Handbooks ac Kunohkohn
11. Muhtwacn Fuhsr

“11. Muhtwacn Fuhsr,” Ma Sulweyucklac ke General Handbook (2023).

“11. Muhtwacn Fuhsr,” Ma Suhlweyucklac ke General Handbook

muhtwacn fuhsr lihkihnihm

11.

Muhtwacn Fuhsr

11.1

Srihpac ac U

11.1.1

Srihpac

U luhn Muhtwacn Fuhsr kahsruh muhtwacn fuhsr oraclah ac karihngihn olwelah muhtahl ac ahkfokokoye luhlahlfongi lalos kacl Jisus Kraist ac wosasuc Lal.

11.1.2

Theme luhn Muhtwacn Fuhsr

“Nga pa tuhlihk muhtwacn nuhtin pahpah ninac inkuhsrao, ke srihpac lucng ac divine nature ac eternal destiny.

“In ekihn mwet tuhma lutlut se lal Jisus Kraist, nga kampare in oacna El. Nga suk ac orekma ke fwackyuck tuhkuh nuh sihk ac luti nuh sin mwet sahyac ke Inel.

“Nga e tu mwet in loh luhn God ke pacl nuhkwewa ac ke ma nuhkwewa ac ke acn nuhkwewa.

“Ke nga kampare in wi sun moul ma pahtpaht, nga engankihn mwe sang ke auliyak ac suk in wolac liki na ke ke lwen nuhkwewa. Ke luhlahlfongi, nga e ahkfokokoye acn sihk ac sucu luhk, oraclah ac karihngihn olwelah muhtahl, ac eis akwuck ac mwe sang tempuhl.”

11.1.3

Kuhlahs

Muhtwacn Fuhsr elos welah kuhlahs ke Muhtwacn Fuhsr muhtacwacack ke Jacnwacri ke yac se ma elos eklac yac 12.

Mwet ke pisraprik ac mwet mahtuh kol ke Muhtwacn Fuhsr suk kahsruh ke pruhe in sulwaclah in oraclah in wo kuhlahs fal nuh ke matwac. Kais sie kuhlahs, wiwi na pihsac, enenuh in oasr prestuhn se ac, fin kuh, sie kuh luo mwet in kahsruh ac mwet in sihm se.

11.2

Wi Oruh Orekma in Molwelah ac Ma Pahtpaht

11.2.1

Moulkihn Wosasuc luhn Jisus Kraist

11.2.1.2

Lutlutkihn Wosasuc

Toeni luhn kuhlahs orek ke Sacnri ahkluo ac ahkahkosr ke mahlwem se. Sahflah ke mihnit 50. Mempucr ke kuhlahs prestuhnsi el us toeni sacn. El kol kuhlahs sacn in fahk theme ac tuhkeni sramsram ke orekma enenuh in orek ac elyah sahyac.

Sie mempucr ke kuhlahs an kuh mwet kol mahtuh se kol mwe luti ke wosasuc.

11.2.1.3

Kuhlwacnsap ac Mukwikwi Sahyac

Kuhlwacnsap ac mukwikwi sahyac muhsahi luhlahfongi, ahkfokokoye sucu, oracni nuh sie kuhlahs sacn, ac sang inkacnek wowo in ahkinsewowoye mwet sahyac.

Kuhtuh kuhlwacnsap ac mukwikwi inge kuh in kewana mukul fuhsr ac muhtwacn fuhsr, yohk na nuh sin mwet fuhsr mahtuh kac an.

Mukwikwi nuh ke Yac. In weacng pacna mukwikwi kwacna orek luhn mwet fuhsr, muhtwacn fuhsr enenuh pac in wi ma inge ke kais sie yac:

  • Kacm luhn Muhtwacn Fuhsr (liye Young Women Camp Guide).

  • Kanfracns luhn mwet fuhsr ke ward kuh stek kuh kanfracns ke Mwe Ahkkweye Mwet Fuhsr [For the Strength of Youth] (FSY).

11.2.1.4

Kapwack Sifacna

Ke kampare lalos in oacna Mwet Lahngo, mwet fuhsr uh suliyuck in oraclah finsrak lalos in kapwack in nguhn, in sramsram, in mahno, ac in nuhnak (liye Luke 2:52).

