mitãkuñanguéra okápe

11.

Mujeres Jóvenes

11.1

Propósito ha Ñemohenda

11.1.1

Propósito

Mujeres Jóvenes organización oipytyvõ mitãkuñanguérape ojapo ha oñongatu hag̃ua umi konvénio sagrádo ha ombopypuku hag̃ua ikonversiõ Jesucristo ha Iñevanhéliope.

11.1.2

Mujeres Jóvenes Léma

“Che ha’e peteĩ yvagagua tuvakuéra rajy ajehayhuetéva, naturalésa divína ha destíno ijapyra’ỹva reheve.

“Jesucristo discípula-ramo, añeha’ã ajoguave hag̃ua Chupe. Aheka rrevelasiõ personal ha amba’e’apo upéva rupi ha aministra tapichakuérape Héra marangatúpe.

“Che ha’éta Tupã testigo opa ára ha opa mba’épe ha opa tendápe.

“Añeha’ã aja ahupyty exaltasiõ, amomba’eguasu arrepentimiento don ha añeha’ã ajapoporãve ára ha ára. Jerovia reheve, amombaretéta che róga ha che familia, ajapóta ha añongatúta umi konvénio sagrádo, ha arresivíta umi templo marangatu ordenánsa ha jehovasakuéra.”

11.1.3

Clase-kuéra

Mitãkuñanguéra oiko Mujeres Jóvenes clase miembro-ramo oñepyrũvo enero-pe upe ary okumplihápe 12 áño.

Obispado ha Mujeres Jóvenes liderkuéra kakuaáva ñembo’epópe odesidi mba’éichapa omohendáta umi clase eda rupi. Peteĩteĩ clase, taha’e ha’éva ituichakue, orekova’erã peteĩ presidenta ha, ikatúrõ, peteĩ térã mokõi konsehéra ha peteĩ secretaria.

11.2

Ojepartisipávo Salvasiõ ha Exaltasiõ Rembiapópe

11.2.1

Ojevivívo Jesucristo Evanhélio

11.2.1.2

Evanhéliope Ñemoarandu

Umi clase reunión ojejapo domingo mokõiha ha irundyha káda mes-pe. Umíva hi’are 50 aravo’i. Peteĩ clase presidencia-gua miembro omboguata. Ha’e oisãmbyhy clase-pe oje’évo pe léma ha oñemongeta oñondive umi asignasiõ ha ambue téma rehe.

Upéi peteĩ pe clase miembro térã líder kakuaáva oisãmbyhy pe evanhéliope ñemoarandu.

11.2.1.3

Servicio ha Actividakuéra

Umi servicio ha actividakuéra omopu’ãva’erã testimoniokuéra, omombarete familiakuérape, ofomenta clase ñembojoaju ha ome’ẽ oportunida ojehovasa hag̃ua tapichakuérape.

Oĩ umi servicio ha activida oikeva’erãháme mokõivéva, hombres jóvenes ha mujeres jóvenes, especialmente umi ijedavévape g̃uarã.

Umi Activida Anual Umi jóvenes actividakuéra jepiguáva ári mitãkuñanguéra opartisipa avei ko’ãvagui káda ary:

• Peteĩ Mujeres Jóvenes campamento (tojehecha Mujeres Jóvenes Campamento Gía).

• Peteĩ barrio térã estakagua Conferencia para la Juventud térã peteĩ Para la Fortaleza de la Juventud (PFJ) conferencia.

11.2.1.4

Jekakuaa Personal

Iñeha’ãme ha’eve hag̃ua pe Salvador-cha, ojejerure umi jóvenes-pe tomoĩ umi meta okakuaa hag̃ua espiritual, social, física ha intelectualmente (tojehecha Lucas 2:52).

Ojehupytyve hag̃ua marandu, tojehecha ChildrenandYouth.ChurchofJesusChrist.org.

11.2.2

Oñeñangarekóvo umi Oikotevẽva rehe

Umi mitãkuña oreko memeva’erã oportunida oservi hag̃ua ambuekuérape ifamiliakuérape ha ifamiliakuéra ndive, umi jóvenes activida aja, ha avei ijehegui.

11.2.2.1

Ministrasiõ

Peteĩ Mujer Joven ikatu orresivi ministrasiõ asignasiõ oñepyrũvo enero-pe, upe ary okumplihápe 14 áño. Ojehupytyve hag̃ua marandu, tojehecha capítulo 21.

11.2.3

Oñeinvitávo Opavavépe Orresivi hag̃ua pe Evanhélio

Mujeres Jóvenes oinvita opavavépe orresivi hag̃ua pe evanhélio “ha’évo Tupã testigo opa ára ha opa mba’épe ha opa tendápe” (Mosíah 18:9).

Túvakuéra ha umi líder oipytyvõkuaa mitãkuñanguérape oñembosako’ívo okomparti hag̃ua pe evanhélio hekove rupive.

11.2.4

Oñembojoajúvo Familiakuérape Tapiaite g̃uarã

Mitãkuñanguéra oipytyvõkuaa oñembojoaju familiakuérape tapiaite g̃uarã hetáicha.

• Omomorã ituvakuérape ha ha’e peteĩ ehémplo ovivívo tekove Cristo-icha hógape.

• Oñembosako’i orresivi hag̃ua templo ordenansakuéra, oikehápe avei ñemenda ijapyra’ỹva.

• Ojuhu ypykuéra oikotevẽva umi templo ordenánsa (tojehecha FamilySearch.org).

