Masungula Mangatshibua mu Mukanda Munena wa Maludiki

Contents
Dibeji dia Dîna
Dienzela Masungula Mangatshibua mu Mukanda Munena wa Maludiki
Malongesha a Nshindamenu
- 0. Tshikepeshelu tshia Tshibangilu
- 1. Dilongolola dia Nzambi ne Bujitu Bueba mu Mudimu wa Lupandu ne Dizanjikibua
- 2. Kuambuluisha Bantu ne Mêku mu Mudimu wa Lupandu ne Dizanjikibua
- 3. Nshindamenu ya Buakuidi
- 4. Bulombodi ne Bipangu mu Ekelezia wa Yezu Kilisto
Ndongoluelu wa Ekelezia
- 5. Bulombodi Bunena ne bua Ntenji
- Bulombodi bua Dikunji
- 7. Buepiskopo
- 8. Mpuilu wa Bakulu
- 9.Nsangilu wa Diambuluisha
- Mpuilu ya Buakuidi bua Alona
  - 10.1. Kipatshila ne Ndongoluelu
  - 10.2. Dibuela mu Mudimu wa Lupandu ne wa Dizanjikibua
  - 10.3. Buepiskopo
  - 10.4. Balombodi ba Mpuilu ya Bansonga
  - 10.8. Maludiki ne Ngenzelu Mikuabu
- Bansongakaji
- Tshilongelu tshia Mbedi
- 13. Tshilongelu tshia Dialumingu
- 14. Bidimba Bidi Nkaya
- 15. Seminaire ne Institut ya Tshitendelelu
Mudimu wa Lupandu ne Dizanjikibua
- Kuteka Lumu Luimpa lua Yezu Kilisto mu Tshienzedi
  - 16. Kuteka Lumu Luimpa lua Yezu Kilisto mu Tshienzedi
  - 17. Kulongesha Lumu Luimpa
  - 18. Kukumbaja Milulu ne Mabenesha bia Buakuidi
  - 19. Misambu
  - 20. Bibilu
- Kuambuluisha Bantu Badi mu Majinga
  - 21. Dikuba
  - 22. Kuandamuna ku Majinga a mu Mubidi ne Kuibaka Budikadidi
- Kubikila Bantu Bonsu bua Kupeta Lumu Luimpa
  - 23. Kutangalaja Lumu Luimpa ne Kukankamika Bidimba Bipia-bipia ne Bidi Bipingana
  - 24. Manyisha ne Kusadila kua Muena Bukenji
- Kukunguija Mêku bua Tshiendelela
  - 25. Mudimu wa Ntempelo ne wa Muyuki wa Dîku mu Tshikongu ne mu Dikunji
  - 26. Manyisha a Kubuela mu Ntempelo
  - 27. Milulu ya Ntempelo bua Bantu Badi ne Moyo
  - 28. Milulu ya Ntempelo bua Bafua
Bulongolodi Bua Ekelezia
- 29. Bisangilu mu Ekelezia
- 30. Mabikila mu Ekelezia
- 31. Miyuki ya Nkaya ne Bisangilu Bikuabu ne Bidimba
- 32. Bipangu bia Dikudimuna dia Mutshima ne Buikadi bua Tshidimba mu Ekelezia
- 33. Miandiku ne Milubu
- 34. Mpetu ne Dilondolola
- 35. Kulama ne Kuenza Mudimu ne Nzubu ya Bisangilu
- 36. Kufuka, Kukudimuna, ne Kufila Mena kua Bitupa Bipia-bipia
  - 36.0. Tshibangilu
- 37. Makunji, Bikongu, ne Matamba Bisunguluka
- 38. Ngenzelu ne Maludiki Makuabu a Ekelezia

10. Mpuilu ya Buakuidi bua Alona

“10. Mpuilu ya Buakuidi bua Alona,” Masungula Mangatshibua mu Mukanda Munena wa Maludiki (2023).

“10. Mpuilu ya Buakuidi bua Alona,” Masungula Mangatshibua mu Mukanda Munena wa Maludiki

10.

