familia oguatávo templo ykére

3.

Sacerdocio Principio-kuéra

3.0

Ñepyrũmby

Sacerdocio ha’e Tupã autorida ha pu’aka. Sacerdocio rupive, Túva Yvagagua okumpli Hembiapo “ojapo hag̃ua yvypóra ñemano’ỹ ha tekove opave’ỹva” (Moisés 1:39). Tupã ome’ẽ autorida ha pu’aka Ita’ýra ha tajyrakuérape ko yvy ári oipytyvõ hag̃ua ojapóvo upe tembiapo (tojehecha capítulo 1).

3.2

Sacerdocio Jehovasakuéra

Umi konvénio ha sacerdocio ordenansakuéra rupive, Tupã omoĩ disponible tuicha jehovasakuéra Ita’yrakuérape g̃uarã. Ko’ã jehovasakuéra apytépe oĩ:

• Bautismo ha membresía Jesucristo Tupao Santokuéra Ára Pahapeguápe.

• Espíritu Santo don.

• Santa Cena-gui jepartisipa.

• Autorida ha pu’aka ojeservi hag̃ua umi Tupaogua llamamiento ha asignación-pe.

• Bendición patriarcal ha ambue sacerdocio jehovasakuéra ñemonguera, moangapyhy ha gía rehegua jerresivi.

• Ñañeinvesti Tupã pu’aka reheve templo-pe.

• Jajesella ñande familiaguakuéra ndive tapiaite g̃uarã.

• Tekove ijapyra’ỹva promésa.

3.3

Melquisedec Sacerdocio ha Sacerdocio Aarónico

Tupaópe, pe sacerdocio oguereko mokõi pehẽ: Melquisedec Sacerdocio ha Sacerdocio Aarónico (tojehecha Doctrina ha Konveniokuéra 107:1).

3.3.1

Melquisedec Sacerdocio

Melquisedec Sacerdocio ha’e pe “Santo Sacerdocio según el Orden del Hijo de Dios” (Doctrina ha Konveniokuéra 107:3). Ha’e upe pu’aka Tupã ta’ýra ha tajyrakuéra ikatuha rupi ha’e Ha’éicha (tojehecha Doctrina ha Konveniokuéra 84:19–21; 132:19–20).

Ko autorida rupive, Tupaogua liderkuéra oisãmbyhy ha oadministra opaite Tupao rembiapo espiritual (tojehecha Doctrina ha Konveniokuéra 107:18).

Estakagua presidente ha’e pe sumo sacerdote opresidíva pe estákape (tojehecha Doctrina ha Konveniokuéra 107:8, 10; tojehecha avei capítulo 6 ko manual-pe). Obispo ha’e pe sumo sacerdote opresidíva pe barrio (tojehecha Doctrina ha Konveniokuéra 107:17; tojehecha avei capítulo 7 ko manual-pe).

Ojehupyty hag̃ua marandu umi Melquisedec sacerdocio ofísio ha rresponsabilida rehegua, tojehecha 8.1.

3.3.2

Sacerdocio Aarónico

Pe Sacerdocio Aarónico ha’e peteĩ “Melquisedec Sacerdocio … mbojoapy” (Doctrina ha Konveniokuéra 107:14). Oreko llavekuéra ko’ãva rehegua:

• Anhelkuéra ministerio.

• Pe arrepentimiento evanhélio.

• Umi ordenánsa exterior ñeadministra, oikehápe pe bautismo angaipakuéra rremisiõrã.

(Tojehecha Doctrina ha Konveniokuéra 13:1; 84:26–27; 107:20.)

Obispo ha’e Sacerdocio Aarónico presidente upe Barrio-pe (tojehecha Doctrina ha Konveniokuéra 107:15).

Ojehupyty hag̃ua marandu umi Sacerdocio Aarónico ofísio ha rresponsabilida rehegua, tojehecha 10.1.3.

3.4

Sacerdocio Autorida

Sacerdocio autorida ha’e autorisasiõ oñerrepresenta hag̃ua Tupãme ha oje’actua hag̃ua Hérape. Tupaópe, opaite sacerdocio autorida ojeporu umi orekóva sacerdocio llavekuéra sãmbyhy guýpe.

3.4.1

Sacerdocio Llavekuéra

Sacerdocio llavekuéra ha’e autorida oñeisãmbyhy hag̃ua pe sacerdocio jeiporu Tupã ta’yrakuéra favor-pe.

3.4.1.1

Umi Orekóva Sacerdocio Llavekuéra

Ñandejára okonferi peteĩteĩ Ijapostokuérape opaite llavekuéra ha’éva Tupã Rréino rehegua ko yvy ári. Pe Apóstol oikovéva hi’ymavéva upe tendápe, pe Tupaogua Presidente, ha’e peteĩete tapicha ko yvy ári ojeautorisáva oiporu hag̃ua opaite umi sacerdocio llavekuéra (tojehecha Doctrina ha Konveniokuéra 81:1–2; 107:64–67, 91–92; 132:7).

