38. An Mwichefen Annuk me Nongonongun Emwen

38.6

Ekkewe Annuk won Osukosuken Manauen Aramas

Ekkoch annuk non ei kinikin ussun ekkoch mettoch ewe Mwichefen a “etipemwaramwara.” Chon ei Mwichefen resap kuna oukukun ar choni Mwichefen pokiten ar finata ussun ekkei mettoch. Iwe nge, meinisin aramas repwe pusin pwarata ngeni Kot ren met ra finata.

38.6.1

Katan Popo

Ewe Samol a apasa, “Kosap… ninni, ika fori och mettoch ussun chok” (Doctrine and Covenants 59:6). Ewe Mwichefen ese mutata sokkun angangen katan popo ren tufichin emon ika kewe aramas. Chon ei Mwichefen resap etiwa, fori, fori kokotun, moni, awora mumutan, ika apochokuna ew katan popo. Ekkewe chok ra tufich ar repwe ketiw nupwen:

Popo a fis seni achomanau ika kirikiringawen nefinen akaramas.
Emon sousafei mi sinenap a sinei nonomun manauen me pochokunen ewe inenap a nom non watten osukosuk.
Emon sousafei mi sinenap a sinei pwe ewe semirit a karan fisita non upwen ewe inenap a watte osukosukan a tongeni forata an ewe semirit esap manau nupwen a uputiw.

Pwan mwo ekkei rese kapachenong rese chok mecheres ne anetata angangen katan popo. Katan popo ew mettoch mi watte osukosukan me epwe chok tongeni wor ekiek won me murin an ekewe aramas minne ar ei osukosuk repwe churi nour ewe pisop me angei pochokunen pwarata seni iotek.

Ekewe ofeser chon nemeni repwe nenengenochu ekkewe napanap ika emon chon ei Mwichefen mi pachenong non ew angangen katan popo. Ew mwichen opungupung epwe namot ika emon chon ei Mwichefen a mutata ne, fori, ota, moni, tipeew ngeni, ika pesei ew angangen katan popo (nengeni 32.6.2.5). Nge inamo, ew mwichen opungupung esap fis ika emon chon ei Mwichefen epachenong non ew angangen katan popo me mwen papatais. Resap pwan ekieki mwichen opungupung ika koukun epwe fis ren ekkewe chon Mwichefen ra pachenong non ew angangen katan popo ren ekkei unungat popun mi affatetiw me akkom non ei kinikin.

Ekkewe pisop repwe ngeni ewe presetenin steik kapas eis mi affat won ekkewe osukosuk. Ewe presetenin steik epwe ngeni ewe Ofesin ewe Aewin Presetensi ekkei kapas eis ika mi tufich.

Tori an epwe pwano, emon aramas epwe aier me musono seni ewe tipisin katan popo.

38.6.2.

Abuse

Abuse ewe foforungawen ika tumunungawen ekkoch non ekkoch napanap a efisata feiengaw non pekin inis, nefinen mwan me fefin, memefin ekiek, ika pekin mwoni. An ewe Mwichefen ekiek pwe abuse ese tongeni epwe mumuta non ese pwan nifinifin napanapan. Ekkana ra abusini punuwer, nour semirit, ekkoch chochon famini, ika pwan ion a atai ekkewe annukun Kot me aramas.

Meinisin chon Mwichefen, akaewin sam me in me sou emwen, repwe pochokun ne mamasaochu me achocho ne fori met ra tongeni ne epeti semirit me ekkoch seni abuse. Ika kewe chon Mwichefen ra sinei met mi fis ren abuse, repwe repotei ngeni kewe meinapen muun me churi ewe pisop. Sou emwenin Mwichefen repwe angei repotun abuse ren ennetin me resap tongeni oturano.

Meinisin mi mukono kewe ra angang ngeni semirit ika sarafo repwe awesano trainin tumunun semirit ika sarafo non ew maram mwirin ar etiwa ewe wis (nengeni ProtectingChildren.ChurchofJesusChrist.org). Repwe eniwini ewe pekin kaeo iteiten unungat ier.

Nupwen abuse a fis, ewe aewin me atapwanapwanen wisen ekkewe sou emwenin Mwichefen repwe anisi ekkewe ra feiengawen abuse me epeti ekkewe aramas seni abuse non fansoun mwach. Sou emwen resap pesei ngeni emon aramas an epwe nomotiw non ew imw ika napanap mi abuse ika efeiengaw.

