kuimba’ekuéra oñe’ẽvo

8.

Elder-kuéra Kórum

8.1

Propósito ha Ñemohenda

8.1.1

Propósito

Kuimba’ekuéra hekopotĩva orekóva 18 áño ha hetave orresivi Melquisedec Sacerdocio ha oñeordena élder ofísiope. Peteĩ kuimba’e oñeordenáva upe ofísiope oike peteĩ konvénio sagrádope oipytyvõ hag̃ua Tupãme okumplívo Hembiapo (tojehecha Doctrina ha Konveniokuéra 84:33–44).

8.1.2

Elder-kuéra Kórumpe Membresía

Peteĩteĩ barrio-kuéra oreko peteĩ elder-kuéra kórum. Oikehápe ko’ã hermano-kuéra:

• Opaite elder upe barrio-pe.

• Opaite umi ha’epotáva élder upe barrio-pe (tojehecha 8.4).

• Opaite umi sumo sacerdote upe barrio-pe, ỹrõ umi oservíva hína ko’ág̃aite estakagua presidencia-pe, obispado, sumo consejo-pe térã patriarca-ramo.

Peteĩ mitãkuimba’e oñepyrũkuaa oasistívo elder-kuéra kórum atykuérape oreko vove 18 áño, noñeordenáirõ jepe gueteri peteĩ elder. Okumpli vove 19 áño térã ova hógagui, taha’e oho hag̃ua universidápe térã oservi hag̃ua peteĩ misiõ, pe mitãkaria’y oñeordenava’erã élder hekomarangatúramo.

Kuimba’ekuéra omendáva orekóva 18 áño guýpe ha’epota peteĩ élder ha avei elder-kuéra kórum miembro.

8.2

Ojepartisipávo Salvasiõ ha Exaltasiõ Rembiapópe

8.2.1

Ojevivívo Jesucristo Evanhélio

8.2.1.2

Evanhéliope Ñemoarandu umi Kórum Atýpe

Umi aty ojejapo Domingo mokõiha ha irundyha káda mes. Umíva hi’are 50 aravo’i. Elder-kuéra kórum presidencia oplanea umi aty. Peteĩ presidencia miembro oisãmbyhy.

Umi kórum aty oñesentra peteĩ térã hetave discurso conferencia general ag̃aguavéva tema-kuérape.

8.2.1.3

Activida-kuéra

Elder-kuéra kórum presidencia ikatu oplanea umi activida. Hetave umi activida ojejapo ára ndaha’éivape Domingo térã Lunes pyhare.

8.2.2

Oñeñangarekóvo umi Oikotevẽvare

8.2.2.1

Ñeministra

Elder-kuéra kórum miembro orresivi umi ñeministra asignasiõ pe kórum presidencia-gui. Ojehupytyve hag̃ua marandu, tojehecha capítulo 21.

8.2.2.2

Umi Temikotevẽ Oñeñatende Pya’eva’erã

Umi hermano ministrante oñeha’ã ontendévo ha ombohovái umi oservívape remikotevẽnguéra. Miembro-kuéra ikatu oreko temikotevẽ oñeñatende pya’eva’erã umi mba’asy, ñeheñói, ñemano, mba’apo’ỹre jepyta árape, ha ambue situasiõme.

Oñeikotevẽrõ, umi hermano ministrante ojerure elder-kuéra kórum presidencia-pe pytyvõ.

8.2.2.3

Umi Temikotevẽ Hi’aréva ha Autosificiencia

Obispo ñemohendaporã reheve, elder-kuéra kórum ha Sociedad de Socorro presidencia oipytyvõ miembro-kuérape hemikotevẽ hi’aréva ha autosuficiencia reheve.

Elder-kuéra kórum presidente, Sociedad de Socorro presidenta, térã ambue liderkuéra oipytyvõ pe tapicha térã famíliape ojapóvo peteĩ Autosuficiencia Plan. Umi hermano ha hermana ministrante oipytyvõkuaa avei upe plan reheve.

8.2.2.4

Peteĩ Barrio-gua Miembro Omanórõ

Peteĩ barrio-gua miembro omanóramo, elder-kuéra kórum ha Sociedad de Socorro presidencia oikuave’ẽ moangapyhy ha ñepytyvõ. Obispo gía guýpe ha’ekuéra oipytyvõkuaa funeral reheve.

Ojehupytyve hag̃ua marandu, tojehecha 38.5.8.

8.2.3

Oñeinvitávo Opavavépe Orresivi hag̃ua pe Evanhélio

Elder-kuéra kórum presidente oasigna peteĩ presidencia-gua miembro oipytyvõ hag̃ua oisãmbyhy miembro-kuéra rembiapo misional barrio-pe. Ha’e omba’apo pe Sociedad de Socorro presidencia miembro oñeasignáva ndive omohendaporã hag̃ua umi tembiapo.

Tojehecha 23.5.1 ha 23.5.3.

