kuñanguéra oestudiávo escritura-kuéra

9.

Sociedad de Socorro

9.1

Propósito ha Ñemohenda

9.1.1

Propósito

Proféta José Smith ombo’e Sociedad de Socorro propósito ha’eha osalva angakuéra ha ombopytu’u hag̃ua jehasa’asy.

Sociedad de Socorro léma ha’e “karida araka’eve ndojavýi” (1 Corintios 13:8).

9.1.2

Sociedad de Socorro Miembro-kuéra

Peteĩ Mujer Joven oñepyrũ oasistívo Sociedad de Socorro-pe orekóvo 18 áño. Orekóvo 19 áño térã ovávo hógagui, taha’e oho hag̃ua universidápe térã oservi hag̃ua peteĩ misiõ, opartisipava’erã Sociedad de Socorro-pe.

Kuñanguéra omendáva orekóva 18 áño guýpe avei ha’e Sociedad de Socorro miembro.

9.2

Ojepartisipávo Salvasiõ ha Exaltasiõ Rembiapópe

9.2.1

Ojevivívo Jesucristo Evanhélio

9.2.1.2

Evanhéliope Ñemoarandu umi Sociedad de Socorro Reunión-pe

Ñembyaty ojejapo mokõiha ha irundyha domingo káda mes. Umíva hi’are 50 aravo’i. Sociedad de Socorro presidencia oplanea ko’ã reunión. Peteĩ presidencia-gua miembro omboguata.

Umi Sociedad de Socorro reunión oñesentra peteĩ térã hetave discurso conferencia general ag̃aguáva temakuérape.

9.2.1.3

Actividakuéra

Sociedad de Socorro presidencia ikatu oplanea umi activida. Hetave umi activida apytépe ojejapo ára ndaha’éiva Domingo térã Lunes pyhare.

9.2.2

Oñeñangarekóvo umi Oikotevẽvare

9.2.2.1

Ministrasiõ

Hermana-kuéra orresivi ministrasiõ asignasiõ Sociedad de Socorro presidencia-gui. Ojehupytyve hag̃ua marandu, tojehecha capítulo 21.

9.2.2.2

Umi Temikotevẽ Oñeñatende Pya’eva’erã

Umi hermana ministrante oñeha’ã ontende ha ombohovái umi oservívape remikotevẽnguéra. Miembro-kuéra ikatu oreko temikotevẽ oñeñatende pya’eva’erã umi mba’asy, ñeheñói, ñemano, mba’apo’ỹre jepyta árape, ha ambue situasiõme.

Oñeikotevẽrõ, umi hermana ministrante ojerure Sociedad de Socorro presidencia-pe pytyvõ.

9.2.2.3

Umi Temikotevẽ Hi’aréva ha Autosuficiencia

Obispo ñemohendaporã reheve, Sociedad de Socorro ha elder-kuéra kórum presidencia oipytyvõ miembro-kuérape hemikotevẽ hi’aréva ha autosuficiencia reheve.

Sociedad de Socorro presidenta, elder-kuéra kórum presidente, térã ambue liderkuéra oipytyvõ pe tapicha térã famíliape ojapóvo peteĩ Autosuficiencia Plan.

9.2.2.4

Peteĩ Barrio-gua Miembro Omanórõ

Peteĩ barrio-gua miembro omanóramo, Sociedad de Socorro ha elder-kuéra kórum presidencia oikuave’ẽ moangapyhy ha ñepytyvõ. Obispo gía guýpe ha’ekuéra oipytyvõkuaa funeral reheve.

Ojehupytyve hag̃ua marandu, tojehecha 38.5.8.

9.2.3

Oñeinvitávo Opavavépe Orresivi hag̃ua pe Evanhélio

Sociedad de Socorro presidenta oasigna peteĩ presidencia-gua miembro oipytyvõ hag̃ua oisãmbyhy miembro-kuéra rembiapo misional barrio-pe. Ha’e omba’apo pe elder-kuéra kórum presidencia miembro oñeasignáva ndive omohendaporã hag̃ua umi tembiapo (tojehecha 23.5.1).

9.2.4

Oñembojoajúvo Familiakuérape Tapiaite g̃uarã

Sociedad de Socorro presidenta oasigna peteĩ presidencia-gua miembro oipytyvõ hag̃ua oisãmbyhy templo ha historia familiar rembiapo barrio-pe. Ha’e omba’apo pe elder-kuéra kórum presidencia miembro oñeasignáva ndive omohendaporã hag̃ua umi tembiapo (tojehecha 25.2.2).