Mpuilu ya Buakuidi bua Alona

10.1

Kipatshila ne Ndongoluelu

10.1.1

Kipatshila

Kipatshila ka mpuilu, nka kuambuluisha badi ne buakuidi bua kuenza mudimu pamua bua kukumbaja mudimu wa lupandu ne dizanjikibua.

10.1.2

Tshiena-Bualu tshia Buakuidi bua Alona

“Ndi muana wa baluma munanga wa Nzambi, ne mmumpesha mudimu wa mema kuenza.

“Ne mutshima wanyi mujima, bukitu bonsu, meji onsu, ne bukola bonsu, ndi nanga Nzambi, ndama bipungidi bianyi, ne ngenza mudimu ne buakuidi buenda bua kusadila bantu, kubangila mu dîku dianyi.

“Pandi ndienzeja bua kusadila, kuteka ditabuija mu tshienzedi, kukudimuna mutshima, ne ndiakaja dituku dionsu, nendikumbaja bua kupeta mabenesha a ntempelo ne a dinanukila dia disanka mu lumu luimpa.

“Ndi ndilongolola bua kulua muena bukenji munanukidi, muluma wa tshishiki, ne tatu wa dinanga mu kuikala muyidi mulelela wa Yezu Kilisto.

“Ndi ngambuluisha bua kulongolola buloba bua kupingana kua Mupangishi mu kubikila bonsu bua balua kudi Kilisto ne bapeta mabenesha a Bupikudi buenda.”

10.1.3

Mpuilu

10.1.3.1

Mpuilu wa Badiakre

Bansongaluma badi babuela mu mpuilu wa badiakre kubangila mu Ngondu wa Kumpala wa tshidimu tshidibu bakumbaja bidimu 12. Tshikondu tshionsu etshi badi kabidi manyishibua bua kujidibua badiakre pikalabu balongolodibua ne bakumbana.

Majitu a diakre adi mumvuijibua mu Dilongesha ne Bipungidi 20:57–59; 84:111. Makuabu majitu adi atangila kuabanya kua biakudia bia tshijila ne kukuatshisha muepiskopo mu “kulongolola kua malu onsu a mubidi” (Dilongesha ne Bipungidi 107:68).

10.1.3.2

Mpuilu wa Balongeshi

Bansongaluma badi babuela mu mpuilu wa balongeshi kubangila mu Ngondu wa Kumpala wa tshidimu tshidibu bakumbaja bidimu 14. Tshikondu tshionsu etshi badi kabidi banyishibua bua kujidibua balongeshi pikalabu balongolodibua ne bakumbana.

Balongeshi badi ne majitu a momumua ne badiakre. Badi pabu balongolola biakudia bia tshijila ne basadila bu batatu bakubi. Makuabu majitu adi abu mumvuijibua mu Dilongesha ne Bipungidi 20:53–59; 84:111.

10.1.3.3

Mpuilu wa Bakuidi

Bansongaluma badi babuela mu mpuilu wa bakuidi kubangila mu Ngondu wa Kumpala wa tshidimu tshidibu bakumbaja bidimu 16. Tshikondu tshionsu etshi badi kabidi manyishibua bua kujidibua bakuidi pikalabu balongolodibua ne bakumbana.

Bakuidi badi ne majitu a momumua ne badiakre ne balongeshi. Makuabu majitu abu adi mumvuijibua mu Dilongesha ne Bipungidi 20:46–52, 73–79.

10.1.4

Nsapi ya Buakuidi

Bua mamanyisha a bungi pa nsapi eyi, tangila 3.4.1.

10.1.5

Kuakaja Mpuilu Bilondeshila Majinga a pa Muaba

Mu tshikongu anyi ditamba mudi bansongaluma bakesa, mpuilu ya Buakuidi bua Alona idi mua kusangila pamua malongesha ne bibilu.

