Handbooks ac Kunohkohn
9. Rilif Sosaiti

“9. Rilif Sosaiti,” Ma Suleyucklac ke General Handbook (2023).

“9. Rilif Sosaiti,” Ma Suleyucklac ke General Handbook

muhtwacn lutlutkihn ma suhmuhslah

9.

Rilif Sosaiti

9.1

Srihpac ac Tahklac

9.1.1

Srihpac

Mwet Pahluh Joseph Smith el luti lah srihpwen Rilif Sosaiti pa in molwelah nguhnin mwet ac ahkwoyelah kweok.

Kahs motto luhn Rilif Sosaiti pa “Luhngse pwacye tiac tui” (Sie Corinth 13:8).

9.1.2

Mempucr luhn Rilif Sosaiti

Muhtwacn fuhsr kuh in muhtwacwacack in wi Rilif Sosaiti ke el sun matwac 18. Ke matwac 19 kuh ke el som liki lohm sel, in wi lutlut luhlahp kuh kuhlwacnsap ke misin, el enenuh in wi Rilif Sosaiti.

Muhtwacn suc macruhtlac suc fuhsr liki matwac 18 oacyacpac wi Rilif Sosaiti.

9.2

Wi Orekma luhn Molwelah ac Moul Ma Pahtpaht.

3:42

9.2.1

Moulkihn Wosasuc luhn Jisus Kraist

9.2.1.2

Lutlutkihn Wosasuc ke Toeni luhn Rilif Sosaiti

Toeni uh oasr ke Sacnri ahkluo ac ahkahkosr ke mahlwem se. Toeni inge som ke mihniht 50. Prestuhnsi luhn Rilif Sosaiti pa plwacn toeni inge. Mempucr se luhn prestuhnsi pa kol.

Toeni ke Rilif Sosaiti sruhuhm yohk ke sie kuh puhs liki sifac sramsramkihnyuck ke toeni luhlahp tuhfahna tari ac.

9.2.1.3

Mukwikwi

Prestuhnsi luhn Rilif Sosaiti kuh in plwacniyac mukwikwi. Inkaiyacn mukwikwi uh sikyak ke pacl sahyacn ekuhn Sacnri kuh Mante.

9.2.2

Karihngihn Elos suc Enenuh

2:43

9.2.2.1

Karihngihn

Tahmtahel uh kuh in eis kunohkohn in kuhlwacnsap sin prestuhnsi luhn Rilif Sosaiti. Nuh ke mwe kahsruh pac, liye sapta 21.

9.2.2.2

Ma Enenweyuck ke Pacl Fototo

Tahmtahel kuhlwacnsap suk in kahlwem ac topuk ma enenweyuck sin mwet elos kuhlwacnsap nuh se. Mempucr uh sahp enenuh kahsruh ke pacl fototo ke pacl luhn mas, isuslac, misac, wacngihnlac orekma, kuh ohiyac sahyac.

Ke enenweyuck, tahmtahel kuhlwacnsap uh siyuck sin prestuhn luhn Rilif Sosaiti ke kahsruh.

9.2.2.3

Ma Enenweyuck ke Pacl Loes ac Sifacna-Karihngihn

Kolyuck sin pisap, prestuhnsi luhn Rilif Sosaiti ac u luhn elder kuh in kahsruh mempucr suc ma enenweyuck ke pacl loes ac in sifacna-karihngihn.

Prestuhn luhn Rilif Sosaiti, prestuhn luhn elder, kuh mwet kol sahyac kahsruh mwet se kuh sucu oraclah sie Plwacn in Sifacna-Karihngihn.

9.2.2.4

Ke Sie Mempucr ke Ward Misac

Ke sie mempucr ke ward el misac, prestuhnsi luhn Rilif Sosaiti ac u luhn elder sang ahkkweyeyuck ac kahsruh. Ye kolyuck luhn pisap, elos kuh in kahsruh ke mas misac an.

Nuh ke mwe kahsruh pac, liye 38.5.8.

9.2.3

Suli Nuh Kwewa in Eis Wosasuc

Prestuhn luhn Rilif Sosaiti el pakiyac sie mempucr luhn prestuhnsi in kahsruh kol orekma ke misinacri luhn mempucr ke ward. El orekma yurin mempucr ma kunweyucki sin prestuhnsi luhn u luhn elder in kol orekma inge (liye 23.5.1).

