0.

Menapen Porousen Nepoputa

0.0

Nepoputan

Ewe Samon a afanafana, ”Mut ngeni emon me emon mwan epwe sinei wisan, me mokutukut non wis minne a finita ngeni, non meinisin” (Doctrine and Covenants 107:99). Ussun emon chon emwen non Ewe Mwichefenin Jises Kraist ren Aramas mi Pin non Fansoun Soponon, kopwe kutta pwisin om pwarata an epwe anisuk om kopwe kaeo me aponueta tichikin angangen wisom.

Kaeo ekkewe pukefel me ekkewe afanafan an ekkewe soufosun ikenai epwe anisuk om kopwe weweiti me aponueta wisom. Nupwen ka kaeo ekkewe kapasen Kot, epwe napeno om kopwe etiwa ewe amemefin ewe Ngun. (nengeni Doctrine and Covenants 84:85).8}

Ka pwan kaeo tichikin wisom ren omw stuti ekkewe kapasen ourour non ei puken emwen. Ekkei aurour ra tongeni tingor pwarata ika ra aea ne awora ew wewe ren ekkewe nongonong, annuk, me ekkewe napanapen aean nupwen sa kutta ewe emwen an ewe Ngun.

0.1

Ewe Puken Emwen

Pukenapen Emwen: Angang non Ewe Mwichefenin Jises Kraist ren Aramas mi Pin non Fansoun Soponon a awora emwen ngeni souemwenin Mwichefen unus me non kewe neni.

Ekkewe itenapen peich me kinikinin peich non ei puken emwen ra nampa an epwe fori an ekkewe itenap repwe mecheres ne pwa me chechemenir. Ren awewe, kapasen awewe usun ion a tongeni riri non ewe temple a kawor non 27.3.1. Ewe nampa 27 a wewe ngeni ewe sopun, ewe nampa 3 a wewe ngeni ewe kinikin non ena sopun, me ewe nampa 1 a wewe ngeni ewe kinikinin non ew kinikin.

0.2

Kewe Nenien Aninis a Kawor an Emon epwe Pusin Fini me Ekesiwin.

Esap meinisin steik me wart a nonno met ra osupwang won.

Souemwen ra kutta mokutun memef usun menni minen emwen me minen aninis mi fini repwe aea ne anisi osupwangen ekkewe memper.

0.4

Kapas Eis usun Aurour

Nupwen epwe wor kapas eis ese pwa me non ekkewe pukefel, an ekkewe soufos mi manau kapas, are ei puken emwen, chon ewe Mwichefen repwe ani epinukunuk ar kewe pwon mi pin ren Kot, kapasen aurour meren nour kewe chon emwenin nenier kewe, me amemefin emwen seni ewe Ngun.

Ika a wor an ekkewe sou emwen kapas eis usun porousen non ei puken emwen ika usun ekkewe osukosuk ese affata, repwe mwitir ne kapas ngeni nour ewe meinap chon nemeni.

0.5

Foufoun Kapas

Tiwenon chok me ikewe mi affat me ia:

• Ekkewe kapas pisop me mwichen pisop non ei puken emwen a wewe ngeni presetenin pranch me pranch presetensi. Ekkewe kapas steik preseten me steik presetensi a wewe ngeni pwan ekkewe presetenin tischrik me tischrik presetensi Ren menapen awewen ifa usun ewe mumumuta an ewe tischrik preseten a sokono seni an ewe steik preseten, nengeni 6.3.

• Kapas usun wart me steik napengeni a pwan wewe ngeni pranch, tischrik, me misin.

• Kapas usun Raninfen a wewe ngeni menni ran ewe Sabbath a fis non ekkewe neni.

• Ewe kapas kinikin a wewe ngeni wart me pranch.

• Kapas usun sam me in a wewe ngeni chon tumunu semirit.

Ekkewe wisen bishop me branch preseten rese nonno non mumumuta me angang, ika pwan ese nonno wisen steik preseten me district preseten. Ewe bishop a eu wis non ewe pristut, me epinipinin a mummuta me ren chok ewe Aewin Presetensi. Presetenin steik ra kokko me ren Souemwen mi Nap me Area Fik.

0.6

Kori ewe Ofesinapen Mwichefen ika Ofesin Area

Ekkoch sopun non ei puken emwen a pachenong kapasen emwen sch sipwe porous ngeni ofesinapen Mwichefen ika ewe area ofes. Ewe kapasen emwen ach sipwe kori ofesinapen Mwichefen a wewe ngeni ekkewe ir mi nom non Merika me Canada. Ewe kapasen aurour ach sipwe kori ewe ofesin area a wewe ngeni ekkewe ir mi nom nukun Merika me Canada.