38.6.2.1

Fonun Kokkon Aninis ren Abuse

Non ekkoch fonu, ewe Mwichefen a fen forata ew nampan fonun aninis mi monomon ren an epwe anisi pisop me presetenin steik kewe preseten me pisop nupwen ra kokkon aninis ren osukosuken abuse. Ekkei sou emwen repwe mwitir kokkori ewe nampan fonnun aninis usun nikinik meinisin ren minne ika emon aramas mi fen abuse—ika meni epwe fen feiengawen abuse. Repwe kori ika ra sinei emon chon Mwichefen a katon, moni, ika eineti fetanei sasingin semirit mi seneno.

Ewe fonun aninis a kawor ren kewe pisop me presetenin steik ar repwe kokko 24 awa ew ran, 7 ran ew wik. Kewe nampan fon, ra pwa me fan.

United States me Canada: 1-801-240-1911 ika 1-800-453-3860, extension 2-1911
United Kingdom: 0800 970 6757
Ireland: 1800 937 546
France: 0805 710 531
Australia: 02 9841 5454 (seni non ewe fonu)
New Zealand: 09 488 5592 (seni non ewe fonu)

Pisop me presetenin steik repwe kokkor ewe fonun aninis nupwen epwe afata tichikin porousen ekkewe osukosuk mi pachenong sokkun angangen abuse. Ekkewe mi angangoch non pekin annuk me pioing repwe ponueni ar kewe kapas eis. Ekkei mi nipwakoch repwe pwan angei ourour ifa ussun repwe:

Anisi kewe mi feiengaw me anisir ne epetir seni soposoponon osukosuken abuse.
Anisi ne epeti osukosuk epwe fisi ngeni kewe mi feiengaw.
Mokutukut won pekin annuk mi auchea ren repotun abuse.

Ewe Mwichefen epwe fori an epwe mokutukut fiti annuk non an repotei abuse (nengeni 38.6.2.7). Kewe annuk a sokono ren neni, me napengeni souemwenin Mwichefen esap ir mi angangoch non pekin annuk. Kokori ewe fonun aninis a auchea ren kewe pisop me presetenin steik ar repwe aponueta wiser ne repotei abuse.

Emon pisop epwe pwan esinei ngeni noun ewe presetenin steik ussun napanapen abuse.

Non ekkewe fonu ese wor ewe nampan fonun aninis, emon pisop ewe a sinei usun abuse epwe kokkori noun we presetenin steik. Ewe presetenin steik epwe kutta emwen seni ewe chon aninis ren pekin annuk non ewe area ren ewe ofesin area. A pwan pesepes an epwe angei ourour meren kewe chon angangen Family Services ika ewe meinapen pekin anisi mi osupwang me anongonong won pusin winikapom ren ewe area office.

38.6.2.2

Kapasen Aurour non Osukosuken Abuse

Ekkewe mi feiengawen abuse ra enetin riaffouni anonnonun mokunon me memefin tipis. Ekkewe presetenin steik me ekkewe pisop repwe pwan awora aninis ngeni ekkewe chon famini nupwen mi auchea. Kewe sou emwen repwe tumunoch ngenir me awora kapasen ourour me aninis an epwe anisir ne ngas seni riaffoun osukosuken abuse.

Fan ekkoch mi wor an ekkewe chon feiengaw memmefin saw ika tipis. Ekkei chon feiengaw rese tipisini och mi mwan. Sou emwen ra anisir me ar famini ne weweiti an Kot tong me ewe echikar a feito me ren Jises Kraist me An Achasefan (nengeni Alma 15:8; 3 Nifai 17:9).

Presetensin steik me pisop repwe anisi ekkana ra fori angangen abuse ar repwe aier ar repwe oukano ar manauen abuse. Ika emon mi muk a fori ew tipis ren nisou ngeni emon semirit, ewe manau epwe weires an epwe siwin. Ewe angangen foforun aier sefan meni epwe fokkun nakatameno. Nengeni 38.6.2.3.

Presetenin steik me pisop repwe pwan nenengenochu me etenekiochu nupwen repwe angang ngeni ekkewe faminien ekkewe mi feiengaw me ekkewe ra fori angangen efeiengawen abuse.

Emwenin kapasen ourour fan iten ekkewe mi feiengaw me ekewe chon efeiengawa a kawor ren Abuse: How to Help.

Non kapachetan ngeni ewe amemefin aninis an ekkei sou emwen, ekkoch chon Mwichefen a auchea epwe wor ngenir ourour seni ekkewe ra angangoch non pekin ourour. Ren pwan och, nengeni 31.2.6.

Ren porous ussun met kewe pisop me presetenin steik repwe fori nupwen ra sinei ussun sokkun abuse, nengeni 38.6.2.1. Ren porousen arurour non osukosuken abusen nisou, achomanau, ika ekkoch napanapen kaweten nisou, nengeni 38.6.18.2.

