Li naʼlebʼ isinbʼil chaq saʼ li Jolomil Kʼanjenel Hu

Li wan chi saʼ
Perel re xjolomil li aatin
Chan ru roksinkil Li naʼlebʼ isinbʼil chaq saʼ li Jolomil Kʼanjenel Hu
Xk’ojob’ankil li tzol’leb’
- 0. Tusulal sa’ xtiklajik
- 1. Lix k’uub’anb’il na’leb’ li Dios, ut laa na’aj sa’ li k’anjel re li kolb’a-ib’ ut li taqenaqil loq’al
- 2. Xtenq’ankileb’ li komon ut eb’ li junkab’al sa’ li k’anjel re li kolb’a-ib’ ut li taqenaqil loq’al
- 3. Eb’ li na’leb’ chirix li tijonelil
- 4. Li b’eresink ut eb’ li jolomil ch’uut sa’ lix Iglees li Jesukristo
Xkʼuubʼlajik li Iglees
- 5. Li b’eresink sa’ xjolomil li Iglees ut sa’ li area
- 6. Li b’eresink sa’ li oqech
  - 6.1. K’a’ru rajb’al jun oqech
  - 6.2. Li awa’b’ejil re oqech
  - 6.3. Chan ru naq jalan xwankil li awa’b’ej re distrito rik’in xwankil li awa’b’ej re oqech
  - 6.5. Li taqenaqil ch’utam
  - 6.7. Eb’ li k’anjenel ch’uut sa’ li oqech
- 7. Li obiispil
- 8. Li molam reheb’ li xb’eenil
- 9. Li Komonil re Tenq’ank
- 10. Eb’ li molam re li Tijonelil re Aaron
- 11. Eb’ li Saaj Ixq
- 12. Li Tzoleb’aal reheb’ li Kok’al
- 13. Li Dominkil Tzoleb’aal
- 14. Eb’ li komon li ink’a’ sumsuukeb’
- 15. Eb’ li seminario ut instituto
Li k’anjel re li kolb’a-ib’ ut li taqenaqil loq’al
- Xyu’aminkil lix evangelio li Jesukristo
  - 16. Xyu’aminkil lix evangelio li Jesukristo
  - 17. Xk’utb’al li evangelio
  - 18. Xk’anjelankileb’ li k’ojob’anb’il k’anjel ut li osob’tesink rik’in li tijonelil
  - 19. Li b’ich
  - 20. Eb’ li kok’ k’anjel
- Xtenq’ankileb’ li wankeb’ rajom ru
  - 21. Li ilok komon
  - 22. Xk’eeb’al li ajb’il ru re li yu’am a’in, ut xwaklesinkil li tenq’ank-ib’
- Xb’oqb’aleb’ chixjunil chixk’ulb’al li evangelio
  - 23. Xwotzb’al li evangelio, ut xk’eeb’al xkawilaleb’ li ak’ komon ut li yookeb’ chi sutq’iik
  - 24. Li k’a’ru tz’aamanb’il re xik sa’ li mision, ut li k’anjelak sa’ li mision
- Xk’amb’aleb’ li junkab’al sa’ junajil sa’ li junelik q’e kutan
  - 25. Li k’anjel re li santil ochoch ut resilal li junkab’al sa’ li teep ut li oqech
  - 26. Eb’ li recomendacion re li santil ochoch
  - 27. Eb’ li k’ojob’anb’il k’anjel re li santil ochoch choq’ reheb’ li yo’yookeb’
  - 28. Eb’ li k’ojob’anb’il k’anjel re li santil ochoch choq’ reheb’ li kamenaq
Xb’eresinkil li Iglees
- 29. Eb’ li ch’utam sa’ li Iglees
- 30. Eb’ li b’oqok sa’ li Iglees
- 31. Li tz’ilok-ix ut xkomoneb’ chik li ch’uut rik’ineb’ li komon
- 32. Li jalb’a-k’a’uxlej ut eb’ li ch’utam re komonil
- 33. Eb’ li tz’iib’anb’il esil, ut li q’axtesink esil
- 34. Li tumin ut li xtz’ilb’al rix li tumin
- 35. Rilb’aleb’ ut roksinkileb’ li ch’utleb’aal kab’l
- 36. Xk’uub’ankileb’, xjalb’aleb’, ut xk’eeb’al xk’ab’a’eb’ li ak’ ch’uut
  - 36.0. Xtikibʼankil
- 37. Eb’ li oqech, li teep, ut li uq’ej li k’uub’anb’ileb’ choq’ re jun tz’aqal ajom
- 38. Eb’ li chaq’rab’ink ut li b’eresink choq’ re li Iglees

6. Li b’eresink sa’ li oqech

“6. Li b’eresink sa’ li oqech,” Li na’leb’ isinb’il chaq sa’ li Jolomil K’anjenel Hu (2023).

