongeni asopano ew opungupung ren och fansoun an epwe kutta pwan ekkoch emwen ika porous me mwen epwe finata pungunon. Non ena fansoun, i a awewei ei.
A awewei an ewe aramas pung ne tingor ekkesiwinin kapung (nengeni 32.13).
A tingor emon epwe apasa ewe iotekin nesoponon.

Ika pwe ewe aramas mi nom ika ese nom, ewe pisop ika presetenin steik a esinei ngeni atewe ika neminewe usun ewe pungunon finata usun mi awewetiw non 32.12.1.

Esap wor chon fiti ew mwichen opungupung epwe mumuta an epwe fori ew rekotun mengungu, fitio, ika rekotun mak. Emon sou mak mi tongeni makkei ekkoch esinesin fan iten an epwe amonnata ewe Repotun An Chon Mwichefen Mwichen Opungupung. Nge inamo, ekkena esinesin non mak resap rekotini foufoun kapas ika esap kapini non mak. Mwirin an ewe repot a monneta, i epwe mwitir atano ekkewe esinesin non mak.

32.11

Pungunon finata seni ekkewe Mwichen Opungupung

Ekkewe pungunon finata seni ekkewe mwichen opungupung repwe emwen me ren ewe Ngun mi Fel. Repwe pwa ngunuwan me ren ewe tong me epinukunuk a kawor me ren ewe Chon Amanau ngeni ekkewe ra aier. Ekkoch tufichin pungunon finata ir mi awewetiw fan. Nupwen repwe fori ekkei pungunon finata, sou emwen repwe ekieki ekkewe nonnomun aramas ir mi affatetiw non 32.7.

Mwrin eu me eu mwichefen opungupung, ewe pisop ika presetenin steik a mwitir wanong echotoropwen Repotun an Chon Mwichefen Mwichen Opungupung me non LCR (nengeni 32.14.1).

Ekkoch tufichin pungunon finata seni mwichen opungupung ir mi affatetiw non ekkewe kinikin mwirin.

32.11.1

Epwe chok Nonnomoch ngeni Ekkoch

Non ekkoch fansoun, meni emon aramas mi wenechar me mi nonnomoch ngeni ekkoch. Non ekkoch fansoun, meni emon aramas a fen fori ewe tipis, ennetin aier, me a nonnomoch ngeni ekkoch. Ewe pisop ika presetenin steik mi tongeni awora ourour me esinesin usun foffor non ekkan ran mwach. Mwirin ewe opungupung, i a sopweno ne awora aninis nupwen epwe namot.

32.11.2

Ourour ngeni Emon ren ewe Pisop ika Presetenin Steik

Non ekkoch mwichen opungupung, sou emwen mi tongeni opungano pwe ewe chon mwichefen ese nonnomoch ngeni ekkoch—nge oukukun chon choni mwichefen mi punguno rese namot. Non ekkei fansoun, ewe opungupung mi tongeni finata pwe ewe aramas epwe angei an ourour me pungun me ren ewe pisop ika presetenin steik. Ei opungupung mi tongeni pachenong oukukun an chon mwichefen ese punguno usun mi affatetiw non 32.8.3.

Ourour ngeni emon me oukukun choni mwichefen esap ew mettochun finata nupwen ew opungupung a fis fan iten ekkewe tipis mi tettenitiw non 32.6.1.

32.11.3

Oukukun Chon Choni Mwichefen mi Punguno

Non ekkoch mwichen opungupung, sou emwen mi tongeni opungano pwe mi murino repwe auku tufichin an emon aramas choni Mwichefen ren ew fansoun. Oukuk mi punguno meni epwe naf ngeni meinisin nge esap ngeni ekkewe watten tipis ika napanap, ren minne an emon choni mwichefen epwe ukuno (nengeni 32.11.4).

Ekkewe mi wor ar oukukun choni mwichefen mi punguno ir mi chiwen choni ewe Mwichefen. Nge inamo, ar tufichin choni Mwichefen mi oukuk usun mi tettenitiw:

Resap tonong non ew tempel. Nge inamo, ir mi tongeni soposopono ne ufouf ekkewe ufen non tempel ika ra fen endow. Ika ewe chon mwichefen mi wor noun toropwen mumutan non tempel, ewe sou emwen epwe oukano me non LCR.
Resap anganga ewe pristut.
Resap angei ewe sakrament ika fiti ewe etipeew ngeni me pesei nouwisen Mwichefen.
Resap afanafan non fan, fori nesen, ika iotek non nenien Mwichefen. Resap pwan angang non ew wisen Mwichefen.

Ra pesepes ar repwe fiti mwichen Mwichefen me urumotun ika ar mwokutukut mi murino. Ra pwan pesepes ar repwe moni eu ne engon.

Ewe pisop ika presetenin steik mi tongeni pwan apachata ekkoch mettoch repwe fori, usun ar repwe towaw seni mettochun sasingin me kachiton aramas mi seneno me ekkoch pwan echimw mi ngaw. I a soun pwan apachata ekkoch epinukunukun napanap. Ekkei mi tongeni pachenong fiti Fan iteiten fansoun, iotek iteitan, me anneani ekkewe pukefel me pwan ekkoch mettochun Mwichefen.

Ika an emon aramas tufichin choni Mwichefen ra punguno ne aukuk, a makketiw won an we rekoktun choni mwichefen.

Ewe fansoun aukuk mi punguno mi kan ukukun ew ier me mi tongeni nangatam. Nupwen ewe chon mwichefen a fisioch an fefeita non ennetin aier, ewe pisop ika presetenin steik a pwan efisi ew opungupung an epwe ekieki ne akkounoi ekkewe aukuk (nengeni 32.16.1). Ika ewe chon mwichefen mi soposopono non ewe napanapen tipis, ewe sou emwen mi tongeni efisi pwan ew mwichen opungupung an epwe ekieki ekkoch mwokutukut.

32.11.4

Oukano ne Fiti Mwichefen

Non ekkoch mwichen opungupung, sou emwen mi tongeni opungano pwe mi murino repwe oukano an emon aramas choni Mwichefen ren ew fansoun (nengeni Mosaia 26:36; Alma 6:3; Moronai 6:7; Doctrine and Covenants 20:83).