Pwan nengeni FamilyServices.ChurchofJesusChrist.org.

38.6.2.3

Abuse ren Semirit ika Sarafo

Abuse ren emon semirit ika sarafo ew tipis mi fokkun watte (nengeni Luke 17:2). Ussun mi affat me ikei, abuse ren emon semirit me sarafo mi pachenong ekkei;

Abusuni inis: Efisata watten feiengawen inis seni angangen ninni. Ekkoch feiengaw meni esap pwa.
Abuse ika ariaffou ren angangen nisou: Fori angangen nisou ngeni emon semirit ika sarafo ika seni pusin om mochen mutata ika anisi ekkoch ne fori ena sokkun napanap. Ussun mi affat me ikei, abuse ren angangen nisou ese pachenong angangen nisou nefinen ruemon ese mo tori ierir mi kan fengen ierir mi wor tipeew fengen won.
Abuse non pekin memefin netip: Aea sokkun napanap me kapas ne ennetin angawano sufonun ika auchean emon semirit ika sarafo. Ei mi pachenong eniwinin me soposoponon osufonungaw, emichimich, me esit ra asawa me anomotongawa ekkoch. Meni epwe pwan kapachenong nafangawen tiniken me tumun.
Sasingin semirit mi ngaw: Nengeni 38.6.6.

Ika emon pisop ika presetenin steik a sinei ussun emon semirit ika sarafo a weri abuse, I epwe mwitir ne aponueta ekkewe kapasen emwen non 38.6.2.1. I epwe pwan fori angangen aninis ne epeti soposoponon abuse.

A murinno epwe wor emon chon ewe mwichen anepungun Mwichefen me echo taropwen anetata rekot ika emon mi muk chon Mwichefen a abusini emon semirit ika sarafo ussun a awewetiw non ei kinikin. Pwan nengeni 32.6.1.1 me 38.6.2.5.

Ika emon ese mo ierin mi muk a abusini emon semirit, ewe presetenin steik epwe kori ewe Ofesin ewe Aewin Presetensi ren kapasen emwen.

Abuse me turunufas non pekin inis me memefin netip nefinen semirit ika sarafo ren ier mi nonno epwe kawor seni souemwenin wart. Emon chon ewe mwichen anepung esapw fori.

38.6.2.4

Abusun emon Mi Pupunu ika Pwan Emon Mi Mukono

Abusun emon mi pupunu ika pwan emon mi mukono a tongeni fis non chommong napanapan. Ekkei a pachenong abuse ren inis, nisou, memefin netip, me pekin mwoni. Kewe mi mukono kewe ra chinap, mi auchea pekin tumun ngenir, ika ir mi ter fan ekkoch a kon efeiengaw ngeni abuse.

Napengeni ese wor ew awewen abuse epwe tongeni nounou non sokkun napanap meinisin. Iwe nge, mi wor ew tetenin nonomun non mokutukutun abuse. Ei tetenin nonnomun mettoch seni fansoun me fansoun nounoun porous mi ametek epwe forata watten feiengaw.

Ika emon pisop ika presetenin steik a sinei ussun emon mi pupunu ika emon mi mukono a weri abuse, epwe mwitir ne aponueta ekkewe kapasen ourour non 38.6.2.1. I epwe pwan fori angangen aninis ne epeti soposoponon abuse.

Souemwen repwe kutta ewe emwen seni ewe Ngun mi Fel ar repwe ekieki ika kapasen ourour won pusin ach ika emon chon ewe mwichen apungupung epwe ina ewe a tufich ngeni napanapen porous won abuse. Ra pwan tongeni churi nour meinapen pristut ren ewe napanap. Iwe nge, abusun emon mi pupunu ika pwan emon mi mukono a feitta ngeni ekkewe kinikin mi affat me fan a auchea ren ewe mwichen apungupung.

Abusuni inis: Efisata watten feiengawen inis seni angangen ninni. Ekkoch feiengaw meni esap pwa.
Abusun nisou: Nengeni ewe nikinik mi affat non 38.6.18.3.
Abuse non pekin memefin netip: Aea sokkun napanap me kapas ne ennetin angawano sufonun ika auchean emon semirit ika sarafo. Ei mi pachenong eniwinin me soposoponon osufonungaw, emichimich, me esit ra asawa me anomotongawa ekkoch.
Abuse ren pekin mwoni: Amecheres non noun emon mwoni. Ei mi pachenong aean pisekin emon me noun mwoni ika ekkoch pisek auchea nge ese mumuta me ese fiti annuk. Mei pwan tongeni pachenong nounoun monien sona a awora pochokunen nemenem won emon. Pachenong aean pochokunen won mwoni ne ouwesi emon epwe fori mettoch. Pwan nengeni 32.6.1.3.

