mitãkaria’ykuéra tupaópe

10.

Sacerdocio Aarónico Kórum

10.1

Propósito ha Ñemohenda

10.1.1

Propósito

Peteĩ kórum propósito ha’e toipytyvõ umi orekóva sacerdocio-pe omba’apóvo oñondive okumpli hag̃ua pe salvasiõ ha exaltasiõ rembiapo.

10.1.2

Sacerdocio Aarónico Léma

“Che ha’e peteĩ Tupã ra’y ajehayhuetéva, ha Ha’e oreko peteĩ tembiapo ajapo hag̃ua.

“Opa che korasõ, pu’aka, akã ha mbarete reheve ahayhúta Tupãme, añongatúta che konveniokuéra, ha aiporúta Isacerdocio aservi hag̃ua tapichakuérape, añepyrũvo che rogaitére.

“Añeha’ãvo aservi, amomba’apo jerovia, añearrepenti ha ajapo porãve ára ha ára, cherekopotĩta arresivi hag̃ua templo jehovasakuéra ha pe evanhélio vy’a meme.

“Añembosako’íta ha’e hag̃ua peteĩ misionero ojesarekóva, ména ijeroviarekóva, ha túva oporohayhúva ha’évo peteĩ Jesucristo discípulo añeteguáva.

“Aipytyvõta ambosako’ívo ko yvóra pe Salvador jejujeyrã ainvitávo opavavépe ou hag̃ua Cristo-pe ha ohupyty Iñexpiasiõ jehovasakuéra”.

10.1.3

Umi Kórum

10.1.3.1

Diacono-kuéra Kórum

Mitãkaria’ykuéra ojoaju diácono kórumre oñepyrũvo enero-pe upe ary okumplihápe 12 áño. Upérõ ha’ekuéra avei oñeordenakuaa diácono oñembosako’írõ hikuái ha hekopotĩrõ.

Peteĩ diácono rembiaporã oñemombe’u Doctrina ha Konveniokuéra 20:57–59; 84:111. Ambue tembiaporãme oike santa cena ñembohasa ha oipytyvõ obispo-pe “oñe’administra hag̃ua opa umi mba’e yvy arigua” (Doctrina ha Konveniokuéra 107:68).

10.1.3.2

Maestro-kuéra Kórum

Mitãkaria’ykuéra ojoaju maestro-kuéra kórumre oñepyrũvo enero-pe upe ary okumplihápe 14 áño. Upérõ avei ha’ekuéra oñeordenakuaa maestro oñembosako’írõ hikuái ha hekopotĩrõ.

Maestro-kuéra oreko diácono-kuéra rembiaporãite avei. Ha’ekuéra oprepara avei santa cena ha oservi hermano ministránte ramo. Tembiaporã oñemoĩvéva oñemombe’u Doctrina ha Konveniokuéra 20:53–59; 84:111

10.1.3.3

Presbítero-kuéra Kórum

Kuimba’ekuéra ojoaju presbítero-kuéra kórumre oñepyrũvo enero-pe upe ay okumplihápe 16 áño. Upérõ ha’ekuéra oñeordenakuaa avei presbítero oñembosako’írõ hikuái ha hekopotĩrõ.

Presbítero-kuéra oreko tembiaporãite diácono ha maestro-kuéra orekóva. Ambue tembiaporã oñemoĩvéva oñemombe’u Doctrina ha Konveniokuéra 20:46–52, 73–79.

10.1.4

Sacerdocio Llavekuéra

Ojehupytyve hag̃ua momarandu ko’ã llave rehe, tojehecha 3.4.1.

10.1.5

Ojeadaptávo umi Kórum upe Tendapegua Remikotevẽ rehe

Peteĩ barrio térã rrámape orekóva pokã mitãkaria’y, Sacerdocio Aarónico korumkuéra ijatykuaa oñondive tekombo’e ha actividarã.