Oukano an emon aramas choni Mwichefen mi namwot ren ni manau (usun mi awewetiw non 32.6.1.1) me pupunu chommong (usun mi awewetiw non 32.6.1.2). Napengeni fansoun meinisin mi namot epwe fis ren nisou ngeni emon chochon famini usun mi awewetiw 32.6.1.2 me 38.6.10.

Me ren emwenien ewe Ngun, oukano an emon aramas choni mwichefen epwe pwan namot usun mi tettenitiw:

Ren ekkewe ar mwokutukut mi fori ar repwe ennetin eniwokus ngeni ekkoch.
Ren ekkewe ra fen fori akkaewin wachemwuken tipis.
Ren ekkewe rese fori aier fan iten watten tipis (nengeni ekkoch ekiek non 32.7).
Ren ekkewe ra fori watten tipis mi efeiengawa ewe Mwichefen.

Ew an wart, pranch, ika tischrik ika mwichen opungupung mi tongeni pesei oukanon choni Mwichefen seni emon aramas ewe esamo angei ewe tempel endowment. Nge inamo, an ewe presetenin steik mumuta ika presetenin misin mi namot me mwen ewe pungunon finata epwe mwuchuno.

Ekkewe ra choni Mwichefen a fen oukukuno resap aea och tufichin choni mwichefen.

Resap tonong non ew tempel ika ufouf ekkewe ufen non tempel. Ika ewe aramas a wor noun toropwen mumutan non tempel, ewe sou emwen epwe akkounoi non LCR.
Resap anganga ewe pristut.
Resap angei ewe sakrament ika fiti ewe etipeew ngeni me pesei nouwisen Mwichefen.
Resap afanafan non fan, fori nesen, ika iotek non nenien Mwichefen ika emweni ew urumot non mwichefen. Resap pwan angang non ew wisen Mwichefen.
Resap moni eu ne engon.

Ra pesepes ar repwe fiti mwichen Mwichefen me urumotun ika ar mwokutukut mi murino.

Ekkewe ra choni Mwichefen a fen oukukuno ir mi pwan tongeni katonong sefan ren papatais me epinano ngeni ewe Ngun mi Fel. Napengeni, mi auchea repwe pwari ennetin aier ren mwaren ukukun ew ier. Ewe pisop ika presetenin steik a pwan efisi ew mwichen opungupung an epwe ekieki ika epwe katonong sefan (nengeni 32.16.1).

Pungunon Finata an Mwichen Opungupung me Pungun kewe

Pungunon Finata	Pungun kewe
Pungunon Finata Epwe chok Nonnomoch ngeni Ekkoch (nengeni 32.11.1)	Pungun kewe Ese wor
Pungunon Finata Ourour ngeni Emon ren ewe Pisop ika Presetenin Steik (nengeni 32.11.2)	Pungun kewe Epwe wor ekkoch tufichin choni mwichefen resap punguno ne oukuk. Ekkewe oukuk ra kan chok kis seni ew ier; non ekkoch fansoun mi sokkono, ir mi tongeni nangatam. Oukuk ese punguno ra wesino mwirin ennetin aier. Foffor ese rekotitiw non ewe rekotun choni mwichefen.
Pungunon Finata Oukukun Chon Choni Mwichefen mi Punguno (nengeni 32.11.3)	Pungun kewe Tufichin choni mwichefen ir mi punguno ne oukuk. Ekkewe oukuk ra kan ukukun ew ier me mi tongeni nangatam. Foffor mi rekotitiw non ewe rekotun choni mwichefen. Oukuk mi punguno ra wesino mwirin ennetin aier, ew mwichen opungupung, me, ika mi namot, ren an Aewin Presetensi mumuta. Ewe esisinnen rekotun choni mwichefen a wesino ika ekkewe oukuk ra wesino mwirin ew mwichen opungupung (tiwenon chok ekkewe toropwen anetata; nengeni 32.14.5).
Pungunon Finata Oukano ne Fiti Mwichefen (nengeni 32.11.4)	Pungun kewe Meinisin angangepin ra mwuchuno. Meinisin tufichin chon mwichefen ra oukano, napengeni ren ukukun ew ier. Emon aramas mi fich ngeni an epwe katonong sefan ren papatais me epinano ngeni ewe Ngun mi Fel mwirin chok ennetin aier, ew mwichen opungupung, me, ika mi namot, ren an Aewin Presetensi mumuta. Emon aramas a fen akkom endow mi tufich an epwe angei ew Niwinsefaniton Feioch ren chok an ewe Aewin Presetensi mumuta me mwirin ukukun ew unusen ier seni an katonong sefan (nengeni 32.17.2). Ren emon aramas a fen endow, ewe “Niwinsefaniton Feioch mi Auchea” ewe esisin epwe wesino seni ewe rekotun choni mwichefen mwirin chok ewe angangepin a fis (ekkewe taropwen anetata mi auchea ir mi chok nom; nengeni 32.14.5).

32.11.5

Kapaseis usun Finata Mettoch mi Weires

Pisop repwe awenano ekkewe kapaseis usun ekkewe emwen non ewe pukenapen emwen fan iten mwichen opungupung ngeni ewe presetenin steik.

Ren mettoch mi weires, ewe presetenin steik epwe kutta ourour seni ewe Area Fik mi ewis ngeni. Ewe presetenin steik epwe ourour ngeni ewe Presetensin Area usun ekkewe mi tettenitiw non 32.6.3. Nge inamo, ewe presetenin steik esap eisini emon Area Fik ika Meinap ifa usun epwe finata ekkewe mettoch mi weires. Ewe presetenin steik a finata ika ew opungupung epwe fis an epwe porous usun ewe mwokutukut. Ika ew opungupung a fis, ewe presetenin steik ika pisop epwe finata pungunon.

32.11.6

Meinapen Aewin Presetensi

A wor ren ewe Aewin Presetensi ewe amwuchunon nemenem won meinisin an Mwichefen oukukun choni mwichefen me oukano ne fiti Mwichefen.

32.12

Esinesin me Taropwen Anetata

Ewe pungunon finata ren ew mwichen opungupung a kawor ngeni ewe aramas—me ngeni ekkoch ika epwe namot—usun mi awewetiw fan.

