Masungula Mangatshibua mu Mukanda Munena wa Maludiki

Contents
Dibeji dia Dîna
Dienzela Masungula Mangatshibua mu Mukanda Munena wa Maludiki
Malongesha a Nshindamenu
- 0. Tshikepeshelu tshia Tshibangilu
- 1. Dilongolola dia Nzambi ne Bujitu Bueba mu Mudimu wa Lupandu ne Dizanjikibua
- 2. Kuambuluisha Bantu ne Mêku mu Mudimu wa Lupandu ne Dizanjikibua
- 3. Nshindamenu ya Buakuidi
- 4. Bulombodi ne Bipangu mu Ekelezia wa Yezu Kilisto
Ndongoluelu wa Ekelezia
- 5. Bulombodi Bunena ne bua Ntenji
- Bulombodi bua Dikunji
- 7. Buepiskopo
- 8. Mpuilu wa Bakulu
- 9.Nsangilu wa Diambuluisha
  - 9.1. Kipatshila ne Ndongoluelu
    - 9.1.1. Kipatshila
    - 9.1.2. Buikadi bua Tshidimba mu Nsangilu wa Diambuluisha
  - 9.2. Dibuela mu Mudimu wa Lupandu ne wa Dizanjikibua
  - 9.3. Balombodi ba Nsangilu wa Diambuluisha
  - 9.4. Kuambuluisha Bansongakaji bua Kudilongolola bua kuikala mu Nsangilu wa Diambuluisha
  - 9.6. Maludiki ne Ngenzelu Mikuabu
- Mpuilu ya Buakuidi bua Alona
- Bansongakaji
- Tshilongelu tshia Mbedi
- 13. Tshilongelu tshia Dialumingu
- 14. Bidimba Bidi Nkaya
- 15. Seminaire ne Institut ya Tshitendelelu
Mudimu wa Lupandu ne Dizanjikibua
- Kuteka Lumu Luimpa lua Yezu Kilisto mu Tshienzedi
  - 16. Kuteka Lumu Luimpa lua Yezu Kilisto mu Tshienzedi
  - 17. Kulongesha Lumu Luimpa
  - 18. Kukumbaja Milulu ne Mabenesha bia Buakuidi
  - 19. Misambu
  - 20. Bibilu
- Kuambuluisha Bantu Badi mu Majinga
  - 21. Dikuba
  - 22. Kuandamuna ku Majinga a mu Mubidi ne Kuibaka Budikadidi
- Kubikila Bantu Bonsu bua Kupeta Lumu Luimpa
  - 23. Kutangalaja Lumu Luimpa ne Kukankamika Bidimba Bipia-bipia ne Bidi Bipingana
  - 24. Manyisha ne Kusadila kua Muena Bukenji
- Kukunguija Mêku bua Tshiendelela
  - 25. Mudimu wa Ntempelo ne wa Muyuki wa Dîku mu Tshikongu ne mu Dikunji
  - 26. Manyisha a Kubuela mu Ntempelo
  - 27. Milulu ya Ntempelo bua Bantu Badi ne Moyo
  - 28. Milulu ya Ntempelo bua Bafua
Bulongolodi Bua Ekelezia
- 29. Bisangilu mu Ekelezia
- 30. Mabikila mu Ekelezia
- 31. Miyuki ya Nkaya ne Bisangilu Bikuabu ne Bidimba
- 32. Bipangu bia Dikudimuna dia Mutshima ne Buikadi bua Tshidimba mu Ekelezia
- 33. Miandiku ne Milubu
- 34. Mpetu ne Dilondolola
- 35. Kulama ne Kuenza Mudimu ne Nzubu ya Bisangilu
- 36. Kufuka, Kukudimuna, ne Kufila Mena kua Bitupa Bipia-bipia
  - 36.0. Tshibangilu
- 37. Makunji, Bikongu, ne Matamba Bisunguluka
- 38. Ngenzelu ne Maludiki Makuabu a Ekelezia

9. Nsangilu wa Diambuluisha

“9. Nsangilu wa Diambuluisha,” Masungula Mangatshibua mu Mukanda Munena wa Maludiki (2023).

“9. Nsangilu wa Diambuluisha,” Masungula Mangatshibua mu Mukanda Munena wa Maludiki

Nsangilu wa Diambuluisha

9.1

Kipatshila ne Ndongoluelu

9.1.1

Kipatshila

Muambi Joseph Smith wakalongesha ne, kipatshila ka Nsangilu wa Diambuluisha nka kupandisha anyima ne kukuatshisha mu ntatu.

