10.

Mwichen Aaronik Pristut

10.1

Popun me Mwicheichen Aramas

10.1.1

Popun

Popun ew mwich an epwe anisi ekkewe mi wor ar pristut ar repwe angang fengen ne awesano ewe angangen manau ese much me manau mi tekia.

10.1.2

An ewe Mwichen Aaronik Pristut Itenap

“Ngang emon noun Kot at mi achengicheng, me I a wor An angang upwe fori.

“Ren unusen netipei, ai tongeni, ai ekiek, me ai pochokun, upwe tongei Kot, aponueta ai kewe pwon mi pin, me aea An we pristut ne anisi ekkoch, poputa me non imwei.

“Nupwen ua achocho ne angang, anganga nuku, aier, me fefeita iteiten ran, upwe tufichin angei ekkewe efeiochun non tempel me pwapwa ese much ren ewe kapas allim.

“Upwe amoneta ai upwe winiti emon misineri mi achocho, mwan mi pupunu mi nukuchar, me emon semenap mi tong ren ai upwe emon chon kunon Jises Kraist mi ennet.

“Upwe aninis ne amonata ewe fonufan ren ewe niwinsefan an ewe Chon Amanau ren ai upwe korato meinisin repwe feito ren Kraist me angei feiochun An we Achasefan.”

10.1.3

Mwich

10.1.3.1

Mwichen Tiken

Ekkewe onuon repwe fiti ewe mwichen tiken poputa non January ren ewe ier repwene 12 ier. Non ei fansoun rapwan tongeni repwe sikita ngeni tiken ika pwe ir mi moneta me nimenimoch.

Ekkewe wis ren emon tiken ra awewetiw non Doctrine and Covenants 20:57–59; 84:111. Pwan ekkoch wis mi pachenong pasini ewe sakrament me anisi ewe pisop ne “anganga meinisin ekkewe mettochun inis” (Doctrine and Covenants 107:68).

10.1.3.2

Mwichen Ticher

Ekkewe onuon ra fiti mwichen ticher poputa non January ren ewe ier repwene 14 ier. Non ei fansoun rapwan tongeni repwe sikita ngeni ticher ika pwe ir mi moneta me nimenimoch.

Ekkewe ticher achok nonno ar angang me ekkewe tiken. Rapwan amonata ewe sakrament me angang ussun kewe mwan chon iamwir. Wis mi kapacheta ra aweweitiw non Doctrine and Covenants 20:53–59; 84:111.

10.1.3.3

Mwichen Prist

Ekkewe onuon repwe fiti mwichen prist poputa non January non ewe ier repwene ier 16 . Non ei fansoun rapwan tongeni repwe sikita ngeni prist ika pwe ir mi moneta me nimenimoch.

Ekkewe prist achok nonno wiser me ekkewe tiken me ticher. Wis mi kapacheta ra aweweitiw non Doctrine and Covenants 20:46–52, 73–79.

10.1.4

Kien Pristut

Ren pwan ekkoch porousan ussun ekkei kii, nengeni 3.4.1.

10.1.5

Fori Mwich ren Nonomun ewe Neni

Non eu wart ika pranch mi chokukun onuon non, mwichen Aaronik Pristut ra tongeni chufengen ren aourour me pekin urumot.

10.2

Pachenong non ewe Angangen Manau ese Much me Manau mi Tekia.

10.2.1

Manauaeni ewe Kapas Allimen Jises Kraist

10.2.1.2

Kaeo Kapas Allim

Ekkewe mwich ren mwichen pristut ra fis non ewe oruen me oruanun Raninfen non ewe maram. A 50 minich taman. Emon chon ewe mwichen presetensi (ika emon noun pisop kewe chon anisi non ewe mwichen prist) epwe ateten. Epwe emweni ewe mwichen pristut epwe osomong ne apasafengeni ewe itenap me kapas ourour fengen ussun ekkewe asaimen, angang, me pwan ekkoch mettoch.

Emon chon ewe mwichen pristut ika emon sou emwenin kewe mi mukono epwe emweni osukunen kapas allim.

10.2.1.3

Angang me pekin Urumot

Angang me pekin urumot epwe anapano kapasen pwarata, apochokuna famini, pesei ochufengenin mwichen pristut, me awora anen tufichin ar repwe efeiochu ekkoch.

Ekkoch angang me pekin urumot epwe apachanong ekkewe onuon me fopun, akaewin ren ekkewe watten serafo.

Pekin Urumot Iteiten Ier. Pwan kapachetan ngeni pekin urumot an serafo, ekkewe onuon ra pwan tongeni pachenong non ekkewe sokkun pekin urumot non ekkei mi afatetiw non ew me ew ier:

• Eu kamp an mwichen Aaronik Pristut (nengeni Aaronic Priesthood Quorum Camp Guide).

• Eu an wart ika steik mwichen sarafo ika eu mwich Ren ewe Pochokunen Serafo (FSY).

10.2.1.4

Pusin An Emon Fefeita

Non ar anganga weires ne winiti ussun ewe Chon Amanau, sarafo ra kokoto ar repwe forata ekkewe mettoch ra mochen anganga ar repwe marita non pekin ngun, echiechi ngeni aramas, pekin inis, me pekin tipachem (nengeni Luke 2:52).

Ren pwan ekkoch porousan, nengeni ChildrenandYouth.ChurchofJesusChrist.org.

10.2.2

Tumunun Ekkewe mi Osupwang

Ekkewe mi wor ar Aaronik Pristut repwe anisi ewe pisop ne “anganga meinisin ekkewe mettochun inis” (Doctrine and Covenants 107:68). Epwe wor ar tufichin anisi ekkoch non me fiti ar kewe famini, fansoun an serafo pekin urumot, me won pusin ar.

