7.

Ewe Pisoprik

7.1

Ewe Pisop me Noun Chon Aninis

Ewe pisop a omochu ekkewe pristut kii an epwe emweni ewe angangen ewe Mwichefen non iwe wart (nengeni 3.4.1). I me noun kewe chon aninis ra forata ew pisoprik.

A wor nimu nongonongun wisen ewe pisop:

• I ewe chon nemeni prist mi nap non ewe wart.

• I ewe presetenin ewe Aronik Pristut.

• I emon chon apungu.

• I a ota kokotun ewe angangen amanaua me manau mi tekia, pachenong tumunun ekkewe mi osupwang.

• I a tumunu ekkewe rekot, pekin mwoni, me aean ekkewe nenien imwenchufengen.

Ewe wesetan wisen ewe pisop epwe ngeni ewe tappin muun ikenai non ewe wart (ekkewe semirit, sarafo, me ekkewe sarafo a watte ierir nge rese pupunu). An epwe ngeni an tufichin anonga an ekiek won ei wis, i a wau wisen ekkoch ren ekkewe angang mi chammong (nengeni 4.2.5).

7.1.1

Prist Mi Nap chon Emwen

Ewe pisop i noun wart akkomwan sou emwen non pekin ngun.

7.1.1.1

Ekkewe Mwicheich non Wart me Mwichen Pristut

A wor wisen ewe pisop an epwe wisen eteneki ewe wart Relief Society me Mwichen Fopun. I a ewisa noun kewe chon aninis ar repwe wisen tumunu ewe Sunday School me ekkewe mwicheichen Kinter me ekkoch prokramin wart.

Wisen ewe pisop epwe tumunu mwichen Aronik Pristut a affat non 7.1.2. Wisan pwe epwe tumunu mwichen ekkewe elter ra affat non 8.3.1.

7.1.1.2

Angangepin me Ekkewe Efeioch

Ewe pisop a emweni ewe nemenemen ekkewe angangepin me ekkewe efeioch non ewe wart:

• Ewe sakramen

• Eita me efeiochu semirit

• Papatais me apungano ren semirit 8 ier ierin non rekot (ren, minefon chon choni Mwichefen nengeni 31.2.3.2)

• Wata won ewe Aronik Pristut me sikata ngeni ewe wisen tiken, sense, me prist

7.1.1.3

Ekkewe Mwichen Apungupung me Ekkewe Mwich

Ewe pisop a emweni ewe mwichen apungupung non ewe wart me ewe mwichen apungupungun sarafo (nengeni 29.2.5 me 29.2.6).

Ewe pisoprik a ota ekkewe mwichen sakramen me ekkoch mwich mi tetenitiw non sopun 29.

7.1.1.4

Ekkewe Kokon Wis me Ekkewe Kepichino

Wisen ewe pisop ren kokon wis me ekkewe kepichino ra afatetiw non sopun 30.

7.1.2

Presetenin ewe Aronik Pristut

A wor wisen ewe pisop kewe mi afatetiw ussun emon presetenin ewe Aronik Pristut non ewe wart. Noun kewe chon aninis ra anisi.

• Anisi kewe sam me in non osukunen sarafo.

• Nemeni ekkewe mwichen Aronik Pristut me ekkewe klasin Mwichen Fopun. Ewe pisop i presetenin ekkewe mwichen prist (nengeni Doctrine and Covenants 107:87–88). Noun ewe aemonun chon aninis a wor wisan fan iten ewe mwichen ekkewe ticher. Noun ewe aruemonun chon aninis a wor wisan fan iten ewe mwichen ekkewe tiken.

• Angei kapas ourour fiti ewe presetenin mwichen fopun non ewe wart.

• Mwich iteitan fengen me emon me emon sarafo.

7.1.3

Emon sou apung

Ewe pisop emon sou apung non ewe wart (nengeni Doctrine and Covenants 107:71–74). A wor wisan kewe mi tetenitiw:

• Anisi sarafo me ekkewe mi mukono ar repwe ketiw me nimenimoch ren echo taropwen mumutan tonong non tempel.

• Efisi ekkewe interfiu ussun mi affat non 31.2.

• Churi ekkewe chon ewe wart ra kukuta emwen non pekin ngun, a wor chourekin ar kewe osukosuk won pwisin winikaper, ika ion kewe ra fen fori watten tipis, anisir ar repwe kun ngeni ewe manamanen echikara an Jises Kraist.

• Fan emwenien ewe presetenin steik, awora mwichen sou apung nupwen mi namot. Ren minen kapasen ourour nengeni sopun 32.

7.1.4

Omokutu kokotun ewe Angangen Amanaua me Manau mi Tekia

Ewe pisop a wisen omokutu kokotun ewe angangen amanaua me manau mi tekia non ewe wart (nengeni chapter 1). Noun kewe chon aninis me ekkoch sou emwenin ewe wart ra anisi i.

7.1.4.1

Achocho emweni ne Eteneki Ekkana mi wor ar Osupwang non pekin Inis

Ren soposopun porausen ifan ussun ewe pisop a eteneki ekkana ir mi osupwang nengeni 22.6.1.

7.1.5

Rekot, Pekin Mwoni, me ewe Imwen Chufengen

Ren poraus ussun ekkewe rekot, nengeni sopun 33. Ren poraus ussun pekin mwoni, pachenong ew na engon, nengeni sopun 34. Ren poraus ussun imwen chufengen, nengeni sopun 35.

7.3

Seketeri Mi Nap non Wart me Chon Aninis ngeni ewe Seketeri mi nap non Wart

Ewe Pisoprik a fin ngeni emon mi wor an Melkisetek Pristut an epwe angang ussun emon seketeri mi nap non ewe wart.

A wor wisan mi afatetiw:

• Churi ewe pisoprik me amonata tetenin masowen mwich ren met a okuno ngeni.

• Angang ussun emon chon ewe mwichen apungupung non wart me fiti ekkewe mwichen ewe mwichen apungupung non wart.

• Fori kokotun an ewe pisoprik fansoun me ranin an epwe churi emon.

7.4

Wart Clerk me Chon Anisi Wart Clerk

Wisen ewe wart clerk me chon anisi ewe wart clerk mi maketiw non 33.4.2.