líder oñe’ẽvo familia ndive

6.

Estáka Liderkuéra

6.1

Estáka Propositokuéra

Isaías omombe’u Sión ára pahápe ha’etaha peteĩ tienda térã tabernáculo-icha oñembopytasóva estakakuérare (tojehecha Isaías 33:20; 54:2).

Ñandejára omoĩ estakakuéra “ombyaty” hag̃ua Itavayguakuérape ha “ñemo’ã ha ñeñongatuháramo” yvóragui (Doctrina ha Konveniokuéra 115:6).

6.2

Estaka Presidencia

Estakagua presidente oreko sacerdocio llavekuéra oisãmbyhy hag̃ua Tupao rembiapo pe estákape (tojehecha 3.4.1). Ha’e ha ikonseherokuéra oforma peteĩ estáka presidencia. Ha’ekuéra oñangareko estakagua miembro-kuérare mborayhu reheve, oipytyvõvo chupekuéra ha’e hag̃ua Jesucristo segiha añete.

Pe estakagua presidente oreko irundy rresponsabilida guasuvéva:

1. Ha’e pe sumo sacerdote opresidíva estákape.

2. Oisãmbyhy pe salvasiõ ha exaltasiõ rembiapo estákape.

3. Ha’e peteĩ hue komún.

4. Osupervisa umi registro, finánsa ha propieda.

6.3

Diferencia oĩva Distrito-gua Presidente Autorida ha Estakagua Presidente Autorida Apytépe

Káda distrito-pe, oñehenói peteĩ orekóva Melquisedec Sacerdocio pe distrito-gua presidente-ramo. Ha’e oservi peteĩ estakagua presidente-icha ha katu ko’ã diferencia reheve:

• Ha’e ndaha’éi peteĩ sumo sacerdote kórum presidente. Upeichagua kórum oñemohenda estákape añónte.

• Misiõgua presidente moneĩ reheve, peteĩ distrito-gua presidente ikatu oentrevista peteĩ hermano-pe oñeordena hag̃ua élder. Peteĩ distrito-gua presidente térã peteĩ oĩva isãmbyhy guýpe ikatu avei (1) opresenta peteĩ hermano-pe oñesostene hag̃ua ha (2) ojapo pe ordenasiõ (tojehecha 18.10.1.3, 18.10.3, ha 18.10.4). Upevére, peteĩ distrito-gua presidente ndaikatúi o’ordena umi patriarca, sumo sacerdote térã obispo-pe.

• Misiõgua presidente moneĩ reheve, peteĩ distrito-gua presidente ikatu oaparta umi rramagua presidente-pe (tojehecha 18.11).

• Ha’e ndorrelevái umi misionero de tiempo completo-pe.

• Ha’e noisãmbyhýi umi templo recomendación-rã entrevista ni nofirmái umi templo recomendación (tojehecha 26.3.1).

• Ha’e nohenói peteĩ membresía konsého ỹrõ ojeautorisa misiõgua presidente rehe.

6.5

Sumo Consejo

Estakagua presidencia ohenói 12 sumo sacerdote-pe oforma hag̃ua pe estakagua sumo consejo (tojehecha Doctrina ha Konveniokuéra 102:1; 124:131).

6.5.1

Orrepresentávo Estakagua Presidencia-pe

Pe estakagua presidencia oasigna peteĩ sumo consejo miembro peteĩteĩ estakagua barrio-pe.

Pe estakagua presidencia oasigna avei peteĩ sumo consejo miembro peteĩteĩ estakagua élder kórumpe.

Estakagua presidencia ikatu oasigna sumo consejo miembro-kuéra omoarandu hag̃ua ko’ã tapichápe irresponsabilida templo ha historia familiar ha obra misional-pe:

• Umi élder kuórum presidencia

• Umi barrio-gua líder misional

• Umi barrio-gua templo ha historia familiar líder

6.7

Umi Estakagua Organización

Estakagua Sociedad de Socorro, Mujeres Jóvenes, Primaria, Escuela Dominical ha Hombres jóvenes organización peteĩteĩ oñeisãmbyhy peteĩ presidente rupi. Ko’ã presidente oservi estakagua presidencia sãmbyhy guýpe.

Rresponsabilida tuichavéva orekóva ko’ã líder ha’e toipytyvõ estakagua presidencia-pe ha ohekombo’e ha oipytyvõ barrio-gua organización presidencia-kuérape.

6.7.1

Estakagua Sociedad de Socorro, Mujeres Jóvenes, Primaria ha Escuela Dominical Presidencia-kuéra

Ko’ã presidencia-gua miembro-kuéra oreko ko’ã rresponsabilida:

• Oservi Consejo de estaca-pe (presidente-kuéra añónte).

• Ome’ẽ orientasiõ umi barrio-gua organización presidencia-kuéra oñehenói ramóvape.

• Oikuave’ẽ meme pytyvõ ha tekombo’e. Oñemongeta mante umi barrio-gua organización presidencia ndive oikuaa hag̃ua hemikotevẽ, oñe’ẽ miembro-kuéra oservívape remikotevẽ, ha ome’ẽ informasiõ estakagua presidencia-gui.

• Ombo’e barrio-gua organización presidencia-kuérape estáka liderkuéra rreuniõme (tojehecha 29.3.4).

6.7.2

Estakagua Hombres Jóvenes Presidencia

Estakagua Hombres Jóvenes presidencia oreko ko’ã rresponsabilida:

• Oservi rrekúrsoramo obispado-pe irresponsabilidápe Sacerdocio Aarónico hermano-kuéra ndive g̃uarã.

• Oservi estakagua jóvenes liderkuéra comité-pe (tojehecha 29.3.10).

• Estakagua presidencia sãmbyhy guýpe oplanea ha omohenda estakagua Sacerdocio Aarónico activida ha campamento-kuéra.