9.3

Sociedad de Socorro Liderkuéra

9.3.1

Obispo

Obispo oñembyaty jepi Sociedad de Socorro presidenta ndive káda mes. Ha’ekuéra oñemongeta pe salvasiõ ha exaltasiõ rembiapóre, oikehápe umi hermana ministránte servicio.

9.3.2

Sociedad de Socorro Presidencia

9.3.2.1

Oñehenóivo peteĩ Sociedad de Socorro Presidencia

Obispo ohenói peteĩ kuñáme oservi hag̃ua barrio-gua Sociedad de Socorro presidenta-ramo. Upe unida tuichaporãramo, ha’e orrekomenda obispo-pe peteĩ térã mokõi kuña oservi hag̃ua ikonseherakuéraramo.

Oĩ umi unida michĩ ikatúva ndorekói Mujeres Jóvenes térã Primaria presidenta. Umi unidápe, Sociedad de Socorro presidenta ikatu oipytyvõ tuvakuérape oplaneávo tekombo’e jóvenes ha mitãnguérape g̃uarã.

9.3.2.2

Rresponsabilidakuéra

Sociedad de Socorro presidenta oreko ko’ã rresponsabilida. Ikonseherakuéra oipytyvõ chupe.

• Oservi consejo de barrio-pe.

• Oisãmbyhy Sociedad de Socorro rembiapo opartisipávo salvasiõ ha exaltasiõ rembiapópe (tojehecha capítulo 1).

• Omohenda ha osupervisa umi hermana ministrante servicio.

• Obispo gía guýpe, oñemongeta konséhope umi barrio-gua miembro kakuaáva ndive.

• Omohendaporã Sociedad de Socorro rembiapo omombarete hag̃ua umi hermana jóvenes adultos barrio-pe, omenda térã omenda’ỹvape.

• Oñembyaty peteĩteĩ Sociedad de Socorro miembro ndive peteĩha jepe káda ary.

• Osupervisa Sociedad de Socorro registro, marandu, ha finansakuéra (tojehecha LCR.ChurchofJesusChrist.org).

9.3.2.3

Presidencia Reunión

Sociedad de Socorro presidencia ha secretaria oñembyaty meme. Presidenta omboguata umi ñembyaty. Pe agenda-pe ikatu oike ko’ã téma:

• Oñeplanea mba’éichapa ikatu oñemombarete hermana-kuéra ha ifamíliape.

• Oñemohendaporã obra misional, templo ha historia familiar rembiapo.

• Oñembohovái umi asignasiõ oñeme’ẽva consejo de barrio reunión-pe.

• Ojerrevisa umi ministrasiõ entrevista marandukuéra.

• Oñekonsidera hermana-kuérape oservi hag̃ua Sociedad de Socorro llamamiento ha asignasiõnguérape.

• Oñeplanea umi Sociedad de Socorro reunión ha actividakuéra.

9.3.3

Secretaria

Sociedad de Socorro presidencia ikatu orrekomenda peteĩ hermana-pe oservi hag̃ua Sociedad de Socorro secretaria-ramo.

9.4

Oñeipytyvõvo Mujeres Jóvenes-pe oñembosako’ívo opartisipa hag̃ua Sociedad de Socorro-pe.

Sociedad de Socorro presidencia omba’apo umi Mujeres Jóvenes, ituvakuéra, ha Mujeres Jóvenes liderkuéra ndive oipytyvõ hag̃ua Mujeres Jóvenes-pe oñembosako’ívo opartisipa hag̃ua Sociedad de Socorro-pe.

Liderkuéra ome’ẽ avei oportunida Mujeres Jóvenes ha Sociedad de Socorro hermana-kuéra ojoaju hag̃ua. Ojoservívo ojupe hermana ministrante-ramo ha’e tape imba’eguasuvéva ojoaju hag̃ua.

9.6

Umi Páuta ha Norma Oñemoĩvéva

9.6.2

Alfavetisasiõ

Oñeikotevẽháicha, Sociedad de Socorro presidencia omba’apo obispo, elder-kuéra kórum presidencia, ha consejo de barrio ndive oipytyvõ hag̃ua miembro-kuérape oñemoarandúvo omoñe’ẽ ha ohai hag̃ua.