32.12.1

Ouroura emon Aramas usun Pungunon Finata

Ewe pisop ika presetenin steik epwe ureni ewe aramas ewe pungun ewe opungupung nupwen a mwuchuno. Nge inamo, i mi tongeni asopano ew opungupung ren och fansoun an epwe kutta pwan ekkoch emwen ika porous me mwen epwe finata pungunon.

Ew an wart, pranch, ika tischrik ika mwichen opungupung mi tongeni pesei oukano chon Mwichefen seni emon aramas ewe esamo angei ewe tempel endowment. Nge inamo, an ewe presetenin steik mumuta ika presetenin misin mi namot me mwen ewe pungunon finata epwe mwuchuno.

Ewe pisop ika presetenin steik epwe awewei ekkewe mwirimwirin ewe pungunon finata usun mi awewetiw non 32.11. Napenegni i a pwan awora ourour won ekkewe nonnomun aier pwe ekkewe oukuk repwe tongeni wesino ika ewe aramas epwe tongeni katonong sefan non ewe Mwichefen.

Ewe pisop ika presetenin steik a ngeni ewe aramas ew mwitirin esinesin non mak usun ewe pungunon finata me met mwirimwirin kewe. Ei esinesin mi masoweni ew porous pwe ewe foffor a fis pwe ponuwen ewe mwokutukut mi ungeni annukun me tettenin ewe Mwichefen. Mi tongeni pwan pachenong ourour usun ew oukukun chon mwichefen epwe wesino ika an epwe katonong sefan non ewe Mwichefen. Epwe esinei ngeni ewe aramas pwe i mi tongeni tingor ekkesiwinin pungunon kapung (nengeni 32.13).

Ika ewe aramas ese fiti ewe opungupung, esinesin non mak mi naf ar repwe esinei ngeni atewe ika neminewe usun ewe pungunon finata. Ewe pisop ika presetenin steik mi pwan tongeni churi ewe aramas.

Ewe pisop ika presetenin steik esapw ngeni ewe aramas ew kapin ewe toropwen Repotun an Chon Mwichefen Mwichen Opungupung.

32.12.2

Esinei ngeni Ekkoch usun ew Pungunon Finata

Ika emon pisop are presetenin steik a oukano an emon aramas tufichin choni mwichefen non ew mwichen ourour ngeni emon, i esap pwan esinei ngeni emon (nengeni 32.8.3). Nge inamo, ekkei sou emwen ra porous fengen usun oukuk ese punguno nupwen ra anisi chon mwichefen.

Ika an emon aramas tufichin choni mwichefen ra punguno oukukun ika koukunon non ew mwichen opungupung, ewe pisop ika presetenin steik a esinesin ewe pungunon finata ngeni chok ekkewe mi namot ar repwe sinei. Ekkewe emwen mi tapweto mwirin ir mi wewe ngeni.

I a ekieki osupwangen ekkewe chon feiengaw me tufichin chon feiengaw me memefin an ewe aramas famini.
I ese porous won ewe pungunon ekiek ika ewe aramas epwe otutur won. Nge nengeni, i epwe esinesin ika pwe epwe apungano pwe mi namot an epwe tumunu ekkoch. I mei tongeni pwan porous won an epwe anisi chikaren ekkewe chon feiengaw (ina mo ika ese ngenir iten kewe mi feiengaw) ika ne tumunu iteochun ewe Mwichefen.
Nupwen mi auchea, ewe pisop a porous won ewe pungunon ekiek non nukunuk ngeni chon mwichen opungupungun wart. Ei epwe esinesin ngeni kewe souemwen kewe repwe ekieki ewe aramas an epwe wor wisan, osukuna kewe nesen, ika awora iotek ika afanafan. Ei epwe pwan pesei kewe sou emwen ar repwe awora tumun me aninis ngeni ewe chon Mwichefen me an famini.
Fiti mumuta seni ewe presetenin steik, ewe pisop a tongeni porous won ewe pungunon ekiek non an ewe mwichen elter ren ewe wart me mwichen Relief Society ika ewe napanap mi pachenong:
- Sokkun napanap mi aweiresi ekkoch.
- Afanafana nongonong ika annuk mi mwan ika sokkun napanapen rochopwak.
- Tipisin atai annuk ussun fori angangen apupunu ngeni ruemon ika aea afanafan seni cult an epwe amwasanga ekkoch ar repwe sani ew me nein ekkei.
- .Ekiseno non ekkewe neni ekkewe mokutukut ika afanafan unus ika ekkewe sou emwenin Mwichefen non pusin neniach.
napanapan, ewe presetenin steik a pwan auchea an epwe mutata ew porous ngeni ekkoch chon kewe wart non ewe steik.
Non ekkoch napanap, ewe pisop ika presetenin steik epwe mefi pwe epwe wor aninisochun ne esinei ngeni ekkoch ika meinisin ekkewe chon feiengaw me ar kewe famini ewe ew mwichen opungupung a fis fan iten ewe aramas. A fori ei seni nour kewe pisop ika presetenin steik.

Ika an emon aramas manauen sonani ika efeiengawa epwe efeiengawa ekkoch, ewe pisop ika presetenin steik repwe awora kapasen esinesin ne anisi tumunun ekkoch. Ese parano porous mi monomon me ese pwan ekieki och mettoch.
Napengeni non chommong napanap, ewe pisop ika ewe presetenin steik repwe auku ekkoch sokkun napanap non eu taropwe esinesin unus. A amecheresi ne apasa pwe kewe tufichin choni Mwichefen a fen oukuk ika katou ren napanap mi u ngeni kewe annuk me tetenin ewe Mwichefen. I a tingorei ekkewe ir mi nom pwe resap porous won. I ese tingor fan iten ew pwaratan etiwa.
Ika emon chon Mwichefen a murinno mwirin ew mwichen opungupung (nengeni 32.11.1), ewe pisop ika presetenin steik epwe aporousa ena an epwe kamorono porous ese pung.

32.12.3

Porous Fengen won Toun chon Mwichefen

Non ekkoch napanap, a auchea an emon pisop epwe porous won an emon aramas a tou seni Mwichefen (nengeni 32.14.9). Ewe pisop esap awora pwan ekkoch tichikin.

