lida i stap toktok long famli

6.

Stek Lidasip

6.1

Ol Stamba Tingting blong Wan stek

Aesea i tokbaot Saeon blong lata-dei, we i olsem wan tenet, o wan tabenakol we ol stek oli holem taet (luk long Aesea 33:20; 54:2).

Lod i stanemap ol stek blong mekem ol pipol blong Hem “oli kam wanples” mo blong “oli save difendem olgeta, mo blong oli stap long wan sef ples,” oli haed long wol ia (Doktrin mo Ol Kavenan 115:6

6.2

Stek Presidensi

Stek presiden nao i holem ol prishud ki blong lidim wok blong Jos insaed long stek (Luk long 3.4.1). Hem, wetem tufala kaonsela blong hem, oli stap olsem wan stek presidensi. Oli kea long ol memba blong stek wetem lav long olgeta, mo oli stap helpem olgeta blong kam ol tru man blong stap folem Jisas Kraes.

Stek presiden i gat fofala stamba responsabiliti ia:

1. Hem i prisaeding hae pris insaed long stek.

2. Hem i lidim wok blong God blong fasin blong sevem man mo fasin blong kam olsem wan god insaed long stek.

3. Hem i jeneral jaj.

4. Hem i lukluk ova ol wok blong kipim ol rekod, lukaotem ol faenens, mo ol propeti.

6.3

Wanem i defren bitwin Atoriti blong Ol Distrik Presiden mo hemia blong Ol Stek Presiden

Insaed long wanwan distrik we i gat memba, i gat wan we i holem Melkesedek Prishud, we oli singaotem hem olsem distrik presiden. Hem i stap olsem wan stek presiden be, wetem olgeta samting ia we oli defren i stap:

• Hem i no presiden blong hae pris kworom. Ol kaen kworom olsem, oli stap oganaesem olgeta nomo insaed long ol stek.

• Wetem raet blong misin presiden, distrik presiden i save intaviu wan brata blong oli odenem hem i kam wan elda. Wan distrik presiden, o wan we i stap anda long daereksen blong hem, i save (1) presentem wan brata blong oli sastenem hem, mo (2) mekem odinesen blong hem (luk long 18.10.1.3, 18.10.3, mo 18.10.4). Be, wan distrik presiden i no save odenem ol petriak, ol hae pris, o ol bisop.

• Wetem apruvol blong misin presiden, wan distrik presiden i save setem apat ol branj presiden (luk long 18.11

• Hem i no rilisim ol fultaem misinari.

• Hem i no holem ol intaviu blong tempol rekomen, o i no saenem ol tempol rekomen (luk long 26.3.1

• Hem i no holem wan membasip kaonsel sapos misin presiden i no givim raet long hem.

6.5

Hae Kaonsel

Stek presidensi i singaotem 12 hae pris blong oli stap insaed long stek hae kaonsel (luk long Doktrin mo Ol Kavenan 102:1; 124:131).

6.5.1

Ripresentem Stek Presidensi

Stek presidensi i givim wok long wan hae kaonsela blong ripresentem olgeta long wanwan wod insaed long stek.

Mo tu, stek presidensi i givim wok long wan hae kaonsela blong i lukaot long wanwan kworom blong ol elda insaed long stek.

Stek presidensi i save givim wok long ol hae kaonsela blong i givim instraksen long olgeta pipol ia wetem ol responsabiliti blong olgeta long saed blong wok blong tempol mo famli histri mo misinari wok.

• Ol presidensi blong kworom blong ol elda

• Ol wod misin lida

• Ol wod lida blong tempol mo famli histri wok

6.7

Ol Stek Oganaesesen

Stek Rilif Sosaeti, Stek Yang Woman, Stek Praemeri, mo Stek Sandei Skul, mo Stek Yang Man oganaesesen, wan presiden nao i lidim olgeta. Oli mekem hemia anda long daereksen blong stek presidensi.

Ol stamba responsabiliti blong ol lida ia, oli blong helpem stek presidensi, mo blong oli givim instraksen mo sapot long ol presidensi blong ol oganaesesen long wod.

6.7.1

Stek Rilif Sosaeti, Yang Woman, Praemeri, mo Sandei Skul presidensi

Ol memba blong presidensi ia oli gat olgeta responsabiliti ia:

• Givim Seves insaed long Ol Stek Kaonsel (ol presiden nomo).

• Oli soem wok long ol niu oganaesesen presidensi blong wod we oli jes singaotem olgeta.

• Givim sapot mo instraksen we i gogohed. Toktok wetem ol presidensi blong ol oganaesesen oltaem blong lanem ol nid blong olgeta, blong toktok raon long ol nid blong ol memba we oli wok blong olgeta, mo oli pasem infomesen we i kam long stek presidensi.

• Givim instraksen long ol presidensi blong ol oganaesesen long taem blong ol stek lidasip miting (luk long 29.3.4

6.7.2

Stek Presidensi blong Ol Yang Man

Stek Yang Man presidensi i gat olgeta responsabiliti ia:

• Stap olsem wan risos long bisoprik long ol responsabiliti blong olgeta long ol brata blong Aronik Prishud.

• Givim seves long stek yut lidasip komiti (luk long 29.3.10

• Anda long daereksen blong stek presidensi, mekem plan mo kodinetem wan stek Aronik Prishud aktiviti mo kamp.