38.6.2.5

Wis non Mwichefen, Taropwen Mumutan non Tempel, me Taropwen Anetata Rekotun Chon ewe Mwichefen.

Ion chon ei Mwichefen a abusini ekkoch esap wor wisan non ei Mwichefen me esap wor nour taropwen mumutan non tempel tori ar repwe aier sefan, me ewe annuk mi kauk epwe kamorono.

Ika emon aramas a abusini emon semirit ika sarafo non foforun nisou, ika ennetin abusini emon semirit ika sarafo ren pekin memefin netip me inis, noun ewe rekotun chon ewe Mwichefen epwe wor taropwen anetata me memef won. Neminewe ika atewe esap wor wisan ika an angang epwe pachonong angang ngeni semirit ika sarafo. Ei a pachenong an esap wor an angangen iamwir ngeni ew famini mi wor semirit ika sarafo non imwer ewe. A pwan pachenong an esap wor chienan sarafo ne fori angangen iamwir. Ekkei annuk epwe nom non nenian tiwenon chok ika ewe Aewin Presetensi a mutata pwe epwe kamorono. Nengeni 32.14.5 ren porous ussun taropwen anetata me memef.

38.6.2.7

Osukosuk mi Fiti Annuk mi Akoko ngeni Abuse.

Ika an emon chon Mwichefen angangen abuse a atai annuk, ewe pisop ika presetenin steik epwe pesei ngeni chon Mwichefen repwe repotei ekkei mokutukut ngeni chon angangen apochokuna pekin annuk ika ekkoch chon angangen muun mi weneitir. Ewe pisop ika presetenin steik ra tongeni angei porous usun repotun non pusin neniach mi auchea seni ewe tetenin aninis seni Mwichefen (nengeni 38.6.2.1). Ika a wor an chon Mwichefen kapas eis usun auchean angangen repot, atewe epwe peser ar repwe onukunuku kapasen ourour mi fiti annuk mi fich ngeni.

Souemwenin Mwichefen me chon Mwichefen repwe aponueta meinisin ar angang mi fiti annuk ne repotei abuse ngeni ekkewe chon nemeni aramas. Non ekkoch neni, ekkewe souemwen me sense kewe ra angang ngeni semirit me sarafo ra tongeni repwe chon repotei angangen abuse ngeni ekkewe nouwis non pekin annuk. Usun chok, non chommong neni, ese nifinifin aramas ion a sinei usun abuse a murinno an epwe repotei ngeni nouwis non pekin anuk. Pisop me presetenin steik repwe kokko ren aninis ren tichikin porousen ekkewe chon repot mi mumuta me ekkoch mi kawor non pekin annuk ren repoten abuse. Ewe annukun Mwichefen epwe afona ewe annuk.

38.6.5

Nimenimoch me Wenechar

An ewe Samon annukun nimenimoch:

Kouno seni foforun nisou me nukun ew pupunu nefinen emon mwan me emon fefin ussun sia sinei seni an Kot annuk.
Wenechar nefinen pupunu.

Kanefengenin inis non pekin tong nefinen pupunu a fis pwe epwe ekinamwei memefin ekiek me pin. A epinipinino me ren Kot fan iten forutan semirit me mi pupunu repwe pwar fengeni ar memefin tong nefiner.

Ewe chok mwan me ewe fefin kewe ra fatano pwe ra apupunu non annuk ra tongeni fori angangen nisou. Nongonongun nimenimoch a fokkun auchea me nemesen Kot. Ekkewe fofor mi atai ewe annukun nimenimoch a fokkun watte osukosukan (nengeni Exodus 20:14; Matthew 5:28; Alma 39:5). Ekkana a pachenong aeangawen ewe manamanen Kot mi pin a kawor ren forun aramas.

Ew an chon Mwichefen mwichen opungupung a ouchea ika emon chon Mwichefen a:

Nisou me nukun ew pupunu mi mumuta me ren an Kot annuk, ussun nisou, nisou nefinen ruemon esap ir pupunu, me nefinen mwan me mwan me fefin me fefin. (Nengeni 32.6.2).
Non ew napanapenen pupunu ika chiechi nge ese mumuta seni an Kot annuk, ussun ewe sokkun nomofengeni fori foforun nisou nge rese apupunu, nomofengen me chiechifengen non napanap ra ekieki pwe ir mi opupunu, me pupunu nefinen mwan me mwan me fefin me fefin.
Achocho ne katon kewe mettochun katon mi ngaw ika a ew oruni ngonuk a weires om kopwe kouno, a efisata osukosuk ngeni an emon chon Mwichefen pupunu ika famini (nengeni 38.6.13).

