Mme Nwed Ndutum ye mme Ikoot
1. Uduak eke Abasi ye Ubiɔŋ Fo ke Utom Erinyaŋa-ukpɔŋ ye Edimenede

“1. Uduak Abasi ye Ubiɔŋ Fo ke Utom Erinyaŋa-ukpɔŋ ye Edimenede,” Se Emekde eto Ofuri Ŋwed Ndutum (2023).

“1. Utom Erinyaŋa-ukpɔŋ ye Edimenede,” Se Emekde eto Ofuri Ŋwed Ndutum

irenowo ebɔpde ufɔk

1.

Uduak eke Abasi ye Ubiɔŋ Fo ke Utom Erinyaŋa-ukpɔŋ ye Edimenede

1.0

Ntɔŋɔ

Ema ekot fi ete anam-utom ke Ufɔk Abasi Jesus Christ Ndisana Owo Ekpere Edem Usen. Esɔsɔŋɔ ke utom-unwam mbufo. Mbufo eyediɔŋ mme owo enyuŋ enyene idara ke nte mbufo enehede enam-utom.

Ŋwed ndutum emi eyenwam fi ekpep mme ido-mbet eke mbiet utom-unwam eke Christ enyuŋ efiɔk mme ubiɔŋ utom mbufo. Afo eyenehede anam ɔfɔn kini afo adiande utom-unwam fo ke Ufɔk Abasi ye utom eke Abasi Ete ye Eyen Esie, Jesus Christ.

1.1

Uduak Abasi eke Inemesit

Ete Heaven ama ɔnɔ uduak inemesit man anwam nnyin edibɔ kpukpru mme edidiɔŋ Esie. Utom ye ubɔŋ Esie edi edida uwem-unana-mkpa ye nsinsi uwem nsɔk owo” (Moses 1:39).

Jesus Christ edi akpan-ŋkpɔ ke uduak Abasi. Otode ke anana-adaŋa ima emi Ete Heaven enyenede ɔnɔ nnyin, Enye ɔkɔnɔ Eyen Esie man erifak nnyin osio ke idiɔkŋkpɔ ye mkpa oto ke uwa isop Esie (se John 3:16). Otode ke Erisio-isop Esie, Jesus Christ okut ete ke owo kiet-kiet emi imanade ke isɔŋ iyeset inyuŋ inyene uwem-unana-mkpa. Erisio-isop Esie nko anam emem ɔnɔ nnyin man eyet esio ke idiɔkŋkpɔ onyuŋ anam esit nnyin ɔkpuhɔ man nnyin ikpebɔ nsinsi uwem ye uyɔhɔ idara.

Man ibɔ nsinsi uwem, ana nnyin “idi itiene Christ, inyuŋ idifɔn-ima ke enye“(Moroni 10;32).

1.2

Utom Erinyaŋa-ukpɔŋ ye Edimenede

Nte nnyin idide itiene Christ ndien inwam mbon efen ndinam ukem oro, nnyin ibuana ke utom Abasi eke erinyaŋa-ukpɔŋ ye edimenede. Utom emi ɔkɔŋɔ ke ikpɔ mbet iba eke edima Abasi ye edima mbɔhɔiduŋ nnyin (se Matthew 22:37–39).

Utom erinyaŋa-ukpɔŋ ye edimenede ɔwuhɔ ke ememek ndisana ubiɔŋutom inaŋ.

Ŋwed Ndutum emi eyenwam fi ɔfiɔk mme adaha-ŋkpɔ inaŋ ke utom Abasi. Edisana Spirit eyeteme fi ke nte afo anamde ubiɔŋ fo ke edikure mmɔ (se 2 Nephi 32:5).

1.2.1.

Edi-nam Ikɔ Abasi Jesus Christ

Edi-nam Ikɔ Abasi Jesus Christ esine:

  • Edinyene mbuɔtidem ke Christ, erikabare-esit ke kpukpru usen, edinam ediomi ye Abasi ke nte nnyin ibɔde mme edinam Ikɔ Abasi eke erinyaŋa-ukpɔŋ ye edimenede, ndien iyɔ isim utit oto ke edinim ediomi oro (se 3.5.1).

