10.

U luhn Aaronic Pristut

10.1

Srihpac ac Oreklac

10.1.1

Srihpac

Srihpen u luhn pristut pa in kahsruh mwet suc sruok pristut in tuhkweni orekma in oraclah orekma in molwelah ac moul ma pahtpaht.

10.1.2

Theme ke U luhn Aaronic Priesthood

“Nga sie wen sacohk nuhtin God, ac oasr orekma Lal nga in oruh.

“Ke insiyuck, kuhiyuck, nuhnak, ac fokoko luhk, nga ac luhngse God, karihngihn lwelah luhk, ac orekmakihn pristut Lal in kuhlwacnsuhpuh mwet sahyac, muhtwacwacack ke lohm sihk sifacna.

“Ke nga srihke in kuhlwacnsap, orekmakihn luhlahlfongi, auliyak, ac kampare lwen nuhkwewa, nga ac eis mwe insewowo luhn tempuhl ac engan ma pahtpaht luhn wosasuc.

“Nga ac ahkolah tuh nga in sie misinacri oaru, mukul pahyuck suwohs se, ac pahpah luhngse se ke nga fahsr pwacye tukun Jisus Kraist.

“Nga ac kahsruh in ahkolah facluh ke tuhkuh luhn Mwet Lahngo ke nga suli mwet nuh kwewa in tuhkuh nuh Kraist ac eis mwe insewowo luhn Iwaclah Lal.”

10.1.3

U luhn Pristut

10.1.3.1

U luhn Deacon

Mukul fuhsr kuh in wi u luhn deacon muhtwacwacack ke Janwacri ke yac se ma elos sun matwac 12. Ke pacl se inge elos kuh pac in akmuhsraiyucklac elos fin ahkolah ac nwacsnwacs.

Kunohkohn luhn sie deacon ahkuhtweyucki ke Doctrine and Covenants 20:57–59; 84:111. Kunohkohn sahyac wi kihtakat kuhfa luhn Leum ac kahsruh pisap in “karihngihn ma nuhkwewa ke facluh” (Doctrine and Covenants 107:68).

10.1.3.2

U luhn Teacher

Mukul fuhsr kuh in wi u luhn teacher muhtwacwacack ke Janwacri ke yac se ma elos sun matwac 14. Ke pacl se inge elos kuh pac in akmuhsraiyucklac elos fin ahkolah ac nwacsnwacs.

Kunohkohn luhn teacher oacna sie nuh in ma luhn deacon. Elos oacyacpac ahkolah kuhfa luhn Leum ac kuhlwacnsap oacna tamuhlwel in karihngihn. Kunohkohn sahyac ahkuhtweyucki ke Doctrine and Covenants 20:53–59; 84:111.

10.1.3.3

U luhn Priest

Mukul fuhsr kuh in welah u luhn priest muhtwacwacack ke Janwacri ke yac se elos sun matwac 16. Ke pacl se inge elos kuh pac in akmuhsraiyucklac oacna priest se elos fin ahkolah ac nwacsnwacs.

Kunohkohn luhn priest oacna sie nuh sin deacon ac teacher. Kunohkohn sahyac ahkuhtweyucki ke Doctrine and Covenants 20:46–52, 73–79.

10.1.4

Ki luhn Pristut

Nuh ke mwe ahkkahlwemye ke ki inge, liye 3.4.1.

10.1.5

Ekuhllah U luhn Pristut nuh ke Ma Enenweyuck

Ke ward kuh branch ma suhpuhs mukul fuhsr, u luhn Aaronic Pristut kuh in fahsrweni nuhke lutlut ac mukwikwi.