Dîyi dia tshikemu dia Nsangilu wa Diambuluisha didi ne “Bunangi kabuena bupangila nansha” (1 Kolinto 13:8).

9.1.2

Buikadi bua Tshidimba mu Nsangilu wa Diambuluisha

Nsongakadi udi mua kubanga kubuela mu Nsangilu wa Diambuluisha badiye ukumbaja bidimu 18. Padiye uwuja bidimu 19 anyi padiye umbuka ku nzubu, bu mudi kuya mu Université anyi kusadila mu bukenji, udi ne bua kubuela mu Nsangilu wa Diambuluisha.

Bantu bakajia basela badi ne bidimu muinshi mua 18, badi pabu bidimba bia Nsangilu wa Diambuluisha.

9.2

Dibuela mu Mudimu wa Lupandu ne wa Dizanjikibua

3:42

9.2.1

Kuteka Lumu Luimpa lua Yezu Kilisto mu Tshienzedi

9.2.1.2

Kulonga kua Lumu Luimpa mu Bisangilu bia Nsangilu wa Diambuluisha

Bisangilu bidi bienzeka mu Dialumingu dibidi ne dinayi dia ngondu. Bidi binenga minuta 50. Bulombodi bukulu bua Nsangilu wa Diambuluisha budi ne bua kulongolola bisangilu ebi. Tshidimba tshia mu bulombodi bukulu tshidi tshilombola.

Bisangilu bia Nsangilu wa Diambuluisha bidi bienzekela pa biena-bualu bia muyuki umua anyi ya bungi ya mpungilu munena mushala.

9.2.1.3

Bibilu

Bulombodi bukulu bua Nsangilu wa Diambuluisha budi mua kulongolola bibilu. Bibilu bia bungi bidi bienzeka mu bikondu bikuabu pambelu pa Dialumingu anyi Dimua dilolo.

9.2.2

Kuambuluisha Bantu Badi mu Majinga

2:43

9.2.2.1

Dikuba

Bamamu badi bapeta matumika a bukubi kudi bulombodi bukulu bua Nsangilu wa Diambuluisha. Bua mamanyisha a bungi, tangila shapita 21.

9.2.2.2

Majinga a Lukasa

Bamamu bakubi badi bumvua ne bandamuna ku majinga a bantu badibu basadila. Bidimba bidi mua kuikala dijinga ne diambuluisha dia lukasa mu tshikondu tshia disâma, lulelu, lufu, mudimu mujimina, ne makuabu malu.

Padibi bikengela, bamamu bakubi badi balomba diambuluisha kudi bulombodi bukulu bua Nsangilu wa Diambuluisha.

9.2.2.3

Majinga a Ntanta Mula ne Didikadila

Ku bulombodi bua muepiskopo, bulombodi bukulu bua Nsangilu wa Diambuluisha ne bua mpuilu wa bakulu, badi bambuluisha bidimba mu majinga a ntanta mula ne didikadila.

Mulombodi mukulu wa Nsangilu wa Diambuluisha, wa mpuilu wa bakulu, anyi mukuabu mulombodi, udi wambuluisha muntu anyi dîku bua kutantshisha Dilongolola dia Didikadila.

9.2.2.4

Padi Tshidimba tshia Tshikongu Tshifua

Padi tshidimba tshia tshikongu tshifua, bulombodi bukulu bua Nsangilu wa Diambuluisha ne bua mpuilu wa bakulu, badi bafila dikuatshisha ne diambuluisha. Ku buludiki bua muepiskopo, badi mua kuambuluisha mu kuenza madilu.

Bua mamanyisha a bungi, tangila 38.5.8.

9.2.3

Kubikila Bantu Bonsu bua Kupeta Lumu Luimpa

Mulombodi mukulu wa Nsangilu wa Diambuluisha udi utuma tshidimba tshia bulombodi bukulu bua kuambuluisha mu kulombola mudimu wa bukenji bua bidimba mu tshikongu. Udi wenza mudimu ne tshidimba tshitumibua tshia mu bulombodi bukulu bua mpuilu wa bakulu bua kulombola pamua midimu eyi (tangila 23.5.1).

9.2.4

Kukunguija Mêku bua Tshiendelela

Mulombodi mukulu wa Nsangilu wa Diambuluisha udi utuma tshidimba tshia mu bulombodi bukulu bua kuambuluisha bulombodi bua mudimu wa muyuki wa ntempelo ne dîku mu tshikongu. Udi wenza mudimu ne tshidimba tshitumibua tshia mu bulombodi bukulu bua mu mpuilu wa bakulu bua kulombola pamua midimu eyi (tangila 25.2.2).