32.13

Tingoren Ekkesiwinin ew Pungun Ekiek

Emon chon Mwichefen mi tongeni tingor ne ekkesiwini ewe pungun ekiek an ew wart mwichen opungupungun ngeni ewe presetenin steik ren ukukun 30 ran. Ewe presetenin steik a efisi an steik mwichen opungupung an epwe ekieki ewe tingoren ekkesiwin. Epwe pwan tingorei ewe pisop an epwe korsefani ew mwichen opungupung, akkaewin ika mi wor minefon porous.

Emon chon Mwichefen epwe tingor ekkesiwinin ewe pungun ekiek an ewe steik mwichen opungupungun ren an makkei echo taropwe ngeni ewe Aewin Presetensi non ukukun 30 ran. Ewe chon mwichefen a ngeni ewe presetenin steik ewe toropwe an epwe ngeni ewe Aewin Presetensi.

Non ew missin, emon chon mwichefen epwe tingor ekkesiwinin ewe pungunon ekiek an ew mwichen opungupungun pranch ika tischrik ngeni presetenin misin non ukukun 30 ran. Ewe presetenin misin a efisi ew mwichen opungupung ar repwe ekieki ewe tingoren ekkesiwin. Ika fansoun are towawen neni a eppeti atewe seni an epwe fori ei, i epwe opuru ekkewe kapasen awewe non 32.9.4.

Ika emon presetenin misin a emweni ewe opungupung, ewe chon mwichefen epwe tingor ekkesiwinin ewe pungun ekiek ren an epwe makkei echo taropwe ngeni ewe Aewin Presetensi non ukukun 30 ran. Ewe chon mwichefen a ngeni ewe presetenin misin ewe toropwe an epwe ngeni ewe Aewin Presetensi.

Emon aramas a tingor ekkesiwinin ew pungun ekiek epwe afata non mak ewe mwan ika pungungaw non tettenin ika pungun ekiek.

Ika ew mwichen opungupung a fis an epwe ekieki ew tingoren ekkesiwin, ew me nein pungun finata mi tufich.

Mut ngeni ewe pungun ekiek mi wor epwe chok nom.
Siwini ewe pungun ekiek mi wor.

An ewe Aewin Presetensi pungun finata ikkena omuchunon pungun rese tongeni pwan chiwen tingor sefan.

32.14

Repot me Rekotun Taropwen Chon Mwichefen

32.14.1

Repotun an Mwichefen Mwichen Opungupung

Mwirin ew me ew mwichen opungupung, ewe pisop ika presetenin steik epwe mwitir wanong echo toropwen repotun an Chon Mwichefen Mwichen Opungupung me non LCR. Mi tongeni eisini ewe sou mak epwe amonata ewe repot. I epwe tumunu ochu pwe esap wor kapin ewe taropwe ika kapin won computer epwe nom. Epwe pwan tumunu pwe ekkewe taropwen esinesin ra aea ne fori ewe repot repwe mwitir katano.

32.14.2

Pungunon Oukukun chon choni Mwichefen

Pungunon oukukun chon choni Mwichefen ra makketiw won noun emon aramas rekot. Ofesinapen Mwichefen a fori ei esisin ika kapasen esinesin mwirin ar ra angei ewe Reportun an Chon Mwichefen Opungupung. Nupwen emon chon Mwichefen a aier, ewe sou emwen epwe efisi pwan ew opungupung ar repwe ekiekin eukano ekkei oukuk (nengeni 32.16.1).

32.14.3

Rekot mwirin noun emon Aramas rekotun an Choni Mwichefen a Ukuno

Ika noun emon aramas taropwen choni Mwichefen a Ukuno, ofesinapen Mwichefen a awesano ewe rekotun choni Mwichefen mwirin ar angei ewe Repotun an Mwichefen Mwichen Opungupung. Ika ewe aramas a mochen, ekkewe sou emwen repwe anisi i an epwe katonong sefan ngeni ewe Mwichefen ren papatais me kopunguno (nengeni 32.16.1).

32.14.4

Kewe Rekot mwirin Katonong sefan ngeni ewe Mwichefen

Mwirin an emon aramas a katonong sefan ngeni ewe Mwichefen, ewe pisop epwe awora echo toropwen Repotun an Mwichen Opungupung. Echo setifiketin Papatais me Kopunguno ese for. Nge, ewe papatais me kopunguno repwe rekot won ewe toropwen Repot ren an Chon Mwichefen Mwichen Opungupung.

Ika emon chon Mwichefen ese efeioch non tempel, ofesinapen Mwichefen epwe awora echo rekotun chon Mwichefen mi pwarano kewe ranin an ewe aewin papatais me ekkoch angangepin. Ewe rekot ese pwarata poutunon taropwen choni Mwichefen.

Ika ewe chon Mwichefen mi efeioch non tempel, ofesinapen Mwichefen epwe fori sefani ewe rekotun taropwen choni Mwichefen an epwe pwano ewe minefon ranin papatais me ranin kopungunon. Ewe rekot a pwan apachanong ewe porous “Niwinsefaniton kewe Efeioch a Auchea.” Mwirin an ewe chon Mwichefen kewe efeioch ra niwinsefan ( nengeni 32.17.2), ewe rekotun choni Mwichefen epwe for sefan an epwe pwano kewe ranin ewe aewin papatais me ekkoch angangepin. Ese pwarata poutunon taropwen choni Mwichefen.

32.14.5

Rekoten Chon Mwichefen fiti Kapasen Awewe

Usun mi mumuta meren ewe Aewin Presetensi, ofesinapen Mwchefen a awora esinesin ne awewei noun emon aramas rekotun choni Mwichefen non meinisin ekkewe napanap mi tettenitiw fan:

Ewe pisop ika presetenin steik epwe wanong echo taropwen Reportun an Chon Mwichefen Mwichen Opungupung epwe affata pwe pungunon an ewe aramas chon ei Mwichefen a kouk ika ukkuno ren ekkei sokkun napanap:
1. Nisou ngeni emon chochon famini
2. Ika emon aramas a abusini emon semirit ika sarafo non fofforun nisou, ariaffou semirit ika sarafo ren pekin nisou, ika ennetin abusini semirit ika serafo ren memefin netip me inis.
3. Nounoun sasingin semirit mi ngaw usun mi makketiw non 38.6.6
4. Epupunu chommong
5. An menimwuk manauen attapwa ekkoch ren nisou
6. Ekkesiwini at ika nengin seni ar uputiw ngeni osokurun—angangen ekkesiwini emon at ngeni nengin ika nengin ngeni at (nengeni 38.6.23)
7. Angemwani monien Mwichefen ika sonani pisekin Mwichefen
8. Aea ngawei tufichin Mwichefen
9. Eniwokusun manau (usun ren nisou, manangaw, ika pekin mwoni) ika foffor a efeiengawa ewe Mwichefen
Ewe pisop me presetenin steik repwe awora esinesin mi maketiw pwe ewe aramas:
1. A tipeew ngeni ika a fen tipisin ew osukosuk a pachenong ew me nein ekkewe foffor mi tetfenitiw me asan.
2. A fen pwano pwe a wisen fori angangen tipisin sonani mwoni ika ekkoch mokutukut mi pungungaw a pachenong ew me nein ekkewe foffor mi tetenitiw me asan.

Nupwen a tori emon pisop ew rekotun emon chon Mwichefen mi fiti kapasen awewe, epwe opuru ekkewe ourour non ewe rekot fiti kapasen awewe.

Ewe chok Aewin Presetensi epwe mutata an epwe ataeno ew kapas fiti awewe seni ew rekotun chon Mwichefen. An emon epwe pesei awesanon ew kapas fiti awewe, ewe presetenin steik epwe aea LCR. Ewe Ofesin ewe Aewin Presetensi epwe esinesin ngeni atewe ika ewe tingor mi ketiw ika ese.

32.14.6

Repotei Chon Sonani Mwonien Mwichefen

Ika an emon aramas choni Mwichefen mi oukuk ika ukuno ren an angemwani mwonien Mwichefen, ewe pisop ika presetenin steik epwe repotei ussun mi makketiw non 34.9.5.

32.14.7

Awesano ekkewe Oukukun won Rekotun Choni Mwichefen

Fan ekkoch emon chon Mwichefen a mwokut ngeni ew minafon wart nupwen fofforun choni mwichefen ika ekkoch ennetin aurek mi chiwen ewitiwit. Fan ekkoch a auchea an emon pisop epwe aporousa ngeni ewe minefon pisop porous me mwen ewe rekotun chon choni Mwichefen epwe mokutuno ngeni ewe minefon kinikin. Non ekkei napanap, ewe pisop (ika soumak ika mi mumuta) epwe awora ew oukukun mokut won rekotun ewe chon mwichefen. Ewe rekot epwe chok nom non ewe kinikin tori ewe pisop (ika soumak ika mi mumuta) an epwe omokutu ewe oukukun. Ei a mut ngeni ew tufich ren ewe pisop an epwe porous won ekkewe ourek me porous.

32.14.8

Rekotun Ekkewe Ra Kanapus

Ekkoch chon Mwichefen rafen tipis ren ew mokutukut mi pungungaw me ra kanapus. Ewe pisop ika presetenin steik ren ewe kinikin ikewe ewe aramas a nom ia nupwen ewe osukosuk a fis epwe soposopono fiti mokutukut mi murino ngeni ren oukukun chon choni Mwichefen ese punguno ika ukuno. Ika tufichin choni Mwichefen mi oukuk, ewe sou emwen (ika soumak ika mi mumuta) epwe tinano ewe rekotun chon choni Mwichefen ngeni ewe kinikin ewe a mesemes won ewe neni ikewe ewe aramas a kanapus ie. Ika an emon choni Mwichefen a ukuno, ewe pisop ika presetensin steik epwe kori ewe sou emwenin ena kinikin. (Nengeni 32.15.)

32.14.9

Tungorun Tou Seni Mwichefen

Ika emon chon Mwichefen a tingor an epwe tou seni an choni ewe Mwichefen, ewe pisop epwe porous ngeni neminewe ika atewe ika i a mochen epwe porous won kewe osukosuk me sotuni ne ataweir. Ewe pisop me ewe chon mwichefen repwe pwan tongeni ourour fengen me ewe presetenin steik. Ewe sou emwen epwe tumunochu pwe ewe chon Mwichefen epwe weweiti met kewe ra fateno mwirin an tou seni an choni ewe Mwichefen:

A aukatiw angangepin meinisin.
A epichano meinisin tufichin chon choni Mwichefen.
Tosefaninong ren papatais me kopunguno a tongeni fis mwirin chok ew unusochun interfiu me, non chommong napanapan, ew mwichen opungupung (nengeni 32.16.2).
Emon aramas a fen efeiochuno non tempel a tufich ngeni an epwe angei ew niwinsefanin ewe pristut me efeiochun non tempel ren chok ewe mumuta meren Aewin Presetensi me mwirin ukukun unusen ew ier seni ewe fansoun a tosefaninong (nengeni 32.17.2).

Ika ewe chon Mwichefen mi chok chiwen mochen tou seni an choni Mwichefen, atewe ika neminewe epwe awora echo taropwen tingor ngeni ewe pisop, epwe sain. Ewe pisop a wanong ewe tingor ngeni ewe presetenin steik non LCR. Mwirin ewe presetenin steik a nengeni me wanong ewe tingor non ena LCR. Kewe sou emwen repwe mwitir ne mokutukut won kewe tingor.

Emon aramas a tongeni pwan tou seni an choni Mwichefen ren an epwe tinano echo taropwen tingor mi impwang, me sain ngeni ofesinapen Mwichefen.

Emon kukkun ewe a mochen epwe tou seni an choni Mwichefen epwe chok opuru ewe chok pwan napanap ussun emon mei mukono, tiwenon chok ew mettoch: ewe tingor epwe sain meren ewe kukkun (ika ierin a watte seni 8) me seni kewe sam me in ika chon tumunu a wor an pung an epwe nom fan tumunuwan.

Ika an emon choni mwichefen tou seni an chon mwichefen epwe awora ew fofforun kapung ngeni ewe Mwichefen ika souemwenin, ewe presetenin steik epwe opuru ekkewe ourour non 38.8.27.