10.2

Wi Orekma luhn Molwelah ac Moul Ma Pahtpaht

10.2.1

Moulkihn Wosasuc luhn Jisus Kraist

10.2.1.2

Lutltut ke Wosasuc

Toeni ke u luhn pristut oasr ke Sacnri ahkluo ac ahkahkosr ke mahlwem se. Toeni inge sahflah tukun mihniht 50. Sie mempucr luhn prestuhnsi ke u luhn pristut (kuh sie sin mwet in kahsruh luhn pisap ke u luhn priest) el kol. El kol u luhn pristut se in kalweni fahk theme se ac tuhkweni sramsram ke kunohkohn, mukwikwi, ac ma sahyac.

Mempucr ke u sac kuh mwet kol mahtuh se kol oruh luti ke wosasuc.

10.2.1.3

Mukwikwi ac Kuhlwacnsap

Kuhlwacnsap ac mukwikwi enenuh in ahkkweye luhlahlfongi, ahkkweye sucu, oruh u in pristut in fahsrweni, ac sang pacl in ahkinsewowoye mwet sahyac.

Kuhtuh kuhlwacnsap ac mukwikwi kuh in ma luhn mukul fuhsr ac muhtwacn fuhsr, yohk fin mwet fuhsr suc mahtuh kuhtuh.

Mukwikwi Ke Kais Sie Yac. In wi pac mukwikwi luhn mwet fuhsr, mukul fuhsr kuh in wi pac ke ma inge kais sie yac:

• Camp se luhn Aaronic Pristut (liye Aaronic Priesthood Quorum Camp Guide).

• Conference luhn ward kuh stek nuh sin mwet fuhsr kuh sie conference luhn For the Strength of Youth (FSY).

10.2.1.4

Kapkapwack Sifacna

Ke srihke lalos in oacna Mwet Lahngo, mwet fuhsr suleyucklac in kapwack in nguhn, ke kawuck, mahno, ac nuhnak (liye Luke 2:52).

Ke mwe kahsruh pac, liye ChildrenandYouth.ChurchofJesusChrist.org.

10.2.2

Karihngihn Mwet suc Enenuh

Mwet suc sruok Aaronic Pristut kahsruh pisap an in “karihngihn ma luhn facluh nuhkwewa” (Doctrine and Covenants 107:68). Elos enenuh sang pacl lalos in kuhlwacnsapuh mwet sahyac ke ac yurun sucu lalos, ke mukwikwi luhn mwet fuhsr, ac sifacna.

10.2.2.1

Kuhlwacnsap

Mwet suc sruok Aaronic Pristut kuh in eis kunohkohn in kuhlwacnsap ke Janwacri ke yac se ma elos sun Matwac 14. In etuh yohk kac, liye sapta 21.

10.2.3

Suli Mwet Nuhkwewa in Eis Wosasuc

Oasr kunohkohn luhn mwet suc sruok Aaronic Pristut in “suli mwet nuhkwewa in tuhkuh nuh Kraist” (Doctrine and Covenants 20:59).

Pahpah, ninac, ac mwet kol kwacfe mukul fuhsr in ahkolah in kuhlwacnsap oacna misinacri ke pacl nuhkwewa ac akacsruhi wosasuc nuh ke moul lalos nohfohn.

10.2.4

Oracni Sucu Tuhkweni Ne Tok Ma Pahtpaht

Mwet suc sruok Aaronic Pristut kuh in kahsruh us sucu uh tuhkweni ne tohk ma pahtpaht ke ohiyac pucs.

• Ahkfuhlwactye ninac ac pahpah ac oraclah srihkasrak wo ke ohiyacn Kraist ke moul in lohm selos.

• Ahkolah in eis akwuck luhn tempuhl, oacna macruht ma pahtpaht.

• Konwacack mwet mahtuh lalos suc enenuh in oreklac akwuck in tempuhl la (liye FamilySearch.org).

• Wi pacptais ac ahkweyeyucklac nuh ke mwet misac ke pacl ma elos kuh.

10.3

Un Pisap

Kunohkohn yohk srihpac emet se lal pisap an pa in karihngihn mukul fuhsr ac muhtwacn fuhsr ke ward lal an. El etwaclah inelos ac kahlwem ke ohiyacn moul lalos. El kwacna wi mukwikwi lalos ac toeni in Sacnri lalos.

