4.

Ritōl im Ko̧o̧njeļ ko ilo Kabun̄ eo an Jisōs Kraist

4.0

Kadkad In

Āinwōt juon ritōl ilo Kabun̄ in, em̧ōj kar kūr eok kōn im̧we kōn ro rikarejeran Irooj kar kōmālim er. Ewōr ippam̧ jim̧we eo kōn jipan̄ ilo jerbal eo an Jemedwōj Ilan̄ an “kakūr[m̧ool] mour jab wabanban im mour indeeo an armej” (Moses 1:39

4.2

Pedped in Katak ko an Ritōl ro ilo Kabun̄ in

Ilo tōre in jerbal in karejar eo An ilo laļ in, Rilo̧mo̧o̧r eo ekar kōm̧m̧an waanjon̄ak an ritōl kōn Kabun̄ eo An. Jibadbad eo An eļap tata ekar kōm̧anm̧an ankilan Jemen Ilan̄ im jipan̄ ro jet meļeļe im mour kōn gospel eo An (lale Jon 5:30; Mosaia 15:7).

4.2.1

Kōppopo ilo Jetōb

Jisōs ekar kōpooj E make ilo jetōb n̄an mijen eo An ioon laļ in (lale Luk 4:1–2. Kwoj barāinwōt kōppopo ilo jetōb jān epaakeļo̧k Jemedwōj Ilan̄ kōn jar, ekkatak jeje ko rekwojarjar, im pokake kien ko An.

Pukōt revelesōn n̄an meļeļe aikuj ko an ro kwoj tōl er im ekōjkan n̄an kakūrm̧ool jerbal eo an Anij ekar kūr eok n̄an kōm̧m̧ane.

Irooj ekar barāinwōt kallim̧ur n̄an letok menin letok ko ilo jetōb ioon ro me rej kappukoti (lale Katak im Bujen Ko 46:8

4.2.2

Jerbal in Karejar n̄an Aolep Ajri ro Nejin Anij

Iakwe armej ro kwoj jerbal n̄an er āinwōt kar Jisōs. Jar “kōn aolep kajoor in bōro” n̄an obrak kōn iakwe eo An (Moronai 7:48).

Jipan̄ kajjojo armej ej kam̧willaļo̧k oktak eo am̧ im kōkajoorļo̧k tōmak eo aer ilo Jemedwōj Ilan̄ im Jisōs Kraist. Jipan̄ er m̧aanjabpopo n̄an kōm̧m̧ani bujen ko ilo aer bōk kain̄i eo tok juon aer. Kōketak er n̄an kōjparok bujen ko raar kōm̧m̧ani im bōk m̧ōttan kōjeraam̧m̧an ko an ukweļo̧k.

4.2.3

Katakin Gospel eo an Jisōs Kraist

Aolep ritōl rej rūkaki ro. Kajjieon̄ n̄an ļoor waanjon̄ak eo an Rilo̧mo̧o̧r eo āinwōt juon rūkaki (lale jebta 17; Teaching in the Savior’s Way). Jān naan ko im kōm̧m̧an ko am̧, katakin katak eo an Jisōs Kraist im pedped in katak ko an gospel eo An (lale 3 Nipai 11:32–33; Katak im Bujen Ko 42:12–14).

Katakin jān jeje ko rekwojarjar im naan ko an rikanaan ro ilo raan ko āliktata (lale Katak im Bujen Ko 52:9

Eļan̄n̄e kwoj kūr ak kappe n̄an tōl ilo juon kweilo̧k an Kabun̄ ak m̧akūtkūt, kanooj lale bwe katakin ej kōketak im jim̧we katak eo (lale Katak im Bujen Ko 50:20–23).

4.2.4

Tōl ilo Jim̧we

Kajjojo opija ej tōl ej jerbal ium̧win tōl eo an armej eo me ej kabwijer ki ko an priesthood (lale 3.4.1). M̧ōņōkjān in ej letok ellaajrak eo im alikkar eo an eddo eo im bōk eddo in eo ilo kōm̧m̧ane jerbal eo an Irooj.

Juon opija eo ej tōl emaron̄ ajeļo̧k n̄an bar juon armej juon ijjitōn̄ eo ejjab aitok kitien n̄an tōl.

Juon ritōl eo ej tōl ilo juon doulul an Kabun̄ in, kweilo̧k, ak m̧akūtkūt en kanooj la bwe jibadbad ko an Irooj ren tōprak. Ilo kōm̧m̧ane menin, ritōl eo ej ļoor pedped in katak ko an gospel eo, kakien ko an Kabun̄ in, im tōl eo an Jetōb Kwojarjar.