Ewe ekiek ika epwe wor mwichen chon opungupung non ekkei sokkun nikinik a chok anongonong won chommong napanap. Mei wor porousan non 32.7. Kapas awewe, atai ekkewe annukun tempel a anapano ewe tufichin ew mwichen opungupung epwe anisi emon aramas an epwe aier. Non ekkoch napanap, ourour ngeni emon me oukukun chon choni Mwichefen meni epwe naf (nengeni 32.8).

Nengeni 32.6.1.2 pun nupwen a wor tipisin nisou mi namwot epwe wor ew mwichen opungupung.

38.6.6

Sasingin ika Kachiton Semirit Mi Ngaw.

Ewe Mwichefen a afata pwe ese mumuta sasingin me kachiton semirit mi seneno. Ika emon pisop ika presetenin steik a sinei pwe emon chon Mwichefen a fiti chon katon sasingin me kachiton semirit mi seneno, epwe mwitir ne aponueta ekkewe kapasen ourour non 38.6.2.1.

Ew an Mwichefen mwichen opungupung me rekotun kapasen esinesin ra auchea ika emon chon Mwichefen a fori, pwar ngeni emon, iseis, ika eniwini ne katon sasingin semirit mi seneno (Nengeni 32.6.1.2 me 32.14.5). Napengeni ei emwen ese aea ngeni semirit ika sarafo arapakan nono chok ierir ekkewe ra katon fengen sasingir ar nisou ika ekkoch. Aurour ngeni emon me kinamwein oukukun chon choni Mwichefen meni epwe fich ngeni non ekkana sokkun nikinik.

Pwan ren ekkoch emwen, nengeni 38.6.13.

38.6.10

Nisou ngeni emon chochon famini

Ewe Mwichefen a afata pwe ese mumutan ew sokkun napanapen nisou nefinen marar. Usun a fen nounou me ikei, incest ina ewe nisou nefinen:

Emon sam ika emon in me emon semirit.
Emon sam semen ewe sam ika in me noun semirit noun noun mwan ika fefin.
Noun chok emon mwan me emon fefin semirit.
Emon tetenin sam ika tetenin in me tetenin nau nengin ika at.

Ussun a fen nounou me ikei, semirit, noun noun semirit, me semirit noun pwiim ika fefinom a wewen ngeni nono ngeni ekkewe mi pupunu, mwuunu seni pwan emon, emon a opupunu sefan, ika nom ren fan ekkis chok. Nisou nefinen marar a tongeni fis nefinen ruemon semirit ierir mi kukun seni 18, emon mi muk me emon kukkun, ika ruemon mi muk. Ika a wor an emon preseteinin steik kapas eis usun ika pwe ew nefin ren ruemon mi nom non tipisin nisou nefinen marar fan annukun ewe neni, i epwe kutta emwen seni ewe Ofesin ewe Aewin Presetensi.

Nupwen emon semirit ierin mi kukun seni 18 a feiengawen nisou nefinen marar, ewe pisop ika presetenin steik epwe kori noun Mwichefen ewe fonun anisin abuse non ekkewe fonu ikewe a wor ian.(nengeni 38.6.2.1). Non ekkoch fonu, ewe presetenin steik epwe kutta emwen seni ewe chon ourour non pekin annuk ren ofesin area. A pwan pesepes an epwe angei ourour meren kewe chon angangen Family Services ika ewe meinapen pekin anisi mi osupwang me anongonong won pusin winikapom ren ewe area office.

Ew an chon Mwichefen mwichen opungupung me porous mi rekot ra auchea ika emon chon Mwichefen a fori nisou ngeni mararin (nengeni 32.6.1.2 me 32.14.5). Arapakan iteitan nisou nefinen marar a ochu ngeni ewe Mwichefen an epwe wau noun ewe aramas taropwen choni Mwichefen.

Ika emon esemo ierin mi muk a fori tipisin nisou ngeni mararin, ewe presetenin steik epwe kori ewe Ofesin ewe Aewin Presetensi ren kapasen emwen.

Ekkewe mi feiengawen Nisou Nefinen Marar ra enetin riaffouni watten mokunon me memefin tipis. Sou emwen repwe ponuweni ren memefin umoumoch me tong. Ra awora aninis non pekin ngun me kapasen ourour me aninis an epwe anisir ne ngas seni riaffoun osukosuken kokongaw.

Pwan kapacheta ngeni an epwe angei ewe aninis me ren sou emwenin Mwichefen, chon feiengaw me ar kewe famini mi tongeni angei aninisin ourour seni mi sinenap. Ren porousan, nengeni 38.6.18.2.