Pisap pa prestuhn ke u luhn priest.

Kunohkohn luhn mwet in kahsruh se met lal uh som nuh ke u luhn teacher. Kunohkohn luhn mwet in kahsruh ahkluo lal uh som nuh ke u luhn deacon.

Oasr pac kunohkohn luhn pisap nuh ke u luhn Aaronic Pristut:

• El ohsun nuh sin kais sie mukul fuhsr pacl luo kuh pucs ke yac sac (liye 31.3.1).

• El kahsruh mukul fuhsr ahkolah in eis Melchizedek Pristut.

• Liyacacng record, ripohrt, ac ma luhn mani ke u luhn luhn Aaronic Pristut.

Mwet kahsruh ke u sac ac mwet lahlmwetmwet sahyac kuh in kahsruh ke kunohkohn inge fin enenweyuck.

10.4

Mwet Kol ke U luhn Mwet Fuhsr

10.4.1

Pahng, Ahkfuhlwact, ac Srihsrngiyac

Pisap el pahngon sie priest kuh luo in kahsrwel in kol u luhn priest.

Mempucr luhn un pisap pahngon prestuhn luhn deacon ac teacher. Fin oasr pihsen mwet suc sruok Aaronic Pristut fal in kuhlwacnsap, mukul fuhsr inge nuhnkuh yohk ac pruhe ke mempucr in sulaclah oacna mwet in kahsruh ac secretary se.

Tukun saplak luhn kunohkohn inge, mempucrr se luhn pisap fah ahkkahlwemye mwet kol ke u luhn mwet fuhsr in ahkkweyeyuck ke toeni lalos. Pisap el akmuhsrai mwet kahsruh lal ac prestuhn ke u luhn deacon ac teacher. El sang ki luhn pristut nuh ke prestuhn ke u luhn pristut. El kuh in srihsrngiyac mwet in kahsruh lal in akmuhsrai mempucr ke prestuhnsi ac secretary.

10.4.2

Kunohkohn

• Kol u luhn pristut in wi orekma in molwelah ac moul ma pahtpaht (liye sapta 1).

• Etwaclah ac kuhlwacnsap kais sie mwet ke u luhn pristut uh, weacng elos suc tiac wi toeni luhn u.

• Kuhlwacnsap ke council luhn mwet fuhsr ke ward (liye 10.4.4).

• Luti mwet ke u luhn pristut ke kunohkohn in pristut lalos (liye Doctrine and Covenants 107:85–88).

• Plwacn ac kol toeni luhn pristut (liye 10.2.1.2).

• Plwacn ac oraclah mukwikwi ac kuhlwacnsap ke u luhn pristut (liye 10.2.1.3).

10.4.3

Toeni ke Prestuhnsi ke U luhn Pristut

Prestuhnsi ke u luhn Aaronic Pristut kwacna toeni. Prestuhn luhn u sac pa kol toeni inge. Enenuh in oasr mwet mahtuh luo kuh puhs in wi—mempucr ke pisap, mwet in kahsruh, kuh mwet sahyac.

10.4.4

Council luhn Mwet Fuhsr ke Ward

Liye 29.2.6 ke mwe ahkkahlwemyeyuck ke council luhn mwet fuhsr ke ward.

10.8

Kahs in Kahsruh ac Masap in Yohk

10.8.1

Karihngihn Mwet Fuhsr

Ke mwet mahtuh orekma yurin mwet fuhsr ke Alu uh, enenuh in mwet mahtuh luo kuh puhs in oasr.

Mwet mahtuh nuhkwewa suc orekma yurin mwet fuhsr orekma uh enenuh in ahksahfyelah trein nuh ke karihngihnyen tuhlihk ac mwet fuhsr ke lusen mahlwem se fah ahkkweyeyucklac el (ProtectingChildren.ChurchofJesusChrist.org).