Puken Emwen me Kokkon Wis
6. Chon Emweni Steik

“6. Chon Emweni Steik” Ekkoch Kinikin seni ewe Pukenapen Emwen (2023).

“6. Chon Emweni Steik,” Ekkoch Kinikin seni ewe Pukenapen Emwen

sou emwen a kapas ngeni famini

6.

Chon Emweni Steik

6.1

Ekkewe Popun Forutan Steik

Isaiah a awewei Zion non fansoun soponon a ussun ew tento ika ew nenien fel a riri nukuchar ren ekkewe mecha (nengeni Isaiah 33:20; 54:2).

Ewe Samon a aueta steik fanasengesin “ewe kochu fengen” ren Noun aramas me “ren ew nenien epeti me … ew nenien sunong non” seni ewe fonufan (Doctrine and Covenants 115:6).

6.2

Presetenin Steik

Ewe presetenin steik a komoch ekkewe kien pristut an epwe emweni ewe angangen ewe Mwichefen non ewe steik (nengeni 3.4.1). I me noun kewe chon anisi ra forata ewe presetensin steik. Ra tumunu ekkewe chon ewe steik fiti tong, ra anisir ar repwe winiti ennetin chon tapweno mwirin Jises Kraist.

A wor ruanu nongonongun wisen ewe presetenin steik.

  1. I ewe chon nemeni prist mi nap non ewe steik.

  2. I a emweni ewe angangen amanaua me manau mi tekia non ewe steik.

  3. I emon chon apungu.

  4. I a ani sekinin ren ekkewe rekot, pekin moni, me ekkewe pisek.

6.3

Ekkewe sokofesen nefinen ewe Mumuta an Ekkewe Prestenin Tistrik me an Ekkewe Presetenin Steik

Non emon me emon chon tistrik, emon mi wor an Melkisetek Pristut a kokko ngeni an epwe ewe presetenin tristrik. I a angang ussun chok emon presetenin steik nge epwe fiti ekkewe sokofesen mi tetenitiw:

  • I esap ewe presetenin ew mwichen ekkewe prist mi tekia. Ekkei mwich ra foruta me non ekkewe chok steik.

  • Fiti ewe mumuta seni ewe presetenin misin, emon presetenin tistrik mei tongeni interfiuni emon memper mwan an epwe seikita ngeni emon elter. Emon presetenin tistrik ika emon a nom fan an emwen a tongeni pwan (1) wato emon memper mwan ren seikita me (2) fori ewe angangen seikita (nengeni 18.10.1.3, 18.10.3, and 18.10.4). Iwe nge, emon presetenin tistrik ese tongeni seikata peitriark, ekkewe prist mi nap, ika ekkewe pisop.

  • Fiti ewe mumuta an ewe presetenin misin, emon presetenin tistrik a tongeni seikata ekkewe presetenin pranch (nengeni 18.11).

  • I ese tongeni epichono ekkewe misineri ra angangen misineri ren ruu ier.

  • I ese tongeni fori interfiu ren taropwen mumutan tonong non tempel ika sainei ekkewe taropwen mumutan tonong non tempel (nengeni 26.3.1).

  • I ese tongeni kori ew mwich ren ekkewe chon ewe mwichen apungupung mi nap tiwenon chok ika mi mumuta seni ewe presetenin misin.

6.5

Chon Opungupung mi Nap

Ewe presetensin steik a kori 12 prist mi nap an epwe forata ewe mwichen apungupung mi nap non ewe steik (nengeni Doctrine and Covenants 102:1; 124:131).

6.5.1

Tupuni ewe Steik Presetensi

Ewe presetensin steik a akunou ew mwichen apungupung mi nap ngeni ew me ew kewe wart non ewe steik.

Ewe presetensin steik a pwan akunou ew mwichen apungupung mi nap ngeni ew me ew mwichen elter non ewe steik.

Ewe presetensin steik mi tongeni akunou ekkewe mwichen apungupung mi nap ar repwe aiti ekkewe tetenin aramas non wiser kewe ren tempel me angangen uruon famini me angangenn misineri:

  • Ekkewe presetensin mwichen elter

  • Ekkewe sou emwenin wart misin

  • Ekkewe sou emwenin wart tempel me uruon famini

6.7

Mwicheichen Steik

Ew me ew ekkewe steik Relief Society, Mwichen Fopun, Kinter, Sunday School, me ekkewe mwicheichen Mwichen Anuon a wor emon preseten a emwenir. Ekkei preseten ra angang fan emwenien ewe presetensin steik.

Ewe wesetan wisen an ekkei sou emwen wis repwe anisi ewe presetensin steik me aiti me anisi ekkewe presetenin mwicheich non ewe wart.

6.7.1

Ekkewe presetenin Steik Relief Society, Mwichen Fopun, Kinter, me Sunday School

Memperun ekkei presetensi a wor ar ekkei wis:

  • Angang won ewe mwichen apungupung non steik (ekkewe chok preseten).

  • Emweni me aiti ekkewe minefon chon koko ngeni ewe wis presetensin ekkewe emwicheich non wart.

  • Sopweno ne awora aninis me osukun. Poraus ngeni ekkewe presetensin mwicheich non wart iteitan ar repwe kaeo ussun met ra mochen, poraus won met ekkewe memper ra angang ngenir ra mochen, me aporausa poraus seni ewe presetensin steik.

  • Ouroura ekkewe presetensin ekkewe mwicheich non wart non ekkewe fansoun mwichen nouwis non steik (nengeni 29.3.4).

6.7.2

Presetensin Anuon non Steik

Ewe presetensin Anuon non steik a wor wisan kei:

  • Angang ussun ew nenien awora aninis ngeni ekkewe pisoprik non wiser kewe ren Aaronik Pristut.

  • Angang won ewe mwichen wiisen chon emwenin sarafo non steik (nengeni 29.3.10).

  • Fan emwenien ewe presetensin steik, ota me omokutu mokutukutun stake Aaronik Pristut ren kamp me pekin urumot.