11.

Mwichen Fopun

11.1

Popun me Mwicheich

11.1.1

Popun

Ewe mwicheichen Mwichen Fopun a anisi ekkewe fopun ar repwe fori me aponueta ekkewe pwon mi pin me anapano ar nuku non Jises Kraist me An we kapas allim.

11.1.2

Itenapen Mwichen Fopun

“Ngang emon noun semei me inei non nang nengin mi achengicheng, fiti ew manauen Kot me nonomun manauei esemuch.

“Usun emon noun Jises Kraist chon kuno, Uwa achocho ai upwe usun chok I. Ua kuta me omwokutu won pusin ai pwarata me iamwir ngeni ekkoch non Itan mi pin.

“Upwe uta usun emon chon pwarata Kot non fansoun meinisin me non mettoch meinisin me non neni meinisin.

“Nupwen uwa achocho ai upwe ketiw ren manau mi tekia, Ua echeni ewe nifangen aier me kuta ai upwe fefeita ew me ew ran. Fiti nuku, upwe apochokuna imwei me famini, fori me aponueta ekkewe pwon mi pin, me angei ekkewe angangepin me feiochun non ewe tempel mi pin.”

11.1.3

Ekkewe klas

Ekkewe fopun ra winiti memper non ew klasin Mwichen Fopun poputa non January non ewe ier repwene 12 ier.

Ekkewe souemwenin pisoprik me Mwichen Fopun mi mukono repwe ekiek fiti iotek ika epwe ifa usun ar repwe forata ekkewe klas anongonong won ekkewe ier. Eu me eu klas, ese pwan nifinifin fitemon non, epwe wor nour preseten me, ika mi tufich, emon ika ruemon chon aninis me emon seketeri.

11.2

Pachenong non ewe Angangen Amanaua me Manau mi Tekia

11.2.1

Manaueni ewe Kapas Allimen Jises Kraist

11.2.1.2

Kaeo Kapas Allim

Mwichen klas a fis non ewe oruen me oruanun Raninfel non ewe maram. A ukukun 50 minich taman. Emon memper non ewe presetensin klas epwe ateten. Neminewe epwe emweni ewe klas ne osomong ne apasa ewe itenap me ourour fengen usun ekkewe asaimen me ekkoch pwan mettoch.

Emon chon ewe klas ika souemwen mi mukono epwe emweni kapas awewen ewe kapas allim.

11.2.1.3

Angang me Pekin Urumot

Angang me pekin urumot epwe anapano kapasen pwarata, apochokuna famini, opochokuna chufengenin klas, me awora anen feioch ngeni ekkoch.

Ekkoch angang me pekin urumot epwe achu ir me ruu mwichen onuwon me mwichen fopun, akaewin ekkewe watten serafo.

Pekin Urumot Iteiten Ier. Ren kapachetan ekkoch pekin urumot an serafo ngeni met rekan fofori, mwichen foppun ra pwan tongeni fiti ekkei mettoch mi tetenitiw ew me ew ier.

• Eu kamp an Mwichen Foppun (nengeni Young Women Camp Guide).

• Eu mwich an serafo non wart ika steik ika eu mwich Ren ewe Pochokunen Serafo (FSY).

11.2.1.4

An Emon Pusin Fefeita

Non ar angang weires ar repwe winiti usun ewe Chon Amanau, serafo ra kokoto ar repwe forata met ekkewe repwe angang ngeni ar repwe marita non pekin ngun, pekin chiechi ngeni ekkoch, pekin inis, me pekin tipachem (see Luke 2:52).

Ren pwan ekkoch porousan, nengeni ChildrenandYouth.ChurchofJesusChrist.org.

11.2.2

Tumunu Ekkewe mi Osupwang

Mwichen fopun epwe wor ar fansoun ar repwe anisi ekkoch non me fiti ar kewe famini, nupwen an serafo pekin urumot, me pwan won pusin ar.

11.2.2.1

Iamwir

Mwichen fopun repwe angei ar asaimenin iamwir poputa non January non ewe ier repwe ne 14 ier. Ren pwan ekkoch porousan, nengeni chapter 21.

11.2.3

Etiwa Meinisin repwe Angei ewe Kapas Allim

Mwichen fopun repwe kokorato meinisin ar repwe angei ewe kapas allim nupwen repwe “uta ussun chon pwarata Kot non fansoun meinisin me non mettoch meinisin, me non neni meinisin” (Mosiah 18:9).

Sam me in me ekkewe souemwen ra tongeni anisi mwichen foppun ne amonareta ar repwe aporousa fetanei ewe kapas allim non unusen manauer.

11.2.4

Ochufengeni Famini ren Fansoun ese Much

Non chommong an Mwichen Fopun ra tongeni ochufengeni famini ren fansoun ese much.

• Asamonu semer me iner me fori eu nenien appiru usun manauen Kraist a nom non imwer.

• Amonata ar repwe angei ekkewe angangepinin tempel, pachonong pupunu esemuch.

• Esina ion ekkewe neo ra mochen ekkewe kewe angangepin non tempel (nengeni FamilySearch.org).

