barrio-gua konsého reunión

4.

Liderismo ha Konsehokuéra Jesucristo Tupaópe

4.0

Ñepyrũmby

Líder-ramo Tupaópe, nde reñehenóikuri inspirasiõ rupi Ñandejára siervo-kuéra autorisádo rupive. Nde reguereko privilegio reipytyvõvo Túva Yvagagua rembiapópe “ojejapóvo yvypóra ñemanove’ỹ ha tekove ijapyra’ỹva” (Moisés 1:39).

4.2

Liderismo Principio-kuéra Tupaópe

Iministério yvy arigua aja, pe Salvador omoĩ liderismo ehémplo Itupaópe g̃uarã. Ipropósito mbytete ha’ékuri ojapo Itúva Yvagagua rembipota ha oipytyvõ tapichakuérape ontende ha ovivi Iñevanhélio (tojehecha Juan 5:30; Mosíah 15:7).

Eheka Ñandejára gía nepytyvõ hag̃ua reikuaávo ha rekumplívo umi ne llamamiento rembiaporã.

4.2.1

Ñembosako’i Espiritual

Jesús oñembosako’i ijupe espiritualmente Imisiõrã ko yvy ári (tojehecha Lucas 4:1–2). Upéicha avei nde reñembosako’i reñemo’ag̃uívo Túva Yvagaguáre, ñembo’e, escritura jestudia ha ñe’ẽrendu rupi Hembiapoukapykuérare.

Eheka rrevelasiõ rentende hag̃ua umi nde relideráva remikotevẽ ha mba’éicha rekumplikuaa pe tembiapo Tupã nerenoiva’ekue rejapo hag̃ua.

Ñandejára avei opromete ome’ẽtaha umi don espiritual umi ohekávape umíva (tojehecha Doctrina ha Konveniokuéra 46:8).

4.2.2

Toñeministra Opavave Tupã Ta’yrakuérape

Ehayhu umi tapicha reservívape Jesús ojapo haguéicha. Eñembo’e “opa ne korasõ mbarete reheve” tanerenyhẽ Imborayhu reheve (Moroni 7:48).

Eipytyvõ tapichakuérape ombopypuku hag̃ua ikonversiõ ha omombarete hag̃ua ijerovia Túva Yvagagua ha Jesucristo-re. Eipytyvõ chupekuéra toñembosako’i ojapo hag̃ua konveniokuéra orresivívo ordenánsa oúva. Emokyre’ỹ chupekuéra oñongatu hag̃ua umi konvénio ojapova’ekue ha topartisipa arrepentimiento jehovasakuéragui.

4.2.3

Oñembo’évo Jesucristo Evanhélio

Opavave líder ha’e mbo’eharakuéra. Eñeha’ã resegi hag̃ua pe Salvador rembiecharã mbo’eháraramo (tojehecha capítulo 17; Enseñar a la manera del Salvador). Embo’e Jesucristo doctrina ha Iñevanhélio principio-kuéra ne ñe’ẽ ha mba’e’apo rupive (tojehecha 3 Nefi 11:32–33; Doctrina ha Konveniokuéra 42:12–14).

Embo’e escritura-kuéra ha ára pahapegua profetakuéra ñe’ẽgui (tojehecha Doctrina ha Konveniokuéra 52:9).

Eñehenóirõ térã eñeasignárõ epresidi hag̃ua peteĩ Tupao reunión térã activida ári, ehecha pe oñembo’éva taha’e oporomopu’ãva ha doctrinalmente oĩ porãva (tojehecha Doctrina ha Konveniokuéra 50:21–23).

4.2.4

Jepresidi Tekojojápe

Peteĩteĩ oficial presidente oservi peteĩ tapicha orekóva umi sacerdocio llave sãmbyhy guýpe (tojehecha 3.4.1). Ko estructura ome’ẽ órden ha omoĩ pe rresponsabilida línea ha cuenta ñerrendiha hesakãva ha ojejeroviakuaávare ojejapóvo Ñandejára rembiapo.