  • Edibɔukpep ye edikpep ikɔ Abasi Jesus Christ ke ufɔkiduŋ ye ke ufɔk Abasi.

  • Edikabare nda-ke-idem ke edinam-ŋkpɔ nnɔ idem nnyin ye ufɔkemana nnyin, ŋkpɔ-spirit ye eke ikpɔkidem mbiba.

1.2.2.

Edise Ŋkpɔ Mbaŋa Mbon Unana

Edise Ŋkpɔ Mbaŋa Mbon Unana esine:

  • Edinam-ŋkpɔ nnɔ nyuŋ nsin-unwam nnɔ mme owo, ufɔkemana, ye obio.

  • Edibuana ŋkpɔ-utom, ke esit edide unwam eke Ufɔk Abasi, ye mbon emi edude ke unana.

  • Edinwam mbon efen ekabare eda-ke-idem.

1.2.3.

Edikot Kpukpru owo ete Edibɔ Ikɔ Abasi

Edikot Kpukpru owo ete Edibɔ Ikɔ Abasi esine:

  • Edibuana ke utom ukwɔrɔ-iko nyuŋ nam-ŋkpɔ nte mme ɔkwɔrɔ-ikɔ Abasi.

  • Edinwam mbufa ye mbon emi efiakde edi Ufɔk Abasi ekɔri ke usuŋ ediomi.

1.2.4.

Edibɔp mme Ufɔkemana ke Nsinsi

Edibɔp mme Ufɔkemana ke Nsinsi esine:

  • Ndinam ediomi ke nte nnyin ibɔde mme edinam temple nnyin.

  • Edifiɔk mbon ntɔŋɔ-ubon nnyin emi ekekpade nyuŋ nam mme edinam nnɔ mmɔ ke temple man mmɔ ekeme edi-nam ediomi ye Abasi.

  • Edika temple ndien-ndien, ke ukeme odude, man ekekpono Abasi onyuŋ anam ediomi ɔnɔ nditɔ Esie.

1.3

Ntak emi Ufɔk Odude

Jesus Christ akasiak Ufɔk Abasi Esie man awnam mme owo ye ufɔkemana ndinam utom Erinyaŋa-ukpɔŋ ye Edimenede (se Ephesians 4:11–13; se nko 2.2 ke nwed ndutum emi). Man anwam edinam edisana uduak emi nkure, Ufɔk Abasi ye mme adausuŋ esie enɔ:

  • Odudu-unen Itie-oku ye mme ukpɔhɔde.

  • Ediomi ye mme edinam Ikɔ Abasi.

  • Ndausuŋ eke Prophet.

  • Ŋwed Abasi.

  • Ukpep Ikɔ Abasi ye unwam ukpep-ŋkpɔ.

  • Utom-unwam ye nti-ifet ndausuŋ.

  • Eboho ndisana owo.

1.3.1.

Odudu-unen Itie-oku ye mme Ukpɔhɔde

Otode ke itie-oku, Abasi anam utom erinyaŋa-ukpɔŋ ye edimenede okure. Ema efiak eyak odudu-unen Itie-oku ye mme ukpɔhɔde.eyomde man eda enam utom Abasi ke isɔŋ enɔ Prophet Joseph Smith (see Doctrine ye Covenants 110:11–16; 112:30). Mme adausuŋ Ufɔk Abasi ekama mme ukpɔhɔde emi mfin. Mmɔ ekot enyuŋ eteme mbon efen ete enwam ke utom Abasi (se Doctrine ye Covenants 107:8, 65–67).

1.3.2.

Ediomi ye mme Edinam Ikɔ Abasi

K uduak eke Ete Heaven, nnyin iminam ediomi ke nte nnyin ibɔde mme edinam Ikɔ Abasi eke erinyaŋa-ukpɔŋ ye edimenede, oruk nte baptism (se John 3:5; se ŋko ibuot Efureta ke ŋwed ndutum emi). Mme ediomi ye mme edinam Ikɔ Abasi emi edi akpan-ŋkpɔ ɔnɔ nnyin edikabare ntie nte Abasi nyuŋ mfiak-nyɔŋ nkoduŋ ke iso Esie (se Doctrine ye Covenants 84:19–22).