10.2

Dibuela mu Mudimu wa Lupandu ne wa Dizanjikibua

10.2.1

Kuteka Lumu Luimpa lua Yezu Kilisto mu Tshienzedi

10.2.1.2

Kulonga kua Lumu Luimpa

Bisangilu bia mpuilu bidi bienzeka mu Dialumingu dibidi ne dinayi dia ngondu. Bidi binenga minuta 50. Tshidimba tshia mu bulombodi bukulu bua mpuilu (anyi umua wa ku bakuatshishi ba muepiskopo mu mpuilu wa bakuidi), udi ulombola. Udi ulombola mpuilu mu kuambulula tshiena-bualu ne kubelangana pamua bitangila matumika, majitu, ne makuabu malu.

Nanku tshidimba tshia mu mpuilu anyi mulombodi mukulumpa udi ulombola dilongesha dia lumu luimpa.

10.2.1.3

Disadila ne Bibilu

Disadila ne bibilu bidi ne bua kutantshisha majadiki, kukankamika mêku, kukolesha bobumua bua mpuilu, ne kufila mishindu ya kubenesha bakuabu.

Dimua disadila ne bibilu, bidi ne bua kusangisha bansongaluma ne bansongakaji, nangananga bua bansonga bakulumpa.

Bibilu bia ku Tshidimu Mu dikumbaja ku bibilu bia tshibidilu, bansongaluma badi kabidi mua kubuela mu bibilu bia ku tshidimu ebi:

Tshitangu tshia mpuilu ya Buakuidi bua Alona (tangila Aaronic Priesthood Quorum Camp Guide).
Mpungilu wa bansonga wa tshikongu anyi wa dikunji anyi mpungilu wa Bua Dikankamika dia Bansonga (BDB).

10.2.1.4

Ditanta dia Nkaya

Mu kudienzeja kuabu bua kuikala bafuanangana ne Mupandishi, bansonga badi babikidibua bua kuteka tuipatshila bua kukola mu nyuma, mu nsombelu, mu mubidi, ne mu lungenyi (tangila Luka 2:52).

Bua mamanyisha a bungi, tangila ChildrenandYouth.ChurchofJesusChrist.org.

10.2.2

Kuambuluisha Bantu Badi mu Majinga

Bansongaluma badi ne Buakuidi bua Alona badi bakuatshisha muepiskopo mu “kulongolola kua malu onsu a mubidi” (Dilongesha ne Bipungidi 107:68). Badi ne bua kuikala ne mishindu ya pa tshibidilu bua kusadila bantu pamua ne mu mêku abu, mu bibilu bia bansonga, ne padibu nkayabu.

10.2.2.1

Dikuba

Bansongaluma badi ne Buakuidi bua Alona, badi bapeta matumika a bukubi kubangila mu Ngondu wa Kumpala wa tshidimu tshidibu bakumbaja bidimu 14. Bua mamanyisha a bungi, tangila shapita 21.

10.2.3

Kubikila Bantu Bonsu bua Kupeta Lumu Luimpa

Bansongaluma badi ne Buakuidi bua Alona badi ne bujitu bua “kubikila bonsu bua kulua kudi Kilisto” (Dilongesha ne Bipungidi 20:59).

Baledi ne balombodi badi bakankamika bansongaluma bua kudilongolola bua kusadila mu bukenji bua diba dionsu ne kutangalaja lumu luimpa mu mioyo yabu.

10.2.4

Kukunguija Mêku bua Tshiendelela

Bansongaluma badi ne Buakuidi bua Alona badi mua kuambuluisha bua kusangisha mêku bua tshiendelela mu mishindu ya bungi.

Kunemeka baledi babu ne kuleja tshilejilu tshia buena Kilisto mu nzubu yabu.
Kudilongolola bua kupeta milulu ya mu ntempelo, pamua ne dibaka dia tshiendelela.
Kupeta bankambua badi dijinga ne milulu ya mu ntempelo (tangila FamilySearch.org).
Kubuela mu ditambula ne dijadikibua bua bafua misangu yonsu idi mushindu umueka.

10.3

Buepiskopo

Bujitu bua kumpala bua muepiskopo, mbua kulama bansongaluma ne bansongakaji mu tshikongu. Udi umanya mena abu ne umvua malu a mu mêku abu. Udi ubuela mu bibilu ne mu bisangilu biabu bia mu Dialumingu ku misangu.