Juon kūr ak ijjitōn̄ n̄an tōl ejjab kōm̧m̧an bwe armej eo me ej bōke eļapļo̧k an aorōk ak ļapļo̧k tokjān jān ro jet (lale Katak im Bujen Ko 84:109–10

Ejjab juon men ejim̧we n̄an pukōt n̄an bōk n̄an tōl ilo jabdewōt doulul ilo Kabun̄ eo an Irooj (lale Katak im Bujen Ko 121:34–37

4.2.5

Kappe Eddo im Kōm̧m̧an Bwe en Wōr Bōk Eddo in

Rilo̧mo̧o̧r eo ekar leļo̧k n̄an ro Rikaļooran kappe ko eļap meļeļeier im eddo ko (lale Luk 10:1). E ekar barāinwōt leļo̧k n̄an er juon iien em̧m̧an n̄an riboote jerbal eo kar leļo̧k n̄an er n̄an kōm̧m̧ane (lale Luk 9:10).

Āinwōt juon ritōl, kwomaron̄ jipan̄ ro jet eddōkļo̧k kōn ijjitōn̄ ko ajiļo̧k n̄an er Kajjieon̄ n̄an kakobaiktok aolep membōr ro ilo kōm̧m̧ane jerbal eo an Anij.

Ajeļo̧k enaaj barāinwōt kōm̧m̧an an jerbal in jipan̄ eo am̧ wejāpedikļo̧k. Kappukōt tōl eo an Jetōb kōn ta eo n̄an leļo̧k bwe kwon maron̄ kalimjōk wōt men ko am raorōktata.

4.2.6

Kōpooj Ro Jet n̄an Erom̧ Ritōl ro im Rūkaki ro

N̄e ļōmņak kōn wōn eo emaron̄ jerbal ilo kūr ko ak ijjitōn̄ ko ilo Kabun̄ in, kanooj jar kake. Keememej bwe Irooj enaaj kakōrbōb ro E ej kūr. Men eo aorōktata ej bwe rej m̧ōņōņō in jerbal, naaj ettā ilo kappukōt jipan̄ eo an Irooj, im rej kajjieon̄ in erreo.

4.2.7

Karōki Kweilo̧k ko, Katak ko, im M̧akūtkūt ko kōn Kōttōpar ko Ralikkar

Kappukōt tōl eo an Jetōb ilo karōki kweilo̧k ko, katak ko, im m̧akūtkūt ko me ewōr kōttōpar ko aer ralikkar. Kōttōpar kein remaron̄ kōkajoorļo̧k kajjojo im baam̧le ko, bōkļo̧k er epakeļo̧k Kraist, im jipan̄ kōtōprak jerbal in lo̧mo̧o̧r eo im mour āinwōt Anij (lale jepbta 1 im 2).

4.2.8

Etale Kijejeto ko Am̧

Bar etale eddo ko am̧ im eddōkļo̧k ilo jetōb eo āinwōt juon ritōl iien otemjeļo̧k. Ļōmņak kōn barāinwōt eddōkļo̧k eo an ro kwoj tōl er.

Tōprak eo am̧ āinwōt juon ritōl ej pedped wōt eļaptata jān wujlepļo̧k eo am̧ n̄an jipan̄ ajri ro nejin Anij erom rikaļoor ro an Jisōs Kraist retiljek. Komaron̄ jeļā bwe Irooj ej m̧ōņōņō kōn kijejeto ko am̧ ilo am̧ en̄jake an Jetōb eo jerbal ilo kwe.

4.3

Doulul ko ilo Kabun̄ eo

Irooj ekar katakin ritōl ro an Kabun̄ eo An n̄an ko̧o̧njeļ ippān doon ilo kōm̧m̧ane jerbal eo An (lale Katak im Bujen Ko 41:2–3). Ko̧o̧njeļ ko rej letok iien ko rem̧m̧an n̄an ro uwaan ko̧o̧ņjeļ eo n̄an bōk revelesōn ilo aer pukōt n̄an meļeļe aikuj ko an ajri ro nejin Anij im karōk eo kōn ekōjkan aer jipan̄ tōpari.

4.4

Peded in Katak ko an Ko̧o̧njeļ ko Rejetjet

4.4.1

Kōttōpar ko an Ko̧o̧njeļ ko

Ko̧o̧njeļ ko rej letok juon kōmejaja eo aorōk n̄an jipan̄ membōr ro bōk kain̄i ko im kōjparok bujen ko rej iookļo̧k.