Ew tingoren kouno seni an choni Mwichefen repwe angang won pwan mo ika mei wor an sou emwenin pristut sinei porousan ussun ew watten tipis. Ese nifinifin sokkun porous ussun kewe tipis rese taweno mi makketiw nupwen ewe tingor a tonong seni an Leader and Clerk Resources. Ei a mut ngeni sou emwenin pristut ar repwe atawei ekkewe osukosuk non fansoun mwach ika ewe aramas a tingorun tosefaninong non ewe Mwichefen (nengeni 32.16.2).

Emon sou emwenin pristut esap pesei an emon epwe tou seni choni Mwichefen ren an esap efisi ew mwichen opungupung.

Kewe sou emwen repwe sopweno ne iamwiri ekkana ra tou seni ar choni Mwichefen tiwenon chok ika re tingor an esap wor chon churir.

EKKEWE TUFICHIN NIWIN NGENI CHONI MWICHEFEN

Ika an emon aramas tufichin chon Mwichefen ir mi oukuk ika ukuno, sou emwen repwe amwa, ourour, me anisi ewe aramas ika atewe are neminewe epwe mutata. Ei kinikin a awewei ifa ussun ekkana tufich ra tongeni niwinsefan.

32.15

Sopweno ne Iamwir

Wisen ewe pisop ika presetenin steik ussun emon chon opungu ese much nupwen emon chon Mwichefen a angei kewe oukukun an choni Mwichefen ika tou seni an choni Mwichefen. I epwe sopweno no ne iamwiri, nupwen ewe aramas mi mutata, iwe neminewe ika atewe epwene pwan pwapwaiti sefan ekkewe efeiochun chon choni Mwichefen. Ewe pisop epwe chok chuchuri ewe aramas me, nupwen a wor aninisochun me tufichin, punuwan ewe. Ewe Chon Amanau a aiti kewe chon Nifai:

“Ousap asueu i seni … ami kewe nenien fen, pun ngeni ena sokkun oupwe soposopono ne angang ngeni; pun ouse sinei ika non ew ran repwe niwin me aier, me feito rei ren unuen netip, iwe upwe echikarar; iwe ami oupwe wisen popun chon awora amanau ngeni ir” (3 Nifai 18:32).

Ewe fansoun mwirin chok an emon aramas choni Mwichefen a oukuk ika ukuno a weires me eriaffou ren an famini. Kewe sou emwen repwe tumunoch ngeni ekkei mettoch me pesei me anisi chon ewe famini.

Ewe pisop epwe nenengenochu pwe kewe chon Mwichefen mi tumunoch repwe ewis ngeni ar repwe iamwiri emon aramas minne an choni Mwichefen a fen oukuk ika ukuno, nupwen ewe aramas mi mutata. Ra pwan iamwiri ekkoch chochon famini. Aramas mi nom fan oukukun an choni mwichefen mi tongeni tufich ran an epwe fori angangen indexing (nengeni 25.4.3).

Ika ewe aramas a mokut seni ewe wart, ewe pisop epwe esinei ngeni ewe minefon pisop me awewei ngeni met mi chok chiwen auchea an epwe fis me mwen oukukun chon choni Mwichefen a tongeni kepichino. Ika an ewe aramas choni Mwichefen a kepichino seni ewe Mwichefen ika ewe aramas a tou seni Mwichefen, ewe pisop epwe pwan fori ewe chok pwan esinesin ika ewe aramas a tipeew ngeni an epwe aninis seni ekkewe sou emwenin Mwichefen.

32.16

Awesano Ekkewe Oukuk mi Punguno ika Katonong Sefan ngeni ewe Mwichefen

32.16.1

Mwichen Opungupung ar repwe Awesano Oukuk mi Punguno ika atononga sefani emon Aramas

Nupwen kewe tufichin choni Mwichefen ra oukukuno ika ukuno me non ew mwichen chon opungupung, pwan ew opungupung epwe fis ar repwe ekieki ar repwe awesano kewe oukuk ika atononga sefan ewe aramas ngeni ewe Mwichefen. Ei mwichen opungupung epwe pwan wor rer ewe pwan kinikinin pochokun (ika napeseni) ussun ewe mwichen opungupung mi wor seni nepoputan. Awewe chok, ika emon presetenin steik ika presetenin misin a nemeni ewe mwichen opungupung mi chok wor me akkom, ewe presetenin steik ika misin epwe nemeni ewe mwichen opungupung ne ekiekin awesano ekkewe oukuk ika atononga sefani emon aramas.

Ewe pisop iei ika presetenin steik epwe nemeni ewe mwichen opungupung. Ewe akkom epwe nengeni ochu pwe ewe aramas a fen aier me a moneta me nimenimoch ne aani pwapwan ekkewe feiochun choni Mwichefen.

Ekkewe ra fen angei oukuk won ar choni Mwichefen mi punguno mi auchea repwe pwarano ennetin aier ren ukukun ew ier me mwen epwe wor ekiekin awesano kewe oukukun. Ekkewe ar choni Mwichefen a fen ukuno mi auchea repwe pwarano ennetin aier ren ukukun ew ier me mwen an epwe wor ekiekin tonong sefan. Ren emon chon Mwichefen ewe a fen wor ew wisan mi auchea non Mwichefen non ewe fansoun mi wor ew watten tipis, ewe fansoun a unusen tameno (nengeni 32.6.1.4).

Ew mwichen opungupung epwe ekieki an epwe awesano ekkewe oukukun ika atononga sefani emon aramas ngeni ewe Mwichefen ne opuru pwan ekkewe chok nongonongen emwen usun ekkoch mwichen opungupung. Ewe pisop a auchea an epwe angei mumuta seni ewe presetenin steik an epwe efisi ew mwichen opungupung. Non ew misin, a auchea an emon pranch ika tischrik preseten epwe angei mumuta seni ewe presetenin misin.

Ekkei nongonongen emwen sia aea nupwen a fis ew mwichen opungupung ar repwe ekiekin awesi ekkewe oukukun chon choni Mwichefen ika atononga sefani emon aramas ngeni ewe Mwichefen. Esap meinisin ekkei nongonongen emwen repwe aea non ew me ew kei napanap.