• Pachenong non angangen paptais me kopunguno fan iten ekkewe mi mano iteitan fansoun mi mumuta.

11.3

Souemwenin Mwichen Fopun non Wart

11.3.1

Pisoprik

Wisen pisop ewe a kon auchea an epwe tumunu ewe mwichen fopun me mwichen onuon non an ewe wart. I me noun kewe chon aninis repwe kaeo iter me weweiti nonomun non imwer. Repwe churi emon me emon ekkewe fopun epwe mosor fan ruu non eu ier (nengeni 31.3.1).

A wor wisen ewe pisop fan iten ewe mwicheichen Mwichen Fopun non ewe wart. Epwe churi ewe presetenin ekkewe Mwichen Fopun iteitan.

Ewe pisop me noun kewe chon aninis repwe achocho ne pachenong non an Mwichen Fopun ekkewe mwich, angang, me pekin urumot.

11.3.2

Presetensin Mwichen Fopun mi Mukono

Ewe pisop epwe kokori me ewisa emon fopun mi mukono an epwe angang epwe wiseni ewe presetenin Mwichen Fopun. Ika ewe kinikinin mwich mi naf waten, neminewe epwe finata emon ika ruemon ekkewe fopun mi mukono repwe noun chon aninis (nengeni chapter 30).

Non eu kukkun kinikinin mwich meni ewe presetenin ewe Mwichen Fopun epwe i chok repwe korngeni souemwen mi mukono non ewe mwicheichen Mwichen Fopun. Non ei napanap, i me ekkewe sam me in ra angang fengen ar repwe eteteni pekin osukun me pekin urumot fan iten ekkewe mwichen fopun.

Ika pwe eu pranch ese wor presetenin ewe Mwichen Fopun, ewe presetenin Relief Society epwe eteteni pekin osukun fan iten ekkewe mwichen fopun tori an epwe wor presetenin Mwichen Fopun.

Ewe presetenin ewe Mwichen Fopun a wor wisan mi tetenitiw. Noun kewe chon aninis repwe anisi.

• Angang non ewe mwichen apungupungun wart.

• Angang ren emon chon ewe mwichen apungupungun serafo non ewe wart (nengeni 29.2.6).

• Fori angangen iamwir ngeni emon me emon ekkewe fopun.

• Aiti ekkoch souemwenin ekkewe Mwichen Fopun me presetenin ekkewe klas wiser kewe.

• Awora kapasen ourour ngeni ekkewe mwichen fopun usun ekkewe sosot ese pwan namot ren ewe pisop ika mi wor abuse (nengeni 32.3, 31.3.1, and 38.6.2).

11.3.4

Presetenin Klas me Seketeri

11.3.4.1

Koko, Etiwa, me Ewisa

Eu me eu klas an ekkewe Mwichen Fopun epwe wor presetensin klas.

Emon chon ewe pisoprik a kori emon fopun an epwe angang epwe emon presetenin klas. Nupwen mi naf ewe mwichen fopun ar repwe fori angang, neminewe epwe ekieki fiti iotek ekkewe chon ewe klas ar repwe fini ekkewe chon aninis me seketeri.

Mwirin an atoura ekkei koko, emon chochon ewe pisoprik epwe wanong ekkewe fopun ngeni ar we klas repwe etiwa. Ewe pisop ika emon chon aninis mi kefinita epwe ewisa ewe foppun ngeni wisan.

11.3.4.2

Wis

Ekkewe presetenin klas ra angang won ewe mwichen apungupung an serafo non wart(nengeni 11.3.4.4). A pwan wor wisen ekkewe presetensin klas mi tetenitiw.

• Emweni an ewe klas angang weires ar repwe pachenong non ewe angangen amanaua me manau mi tekia (nengeni chapter 1).

• Sinei me anisi emon me emon foppun, pachenong ekkewe rese fifiti klas.

• Ota me ateten non mwichen klasin Raninfel (nengeni 11.2.1.2).

• Ota me fori angangen klas me pekin urumot (nengeni 11.2.1.3).

11.3.4.3

Mwichen Klasin Presetensi

Mwichen Foppun klas presetensi repwe chufengen iteitan. Ewe presetenin klas epwe ateteni ekkei mwich. Ekkewe souemwenin Mwichen Foppun mi mukono ra finita ar repwe anisi ewe klasin presetensi ra pwan fiti.

11.3.4.4

Mwichen Apungupungun Sarafo non Wart

Nengeni 29.2.6 ren pwan ekkoch porousan usun ewe mwichen apungupungun sarafo non wart.

11.6

Pwan Ekkoch Emwen me Annuk

11.6.1

Tumunun Serafo

Nupwen ekkewe mi mukono repwe chufengen me ekkewe serafo non ekkew napanapen mokutun Mwichefel, ita epwe chok mosor wor ruemon mi mukono repwe nom; Meni epwe namot ne ochufengen ekkewe klas an epwe fori ei an epwe tufich.

Meinisin mi mukono ra angang ngeni sarafo repwe awesano ewe trainin tumunun semirit me sarafo non ew maramen an ewe a ketiw (ProtectingChildren.ChurchofJesusChrist.org).