10.2

Ojepartisipávo Salvasiõ ha Exaltasiõ Rembiapópe

10.2.1

Ojevivívo Jesucristo Evanhélio

10.2.1.2

Evanhéliope Ñemoarandu

Kórum reunión ojejapo mokõiha ha irundyha domingo mes-guápe. Umíva hi’are 50 aravo’i. Peteĩ kórum presidencia miembro (térã peteĩ obispo pytyvõhára presbítero-kuéra kórumpe) omboguata reunión. Ha’e ogia kórumpe he’ívo pe léma ha oñemongeta oñondive asignasiõ, tembiaporã ha ambue téma rehe.

Peteĩ kórum miembro térã líder kakuaáva upéi ogia evanhélio tekombo’e.

10.2.1.3

Servicio ha Actividakuéra

Umi servicio ha activida omopu’ãva’erã testimonio, omombarete familiakuéra, omokyre’y kórum ñemopeteĩ, ha ome’ẽva’erã oportunida ojehovasa hag̃ua tapichakuérape.

Oĩ servicio ha actividad oikeva’erãháme mitãkaria’y ha mitãkuñanguéra, ko’ýnte umi ijedavéva.

Umi Activida Anual Umi activida huventúpe g̃uarã oikomeméva ári, mitãkaria’ykuéra ikatu avei opartisipa ko’ã actividápe káda ary:

• Peteĩ Sacerdocio Aarónico kórum campamento (tojehecha Aaronic Priesthood Quorum Camp Guide).

• Peteĩ barrio térã estakagua conferencia huventúpe g̃uarã térã Para la Fortaleza de la Juventud (PFJ) conferencia.

10.2.1.4

Ñemongakuaa Personal

Iñeha’ãme ha’eve hag̃ua pe Salvador-cha, oñeinvita huventúpe omoĩ hag̃ua umi méta ombokakuaátava chupekuéra espiritual, social, físico ha intelectualmente (tojehecha Lucas 2:52).

Ojehupytyve hag̃ua marandu, tojehecha ChildrenandYouth.ChurchofJesusChrist.org.

10.2.2

Oñeñangarekóvo umi Oikotevẽvare

Umi orekóva Sacerdocio Aarónico oipytyvõ obispo-pe “oñe’administra hag̃ua opa umi mba’e yvy arigua” (Doctrina ha Konveniokuéra 107:68). Ha’ekuéra oreko manteva’erã oportunida oservi hag̃ua tapichakuérape ifamíliape ha ifamília ndive, umi huventu activida aja, ha ijehegui.

10.2.2.1

Ministrasiõ

Umi orekóva Sacerdocio Aarónico orresivi ministrasiõ rehegua asignasiõ oñepyrũvo enero-pe upe ary okumplihápe 14 áño. Ojehupytyve hag̃ua marandu, tojehecha capítulo 21.

10.2.3

Oñeinvitávo Opavavépe Orresivi hag̃ua pe Evanhélio

Umi orekóva Sacerdocio Aarónico oreko hembiaporã “oinvita opavavépe ou hag̃ua Cristo rendápe” (Doctrina ha Konveniokuéra 20:59).

Túva ha liderkuéra omokyre’ỹ mitãkaria’ykuérape oñembosako’i hag̃ua oservi hag̃ua peteĩ misión de tiempo completo ha okomparti hag̃ua pe evanhélio hekove pukukue aja.

10.2.4

Oñembojoajúvo Familiakuéra Tapiaite g̃uarã

Umi orekóva Sacerdocio Aarónico ikatu oipytyvõ oñembojoaju hag̃ua familiakuéra tapiaite g̃uarã hetáicha.

• Omomba’eguasu ituvakuérape ha omoĩ ehémplo Cristo rekoveichagua hogakuérape.

• Oñembosako’i orresivi hag̃ua templo ordenansakuéra, oikévape ñemenda ijapyra’ỹva.

• Ojuhu ijypykue oikotevẽva templo ordenansakuéra (tojehecha FamilySearch.org).

• Oparticipa bautismo ha confirmación umi omanova’ekuére py’ỹiete ikatuháicha.