“6. Li b’eresink sa’ li oqech,” Li na’leb’ isinb’il chaq sa’ li Jolomil K’anjenel Hu

Li b’eresink sa’ li oqech

6.1

K’a’ru rajb’al jun oqech

Laj Isaias kixtz’iib’a resil Sion sa’ roso’jikeb’ li kutan jo’ jun muheb’aal t’ikr li taawanq chi helho chiruheb’ oqech (chi’ilmanq Isaias 33:20; 54:2).

Li Qaawa’ naxxaqab’eb’ li oqech choqʼ re “lix chʼutubʼankilebʼ ribʼ” lix tenamit ut “choqʼ jun kolbʼa-ibʼ naʼajej, ut … muhebʼaal” chiru li ruchich’och’ (Tzol’leb’ ut Sumwank 115:6).

6.2

Li awa’b’ejil re oqech

Li awa’b’ej re oqech naxk’ameb’ lix laawil li tijonelil re xb’eresinkil lix k’anjel li Iglees sa’ li oqech (chi’ilmanq 3.4.1). A’an, rochb’eeneb’ laj tenq’ aj k’ehol na’leb’, wankeb’ choq’ jun awa’b’ejil re oqech. Eb’ a’an neke’rileb’ li komon sa’ li oqech rik’in rahok, ut neke’xtenq’aheb’ chi ok choq’ tz’aqal aj taaqenel re li Jesukristo.

Kaahib’ paay ru lix teneb’ankil li awa’b’ej re oqech:

A’an li jolominel taqenaqil aj tij sa’ li oqech.
A’an naxb’eresi li k’anjel re li kolb’a-ib’ ut li taqenaqil loq’al sa’ li oqech.
A’an jun bʼeresinel aj raqol aatin.
A’an naxb’eresi li tz’iib’anb’il esil, li tumin, ut li eechej.

6.3

Chan ru naq jalan xwankil li awa’b’ej re distrito rik’in xwankil li awa’b’ej re oqech

Sa’ li junjunq chi distrito, nab’oqman jun aj komon li xk’uluk re li Tijonelil re Melkisedek re taak’anjelaq choq’ awa’b’ej re distrito. A’an nak’anjelak jo’ chanru li awa’b’ej re oqech, a’b’anan wan xjalanil lix k’anjel chi jo’ka’in:

Moko wan ta choq’ awa’b’ej sa’ jun xmolameb’ li taqenaqil aj tij. Eb’ li molam a’in ka’ajwi’ neke’k’uub’aman sa’eb’ li oqech.
Chi k’eeb’il xliceens xb’aan li awa’b’ej re mision, jun awa’b’ej re distrito naru naxb’aanu li tz’ilok-ix rik’in jun winq li taak’ojob’aaq choq’ xb’eenil. Jun awa’b’ej re distrito malaj junaq b’eresinb’il xb’aan a’an naru (1) tixk’ut xk’ab’a’ jun winq re taaxaqab’aaq xwankil ut (2) tixb’aanu lix k’ojob’ankil (chi’ilmanq 18.10.1.3, 18.10.3, ut 18.10.4). A’ut ink’a’ naru chixk’ojob’ankileb’ li yuwa’b’ejil aj k’anjel, eb’ li taqenaqil aj tij, malaj eb’ li obiisp.
Chi k’eeb’il xliceens xb’aan li awa’b’ej re mision, jun awa’b’ej re distrito naru naxxaqab’eb’ li awa’b’ej re uq’ej (chi’ilmanq 18.11).
Ink’a’ narach’ab’eb’ li misioneer.
Ink’a’ naxb’aanu li tz’ilok-ix re li recomendacion re li santil ochoch, chi moko naxk’e juch’ chiru li recomendacion re li santil ochoch (chi’ilmanq 26.3.1).
Ink’a’ naxb’aanu jun ch’uut re komonil, ka’ajwi’ naq k’eeb’il xwankil xb’aan li awa’b’ej re mision.