Nengen fichi ewe minen akkwom mwichen opungupung. Ewe pisop ika presetenin steik epwe nengen fichi Taropwen Repotun an Chon Mwichefen Opungupung. A tingor echo kapin seni LCR. Mwirin an nenengeni ewe toropwe, i epwe kori ewe pisop ika presetenin steik ikewe ewe mwichen opungupung minen akkomw a fis an epwe kutta fatafatochun.
Interfiuni ewe aramas. Ewe pisop ika presetenin steik epwe interfiuniochu ewe aramas an epwe esinna pochokunen an atewe ika neminewe nuku non Jises Kraist me napanon aier. I a pwan wisen finata ika ewe aramas mi aponueta ekkewe nongonong mi affat non ewe poputan foffor.
Finata ifa nonnomun ewe tipis watte ika mokutukutun kopungun osukosuken nefinen aramas. Fan ekkoch emon aramas a pwarata ennetin are a fen pwano pwe a tipis ren ew foffor mi ngaw. Fan ekkoch emon aramas a pwano pwe a wisen fori ewe angangen nikatuputup ren mokutukut ese wenechar me ese pung. Non ekkei napanap, ewe sou emwen ese efisi ew mwichen opungupung tori an ewe aramas epwe oponueta meinisin ekkewe nonnomun ewe tipis, affor, ika pungun kapung a for seni kewe meinapen pekin annuk. Ekkei nonnomun mi pachenong kanapus, suspen, tou seni kanapus non ekis chok fansoun, moni epwe kamotiw non kapung ika eniwinsefanin mettoch. Mettoch mi ketiweno mi auchea epwe mumuta me ren ewe Aewin Presetensi me mwen an epwe efisi ew mwichen opungupung. Ekkei mettoch mi ketiweno meni epwe pachonong emon a fen awesano kewe mettochun pekin annuk me pwarano ennetin aier nge epwe ieritamen manauan an suspen ika wor momon niwinin tipis.
Kori ekkewe sou emwenin pristut ren ekkewe chon feiengaw. Ewe pisop ika presetenin steik epwe kapas ngeni ewe minafon pisop ika presetenin steik ren ion chok mi feiengaw (nengeni 32.10.2).
Awora kapsen esinesin ren ewe mwichen opungupung. I a esine ngeni ewe aramas usun ewe ran, fansoun me nenien ewe mwichen opungupung.
Etetteni ewe opungupung. Epwe etetteni ewe opungupung anongonong won ekkewe nongonongen emwen 32.10.3. A eisini ewe aramas met a fori an epwe aier. A pwan eis ussun an nukuchar ngeni Jises Kraist me ewe Mwichefen. Nupwen ekkewe mettoch meinisin mi auchea a fen kawor, ewe chon Mwichefen a tongeni no. Fiti noun kewe chon aninis, i epwe iotek an epwe ekieki met mokutukut epwe fori. Ikkei ekkewe unungat tufichin finata:
1. Sopweno oukukun choni mwichefen ika oukano.
2. Awesano oukukun ika mumuta tonongsefan.
3. Opochokuna ngeni ewe Aewin Presetensi pwe kewe koukun repwe kawesino ika tonongsefan epwe mumuta (ika mi namot usun mi affat ngeni “Amasou ngeni mumutan meren Aewin Presetensi” me fan).
Aporousa ewe pungunon finata. Mwirin an ewe mwichen opungupung a fori ewe punguon finata, ewe ofeser chon nemenem epwe aprousa ngeni ewe aramas. Ika mi auchea epwe mumuta seni ewe Aewin Presetensi, atewe epwe awewei pwe we pungunon finata a ew opochokun ngeni ewe Awein Presetensi.
Wanong ew repot. Ewe pisop ika presetenin steik epwe wanong taropwen Repotun an Mwichefen Mwichen Opungupung me non LCR. Mi tongeni ureni ewe sou mak epwe amonata ewe repot. I epwe tumunu ochu pwe esap wor kapin ewe taropwe ika kapin won computer epwe nom. Epwe pwan tumunu pwe ekkewe taropwen esinesin ra aea ne fori ewe repot repwe mwitir katano.
Amasou ren mumutan me ren Aewin Presetensi (ika mi namot). Non ekkewe fokkun napanap, ewe mumuta me ren ewe Aewin Presetensi a namot an epwe amorono oukukun chon choni Mwichefen mi punguno ika atonongasefani ewe aramas non ewe Mwichefen. Ei mumuta a auchea inamo ika ewe napanap a fis mwirin an choni Mwichefen mi punguno a oukuk ika ukuno.
1. Ni Manau
2. Nisou ngeni emon chochon famini
3. Abusun nisou ren emon semirit ika sarafo, ariaffou semirit ika serafo ren pekin nisou, ika ennetin abusun semirit ika serafo ren inis me memefin netip seni emon mi mukono ika seni emon sarafo a watteno ren fite ierin.
4. Pachenong ne katon sasingin semirit mi ngaw nupwen mi afat me non pungun kapung
5. Rochopwak
6. Epupunu chommong non eu fansoun
7. Fori watten tipis nupwen an wor ew wisan mi auchea non Mwichefen
8. Ekkesiwini at ika nengin seni ar uputiw ngeni osokurun—angangen ekkesiwini emon at ngeni nengin ika nengin ngeni at (nengeni 38.6.23)
9. Angemwani Monien ika pisekin Mwichefen
Awora esinesin non mak ren ewe pungunon finata. Ewe pisop ika presetenin steik epwe tumunuochu pwe ewe aramas epwe mwitir angei esinesin non mak usun ewe pungunon finata me mwirinon kewe.
Papatais me kopunguno. Ika noun emon aramas taropwen choni Mwichefen a ukuno me non ewe mwichen opungupung minen akkomw, ewe aramas epwe papatais me kopunguno sefan. Ika mi auchea an ewe Aewin Presetensi epwe opungano, ekkei angangepin epwe fis mwirin chok ach sia angei ewe mumuta. Echo Setifiketin Papatais me Kopunguno ese for (nengeni 32.14.4).

32.16.2

Katonong sefan mwirin Kouno seni Choni Mwichefen

Ika emon aramas a punguno an a tou seni an choni Mwichefen, epwe papatais me kopunguno an epwe katonong sefan non ewe Mwichefen. Ren kewe mi mukono, katonong sefan esap mo wor ekiekin tori an epwe ew ier me mwirin an tou seni an choni Mwichefen.

Nupwen emon aramas a tingor an epwe katonong sefan, ewe pisop ika presetenin steik epwe angei echo kapin ewe Repot ren echo taropwen Administrative Action. I a tongeni angei ei porous seni LCR.