Tupaogua Presidente sãmbyhy guýpe, sacerdocio liderkuérape oñeme’ẽ umi lláve ikatu hag̃uáicha opresidi hikuái irresponsabilida área-pe. Ko’ã líder apytépe oĩ:

• Estáka ha Distrito-gua presidente-kuéra.

• Obispo ha rramagua presidente-kuéra.

• Melquisedec Sacerdocio ha Sacerdocio Aarónico kórum presidente-kuéra.

• Templogua presidente.

• Misiõgua presidente ha umi centro de entrenamiento misional presidente-kuéra.

Ko’ã líder ohupyty sacerdocio llavekuéra oje’aparta vove chupekuéra illamamientorã.

Sacerdocio llavekuéra noñeme’ẽi ambuekuérape, umíva apytépe oike umi sacerdocio líder local konseherokuéra térã umi Tupaogua organización presidente-kuéra. Tupaogua organización presidente-kuéra opresidi umi orekóva sacerdocio llavekuéra sãmbyhy guýpe (tojehecha 4.2.4).

3.4.1.2

Órden Ñandejára rembiapópe

Sacerdocio llavekuéra ohecha pe salvasiõ ha exaltasiõ rembiapo tojejapo ñemohendaporã ha hekopete (tojehecha Doctrina ha Konveniokuéra 42:11; 132:8). Umi orekóva sacerdocio llavekuéra oisãmbyhy Ñandejára rembiapo irreponsabilida áreape. Pe autorida opresidi hag̃ua ovale pe líder llamamiento rresponsabilida especifico-pe añónte. Sacerdocio liderkuéra ojerrelevávo illamamiéntogui, hikuái ndorekovéima ko’ã llavekuéra.

3.4.2

Sacerdocio Ñekonferi ha Ordenasiõ

Umi orekóva sacerdocio llavekuéra sãmbyhy guýpe, pe Sacerdocio Aarónico ha Melquisedec Sacerdocio oñekonferi umi Tupaogua miembro kuimba’e hekopotĩvape (tojehecha Doctrina ha Konveniokuéra 84:14–17). Oñekonferi rire pe sacerdocio ha’eva’erã, pe tapicha oñeordena peteĩ upe sacerdocio ofísiope, taha’e diákono térã élder. Peteĩ orekóva pe sacerdocio oiporu upe sacerdocio umi derécho ha tembiaporã orekoháicha upe ofísio (Doctrina ha Konveniokuéra 107:99).

Ojehupytyve hag̃ua informasiõ sacerdocio ñekonferi ha ordenasiõ rehegua, tojehecha 8.1.1 ha 18.10.

3.4.3

Sacerdocio Autorida Jedelega Ojeservi hag̃ua Tupaópe

3.4.3.1

Je’aparta

Kuimba’e ha kuñanguéra oje’aparta vove umi orekóva sacerdocio llavekuéra sãmbyhy guýpe, oñeme’ẽ chupekuéra autorida Tupãgui omba’e’apo hag̃ua upe llamamiento-pe. Ojerrelevávo chupekuéra peteĩ llamamiento-gui, ndoguerekovéima hikuái pe autorida ohóva upe llamamiento reheve.

Opavave Tupaogua miembro oje’apartávape oservi hag̃ua oñeme’ẽ autorida divíno ha rresponsabilida omba’e’apo hag̃ua illamamientokuérape. Techaukarã:

• Peteĩ kuña oñehenóiva ha oje’apartáva obispo rupi barrio-gua Sociedad de Socorro presidenta-ramo oñeme’ẽ chupe autorida oisãmbyhy hag̃ua Sociedad de Socorro rembiapo upe barrio-pe.

Opavave umi oñehenói ha oje’apartáva oservi umi opresidíva hi’arikuéra sãmbyhy guýpe (tojehecha 3.4.1.2).

3.4.3.2

Umi Asignación

Tupaogua liderkuéra opresidíva ikatu odelega autorida asignación rupive. Kuimba’e ha kuñanguéra orresivi vove umi asignación, oñeme’ẽ chupekuéra autorida Tupãgui omba’e’apo hag̃ua. Techaukarã:

• Primera Presidencia ha Quórum de los Doce Apóstoles odelega autorida Setenta-kuérape oñeasignáva oadministra hag̃ua areakuéra ha opresidi hag̃ua umi estáka conferencia-pe.

• Ojedelega autorida Tupaogua miembro-kuérape oservi hag̃ua hermano ha hermana ministrante-ramo.

