Aea Ekkoch Kinikin seni ewe Pukenapen Emwen

Ekkoch Kinikin seni ewe Pukenapen Emwen a ew kochufengeni ren ekkewe akauchean kapasen emwen seni unusan Pukenapen Emwen: Pekin Aninis non Ewe Mwichefenin Jises Kraist ren Aramas Mi Pin Non Fansoun Soponon. Ei fan iten ekkewe souemwen ekkewe:

• Rese mo fen angei unusen ewe puk non pusin kapasen fonuwer.

• Ra tongeni angei aninis seni eu a ussun tapin a kukkununo ren ewe Pukenapen Emwen.

Ewe sopun, kinikinin, me ekkoch a kukunitiw ren pekin nampa ra nounou non Ekkoch Kinikin seni ewe Pukenapen Emwen mi nonno ngeni ewe nampa a nom non unusen ewe Pukenapen Emwen. Ei a tongeni mecheres ne kutta me anonno fengeni nefiner.

Ewe pekin nampani non Ekkoch Kinikin seni ewe Pukenapen Emwen fan ekkoch epwe mweteseni nampan ekkewe kinikin ika kukkun kinikin non ewe unusen puken emwen. Ena pokiten ei kukkun puk a mwasoweni ekkewe chok mettoch a akkauchea seni ewe puken emwen mi unus.

Inamo ika Ekkoch Kinikin seni ewe Pukenapen Emwen a awora ponuwen an chommong sou emwen kewe kapaseis non fansoun chommong, sou emwen meni epwe wor ekkoch ar kapaseis ena ese kon affatetiw ika unusen ponu. Iwe ren ekkei, souemwen ra tongeni ekieki usun ewe mi unus Pukenapen Emwen ika a kawor non ew kapasen fonu ra tongeni nounou. Souemwen ra pwan tongeni mwitir ne kapas ngeni ekkewe meinap ren aninis.

Amo Kot epwe efeiochukemi nupwen ouwa fiti I non ewe angangen amanaua me manau mi tekia fan iten Noun semirit.

Ewe Aewin Presetensi me ewe Mwichen ekkewe Engon me Ruemon Aposel