8.2.4

Oñembojoajúvo familiakuérape tapiaite g̃uarã

Elder-kuéra kórum presidente oasigna peteĩ presidencia-gua miembro oipytyvõ hag̃ua oisãmbyhy templo ha historia familiar rembiapo barrio-pe. Ha’e omba’apo pe Sociedad de Socorro presidencia miembro oñeasignáva ndive omohendaporã hag̃ua umi tembiapo.

Tojehecha 25.2.2.

8.3

Elder-kuéra Kórum Liderkuéra

8.3.1

Estakagua Presidencia ha Obispo

Elder-kuéra kórum presidente orresponde estakagua presidencia-itépe. Oñembyaty mante peteĩ presidencia-gua miembro ndive ohupyty hag̃ua sãmbyhy ha omombe’u hag̃ua irresponsabilidakuéragui.

Elder-kuéra kórum presidente ohupyty avei gía obispo-gui, ha’éva pe oficial opresidíva upe barrio-pe. Ha’ekuéra oñembyaty meme.

8.3.2

Sumo Consejo Miembro

Estakagua presidencia oasigna peteĩ Sumo Consejo miembro-pe orrepresenta hag̃ua chupekuéra peteĩteĩ elder-kuéra kórumpe. Irresponsabilidakuéra oñemombe’u 6.5-pe.

8.3.3

Elder-kuéra Kórum Presidencia

8.3.3.1

Oñehenóivo peteĩ Elder-kuéra Kórum Presidencia

Oñemongeta rire obispo ndive, pe estakagua presidente ohenói peteĩ élder térã sumo sacerdote oservi hag̃ua elder-kuéra kórum presidente-ramo.

Upe unida tuichaporãramo, pe elder-kuéra kórum presidente orrekomenda estakagua presidente-pe peteĩ térã mokõi élder térã sumo sacerdote oservi hag̃ua ikonseherokuéraramo.

8.3.3.2

Rresponsabilidakuéra

Elder-kuéra kórum presidente oreko ko’ã rresponsabilida: Ikonseherokuéra oipytyvõ chupe.

• Oservi consejo de barrio-pe.

• Oisãmbyhy pe kórum rembiapo opartisipávo salvasiõ ha exaltasiõ rembiapópe (tojehecha capítulo 1).

• Omohenda ha osupervisa umi hermano ministrante servicio.

• Obispo gía guýpe, oñemongeta konséhope umi barrio-gua miembro kakuaáva ndive.

• Omohendaporã elder-kuéra kórum rembiapo omombarete hag̃ua umi hermano jóvenes adultos, omendáva térã omenda’ỹvape.

• Oñembyaty peteĩteĩ umi korumgua miembro ndive peteĩha jepe káda ary.

• Ombo’e kórumgua miembro-kuérape hembiaporã (tojehecha Doctrina ha Konveniokuéra 107:89). Umívape oike ombo’évo chupekuéra mba’éichapa oiporuva’erã isacerdocio ojapo hag̃ua umi ordenánsa ha jehovasakuéra.

• Osupervisa kórum rehístro, momarandu, ha finansakuéra (tojehecha LCR.ChurchofJesusChrist.org).

8.3.3.3

Presidencia Reunión

Elder-kuéra kórum presidencia ha secretario oñembyaty meme. Presidente omboguata umi ñembyaty. Sumo consejo miembro oñeasignáva upe kórumpe mante oasisti.

Pe agenda-pe ikatu oike ko’ã téma:

• Oñeplanea mba’éicha oñemombaretekuaa kórum miembro-kuéra (oikehápe umi ha’epotámava élder) ha ifamiliakuérape.

• Oñemohendaporã obra misional, templo ha historia familiar rembiapo.

• Oñembohovái umi asignasiõ oñeme’ẽva consejo de barrio reunión-pe.

• Ojerrevisa umi ministrasiõ entrevista marandukuéra.

• Oñekonsidera hermano-kuérape oservi hag̃ua llamamiento ha asignasiõnguérape.

• Oñeplanea umi kórum reunión ha actividakuéra.

8.3.4

Secretario

Obispo moneĩ reheve, peteĩ elder-kuéra kórum presidencia miembro ikatu ohenói peteĩ kórum miembro-pe ha’e hag̃ua pe kórum secretario.

8.4

Oñeipytyvõvo umi Ha’epotámava Élder orresivi hag̃ua Melquisedec Sacerdocio

Peteĩ ha’epotámava élder ha’e peteĩ kuimba’e Tupaogua miembro ndorresivíriva Melquisedec Sacerdocio ha (1)oreko 19 áño térã hetave térã (2) imitãve 19 áñogui ha omenda.

Oiptyvõ umi ha’epotámava élderpe oñembosako’i orresivi hag̃ua Melquisedec Sacerdocio ha’e peteĩ pe kórum presidencia rresponsabilida tuichavéva.