Peteĩ oficial opresidíva ikatu odelega ambue tapichápe peteĩ asignasiõ sapy’arã opresidi hag̃ua.

Peteĩ líder opresidíva peteĩ Tupao organización, reunión térã activida ohecha toñekumpli Ñandejára propósito. Upevarã, pe líder osegi umi evanhélio principio, Tupaogua norma, ha Espíritu Santo sãmbyhy.

Pe llamamiento térã asignasiõ opresidi hag̃ua ndojapói pe tapicha orresivívape mba’eguasuve térã ovalevéva ambuekuéragui (tojehecha Doctrina ha Konveniokuéra 84:109–10).

Noĩporãi ojepresidise ni peteĩ organización-pe Ñandejára Tupaópe (tojehecha Doctrina ha Konveniokuéra 121:34–37).

4.2.5

Ojedelega Rresponsabilida ha Ojehecha Toñeme’ẽ Rendición de Cuenta

Pe Salvador ome’ẽ Idiscipulokuérape asignasiõ ha rresponsabilida imba’eguasúva (tojehecha Lucas 10:1). Ha’e ome’ẽ avei chupekuéra oportunida ome’ẽ hag̃ua cuenta tembiapo oñeme’ẽva’ekue chupekuéra ojapo hag̃uáre (tojehecha Lucas 9:10).

Líder-ramo, nde reipytyvõkuaa tapichakuérape okakuaa hag̃ua edelega rupi umi asignasiõ chupekuéra. Eñeha’ã opavave miembro topartisipa Tupã rembiapo jejapópe.

Redelegávo rejapóta avei nde servicio toiko porãve. Eheka pe Espíritu gía reikuaa hag̃ua mba’épa redelegakuaa ikatu hag̃uáicha reñenfoka umi nde priorida tuichavévape.

4.2.6

Oñembosako’ívo Ambuekuérape Ha’e hag̃ua Líder ha Mbo’eharakuéra

Ekonsiderávo mávapa ikatu oservi Tupaogua llamamiento térã asignasiõme, eñembo’emi. Nemandu’áke Ñandejára ombokatupyrytaha umi Ha’e ohenóivape. Imba’eguasuvéva ha’e oserviseha hikuái, mirĩme ohekáta ñandejára pytyvõ, ha oñeha’ã hína hekomarangatu hag̃ua.

4.2.7

Toñeplanea umi Reunión, Mbo’epy, ha Actividakuéra Propósito Hesakãporãva reheve.

Eheka Espíritu gía replaneávo umi reunión, mbo’epy, ha actividakuéra orekóva propósito hesakãporãva. Umi propósito omombareteva’erã tapicha ha familiakuérape, ogueru chupekuéra ag̃uive Cristo-re, ha oipytyvõ oñekumpli hag̃ua Tupã salvasiõ ha exaltasiõ rembiapo (tojehecha umi capítulo 1 and 2).

4.2.8

E’evalua umi Ne Ñeha’ã

Emaña mante umi nde rresponsabilida ha jekakuaa espiritual líder-ramo. Ekonsidera avei umi nde reisãmbyhýva jekakuaa.

Ne rembiapo porã líder-ramo oñemedi raẽve ne kompromísore reipytyvõ hag̃ua Tupã ta’yrakuérape ha’e hag̃ua Jesucristo discípulo ijeroviarekóva. Nde ikatu reikuaa Ñandejára ovy’aha ne rembiapo reheve eñanduháicha pe Espíritu omba’apóvo nde rupi.

4.3

Konsehokuéra Tupaópe

Ñandejára omoarandu Itupaogua liderkuérape ojapo hag̃ua konsého oñondive ojapóvo Hembiapo (tojehecha Doctrina ha Konveniokuéra 41:2–3). Konsehokuéra ome’ẽ oportunida konsého miembro-kuérape orresivi hag̃ua rrevelasiõ ohekaháicha ontende Tupã ta’yrakuéra remikotevẽ ha oplanea mba’éichapa oipytyvõta oñemyanyhẽ hag̃ua umíva.