• Opartisipa bautismo ha confirmación umi omanova’ekuére py’ỹi ikatuháicha.

11.3

Barrio-gua Mujeres Jóvenes Liderkuéra

11.3.1

Obispado

Obispo rresponsabilida mba’eguasuvéva ha’e oñangareko ibarriogua mujeres jóvenes ha hombres jóvenes rehe. Ha’e ha ikonseherokuéra oikuaa herakuéra ha ontende hogakuerapegua situasiõ. Ha’ekuéra oñembyaty peteĩteĩ mitãkuñanguéra ndive mokõiha jepe káda ary ( tojehecha 31.3.1).

Obispo oreko rresponsabilida pe barrio-gua Mujeres Jóvenes organización-re. Ha’e oñembyaty meme Mujeres Jóvenes presidenta ndive.

Obispo ha ikonseherokuéra opartisipa meme umi Mujeres Jóvenes reunión, servicio, ha actividakuérape.

11.3.2

Umi Kakuaáva Mujeres Jóvenes Presidencia-pe

Obispo ohenói ha oaparta peteĩ kuña kakuaáva oservi hag̃ua barrio-gua Mujeres Jóvenes presidenta-ramo. Pe unida tuichaporãrõ, ha’e orrekomenda peteĩ térã mokõi kuñanguéra kakuaáva oñehenói hag̃ua ikonsehéraramo (tojehecha capítulo 30).

Umi unida michĩvape, Mujeres Jóvenes presidenta ikatu ha’e peteĩete líder kakuaáva oñehenóiva Mujeres Jóvenes organización-pe. Upérõ, ha’e omba’apo tuvakuéra ndive omohenda hag̃ua tekombo’e ha actividakuéra mujeres jóvenes-pe g̃uarã.

Peteĩ rráma ndorekóirõ Mujeres Jóvenes presidenta, Sociedad de Socorro presidenta omohendakuaa moaranduha Mujeres Jóvenes-pe g̃uarã oñehenói peve peteĩ Mujeres Jóvenes presidenta.

Mujeres Jóvenes presidenta oreko ko’ã rresponsabilida. Ikonseherakuéra oipytyvõ chupe.

• Oservi consejo de barrio-pe.

• Oservi consejo de jóvenes del barrio miembro-ramo (tojehecha 29.2.620}).

• Oministra peteĩteĩ mitãkuñanguérape.

• Ombo’e ambue Mujeres Jóvenes liderkuéra ha clase presidencia-kuérape irresponsabilida.

• Oñemongeta mitãkuñanguéra ndive umi py’ara’ãre noikotevẽiva obispo rehe térã ndaha’éiva avúso rehegua (tojehecha 32.3, 31.3.1, ha 38.6.2).

11.3.4

Clase Presidencia ha Secretaria

11.3.4.1

Oñehenói, Oñesostene ha Oje’apartávo

Peteĩteĩ Mujeres Jóvenes clase orekova’erã peteĩ clase presidencia.

Peteĩ obispado miembro ohenói peteĩ mitãkuñáme oservi hag̃ua peteĩ clase presidenta-ramo. Oĩrõ hetaporã mitãkuñanguéra oservi hag̃ua, ha’e ñembo’epópe okonsidera clase miembro-kuéra orrekomenda hag̃ua konseherakuéra ha peteĩ secretaria-rã.

Ojejapo rire ko’ã llamamiento, peteĩ obispado miembro opresenta mitãkuñanguéra clase-pe oñesostene hag̃ua. Obispo térã pe konsehéro oñeasignáva oaparta mitãkuñanguérape.

11.3.4.2

Rresponsabilidakuéra

Clase presidentakuéra oservi consejo de jvenes del barrio-pe (tojehecha 11.3.4.4). Clase presidencia-kuéra oreko avei ko’ã rresponsabilida:

• Oisãmbyhy umi clase ñeha’ã opartisipa hag̃ua salvasiõ ha exaltasiõ rembiapópe (tojehecha capítulo 1).

• Oikuaa porã ha oservi peteĩteĩ mitãkuñanguérape, oikévo umíva apytépe umi ndoasistíriva clase reunión-pe.

• Oplanea ha omboguata domingo-gua clase reunión (tojehecha 11.2.1.2).

• Oplanea ha ojapo umi servicio ha activida okápe clase-gui.

11.3.4.3

Clase Presidencia Reunión

Mujeres Jóvenes clase presidencia oñembyaty meme. Pe clase-gua presidenta omboguata umi reunión. Umi Mujeres Jóvenes líder kakuaáva oñeasignáva oipytyvõ hag̃ua clase presidencia-pe oasisti avei.

11.3.4.4

Consejo de Barrio Huventúpe g̃uarã

Tojehecha 29.2.6 ojehupytyve hag̃ua marandu consejo de barrio huventúpe g̃uarã rehegua.

11.6

Umi Páuta ha Norma Oñemoĩvéva

11.6.1

Oñemo’ãvo umi Imitãvape

Oĩ vove kakuaáva ointeractuáva umi imitãva ndive Tupao entorno-pe, mokõi kakuaáva rresponsáble oĩva’erã presente. Ikatu oñeikotevẽ oñekombina umi clase ikatu hag̃ua oiko upéva.

Opavave kakuaáva omba’apóva umi imitãva ndive ojapopava’erã pe ñembokatupyry mitã ha jóvenes ñemo’ãrã pe peteĩ mes oñesostene haguépe.ProtectingChildren.ChurchofJesusChrist.org).