9.

Relief Society

9.1

Popun me Mwicheichen Aramas

9.1.1

Popun

Ewe Soufos Joseph Smith a osukuna pwe auchean ewe Relief Society epwe amanawa ngun me angasano riaffou.

Ewe itenap ren Relief Society pwe “Tong mi nonom feinfeino chok” (1 Corinthians 13:8).

9.1.2

Chochon non Relief Society

Emon foppun epwe poputa ne fiti Relief Society nupwen a 18 ier. Seni ier 19 ika nupwen a tou seni imwan, an epwe no ngeni university ika angangen misineri, a namot epwe fiti mwichen Relief Society.

Fopun mi pupunu kukkun seni 18 ier ra pwan chon Relief Society.

9.2

Pachenong non ewe Angangen Amanaua me Manau mi Tekia

9.2.1

Manaueni ewe Kapas Allimen Kraist

9.2.1.2

Kaeo Kapas Allim non Mwichen Relief Society

Mwich a fis non oruwen me oruanun Raninfel non ewe maram. A ukukun 50 minich taman. Ewe presetensin Relief Society a ota ekkei mwich. Emon chon ewe presetensi epwe ateten.

Ekkewe mwichen Relief Society repwe anonga ar ekiek won kewe itenap non ew ika chommong afanafan seni ewe mwichenap e keran chok fis.

9.2.1.3

Pekin Urumot

Presetensin Fin Anisi ra tongeni kokot won pekin urumot. Napengeni ekkewe urumot a fis non ekkewe fansoun nge esap Raninfel ika pwinin Sarinfan.

9.2.2

Tumunun Ekkewe mi Osupwang

9.2.2.1

Iamwir

Ekkewe fefin ra angei kewe asaimen ren iamwir seni ewe presetensin Fin Anisi. Ren pwan ekkoch porous, nengeni sopun 21.

9.2.2.2

Aninis non Fansoun-Mochomoch

Fefin chon iamwir repwe kuta ar repwe weweiti me sinei met mi auchea ngeni ekkewe ra angang ngeni. Meni ekkewe memper repwe mochen aninis non fansoun mochomoch non fansoun samwau, uputiw, mano, tou seni angang, me ekkoch wewe.

Nupwen mi auchea, ekkewe fefin chon iamwir repwe tingorei ewe presetensin Relief Society ren aninis.

9.2.2.3

Aninis non Fansoun-Nakatam me Kuta-Tufich

Usun mi for kokotun seni ewe pisop, ewe Relief Society me presetensi ren mwichen elter repwe anisi memper non fansoun nakatam me kutta-tufich.

Ewe presetenin Relief Society, presetenin mwichen elter, ika pwan emon souemwen epwe anisi ewe aramas ika famini an epwe fefeita ew Kokotun Kutta-Tufich.

9.2.2.4

Nupwen emon Chon ewe Wart a Mano

Nupwen emon chon ewe wart a mano, Relief Society me presetensin mwichen elter repwe awora aninis me ourur. Fan an ewe pisop emwen, repwe tongeni aninis ren ewe mi mano.

Ren pwan ekkoch porousan, nengeni 38.6.13.

9.2.3

Korato Meinisin repwe Angei ewe Kapas Allim

Ewe presetenin Relief Society epwe finata emon chon ewe presetensi epwe aninis ne emweni memper misineri ne angang non ewe wart. Epwe fiti ewe a finita seni ewe presetensin mwichen elter ne angang ar repwe fori ototen ekkei angang weires(nengeni 23.5.1).

9.2.4

Ochufengeni Famini ren Fansoun Esemuch

Ewe presetenin Relief Society epwe finata emon chon ewe presetensi an epwe aninis ne emweni tempel me angangen uruon famini non ewe wart. Neminewe me ewe mi finita seni ewe presedensin mwichen elter repwe angang fengen ne fori ototen ekkei angang weires (nengeni 25.2.2)

9.3

Souemwenin Relief Society

9.3.1

Pisop

Ewe pisop a kan chuchuri ewe presetenin Relief Society iteiten maram. Ra poporaus ussun ewe angangen amanaua me manau mi tekia, pachenong ewe angangen iamwir an kewe fefin.

9.3.2

Presetensin Relief Society

9.3.2.1

Kokkon Presetensin Relief Society

Ewe pisop a kori emon fefin epwe angang epwe emon presetenin Relief Society non eu wart. Ika ewe kinikinin wart mi pwan iaanan watten, neminewe a tingorei pisop emon ike ruemon fefin repwe anisi repwe noun chon aninis.

Ekkoch kukun kinikinin Mwichefeni meni esap wor presetenin Kinter ika Mwichen Fopun. Non ekkei kinikinin Mwichefen, ewe presetenin Relief Society epwe anisi sam me in ne ota ourour fan iten serafo me semirit.

9.3.2.2

Wis

Ewe presetenin Relief Society a wiseni ekkei sokkun wis. Noun kewe chon aninis repwe anisi.

• Angang non ewe mwichen apungupungun wart.

• Emweni ewe angang weires an Relief Society ne pachenong non ewe angangen amanaua me manau mi tekia (nengeni sopun 1).

• Eteteni me nengenochu ewe angangen iamwir an ekkewe fefin.

• Fan an ewe pisop emwen, awora kapasen ourour ngeni ekkewe memper mi mukono non ewe wart.

• Fori ototen ekkewe angang weires an Relief Society an epwe apochokuna ekkewe foppun ra mukono non ewe wart, ekkewe mi pupunu me ekkewe rese pupunu.

• Churi emon me emon chochon Relief Society ika mwo chok fan eu non eu ier.

• Nengenochu rekotun Relief Society repot, me pekin mwoni (nengeni LCR.ChurchofJesusChrist.org).

9.3.2.3

Mwichen Presetensi

Ewe Relief Society presetensi me seketeri repwe kan chufengen iteitan. Ewe preseten epwe ateteni ekkei mwich. Ewe tetenin masowen mwich epwe wor ekkei mettoch:

• Kokot ren ifa usun epwe apochokuna fefin me famini.

• Fori kokotun angangen misineri me tempel me angangen uruwon famini.

• Ponueni ekkewe asaimen mi kawor seni ekkewe mwichen wart.

• Katon sefan porous seni ekkewe interfiun iamwir.

• Ekieki ekkewe fefin repwe angang non wis me asaimen non Relief Society.

• Ota an Relief Society mwich me pekin urumot.

9.3.3

Seketeri

Ewe presetensin Relief Society epwe fini emon fefin epwe angang an epwe seketerin Relief Society.

9.4

Anisi Mwichen Fopun repwe Amonata ar repwe Pachenong non Relief Society

Ewe presetensin Relief Society a angang fengen me ekkewe fopun, iner me semer kewe, me souemwenin Mwichen Fopun ne anisi kewe fopun ne amonareta ar repwe pachenong non Relief Society.

Souemwen ra pwan awora soposoponon sokkun anen aninis ngeni ekkewe foppun me kewe fefin Relief Society ne anapano chiechi fengen nefiner. Angang fengen ussun fefin chon iamwir iei eu an mi murinno ne fori akokon nefiner.

9.6

Pwan Ekkoh Aurour me Annuk

9.6.2

Tufichin Mak, Annea, Kapas me Rongorong

Mi namot, ewe Relief Society presetensi epwe angang fengen me ewe pisop, presetensin mwichen elter, me mwichen apungupungun wart ar repwe anisi memper ar repwe kaeo anea me mak.