38.6.13

Sasingin ika Kachiton Aramas mi Seneno

Ewe Mwichefen a afata pwe ese mumuta sasingin me kachiton aramas mi seneno. Sasingin ika kachiton aramas mi seneno ra nounou ren ese nifinifin sokkun a angawano manauen emon me emon, ekkewe famini, me neni. A pwan osuono ewe Ngunun ewe Samon. Ekkewe chon Mwichefen repwe orukano ekiekir seni meinisin napanapen pisekin sasingin me kachiton aramas mi seneno me u ngeni foforun, achou fetanei, me nounou.

Ewe Mwichefen a awora ekkewe nenien aninis ar repwe anisi aramas ekkewe manauer ra osukosuk ren sasingin me kachiton aramas mi seneno.

AddressingPornography.ChurchofJesusChrist.org
AddictionRecovery.ChurchofJesusChrist.org
Helping Those Who Struggle with Pornography (booklet).
Let Virtue Garnish Thy Thoughts (booklet)

Ekkewe presetenin steik me ekkewe pisop repwe pwan awora aninis ngeni ekkewe chon famini nupwen mi auchea.

Ekkewe souemwenin Mwichefen repwe kunaochu pwe nounoun sasingin me kachiton aramas mi seneno a tongeni ew umwesimwesin mochen ika ew oruni mi ngaw. Non kapachetan ngeni ewe amemefin aninis an ekkei sou emwen, ekkoch chon Mwichefen a auchea epwe wor ngenir ourour seni ekkewe ra angangoch non pekin ourour. Sou emwen repwe kori ekkewe pekin anisi famini (Family Services) ren aninis. Nengeni 31.2.6 ren porousen kokko.

Ourour ngeni emon me amecheresin oukukun chon choni Mwichefen napengeni a auchea nupwen anisi emon aramas ne aier seni nounou sasingin me kachiton aramas mi seneno (nengeni 32.8). Mwichen chon opungupung ese kon fifis. Ina minne, ew mwichen opungupung epwe auchea ren tumunochun me meseiken nounoun sasingin me kachiton aramas mi seneno a fen efisata feiengawen an chon mwichefen pupunu ika famini (nengeni 38.6.5). Ew mwichen opungupung a auchea ika emon chon Mwichefen a fori, pwar ngeni emon, iseis, ika eniwini ne katon sasingin semirit mi seneno (Nengeni 38.6.6).

38.6.18

Abusun Nisou, Achomanau, me Sokun Tipisin Kaweten Nisou

Ewe Mwichefen a afata pwe ese tipeew ngeni abusun nisou. Usun a fen nounou me ikei, abusun nisou a awewei usun pwarano sokkun mokutukutun nisou ese ketiw won emon aramas. Mokutukutun nisou ngeni emon aramas ewe ese tongeni awora punguochun mumutan a wewengeni abusun nisou. Abusun nisou a pwan tongeni fis ngeni emon mi pupunu ika nefinen kamwet. Ren porous ussun abusun nisou ren emon semirit ika serafo, nengeni 38.6.2.3.

Abusun nisou a apachanong chommong sokofesenin napanap, seni awosukosuka ngeni achomanau me ekkoch napanapen kaweten nisou. Mi tongeni fis non pekin inis, non porous, me pwan non ekkoch nikinik. A auchea ew mwichen opungupung ika emon chon Mwichefen a fori ew achomanau ika a fen fat pwe a tipisin kaweten nisou nengeni 38.6.18.2.

Ika ekkewe sou emwen me chon Mwichefen ra sinei ewe abusun nisou, repwe mwitir mokutukut won ne tumunu ekewe mi ani feiengawan me ekkoch. Ei mi pachenong esinesin ngeni ewe pisop ika presetenin steik. Ika fansoun ika towawen neni a epeti i seni an epwe fori ei, i epwe opuru ekkewe kapasen awewe non 38.6.2.

38.6.18.1

Fonun Kokkon Aninis ren Abuse

Ika emon pisop ika presetenin steik a sinei ussun abusun nisou, achomanau are och sokun tipisin kaweten nisou, i epwe kori noun Mwichefen ewe fonun aninisin abuse non ekkewe fonu ikewe a wor ia (nengeni 38.6.2.1 ren ian opwe kokori). Ekkewe mi angangoch non pekin annuk me pioing repwe ponueni an kewe kapas eis. Ekkei mi nipwakoch repwe pwan angei ourour ifa ussun repwe:

Anisi kewe mi feiengaw me anisir ne epetir seni soposoponon osukosuken feingau.
Anisi ne epeti osukosuk epwe fisi ngeni kewe mi feiengaw.
Mokutukut won pekin annuk mi auchea ren repotun abuse.