1.3.3.

Ndausuŋ eke Prophet

Otode ke ndimek prophet Esie, Abasi ayarare akpanikɔ ndien ɔnɔ nti item ye ikpan (se Amos 3:7; Doctrine ye Covenants 1:4). Item emi anwam nnyin ndiduk nyuŋ ndu ke usuŋ emi adade aka nsinsi uwem.

1.3.4.

Ŋwed Abasi

Ke idak ndausuŋ mme prophet ye apsotle Jehovah, Ufɔk Abasi enɔ enyuŋ etim ikɔ Abasi nte ekutde ke ndisana ŋwed Abasi enim. Ŋwed Abasi etie ntiense abaŋa Christ, ekpep ikɔ Abasi Esie, onyuŋ anwam nnyin edinyene mbuɔtdem ke Enye (se Jacob 7:10–11; Helaman 15:7).

1.3.5.

Ukpep Ikɔ Abasi ye Unwam Ukpep-ŋkpɔ

Ufɔk Abasi enwam mme owo ye ufɔkemana ke ubiɔŋ-utom mmɔ man ekpep mme akpanikɔ eke ikɔ Abasi enyuŋ ekpep mme akpanikɔ emi enɔ mbon ufɔkemana mmɔ ye mbon efen (se Doctrine ye Covenants 88:77–78, 118; se nko 2.2.3 ke ŋwed ndutum emi

1.3.6.

Utom-unwam ye Nti-ifet Ndausuŋ

Otoke ke mme ikoot ye ubiɔŋ-utom ke Ufɔk Abasi, Abasi ɔnɔ mbon ufɔk Abasi nti-ifet man enam-ŋkpɔ enyuŋ eda-usuŋ. Ufɔk Abasi enɔ edu man enwam ekpeme mbon ufɔk Abasi edude ke unana enyuŋ enɔ unwam ubɔhɔ esɔk mbon efen (se Mosiah 18:27–29).

1.3.7.

Eboho Ndisana owo

Nte eboho Ndisana owo, mbon Ufɔk Abasi esobo-idem kini-kini man ekpono Abasi enyuŋ eti Andiyaŋa ke edidia udia-ɔbɔŋ (se Moroni 6:4–6; Doctrine ye Covenants 20:77). Mbon ufɔk Abasi nko ekpeme enyuŋ esin-unwam enɔ kiet eken (se Ephesians 2:19).

1.4

Ubiɔŋ Fo ke Utom Abasi

Nte adausuŋ ke Ufɔk Abasi, ema ekot fi ete ekpep onyuŋ anwam mbon emi afo anamde-ŋkpo-ɔnɔ ke nte mmɔ enamde utom erinyaŋa-ukpɔŋ ye edimenede (se 1.2). Afo eyenam ibat ke edi-nam ikoot fo nkure onyuŋ “ekpep … ikɔ Abasi ke ofuri ntiŋ-enyin” (Jacob 1:19). Ediwa-idem ye Abasi ke inwaŋ-utom Esie eyeda akwa idara ɔsɔk mbufo (se Jacob 5:70–72).

Ndinyene anwaŋa ifiɔk kabaŋa utom Abasi, ke se Enye okotde nnyin ete idinam, ye kabaŋa ntak Ufɔk Abasi Esie eyenwam mbufo edisin ukeme mbufo ke edida ediwak ukpɔŋ nsɔk Christ.

Wak edifiak nkese mme ido-mbet ke ibuot-nwed emi Da akam yom man ɔdiɔŋɔ nte mbufo ekekmede edinwam nda uduak Abasi nsin ke uwem mbon emi mbufo enamde-nkpɔ-enɔ. Abasi eyeteme mbufo oto ke mme nduari eke Edisana Spirit.