8.

Mwichen Elter

8.1

Popun me Mwicheichen Aramas

8.1.1

Popun

Mwan nimenimoch 18 ier feita repwe angei ewe Melkesetek Pristut me repwe efeioch ngeni ekkewe ofesin elter. Emon mwan a seikita ngeni ena ofes epwe tonong non ewe pwon mi pin an epwe anisi Kot ne awesi An we angang (nengeni Doctrine and Covenants 84:33–44).

8.1.2

Chon choni ewe Mwichen Elter

Eu me eu wart mi wor ew Mwichen Elter. Mi pachenong ekkei mwan mi tettenitiw:

• Meinisin elter non ewe wart.

• Meinisin ekkewe repwe emon elter non ewe wart (nengeni 8.4).

• Meinisin prist mi nap non ewe wart, me nukun chok ekkewe ir mi angang non ewe steik presetensi, non ewe mwichen pisop, non ewe mwich mi nap, ika emon patriark.

Emon enuon aat epwe poputa ne fiti mwichen elter nupwen a ier 18, ina mwo ika ese mwo efeioch ngeni emon elter. Seni ier 19 ika nupwen a tou seni imwan, an a feino ngeni university ika angangen misin, epwe efeioch an epwe emon elter ika mi nimenimoch.

Anuon mi pupunu ese mwo 18 ier ekkewe repwe ne elter me ir chon non ewe mwichen elter.

8.2

Pachenong non ewe Angangen Amanaua me Manau mi Tekia

8.2.1

Manaueni ewe Kapas Allimen Jises Kraist

8.2.1.2

Kaeo Kapas Allim non kewe Mwich an Mwichen Mwan

Mwich a fis non ewe oruen me oruanun Raninfel non ewe maram. Ra ukukun 50 minich. Ewe presetensin mwichen elter epwe ota ekkei mwich. Emon chon ewe presetensi epwe ateten.

An mwan mwich repwe anonga won ekkewe itenap non eu ika chommong afanafan seni ewe mwichenap a karan chok wesino.

8.2.1.3

Urumot

Mwichen elter presetensi epwe ota ekkei pekin urumot. Napengeni pekin urumot epwe fis non ekkoch fansoun esap Raninfel ika pwinin Sarifan.

8.2.2

Tumunu Ekkewe mi Osupwang

8.2.2.1

Iamwir

Chon ewe mwichen elter repwe angei ar kewe asaimen ren iamwir seni ewe mwichen presetensi. Ren pwan ekkoch porous, nengeni chapter 21.

8.2.2.2

Met mi Namot non Fansoun Mwochomwoch

Mwan chon iamwir repwe kuta ar repwe weweiti me tufichin anisi ekkewe osupwang an ekkewe ra angang ngenir. Meni ekkewe memper repwe mochen aninis non fansoun mochomoch ren fansoun samau, uputiw, mano, ese wor angang, me pwan ekkoch osukosuk.

Nupwen mi namot, mwan chon iamwir repwe tingorei ewe presetensin mwichen elter ren aninis.

8.2.2.3

Ekkewe Osupwang non Fansoun Nakatam me Kutta Tufich

Usun a fen otot meren ewe pisop, ekkewe presetensin mwichen elter me Relief Society repwe anisi memper mi wor ar osupwang non fansoun nakatam me kutta tufch.

Ewe presetenin mwichen elter, presetenin Relief Society, ika pwan emon souemwen epwe anisi ewe aramas ika famini epwe forata ew Kokotun Kukkuta Tufich. Mwan me fefin chon iamwir ir mi pwan tongeni aninis ren ewe kokot.

8.2.2.4

Nupwen emon Chon ewe Wart a Mano

Nupwen emon chon ewe wart a mano, presetensin mwichen elter me Relief Society repwe ngenir aninis me ourur. Fan emwenien ewe pisop, ra tongeni aninis ren ewe kokotun ewe mi mano.

Pwan ren ekkoch porous, nengeni 38.5.8.

8.2.3

Kokorato Meinisin repwe Angei ewe Kapas Allim

Ewe presetenin mwichen elter a awisa emon chon ewe presetensi an epwe emweni angangen ekkewe memper misineri non ewe wart. I a fiti ewe a kefinita seni ewe presetenin Relief Society ne ota ekkei angang.

Nengeni 23.5.1 me 23.5.3.

