5.

Chon Nemeni Unusan me Area

5.0

Nepoputan

Jises Kraist i ewe “foun nongonong mi nap” ren An Mwichefen (Ephesus 2:20). I a amochu meinisin ekkewe kien pristut. I a kori ekkewe aposel me soufos ar repwe anisi I non ewe angangen amanaua me manau mi tekia. I a wata won ekkei chon angang mi kefinita ekkewe kii minne rafen masoweni ewe muun Kot non ewe fonufan. (Nengeni Doctrine and Covenants 27:12–13; pwan nengeni 3.4.1 non ei puken emwen.)

Seni ekkewe soufos me aposel, ewe Samon a kori ekkewe mwan ngeni ewe wisen Fik ar repwe aninis non An ewe angang non unusen fonufan (nengeni Doctrine and Covenants 107:38). Non kapachetan, ewe Chon Nemeni Pisoprik, Nouwis mi Nap, me ekkoch mwan me fefin ir sou emwen a kawor ngenir ouchean wis ar repwe aninis non ewe angang.

Ren pwan ekkoch porousan, nengeni sopun 5 non Pukenapen Emwen: Angang non ewe Mwichefenin Jises Kraist ren Aramas mi Pin non Fansoun Soponon (ChurchofJesusChrist.org).