4.4.2

M̧aanjabpopo n̄an Kweilo̧k ko an Ko̧o̧njeļ

Būreejtōnji ko im ko̧o̧njeļ ko rej kōtemen n̄an kweilo̧k emakijkij. Ritōl rein rej kappukōt tōl eo an Irooj ilo karōk kweilo̧k in ko̧o̧njeļ ko. Rej barāinwōt pukōt kakobaba jān membōr ro an ko̧o̧njeļ eo ilo jokāālet ta eo n̄an ekōnono kake.

Ritōl ro rej kōtļo̧k bwe membōr ro an ko̧o̧njeļ eo ren jeļā kōn jerbal ko n̄an iien ekōnono eo m̧oktaļo̧k. Membōr ro an ko̧o̧njeļ eo rej m̧aanjabpopo n̄an kwaļo̧k kōļmenļo̧kjeņ ko kōn jerbal kein.

4.4.3

Iien Ekōnono im Jokāālet ko

Ilo juon kweilo̧k an ko̧o̧njeļ, ritōl eo (ak juon eo ritōl eo ej kappeik) ej kōmeļeļeik jerbal eo ļōmņak kake. Innām ritōl eo ej kōketak juon iien ekōnono ibwilijin aolep membōr ro an ko̧o̧njeļ eo, kajjitōk kajjitōk ko im pukōt ļōmņak ko.

Membōr ro rej kwaļo̧k elmakot ko im ron̄jake doon ilo kautiej. Ilo aer kappukōt n̄an jeļā ankilan Irooj, juon jetōb in im̧we im bōro kuk emaron̄ anjo̧.

Ilo juon ko̧o̧njeļ me ekoba kōrā ro im em̧m̧aan ro, ritōl eo ej pukōt kōļmenļo̧kjeņ ko im ļōmņak ko jān er jim̧or. Kōrā ro im em̧m̧aan ro emakijkij an wōr aer erreim̧aanļo̧k ko roktak me rej letok jokkun wōt juon eo aikuji.

Juon ritōl ej tōl iien ekōnono ko an ko̧o̧njeļ eo. Ijo wōt ke, ļeo ak lieo rej aikuj ron̄jake eļapļo̧k jān kōnono.

Ālkin iien ekōnono eo, ritōl ro emaron̄ jokāālet juon iaļ in jerbal ak karum̧wijļo̧k juon ekōnono ilo an kappukōt eļapļo̧k meļeļe im tōl.

4.4.4

Juon Wōt

Ro uwaan ko̧o̧njeļ eo rej pukōt n̄an erom juon ilo ikdeelel im jibadbad ippān Jemedwōj Ilan̄ im Jisōs Kraist. Rej kajjieon̄ n̄an juon wōt ilo iien ekōnono ko im jokāālet ko aer.

4.4.5

Jerbal im Bōk Eddo

Ro uwaan ko̧o̧njeļ eo eļap wōt aer kōm̧m̧ane jerbal eo aer m̧okta im ālkin kweilo̧k ko an ko̧o̧njeļ eo. Ilo iien kweilo̧k ko, rej pukōt im̧we eo ilo ejaki karōk ko n̄an kōjerbal jokāālet ko. Ritōl eo an ko̧o̧njeļ eo ej kajjitōk ippān ro membōr ro n̄an kakūrm̧ool ijjitōn̄ ko reiookļo̧k karōk kein.

Membōr ro an ko̧o̧njeļ rej ribooti kōn ijjitōn̄ ko aer. Eddōkļo̧k eo ekka an aikuji wujlepļo̧k eo ejjab bōjrak im bar etale ijjitōn̄ ko.

4.4.6

Ittiņo

Ritōl ro rej kōjerbal kaorōk n̄e kwaļo̧k meļeļe ko an juon make ippān juon ko̧o̧njeļ eo. Enan̄in ilo aolep jekjek rej pukōt juon mālim an membōr eo n̄an kwaļo̧k meļeļe in.

Membōr ro an ko̧o̧njeļ eo rej aikuj jab kwaļo̧k meļeļe ko an juon make itulikin ko̧o̧njeļ eo ijello̧kin n̄e ej menin aikuj n̄an kakūrm̧ool juon ijjitōn̄ jān ritōl eo an ko̧o̧njeļ eo.

Jet men ko (matter) rej lukkuun in aorōk n̄an būktok im̧aan aolep ko̧o̧njeļ eo.