7.

Li obiispil

7.1

Li obiisp ut eb’ laj tenq’ aj k’ehol na’leb’

Li obiisp naxk’ameb’ lix laawil li tijonelil re xb’eresinkil lix k’anjel li Iglees sa’ li teep (chi’ilmanq 3.4.1). A’an ut eb’ laj tenq’ aj k’ehol na’leb’ wankeb’ choq’ jun obiispil.

Oob’ paay ru lix teneb’ankil li obiisp:

• A’an li jolominel taqenaqil aj tij sa’ li teep.

• A’an li awa’b’ej re li Tijonelil re Aaron.

• A’an jun b’eresinel aj raqol aatin.

• A’an naxb’eresi li k’anjel re li kolb’a-ib’ ut li taqenaqil loq’al, sa’ li wan wi’ xtenq’ankileb’ li wankeb’ rajom ru.

• A’an naxb’eresi li tz’iib’anb’il esil, li tumin, ut chan ru na’oksiman li ch’utleb’aal kab’l.

Li xb’een xk’anjel li obiisp a’an rik’ineb’ li ani yookeb’ chi k’iik sa’ li teep (li kok’al, li saaj, ut li saaj winq ut ixq li maji’ sumsuukeb’). Re taaruuq chixk’eeb’al xch’ool rik’ineb’ li teneb’ank a’in, a’an naxjek’ naab’al chik li k’anjel re jalaneb’ (chi’ilmanq 4.2.5).

7.1.1

Li jolominel taqenaqil aj tij

Li obiisp a’an li xb’een musiq’ejil aj jolominel sa’ li teep.

7.1.1.1

Eb’ li k’anjenel ch’uut ut eb’ li molam re li tijonelil

Li obiisp wan xteneb’ankil rik’in li Komonil re Tenq’ank ut rik’ineb’ li Saaj Ixq re li teep. Naxk’e xtaqlankileb’ laj tenq’ aj k’ehol na’leb’ chirix li Dominkil Tzoleb’aal ut li Tzoleb’aal reheb’ li Kok’al, ut xkomoneb’ chik li k’anjel re li teep.

Lix teneb’ankil li obiisp chirixeb’ li molam re li Tijonelil re Aaron wan chi tusb’il sa’ 7.1.2. Lix teneb’ankil chirix lix molameb’ li xb’eenil wan chi tusb’il sa’ 8.3.1.

7.1.1.2

Eb’ li k’ojob’anb’il k’anjel ut li osob’tesink

Li obiisp naxb’eresiheb’ li k’ojob’anb’il k’anjel ut li osob’tesink a’in sa’ li teep:

• Li loq’laj wa’ak

• Xk’eeb’al xk’ab’a’eb’ ut rosob’tesinkileb’ li kok’al

• Xkub’sinkileb’ xha’ ut xk’ojob’ankil sa’ li Iglees eb’ li kok’al li waqxaqib’ chihab’ xyu’ameb’ ut wankeb’ sa’ xhuhil li Iglees (choq’ reheb’ li toja’ xe’paab’an, chi’ilmanq 31.2.3.2)

• Xk’eeb’al li Tijonelil re Aaron, ut k’ojob’ank sa’eb’ li opiis re aj tenq’anel, aj tzolonel, ut aj tij

7.1.1.3

Eb’ li jolomil ch’uut ut eb’ li ch’utam

Li obiisp najolomink re li ch’uut re teep ut li ch’uut reheb’ li saaj re teep (chi’ilmanq 29.2.5 ut 29.2.6).

Li obiispil neke’xk’uub’ li ch’utam re li loq’laj wa’ak ut xkomoneb’ chik li ch’utam re li teep li tusb’ileb’ sa’ li ch’ol 29.

7.1.1.4

Li b’oqok ut li raqe’k sa’ kanjel

Eb’ lix teneb’ankil li obiisp re b’oqok ut re raqok k’anjel wankeb’ chi tusb’il sa’ li ch’ol 30.

7.1.2

Awa’b’ej re li Tijonelil re Aaron

A’aneb’ a’in lix teneb’ankil li obiisp jo’ awa’b’ej re li Tijonelil re Aaron sa’ li teep. Eb’ laj tenq’ aj k’ehol na’leb’ neke’xtenq’a.

• A’an naxk’e xtenq’ankileb’ li na’b’ej yuwa’b’ej sa’ xtzolb’aleb’ li saaj.