Non ekkewe fonu ese wor ewe nampan fonun aninis, emon pisop ewe a sinei usun abuse epwe kokkori noun we presetenin steik. I epwe kutta emwen seni ewe chon ourour mi kapunguno non ofesin ewe neni. Non ekkoch kinikinin neni, ekkewe souemwen ra tongeni kokori ewe a angangoch non pekin Family Services ika ewe meinapen welfare me self-reliance seni ewe ofesin area.

38.6.18.2

Ourour ren Chon feiengawen Abusun Nisou, Achomanau, me Ekkoch Napanapen Kaweten Nisou

Chon feiengawen abusun nisou, achomanau, ika ekkoch napanapen kaweten nisou napengeni ra konien kan riaffouni feiengawen inis. Nupwen ra pwar ngeni emon pisop ika presetenin steik, i a ponuweni ren ennetin uomoumoch me tong. I a awora ourour ren pekin ngun me aninis an epwe anisi chon feiengaw repwe ngaseno seni feiengawen mwirimiriin abuse. I a pwan kokkori ewe nampan noun Mwichefen fon ren aninisin abuse fan iten emwen ikewe mi wor ie (nengeni 38.6.18.1).

Fan ekkoch mi wor an ekkewe chon feiengaw memmefin saw ika tipis. Ekkei chon feiengaw rese tipisini och mi mwan. Sou emwen resap tipingeni ewe chon feiengaw. Ra anisi kewe chon feiengaw me ar kewe famini repwe weweiti ussun an Kot tong me ewe echikara a feitto seni Jiese Kraist me An Achasefan (nengeni Alma 15:8; 3 Nephi 17:9).

Nupwen chon Mwichefen repwe fini ar repwe aporousa porous ussun ewe abuse ika kawet, kewe sou emwen resap anapa ar anonga won tichikin kewe. Ei a tongeni epwe efeiengaw ngeni kewe chon feiengaw.

Pwan kapacheta ngeni an epwe angei ewe aninis me ren sou emwenin Mwichefen, chon feiengaw me ar kewe famini mi tongeni angei aninisin ourour seni mi sinenap. Ren porousan, nengeni 31.2.6.

38.6.18.3

An Steik Mwichen Opungupung

Meni epwe namot ew mwichen opungupung ren an emon aramas a awata emon ren nisou ika abusuni emon. A auchea ew mwichen opungupung ika emon chon Mwichefen a fori ew achomanau ika a fen fat pwe a tipisin kaweten nisou (nengeni 32.6.1.1)

Ew opungupung epwe pwan fis fan iten foforun nisou ngeni emon mi muk mi tongeni feiengaw non pekin inis me memef. Usun a fen nounou me ikei, emon mi muk mi feiengaw non pekin inis me memef i emon aramas ewe ese tongeni tipeew ngeni ewe mokutukut ika ese tongeni weweiti nonomun pokiten ren ekkewe koukun osukosuken ekiek, ika pekin inis.

Ra porous usun ekkoch napanapen abusun nisou, kewe sou emwen repwe kutta an ewe Ngun mi Fel emwen usun ika ourour ngeni emon ika ew mwichen opungupung a kon auchea ngeni ei napanap (nengeni 32.6.2.2 me 32.8). Non ekkei aweiresin osukosuk a auchea epwe wor ew mwichen opungupung. Sou emwen ra pwan tongeni churi nour meinapen pristut ren ewe napanap.

Ika koukun chon choni Mwichefen a fisita seni emon chon ewe mwichen opungupung ewe a fis fan iten abusun nisou, noun emon kewe rekot epwe wor kapasen awewe wor.

Ren porousen arurour non osukosuken abuse, nengeni 38.6.2.2. Ren porousen arurour non osukosuken abuse, nengeni 38.6.18.2.

38.6.23

Aramas mi Ekkesiwin Inisir Seni Ar Uputiw

Fofforun ekesiwinin emon won met a mochen seni nikinikin an a uputiw epwe kuna sokopaten osukosuk. Chon Mwichefen me esap chon Mwichefen ra fat pwe ir mi fori fofofun ekesiwin seni nikinikir atun ar uputiw— me ar famini me chiechier—repwe pwar ngenir kinamwein memef, kirekiroch, tong, me chommongun tong ussun an Kraist tong. Meinisin ir mi ketiw ar repwe fiti fenin sakramen, pwan ekkoch mwichen Raninifen, me ekkewe emwicheichen ewe Mwichefen (see 38.1.1).