Iwe mwirin ewe pisop ika presetensin steik epwe ennetin interfiuni ewe aramas. I epwe eis popun ewe wesetan tingor me ewe mochen tosefaninong. Non ewe ngunun tong, epwe eis ussun tipis mi watte ika ewe aramas mi fori me mwan ika mwirin an kouno ne choni Mwichefen. Ewe sou emwen esap sopweno angangen ewe tosefaninong tori an epwe menemenoch pwe ewe aramas a fen aier me moneta me nimenimoch en epwe aani pwapwan ekkewe feiochun choni Mwichefen.

Ekkewe emwen fan iten tosefaninong mwirin tou seni Mwichefen mi tetenitiw:

Ew mwichen opungupung a fis ika an emon aramas choni mwichefen a apungano ne oukuk non ewe fansoun epwene tou.
Ew mwichen opungupung a fis ika ewe aramas a fori ew watten tipis, mi pachonong rochopwak, me mwen epwene tou seni mwichefen.

Non pwan ekkoch napanap, ew mwichen opungupung esap fis me nukun chok ika ewe pisop ika presetenin steik epwe opungano met mi namot ngeni.

Nupwen ew mwichen opungupung mi auchea an epwe fis fan iten emon aramas a fen angei an endowment, ewe presetenin steik epwe wisen efisi. Nupwen ew opungupung mi auchea an epwe fis fan iten emon aramas ese mo endow, ewe pisop epwe wisen efisi, fiti mumutan seni ewe presetenin steik.

Ika emon aramas a pachenong non ew me nein ekkewe foffor non 32.16.1, number 9, ew nein mwan ika mwirin an kouno ne choni Mwichefen, an ewe Aewin Presetensi mumuta mi auchea ren ewe tosefaninong. Ika ewe aramas a pachenong non ew me nein kewe foffor non 32.14.5, nampa 1, ew me nein mwan ika mwirin an a tou seni an choni Mwichefen, echo taropwen esinesin epwe for won ewe rekotun chon choni Mwichefen.

Emon aramas ewe a tingor an epwe tosefaninong non Mwichefen epwe wor ren ekkewe mettoch mi auchea ussun ekkoch kewe ra papatais. Nupwen ewe pisop ika presetenin steik a menemenoch pwe ewe aramas a nimenimoch me netip wenechar non an mochen epwe tosefaninong, ewe aramas epwe papatais me kopunguno. Echo setifiketin Papatais me Kopunguno ese for (nengeni 32.14.4).

32.17

Angangen Mwichefen, Ewe Seikita, me Niwinsefaniton ekkewe Efeioch mwirin Tosefaninong non Mwichefen

32.17.1

Angangen Mwichefen me Seikita

Ewe taropwen met mi fis epwe afata kinikinin mokutukutun Mwichefen ren emon aramas ewe a fen tosefaninong non Mwichefen ren an papatais me kopunguno.

	Ese mwo Endow Akkom	A Keran Endow
A Wor ren Pristut Akkom	Ese mwo Endow Akkom Mwirin chok an papatais me kopunguno, meni ewe pristut epwe epinipinino wor me repwe seikita ngeni ewe ofesin pristut ra a wiseni nupwen nour taropwen choni Mwichefen a ukuno ika kouno. Pungupungun etipeew ese auchea me namot. Meni epwe kawor echo taropwen mumutan non tempel mi kouk nounoun.	A Keran Endow Meni esap seikita ngeni ew wis non pristut. Nupwen ar pristut me efeiochun non tempel ra niwinsefan, wiser non pristut me akkom epwene pwan niwinsefanito ussun mi affat non 32.17.2. Meni resap fori ekkewe angangepin tori ena fansoun. Mi tongeni fiti ese nifinifin mokutukutun Mwichefen mi mumuta ngeni emon chon Mwichefen ese endow ese wor an pristut. Esap ufouf kewe uf mi pin minen non tempel ika angei ese nifinifin mumutan non tempel tori an epwe niwinsefan kewe efeioch.
Pwan ekkoch Chon Mwichefen	Ese mwo Endow Akkom Mi tongeni fiti mokutukutun Mwichefen ussun emon minefon chon ewe Mwichefen. Meni epwe kawor ngeni echo taropwen mumutan non tempel mi kouk nounoun.	A Keran Endow Mi tongeni fiti ese nifinifin mokutukutun Mwichefen ewe mi mumuta ngeni emon chon Mwichefen ese endow ese wor an pristut. Esap ufouf kewe uf mi pin minen non tempel ika angei ese nifinifin mumutan non tempel tori an epwe niwinsefanto ar kewe efeioch (nengeni 32.17.2).

32.17.2

Niwinsefaniton kewe Efeioch

Kewe aramas ra keran angei tempel endowment me tosefaninong non Mwichefen ren papatais me kopunguno ra tongeni angei ar pristut me efeiochun non tempel seni ewe angangepin ren niwinsefaniton kewe efeioch (nengeni Doctrine and Covenants 109:21). Rese seikita ngeni ekkewe wis non pristut ika endow sefan. Ekkei efeioch ra niwinsefan seni ewe angangepin. Ekkewe mwan ra niwinsefan ngeni wiser kewe non pristut me akkom, tiwenon chok ewe wisen Fik, pisop, ika petriark.

Ewe chok Aewin Presetensi a tongeni opungano ewe angangen ewe angangepin ren niwinsefaniton kewe efeioch. Resap etiwa echo taropwen tingor ren ei angangepin epwe mwitir seni ew ier mwirin ewe aramas a tosefaninong non Mwichefen ren an a papatais me kopunguno. Ewe pisop ika presetenin steik epwe wanong non tingor ren ew niwinsefaniton kewe efeioch seni LCR.

Ika ewe Aewin Presetensi a mutata ewe niwinsefaniton ekewe efeioch, ra fini ngeni ewe mwichen Mei nap Unus ika ewe presetenin steik epwe interfiuni ewe aramas. Ika ewe aramas mi nimenimoch, ei sou emwen a fori ewe angangepin ne eniwinisefani an ewe aramas kewe efeioch.

Ren porous ussun abusun nisou ren emon semirit, nengeni 32.14.4.