2:49

9.3

Balombodi ba Nsangilu wa Diambuluisha

9.3.1

Muepiskopo

Muepiskopo udi umonangana pa tshibidilu ne mulombodi mukulu wa Nsangilu wa Diambuluisha ku ngondu. Badi bayukila bua mudimu wa lupandu ne dizanjikibua, pamua ne disadila dia bamamu bakubi.

9.3.2

Bulombodi Bukulu bua Nsangilu wa Diambuluisha

9.3.2.1

Kubikila Bulombodi Bukulu bua Nsangilu wa Diambuluisha

Muepiskopo udi ubikila mamu bua kusadila bu mulombodi mukulu wa Nsangilu wa Diambuluisha wa tshikongu. Pikala tshisumbu tshinena bikola, udi wanyishila kudiye mamu umua anyi babidi bua basadila bu babedi benda.

Bisumbu bidi bikesa kabiena mua kuikala ne mulombodi mukulu wa Bansongakaji anyi wa Tshilongelu tshia Mbedi to. Mu bisumbu ebi, Mulombodi mukulu wa Nsangilu wa Diambuluisha udi mua kuambuluisha baledi bua kulongolola malongesha bua bansonga ne bana.

9.3.2.2

Majitu

Mulombodi mukulu wa Nsangilu wa Diambuluisha udi ne majitu adi alonda â. Babedi benda badi bamuambuluisha.

Kusadila mu tshipangu tshia tshikongu.
Kulombola midimu ya Nsangilu wa Diambuluisha bua kudibuinka mu mudimu wa lupandu ne dizanjikibua (tangila shapita 1).
Kulongolola ne kutangila disadila dia bamamu bakubi.
Ku buludiki bua muepiskopo, udi uyukila ne bidimba bikulumpa bia mu tshikongu.

3:13
Udi ulombola pamua midimu ya Nsangilu wa Diambuluisha bua kukankamika bansonga bakulumpa bakaji, badi nkaya ne badi basela.
Kumunangana ne tshidimba tshionsu tshia Nsangilu wa Diambuluisha musangu umua ku tshidimu.
Kutangila miandiku, milubu, ne mpetu bia Nsangilu wa Diambuluisha (tangila LCR.ChurchofJesusChrist.org).

9.3.2.3

Tshisangilu tshia Bulombodi Bukulu

Bulombodi bukulu bua Nsangilu wa Diambuluisha ne mufundi, badi bamunangana ku misangu. Mulombodi mukulu udi ulombola bisangilu ebi. Tshisangilu tshidi mua kuikala pa bintu ebi:

Kulongolola mushindu wa kukankamika bamamu ne mêku abu.
Kulombola pamua mudimu wa bukenji ne mudimu wa ntempelo ne wa muyuki wa dîku.
Kuandamuna ku matumika a mu bisangilu bia tshipangu tshia tshikongu.
Kumuenununa malu a miyuki ya bukubi.
Kutangila bamamu badi bua kusadila mu mabikila ne matumikan bia Nsangilu wa Diambuluisha.
Kulongolola bisangilu ne bibilu bia Nsangilu wa Diambuluisha.

9.3.3

Mufundi

Bulombodi bukulu bua Nsangilu wa Diambuluisha budi mua kuanyishila mamu bua kusadila bu mufundi wa Nsangilu wa Diambuluisha.

9.4

Kuambuluisha Bansongakaji bua Kudilongolola bua Kubuela mu Nsangilu wa Diambuluisha

Bulombodi bukulu bua Nsangilu wa Diambuluisha budi buenza mudimu ne baledi pamua ne balombodi ba bansongakaji bua kuambuluisha bansongakaji bua kudilongolola bua kubuela mu Nsangilu wa Diambuluisha.

Balombodi badi kabidi bafila makuatshishi matungunuka kudi bamamu bansongakaji ne ba Nsangilu wa Diambuluisha bua kukolesha malanda. Kusadila pamua bu bamamu bakubi tshidi tshikala mushindu umua wa mushinga wa kuenza dituangaja.

9.6

Maludiki ne Ngenzelu Mikuabu

9.6.2

Kulongesha Kubala ne Kufunda

Padibi bikengedibua, bulombodi bukulu bua Nsangilu wa Diambuluisha budi buenza mudimu pamua ne muepiskopo, bulombodi bukulu bua mpuilu wa bakulu, ne tshipangu tshia tshikongu bua kuambuluisha bidimba bua kulonga kubala ne kufunda.