Muepiskopo udi mulombodi mukulu wa mpuilu wa bakuidi.

Mubedi wa kumpala mu buepiskopo udi ne bujitu bua mpuilu wa balongeshi. Mubedi muibidi udi ne bujitu bua mpuilu wa badiakre.

Buepiskopo budi ne majitu makuabu adi alonda â bua mpuilu ya Buakuidi bua Alona:

Kumunangana ne nsongaluma yonsu nansha misangu ibidi ku tshidimu (tangila 31.3.1).
Kuambuluisha bansongaluma bua kudilongolola bua kupeta Buakuidi bua Melekisedeke.
Kutangila miandiku, milubu, ne mpetu bia mpuilu ya Buakuidi bua Alona.

Babedi ba mpuilu ne bamanyi bapiluka, badi bambuluisha ne majitu â bu mudibi bilombibua.

10.4

Balombodi ba Mpuilu ya Bansonga

10.4.1

Kubikila, Kutua Mpanda, ne Kuteka pa Muaba

Muepiskopo udi ubikila muakuidi umua anyi babidi bua bikala bakuatshishi benda mu dilombola bua mpuilu wa bakuidi.

Tshidimba tshia mu buepiskopo tshidi tshibikila balombodi bakulu ba mpuilu wa badiakre ne wa balongeshi. Padiku bansongaluma ba bungi badi ne Buakuidi bua Alona bua kusadila, bansongaluma aba badi batangila mu disambila midimba bia mpuilu bidibu mua kuanyishila bua kuikala babedi ne mufundi.

Panyima pa kubapesha mabikila â, tshidimba tshia mu buepiskopo tshidi tshileja balombodi ba mpuilu wa bansonga bua kutuibua mpanda mu tshisangilu tshiabu tshia mpuilu. Muepiskopo udi uteka pa muaba bakuatshishi benda ne balombodi bakulu ba badiakre ne ba balongeshi. Udi ufila nsapi ya buakuidi pa mitu ya balombodi bakulu ba mpuilu. Udi mua kutuma babedi benda bua kuteka pa muaba bikuabu bidimba bia mu bulombodi bukulu ne bafundi.

10.4.2

Majitu

Kulombola midimu ya mpuilu bua kudibuinka mu mudimu wa lupandu ne dizanjikibua (tangila shapita 1).
Kumanya ne kusadila tshidimba tshionsu tshia mpuilu, pamua ne aba badi kabayi balua mu bisangilu bia mpuilu to.
Kusadila mu tshipangu tshia bansonga mu tshikongu (tangila 10.4.4).
Kulongesha bidimba bia mpuilu majitu abi a buakuidi (tangila Dilongesha ne Bipungidi 107:85–88).
Kulongolola ne kulombola bisangilu bia mpuilu (tangila 10.2.1.2).
Kulongolola ne kuenza disadila ne bibilu bia mpuilu (tangila 10.2.1.3).

10.4.3

Tshisangilu tshia Bulombodi Bukulu bua Mpuilu

Bulombodi bukulu bua mpuilu ya Buakuidi bua Alona budi bumunangana ku misangu. Mulombodi mukulu wa mpuilu udi ulombola bisangilu ebi. Bantu bakulumpa nansha babidi badi babuela—tshidimba tshia mu buepiskopo, mubedi, anyi mumanyi mupiluka.

10.4.4

Tshipangu tshia Bansonga mu Tshikongu

Tangila 29.2.6 bua mamanyisha a bungi pa tshipangu tshia bansonga mu tshikongu.

10.8

Maludiki ne Ngenzelu Mikuabu

10.8.1

Kulama Bansonga

Padi bantu bakulumpa bayukila ne bansonga mu bisangilu bia Ekelezia, bantu bakulumpa badikadila nansha babidi badi ne bua kuikala koku.

Bantu bakulumpa bonsu badi benza mudimu pamua ne bansonga, badi ne bua kukumbaja dilongesha dipiluka dia bulami bua bansonga mu ngondu umua panyima pa batuibua mpanda (ProtectingChildren.ChurchofJesusChrist.org).