4.4

Umi Konsého Oiko Porãva Principio-kuéra

4.4.1

Konsehokuéra Propósito

Konsehokuéra omoĩ énfasis oipytyvõ hag̃ua miembro-kuérape orresivívo ordenansakuéra ha oñongatúvo umi konvénio ohóva umívandi.

4.4.2

Oñembosako’ívo umi Konsého Reunión-pe g̃uarã

Oñeha’arõ umi presidencia ha konsého toñerreuni mante. Ko’ã líder oheka Ñandejára gía oplaneávo umi konsého reunión. Ha’ekuéra oheka avei umi konsehogua miembro-kuéra aporte odesidívo mba’épa oñehesa’ỹijóta.

Umi líder oikuaauka konsého miembro-kuérape umi téma oñeñe’ẽtavagui tenonderã. Konsého miembro-kuéra oñembosako’i okomparti hag̃ua ipy’aremiandu umi téma rehe.

4.4.3

Ñemongeta ha Desisiõnguéra

Peteĩ konsého reunión aja, pe líder (térã peteĩ pe líder oasignáva) omohesakã pe téma oñekonsiderátava. Pe líder upéi omokyre’ỹ ñomongeta opavave konsého miembro-kuéra apytépe, oporandúvo ha ohekávo idea-kuéra.

Miembro-kuéra okomparti umi sugerencia oñohendu ojupe respetuosamente. Ohekaháicha hikuái oikuaa Ñandejára rembipota, peteĩ espíritu inspirasiõ ha joaju rehegua ikatu ipu’akapa.

Peteĩ konséhope oĩháme kuñanguéra ha kuimba’ekuéra, pe líder oheka py’amongeta ha ideakuéra mokõivévape. Kuña ha kuimba’ekuéra py’ỹi oreko diferente perspectiva ome’ẽva pe balance oñeikotevẽva.

Peteĩ líder ogia pe konsého ñemongeta. Upevére, ha’e ohenduveva’erã oñe’ẽgui.

Ñemongeta rire, pe líder ikatu odesidi peteĩ tape mba’e’aporã térã omoha’arõ peteĩ desisõ ohekave aja marandu ha gía.

4.4.4

Joaju

Konsého miembro-kuéra oheka oñomopeteĩ potapy ha propósitope Túva Yvagagua ha Jesucristo ndive. Ha’ekuéra oñeha’ã joajúre iñemongeta ha desisiõme.

4.4.5

Mba’e’apo ha Rresponsabilida

Konsého miembro-kuéra ojapo hetave hembiapokuéra umi konsého reunión mboyve ha rire. Umi reunión aja, ha’ekuéra oheka inspirasiõ odesarrolla hag̃ua umi plan oñeimplementa hag̃ua desisiõnguéra. Pe konsého líder oinvita miembro-kuérape okumpli hag̃ua umi asignasiõ ohóva ko’ã plan rehe.

Konsého miembro-kuéra ome’ẽ momarandu iñasignasiõgui. Ñemotenonde oikotevẽ jepi jesareko meme ha asignasiõ ojejapo hag̃ua segimiento.

4.4.6

Ñeñongatupy

Liderkuéra ojesareko porã okompartívo marandu personal peteĩ konsého ndive. Ha’ekuéra oheka jepi pe miembro permiso okomparti hag̃ua upe marandu.

Konsého miembro-kuéra nokompartiriva’erã marandu personal ndaha’éirõ pe konsého ryepýpe ỹrõ ojejerure oñekumpli hag̃ua peteĩ asignasiõ oúva pe konsého líder-gui.

Oĩ téma isensibletereíva ojegueru hag̃ua opa pe konsého renondépe.