9.2.4

Oracni Sucu nuh Tok Ma Pahtpaht

Prestuhn luhn Rilif Sosaiti el pakiyac sie mempucr luhn prestuhnsi in kahsruh kol orekma luhn tempuhl and sramsram mahtuh ke sucu ke ward El orekma yurin mempucr ma kunweyucki yurin prestuhnsi luhn u luhn elder in kol orekma inge (liye 25.2.2).

2:49

9.3

Mwet Kol luhn Rilif Sosaiti

9.3.1

Pisap

Pisap el kwacna ohsun yurun prestuhn luhn Rilif Sosaiti kais sie mahlwem. Elos sramsram ke orekma luhn molwelah ac moul ma pahtpaht, weacng orekma luhn tahmtahel in kuhlwacnsap.

9.3.2

Prestuhn luhn Rilif Sosaiti

9.3.2.1

Pahngon Prestuhn luhn Rilif Sosaiti Se

Pisap el pahngon muhtwacn se in kuhlwacnsap ekihn prestuhn luhn Rilif Sosaiti. Fin ward luhlahp se, el ngihsre nuh sel sie kuh luo muhtwacn in mwet in kahsruh lal.

Kuhtuh ward arlac srihklac oruh wacngihn prestuhn luhn Muhtwacn Fuhsr kuh Primacri. Ke ward se inge, prestuhn luhn Rilif Sosaiti kuh in kahsruh pahpah ac ninac uh plwacnwelah mwe lutlut luhn mwet fuhsr ac tuhlihk.

9.3.2.2

Kunohkohn

Kunohkohn luhn Prestuhn luhn Rilif Sosaiti pa inge: Mwet in kahsruh lal kahsrwel.

  • Kuhlwacnsap ke kaunsel luhn ward.

  • Kol orekma luhn Rilif Sosaiti in wi orekma luhn molwelah ac moul ma paht paht (liye sapta 1).

  • Kol ac liyacacng kuhlwacnsap luhn tahmtahel in kuhlwacnsap.

  • Ye kolyuck luhn pisap, sramsram yurin mempucr mahtuh ke ward.

    3:13

  • Kol orekma luhn Rilif Sosaiti in ahkweye muhtwacn fuhsr ke ward, muhtwacn macruhtlac ac lolacp kwewana.

  • Ohsun sin kais sie mempucr luhn Rilif Sosaiti pacl se kuh pucs ke yac se.

  • Liyacacng record, ripohrt, ac mani luhn Rilif Sosaiti (liye LCR.ChurchofJesusChrist.org).

9.3.2.3

Tuhkweni luhn Prestuhnsi

Prestuhn ac mwet in sihm luhn Rilif Sosaiti kwacna ohsun. Prestuhn pa kol toeni inge. Plwacn ke toeni se inge kuh in fahsr ohinge:

  • Oraclah plwacn in kahsruh tahmtahel uh ac sucu lal.

  • Kol orekma luhn misinacri ac tempuhl ac sramsram mahtuh ke sucu.

  • Mukwikwi ke kunohkohn ma tuhkuh sin toeni in ward council.

  • Liyacacng mwe ahkkahlwemye ma tuhkuh yurin mwet lohlngohk in kuhlwacnsap uh.

  • Nuhnkuh ke tahmtahel in kuhlwacnsap ke pahng ac kunohkohn luhn Rilif Sosaiti.

  • Orek plwacn ke toeni ac mukwikwi luhn Rilif Sosaiti.

9.3.3

Mwet in sihm

Prestuhn luhn Rilif Sosaiti kuh in srihsrngiyac muhtwacn se in kuhlwacnsap ekihn mwet in sihm luhn Rilif Sosaiti.

9.4

Kahsruh Muhtwacn Fuhsr Ahkolah in Wi Rilif Sosaiti

Prestuhnsi luhn Rilif Sosaiti orekma yurin muhtwacn fuhsr, pahpah ac ninac, ac mwet kol luhn Muhtwacn Fuhsr in kahsruh muhtwacn fuhsr ahkolah in wi Rilif Sosaiti.

Mwet kol oacyacpac sang pacl sin muhtwacn fuhsr ac tahmtahel luhn Rilif Sosaiti in akwucki. Ke elos kuhlwacnsap tuhkweni oacna tamuhlwel in kuhlwacnsap pa sie ohiyac wo in akwucki.

9.6

Mwe Kahsruh ac Masap Pac

9.6.2

Etuh Rit ac Sihm

Fin enenuh, prestuhnsi luhn Rilif Sosaiti orekma yurun pisap, prestuhnsi ke u luhn elders, ac kaunsuhl luhn ward in kahsruh mempucr etwaclah in rit ac sihm.