10.2.2.1

Iamwir

Ekkewe mi wor ar Aaronik Pristut repwe angei ar asaimenin iamwir poputa non January non ewe ier repwe ne 14 ier. Ren pwan ekkoch porousan, nengeni sopun 21.

10.2.3

Kokorato Meinsin repwe Angei ewe Kapas Allim

Ekkewe mi wor ar Aaronik Pristut mi wor ar angang repwe “kokorato meinisin ar repwe feito ren Kraist” (Doctrine and Covenants 20:59).

Ekkewe sam me in me souemwen repwe apochokuna ekkewe onuon repwe amonata ar repwe feino fori angangen misineri me repwe aporousa ewe kapas allim non unusen manauer.

10.2.4

Ochufengeni Famini ren Fansoun Esemuch

Ekkewe mi wor ar Aaronik Pristut ra tongeni aninis non chommong anen ochufengeni famini ren fansoun esemuch.

• Asamonu iner me semer me fori eu nenien apiru usun Kraist a nom non imwer.

• Amonata ar repwe angei ekkewe angangepin non tempel, pachenong pupunu esemuch.

• Esina ekkewe neuo mi namot ngenir ekkewe angangepin non tempel (nengeni FamilySearch.org).

• Pachenong non angangen paptais me kapunguno ren ekkewe mi mano iteitan ren ukukun fansoun mi mutata.

10.3

Mwichen Pisoprik

Ewe auchean wis an ewe pisop epwe tumunu ekkewe onuon me ekkewe foppun non an we wart. A kaeo iter me weweiti usun nonomun ar kewe famini non imwer kewe. A fiti ar kewe mokutukutun urumot me mwichen Raninfen iteitan.

Ewe pisop i ewe presetenin ewe mwichen prist.

Ewe aemonun chon aninis non ewe pisoprik mi wor wisan fan iten ewe mwichen ticher. Ewe oruemonun chon aninis non ewe mwichen pisop a wor wisan fan iten ewe mwichen tiken.

A wor an ewe pisoprik kapachetan wis fan iten ekkewe mwichen Aaronik Pristut:

• Mwich ngeni ekkewe onuon ren chok ukukun fan ruu non eu ier (nengeni 31.3.1).

• Anisi ekkewe onuon ne amonata ar repwe angei ewe Melkesetek Pristut.

• Nengenochu ekkewe rekot, repot, me pekin mwoni ren ewe mwichen Aronik Pristut.

A wor tingor ren mwichen chon awora kapasen ourour me sinenap non pekin aninis non ekkei wis.

10.4

Souemwenin Mwichen Serafo

10.4.1

Koko, Etiwa, me Ewisa

Ewe pisop epwe kokori emon ika ruemon prist epwe nouni chon aninis non emwenin ewe mwichen prist.

Emon chon ewe pisoprik epwe kokori ekkewe presetenin mwichen tiken me ekkewe ticher. Nupwen a naf ekkewe mi wor ar ewe Aaronik Pristut ar repwe angang, ekkei onuon repwe ekieki chochon mwich fiti iotek ar repwe finata ion epwe chon aninis me seketeri.

Mwirin ra anapano ekkei kokko, emon chon ewe pisoprik epwe wanong ekkewe souemwenin mwichen sarafo ren ar repwe etiwer non ar ewe mwich ren mwichen sarafo. Ewe pisop a ewisa noun we chon aninis me ekkewe presetenin mwichen tiken me ticher. A ngeni ewe mwichen preseten ekkewe kien pristut. Epwe pwan fini ngeni noun kewe chon aninis repwe ewisa ekkoch chon ewe presetensi me ekkewe chon mak.

10.4.2

Wis

• Emweni an ewe mwichen ekkewe pristut angang weires ne pachenong non ewe angangen manau ese much me manau mi tekia (nengeni chapter 1).

• Sisinei me anisi emon me emon chon mwichen ekkewe pristut, pachenong ekkewe rese fifiti ekkewe mwich an ewe mwichen ekkewe pristut.

• Angang non ewe mwichen apungupung an serafo non ewe wart (nengeni 10.4.4).

• Asukuna chon mwichen mwan mi wor ar pristut wiser wisen pristut (nengeni Doctrine and Covenants 107:85–88).

• Ota me ateteni ekkewe mwich mwichen ekkewe pristut (nengeni 10.2.1.2).

• Ota me anganga angangen mwichen ekkewe pristut me pekin urumot (nengeni 10.2.1.3).

10.4.3

Mwich ren Mwichen Presetensi

Mwichen presetensi ren mwichen Aaronik Pristut repwe mwich iteitan. Ewe presetenin mwichen kewe pristut epwe eteteni ekkei mwich. Epwe mosor ruemon mi mukono repwe fiti—emon chon ewe pisoprik, emon chon awora kapasen ourour, ika emon mi sinenap non pekin aninis.

10.4.4

An Wart Mwichen Apungupungun Serafo

Nengeni 29.2.6 ren pwan ekkoch porous usun an wart apungupungun mwichen serafo.

10.8

Kapachetan Emwen me Annuk

10.8.1

Tumunun Serafo

Nupwen ekkewe mi mukono ra fiti mokutun serafo non kokoten Mwichefen, epwe mosor kukun ruemon mi mukono mi weweiti wiser repwe nom.

Meinisin mi mukono kewe ra angang ngeni serafo repwe awesano trainin tumunun semirit ika serafo non ew maram mwirin ar etiwa ewe wis (nengeni ProtectingChildren.ChurchofJesusChrist.orgProtectingChildren.ChurchofJesusChrist.org).