Mwan ika fefin ew auchean nonomun emon aramas ren an Samach Won Nang ewe kokotun pwapwa. Ewe popun wewen mwan ika fefin non ewe esinesinen famini ewe pukutan en emon met atun om uputiw. Ekkoch aramas ra sinei ekkewe memefin tipemwaramwar nefinen ika ir pukupukun met ika emon mwan ika fefin. Met a pwano, meni ir mi ekesiwini met pukun nonomur seni ar uputiw. Ewe Mwichefen ese awora nenian won kewe popun aramas ra pwarireno pwe ir mi ekesiwini ika ir pukupukun met atun ar uputiw.

Napengeni chon fiti Mwichefen me ekkoch angangepin ren ewe pristut rese nongonong won ika emon mwan ika fefin. Emon mi ekesiwini pukupukun i met atun an uputiw mi tongeni epwe papatais me winiti chon Mwichefen usun mi affat non 38.2.3.14. Ir mei pwan tongeni angei ewe sakramen me angei ekkewe efeiochun pristut. Iwe nge, seikitan pristut me kewe angangepin non tempel epwe angei awenewen ngeni pukupukun i met atun an uputiw.

Kewe souemwenin chon aninis an Mwichefen repwe awora aninis ne epeti ewe angangen finata ika angang won emon aramas non pioing ren an mochen ekesiwini ika i pukupukun emon at ika nengin atun an uputiw. (“ekesiwin ngeni at ika nengin”). Kewe souemwen repwe kapasen onukunuk pwe fori ekkei sokkun mokutukut epwe efisata oukukun chon choni Mwichefen.

Kewe souemwen repwe pwan awora aninis ne epeti ewe fofforun ekesiwini nikinikir nein aramas. Ew fofforun ekesiwini nikinik nein aramas a pachenong ekesiwinin ufer ika nimenimen inisir ika ekesiwini iter ika ngingi, pwarano napanaper pwe ra sokono seni pukupukun nikinikir atun ar uputiw. Kewe souemwen repwe awora kapas onukunuk pwe ekkana ra pwarano ar ekesiwini nikinikir nein aramas epwe fisi ngenir oukukun ar repwe chon Mwichefen ren ukukun tamen ei ekesiwin ngeni at ika nengin.

Oukukun mi pachenong angei ika anganga ewe pristut, angei ika nounou ewe taropwen mumutan non tempel, me angei ekkoch wis non Mwichefen. Ika mo ekkoch tufichin choni Mwichefen mi kouk, ekkoch chon fiti Mwichefen mi ketiw.

Ekewe ra fori angangen ekesiwinir ngeni at ika nengin, ekkewe rese ekiekin fori pekin angangen non pioing ika ekesiwini nikinikin inisir nein aramas, ekesiwin ngeni at ika nengin me ra nimenimoch ra tongeni angei ekkewe wis non Mwichefen, ekkewe taropwen mumutan non tempel, me angangepin non tempel.

A wor kapasen anukunuk ngeni ekkoch semirit, sarafo, me mei muk an kewe mi wor nour naisinin sinenap non ei pekin anisi aramas mi wor ar osukosuk an epwe oukano ekiekin menemenemang non manauer ika okukunono ekiekin angeano pusin manauer. Me mwen emon arams epwe poputani ewe angangen anisi mi wor an osukosuk, a namot atena ika nemina (me ekkewe semen me inen emon ese mwo wate ierin) epwe weweiti ewe auchean aninis an epwe anisi atawen ewe osukosuk. Ekewe rese ekiekin fori pekin angangen non pioing ika ekesiwini nikinikin inisir nein aramas, ekesiwin ngeni at ika nengin me ra nimenimoch ra tongeni angei ekkewe wis non Mwichefen, ekkewe taropwen mumutan non tempel, me angangepin non tempel.

Ika emon chon Mwichefen a ekieki an epwe siwini itan ewe mi finita mi nom won ewe rekoten chon Mwichefen. Ewe aramas eiteit seni ewe it non ewe wart.

Ekesiwinin nonomun metoch napengeni seni kinikin ngeni kinikin me seni emon aramas ngeni emon aramas. Chon Mwichefen me souemwen repwe aninis fengen me pwan ewe Samon. Kewe Presetensin Area repwe anisi kewe souemwen non ewe neni ar repwe mwirit ne eteneki ew me ew osukosuk. Kewe pisop repwe churi ewe presetenin steik. Kewe presetenin steik me kewe presetenin misin repwe kutta aninis seni ewe Presetensin Area (nengeni 32.6.3 me 32.6.3.1).

Ren soposoponon porous won weweiti me anisi ekkewe ra mochen ekesiwini nonomur seni ar uputiw, nengeni “Transgender” won ChurchofJesusChrist.org.