Autorida ojedelegáva asignación rupi oĩ limitádo upe asignación responsabilida ha arekue especifico-pe.

3.4.4

Ojeiporúvo Sacerdocio Autorida Tekojojápe

Ko autorida ikatu ojeiporu tekojojápente (tojehecha Doctrina ha Konveniokuéra 121:36). Ojeiporu py’aporã, torypa, tekomarangatu ha mborayhu añete rupive (tojehecha Doctrina ha Konveniokuéra 121:41–42).

Umi oiporúva sacerdocio autorida ndoforsái hembipota ambuekuéra ári. Ni ndoiporúi upe autorida umi propósito ijupe g̃uarãvante.

3.5

Sacerdocio Pu’aka

Sacerdocio pu’aka ha’e pu’aka Tupã ohovasáva rupi Ita’yrakuérape. Tupã sacerdocio pu’aka osyry opaite Tupaogua miembro ári—kuimba’e ha kuña—oñongatúvo hikuái konveniokuéra ojapova’ekue Hendive. Miembro-kuéra ojapo ko’ã konvénio orresiviháicha umi sacerdocio ordenánsa. (Tojehecha Doctrina ha Konveniokuéra 84:19–20.)

Umi sacerdocio pu’aka jehovasa miembro-kuéra orresivikuaáva apytépe oĩ:

• Gía hekovekuérape g̃uarã.

• Inspirasiõ oikuaa hag̃ua mba’éichapa oservikuaa familia miembro-kuérape ha avei ambuekuérape.

• Mbarete oñeha’ãmbaite ha ogueropu’aka hag̃ua umi py’ara’ã.

• Espíritu don ombotuicha hag̃ua ikatupyrykuéra.

• Rrevelasiõ oikuaa hag̃ua mba’éicha okumplikuaa tembiapo oñeordena, oje’aparta térã oñeasignáva chupekuéra ojapo hag̃ua.

• Pytyvõ ha mbarete ha’eve hag̃ua Jesucristo ha Túva Yvagaguáicha.

3.5.1

Konveniokuéra

Peteĩ konvénio ha’e peteĩ promésa isagrádova Tupã ha Ita’yrakuéra apytépe. Tupã omoĩ umi kondisiõ pe konveniorã, ha Ita’yrakuéra oñekompromete iñe’ẽrendutaha umi kondisiõre. Tupã opromete ohovasataha Ita’yrakuérape okumpliháicha hikuái umi konvénio.

Opavave umi oñeha’ãmbaitéva ipahaite peve oñongatúvo ikonveniokuéra ohupytýta tekove ijapyra’ỹva (tojehecha 2 Nefi 31:17–20; Doctrina ha Konveniokuéra 14:7).

Tuvakuéra, umi Tupaogua líder, ha ambuekuéra oipytyvõ tapichakuérape oñembosako’ívo ojapo hag̃ua konveniokuéra orresivívo umi evanhélio ordenánsa. Ohecha hikuái pe tapicha ontendeha pe konvénio ha’e ojapótava. Pe tapicha ojapo rire peteĩ konvénio, ha’ekuéra oipytyvõ chupe oñongatu hag̃ua upéva. (Tojehecha Mosíah 18:8–11, 23–26.)

3.5.2

Ordenansakuéra

Peteĩ ordenánsa ha’e peteĩ mba’e’apo isagrádova ojejapóva sacerdocio autorida rupi.

Heta umi ordenánsape, tapichakuéra ojapo konvénio Tupã ndive. Umívape oike bautismo, pe santa cena, investidura, ha pe ñemenda sellamiento ordenánsa.

Salvasiõ ha exaltasĩo ordenansakuéra mba’eguasueterei tekove ijapyra’ỹvape g̃uarã. Ojehupytyve hag̃ua marandu, tojehecha 18.1.

3.6

Pe Sacerdocio ha Óga

Opavave Tupaogua miembro-kuéra oñongatúva ikonvénio—kuña, kuimba’e, ha mitãnguéra—ojehovasa hogakuérape Tupã sacerdocio pu’aka reheve oñemombarete hag̃ua ijupe ha ifamiliakuérape (tojehecha 3.5). Ko pu’aka oipytyvõta miembro-kuérape ojapóvo Tupã salvasiõ ha exaltasiõ rembiapo hekove teépe ha ifamiliakuéra rekovépe (tojehecha 2.2).

Kuimba’ekuéra orekóva Melquisedec Sacerdocio ikatu ome’ẽ sacerdocio jehovasa familia-guakuérape ome’ẽ hag̃ua gía, ñemonguera ha moangapyhy. Oñeikotevẽrõ, Tupaogua miembro-kuéra ohekakuaa ko’ã jehovasa umi familia extendida miembo-kuéragui, hermano ministrante térã umi Tupaogua líder local-gui.