10.3

Obispado

Pe obispo rresponsabilida tuichavéva ha’e oñangareko mitãkuimba’e ha mitãkuñaguérare ibarrio-pe. Ha’e oikuaa herakuéra ha ontende isituasiõ hogakuérape. Ha’e oasisti meme umi ijactivida ha domingo-gua reunión-pe.

Obispo ha’e presbítero-kuéra kórum presidente.

Pe obispado konsehéro peteĩha oreko rresponsabilida maestro-kuéra kórum rehe. Pe konsehéro mokõiha oreko rresponsabilida diácono-kuéra kórum rehe.

Pe obispado orekove ko’ã rresponsabilida Sacerdocio Aarónico kórum rehe:

• Ijaty peteĩteĩ mitãkuimba’ekuéra ndive jepe mokõi jave káda ary (tojehecha 31.3.1).

• Oipytyvõ mitãkuimba’ekuérape oñembosako’ívo orresivi hag̃ua Melquisedec Sacerdocio.

• Osupervisa umi Sacerdocio Aarónico kórum registro, informe ha finánsa.

Korumgua asesor ha especialista-kuéra oipytyvõ ko’ã rresponsabilida reheve oñeikotevẽháicha.

10.4

Kórum Liderkuéra Imitãva

10.4.1

Ñehenói, Ñesostene ha Je’aparta

Obispo ohenói peteĩ térã mokõi presbítero-pe ha’e hag̃ua ijasisténte ogiávo presbítero-kuéra kórumpe.

Peteĩ obispado miembro ohenói diácono ha maestro kórum presidente-kuérape. Oĩrõ heta porã umi orekóva Sacerdocio Aarónico oservi hag̃ua, ko’ã mitãkaria’y ñembo’epópe okonsidera kórum miembro-kuérape orrekomenda hag̃ua konseherokuéra ha secretario-rã.

Ojeipyso rire ko’ã llamamiento, peteĩ obispado miembro opresenta ko’ã kórum líder imitãva oñesostene hag̃ua ikórum reunión-pe. Obispo oaparta ijasisténte ha umi diácono ha maestro kórum presidente-kuérape. Ha’e okonferi sacerdocio llavekuéra umi kórum presidente-pe. Ha’e ikatu oasigna ikonseherokuérape oaparta hag̃ua ambue presidencia miembro ha secretario-pe.

10.4.2

Rresponsabilidakuéra

• Ogia umi kórum ñeha’ã oparticipa hag̃ua salvasiõ ha exaltasiõ rembiapópe (tojehecha capítulo 1).

• Oikuaa ha oservi peteĩteĩ kórum miembro-pe, oikehápe umi ndohóiva kórum reunión-pe.

• Oservi barrio-gua konsého huventúpe g̃uarã (tojehecha 10.4.4).

• Ombo’e kórum miembro-kuérape isacerdocio rembiaporã (tojehecha Doctrina ha Konveniokuéra 107:85–88).

• Oplanea ha omboguata umi kórum reunión (tojehecha 10.2.1.2).

• Oplanea ha ojapo umi kórum servicio ha activida (tojehecha 10.2.1.3).

10.4.3

Kórum Presidencia Reunión

Sacerdocio Aarónico kórum presidencia oñerreuni mante. Pe kórum presidente omboguata umi reunión. Mokõi kakuaáva jepe oasisti—peteĩ obispado miembro, peteĩ asesor térã peteĩ especialista.

10.4.4

Barrio-gua Konsého Huventúpe g̃uarã

Ojehupytyve hag̃ua marandu barrio-gua konsého huventúpe g̃uarã rehegua tojehecha 29.2.6

10.8

Umi Páuta ha Norma Oñemoĩvéva

10.8.1

Oñemo’ãvo Huventúpe

Kakuaáva omba’apóvo huventu ndive Tupao contexto-pe, jepe mokõi kakuaáva rresponsáble oĩva’erã upépe.

Opavave umi kakuaáva omba’apóva huventu ndive ojapoparaẽva’erã pe mitã ha huventu ñemo’ãrã ñembokatupyry upe peteĩ mes oñesostene haguépe. (ProtectingChildren.ChurchofJesusChrist.org).