6.5

Li taqenaqil ch’utam

Li awa’b’ejil re oqech naxb’oq 12 li taqenaqil aj tij re te’wanq choq’ taqenaqil ch’utam (chi’ilmanq Tzol’leb’ ut Sumwank 102:1; 124:131).

6.5.1

Xb’aanunkil ruuchil li awa’b’ejil re oqech

Li awa’b’ejil re oqech naxk’e xtaqlankil jun komon re li taqenaqil ch’utam choq’ re li junjunq chi teep sa’ li oqech.

Li awa’b’ejil re oqech naxk’e ajwi’ xtaqlankil jun komon re li taqenaqil ch’utam choq’ re li junjunq chi molam reheb’ li xb’eenil sa’ li oqech.

Li awa’b’ejil re oqech naru naxk’e xtaqlankileb’ li komon re li taqenaqil ch’utam re te’xtzoleb’ li komon a’in chirix lix teneb’ankileb’ sa’ li k’anjel re li santil ochoch ut resilal li junkab’al ut sa’ li k’anjel re xjultikankil li evangelio:

Eb’ li awa’b’ejil re lix molameb’ li xb’eenil
Eb’ laj jolominel re li k’anjel re jultikank re li teep
Eb’ laj jolominel re li santil ochoch ut resilal li junkab’al re li teep

6.7

Eb’ li k’anjenel ch’uut sa’ li oqech

Eb’ li k’anjenel ch’uut re li Komonil re Tenq’ank, li Saaj Ixq, li Tzoleb’aal reheb’ li Kok’al, ut li Saaj Winq b’eresinb’ileb’ xb’aan jun awa’b’ej. Eb’ li awa’b’ej a’in neke’k’anjelak chi b’eresinb’il xb’aan li awa’b’ejil re oqech.

Lix k’anjeleb’ laj jolominel a’in, a’an xtenq’ankil li awa’b’ejil re oqech, ut xtzolb’aleb’ ut xtenq’ankileb’ li awa’b’ejil reheb’ li k’anjenel ch’uut sa’eb’ li teep.

6.7.1

Li awa’b’ejil re li Komonil re Tenq’ank, li Saaj Ixq, li Tzoleb’aal reheb’ li Kok’al, ut li Dominkil Tzoleb’aal sa’ li oqech

Eb’ li komon sa’eb’ li awa’b’ejil a’in wankeb’ xteneb’ankil chi jo’ka’in:

Neke’k’anjelak sa’ li ch’uut re oqech (ka’ajeb’ wi’ li awa’b’ej).
Neke’xk’e xtzolb’aleb’ li ak’ awa’b’ejil reheb’ li k’anjenel ch’uut li neke’b’oqe’ sa’eb’ li teep.
Neke’tenq’an ut neke’k’ehok na’leb’. Neke’aatinak chi kok’ aj xsa’ rik’ineb’ li awa’b’ejil re li k’anjenel ch’uut sa’eb’ li teep re xk’eeb’al reetal k’a’ru neke’raj ru, re aatinak chirix li rajomeb’ ru li komon li k’anjelanb’ileb’ ru xb’aaneb’, ut re xk’amb’al li raatineb’ li awa’b’ejil re oqech rik’ineb’.
Neke’xk’e xtzolb’aleb’ laj jolominel reheb’ li k’anjenel ch’uut sa’eb’ li teep, sa’ jun ch’utam reheb’ laj jolominel re oqech (chi’ilmanq 29.3.4).

6.7.2

Li awa’b’ejil reheb’ li Saaj Winq re oqech

A’aneb’ a’in xteneb’ankil li awa’b’ejil reheb’ li Saaj Winq re oqech:

Neke’k’anjelak jo’ aj tenq’anel chiruheb’ li obiispil sa’ lix teneb’ankileb’ choq’ reheb’ li wankeb’ sa’ li Tijonelil re Aaron.
Neke’k’anjelak sa’ li b’eresinel ch’uut reheb’ li saaj re oqech (chi’ilmanq 29.3.10).
Chi b’eresinb’il xb’aan li awa’b’ejil re oqech, neke’xk’uub’eb’ ut neke’xb’aanuheb’ li kok’ k’anjel ut li campamento choq’ reheb’ li xe’k’uluk re li Tijonelil re Aaron.