8.2.4

Ochufengeni Famini ren Fansoun Esemuch.

Ewe presetenin mwichen elter a finata emon chon ewe presetensi epwe aninis ne emweni angangen tempel me uruon famini non ewe wart. A fiti ewe memper seni ewe presetensin Relief Society a kefinit an epwe ota kokotun ekkei angang.

Nengeni 25.2.2.

8.3

Mwichen Souemwenin Elter

8.3.1

Steik Presetensi me Pisop

Wisen ewe presetenin mwichen elter a chok awenewen ngeni ewe presetensin steik. A churi emon chon ewe presetensi iteitan an epwe angei emwen me repot won wisan kewe.

Ewe presetenin mwichen elter apwan angei emwen seni ewe pisop, i ewe nouwis chon emweni non ewe wart. Ra chufengen iteitan.

8.3.2

Chon Mwich mi Nap

Ewe presetensin steik a awisa ngeni emon chon ewe mwich mi nap epwe tupunir non eu me eu mwichen elter. Wisan kewe mi tetenitiw non 6.5.

8.3.3

Presetensin Mwichen Elter

8.3.3.1

Kokon Wis ren Presetensin Mwichen Elter

Mwirin kapasen ourour me ren ewe pisop, ewe steik preseten a kori emon elter ika prist mi nap an epwe angang ussun emon presetenin mwichen elter.

Ika ewe kinikin mi naf watten, ewe presetenin mwichen elter epwe ereni ewe presetenin steik emon ika ruemon elter ika prist mi nap repwe angang ussun noun chon aninis.

8.3.3.2

Wis

Ewe presetenin mwichen elter mi wor wisan kei mi tetenitiw. Noun kewe chon aninis repwe anisi.

• Angang non ewe mwichen apungupung an wart.

• Emweni an ewe mwichen mwan achocho ne pachenong non ewe angangen amanaua me manau mi tekia (nengeni sopun 1).

• Forata me nengen fichi ewe angangen iamwir an kewe mwan chon iamwir.

• Fan an ewe pisoprik emwen, awora kapasen ourour ngeni ekkewe memper mi mukono non ewe wart.

• Ota an ewe mwichen elter angang weires ar repwe apochokuna ekkewe anuon ra mukono, ekkewe ra pupunu me ekkewe rese pupunu.

• Churi emon me emon chon mwichen mwan epwe fan eu non eu ier.

• Aiti chon mwichen mwan wiser non pristut (nengeni Doctrine and Covenants 107:89). Ei a pachenong aitir ifa usun ar repwe angnaga ar pristut non foforun angangepin me kewe efeioch.

• Nengenochu rekotun mwichen mwan, repot, me pekin mwoni (nengeni LCR.ChurchofJesusChrist.org).

8.3.3.3

Mwichen Presetensi

Ewe presetensin mwichen elter me seketeri repwe mwich iteitan. Ewe preseten epwe eteteni ekkei mwich. Ewe chon mwich mi nap a finita ngeni ewe mwichen mwan an epwe fiti mwich fan ekkoch.

Ewe tetenin masowen mwich a tongeni kapachenong ekkei mettoch:

• Okota ifa usun ne apochokuna chochon mwichen mwan (pachenong ekkewe repwe choni elter) me ar kewe famini.

• Ota angangen misineri me tempel me angangen uruon famini.

• Ponueni ekkewe asaimen seni ekkewe mwich ren mwichen apungupung.

• Katon sefan ekkewe porous seni an chon iamwir interfiu.

• Ekieki ekkewe mwan repwe angang non ekkewe kokkon wis me asaimen

• Ota kokoten mwich ren mwichen mwan me urumot.

8.3.4

Seketeri

Fiti ewe kopunguno an ewe pisop, emon chon ewe presetensin mwichen elter epwe kori emon chon ewe mwichen mwan epwe seketerin ewe mwichen mwan.

8.4

Aninis ne Amonata Ekkewe Elter ar repwe Angei ewe Melkisetek Pristut

Emon epwe choni elter i emon mwan chon Mwichefel ewe ese mwo angei Melkesetek Pristut me (1) i a 19 ika wate seni ika (2) i a kukkun seni 19 ierin me a pupunu.

Anisi ekkewe elter ne amonata ar repwe angei ewe Melkisetek Pristut ina ew me nein ekkewe a kon watte auchean meren ewe mwichen presetensi.