• A’an naxjolomiheb’ li molam re li Tijonelil re Aaron, ut eb’ li tzoleb’aal reheb’ li Saaj Ixq. Li obiisp a’an awa’b’ej sa’ xb’een lix molameb’ laj tij (chi’ilmanq Tzol’leb’ ut Sumwank 107:87–88). Li xb’een aj tenq’ aj k’ehol na’leb’ wan xteneb’ankil chirix lix molameb’ laj tzolonel. Li xkab’ aj tenq’ aj k’ehol na’leb’ wan xteneb’ankil chirix lix molameb’ laj tenq’anel.

• A’an naxk’uub’ xna’leb’ rik’in li awa’b’ej reheb’ li Saaj Ixq re teep.

• A’an naxb’aanuheb’ li tz’ilok-ix chi kok’ aj xsa’ rik’ineb’ li saaj.

7.1.3

B’eresinel aj raqol aatin

Li obiisp a’an li b’eresinel aj raqol aatin sa’ li teep (chi’ilmanq Tzol’leb’ ut Sumwank 107:71–74). A’aneb’ a’in lix teneb’ankil:

• Naxtenq’aheb’ li saaj ut li ak ninqeb’ re te’ruuq chixk’ulb’al li recomendacion re li santil ochoch.

• Naxb’aanuheb’ li tz’ilok-ix, jo’ tusb’il sa’ 31.2.

• Naxk’e xna’leb’eb’ li komon sa’ li teep li yookeb’ chixsik’b’al li musiq’ejil b’eresink, li wankeb’ xninqal ru ch’a’ajkilal, malaj li xe’b’aanunk re ninqi q’etok aatin, ut naxtenq’aheb’ chiroksinkil lix wankil li Jesukristo re te’k’irtesiiq.

• Chi b’eresinb’il xb’aan li awa’b’ej re oqech, naxb’aanuheb’ li ch’uut chirix li komonil wi na’ajman ru. Re xtawb’al li na’leb’ chirix a’an, chi’ilmanq ch’ol 32.

7.1.4

Xb’eresinkil li k’anjel re li kolb’a-ib’ ut li taqenaqil loq’al

Li obiisp naxb’eresi li k’anjel re li kolb’a-ib’ ut li taqenaqil loq’al sa’ li teep (chi’ilmanq ch’ol 1). Eb’ laj tenq’ aj k’ehol na’leb’ ut xkomoneb’ chik aj jolominel re li teep neke’xtenq’a.

7.1.4.1

Xjolominkil li k’anjel re xtenq’ankileb’ li wankeb’ rajom ru

Re xtawb’al xkomon chik li na’leb’ chirix chan ru naq li obiisp narileb’ li wankeb’ rajom ru, chi’ilmanq 22.6.1.

7.1.5

Li tz’iib’anb’il esil, li tumin, ut li ch’utleb’aal kab’l

Re xtawb’al li na’leb’ chirixeb’ li tz’iib’anb’il esil, chi’ilmanq ch’ol 33. Re xtawb’al li na’leb’ chirix li tumin, jo’ ajwi’ li lajetqil, chi’ilmanq ch’ol 34. Re xtawb’al li na’leb’ chirixeb’ li ch’utleb’aal kab’l, chi’ilmanq ch’ol 35.

7.3

Li jolomil aj tenq’anel re teep, ut laj tenq’ re li jolomil aj tenq’anel re teep

Li obiispil neke’xk’e xk’ab’a’ jun aj k’amol re li Tijonelil re Melkisedek re taak’anjelaq jo’ jolomil aj tenq’anel sa’ li teep.

A’aneb’ a’in lix teneb’ankil:

• Nach’utla rik’in li obiispil ut naxkawresiheb’ xtusulal li ch’utam jo’ k’eeb’il xtaqlankil.

• Nak’anjelak jo’ komon sa’ li ch’uut re teep ut nawulak sa’eb’ li ch’utam re li ch’uut re teep.

• Naxxaqab’ xhoonalil li jar k’anjel choq’ re li obiispil.

7.4

Laj tz’iib’ re teep ut eb’ laj tenq’ re laj tz’iib’ re teep

Lix teneb’ankil laj tz’iib’ re teep ut laj tenq’ re laj tz’iib’ re teep wankeb’ chi tusb’il sa’ 33.4.2.