In etuh yohk ke mwe ahkahlwemye se, liye ChildrenandYouth.ChurchofJesusChrist.org.

11.2.2

Karihngihn Elos suc Enenuh

Muhtwacn fuhsr enenuh in oasr inkacnek lalos in kuhlwacnsuhpuh mwet sahyac ke ac wi sucu lalos, ke pacl oasr mukwikwi orek luhn mwet fuhsr, ac nuh selos sifacna.

11.2.2.1

Luti

E oasr kunohkohn in forfor luti muhtwacn fuhsr e eis muhtwacwacack ke Jacnwacri ke yac se elos yac 14. In etuh yohk ke mwe ahkkahlwemye se, liye sapta 21.

11.2.3

Suli Nuhkwewa in Eis Wosasuc

Muhtwacn fuhsr elos suli nuhkwewa in eis wosasuc ke elos “tu oacna mwet loh luhn God pacl nuhwkewa ac ke ma nuhkwewa, ac ke acn nuhkwewa” (Mosiah 18:9).

Pahpah ninac ac mwet kol kuh in kahsruh muhtwacn fuhsr in ahkolah in akacsruhi ke wosasuc ke moul lalos nohfohn.

11.2.4

Oracni Sucu nuh Tok Ma Pahtpaht

Muhtwacn fuhsr kuh in kahsruh oracni sucu nuh tok ma pahtpaht ke ohiyac puhs.

  • Ahkfuhlwactye pahpah ninac tuhmwaclos ac kiaclos ac akiyac srihkasrak wowo oacna Kraist in lohm selos.

  • Ahkolah in eis akwuck lin tempuhl, ma macruht ma pahtpaht el oasr kac.

  • Sokwack mwet mahtuh somlah ma enenuh akwuck tempuhl (liye FamilySearch.org).

  • Wi oruh orekma ke pacptais ac ac ahkkweyeyucklac luhn mwet misac pacl nuhkwewa ma orek uh fin lwelah.

11.3

Mwet Kol Muhtwacn Fuhsr ke Ward

11.3.1

Pisraprik

Kunohkohn yohk se luhn pisrap pa in lohacng nuh sin muhtwacn fuhsr ac mukul fuhsr ke ward se lal ingacn. El ac mwet in kahsruh lal an lotwelah inelos ac etuh yohk ke elyah in sucu lalos. Elos ohsun nuh sin muhtwacn fuhsr kuh in sahp pacl luo in yac se (liye 31.3.1).

Oasr ma kunacl pisrap nuh ke u luhn Muhtwacn Fuhsr ke ward sacn. El ohsun nuh sin prestuhn luhn Muhtwacn Fuhsr pacl nuhkwewa.

Pisrap ac mwet in kahsruh lal enenuh in kwacna wi miting, kuhlwacnsap, ac mukwikwi luhn Muhtwacn Fuhsr.

11.3.2

Mwet mahtuh kol Muhtwacn Fuhsr

Pisrap el pahngon ac sang kuh nuh sin sie muhtwacn mahtuh in ekihn prestuhn luhn Muhtwacn Fuhsr. Fin puhs kuhtuh u se ingacn, elac lwelah sie kuh luo pac muhtwacn mahtuh in weluhl ekihn mwet in kahsruh lal (liye sapta 30).

Fin u srihsrihk se, prestuhn luhn Muhtwacn Fuhsr kuh in mwet se fana mwet mahtuh ma kol u luhn Muhtwacn Fuhsr. Ke ohiyac se inge, el orekma wi pahpah ac ninac in oracni mwe lutlut ac mukwiki luhn muhtwacn fuhsr inge.

Fin wacngihn prestuhn luhn Muhtwacn Fuhsr ke pracns se inge, prestuhn luhn Rilif Sosaiti kuh in oracni mwe lutlut luhn muhtwacn fuhsr nekena oasr prestuhn luhn Muhtwacn Fuhsr.

Prestuhn luhn Muhtwacn Fuhsr oruh kunohkohn ten inge: Mwet in kahsruh lal kahsrel.

  • Kuhlwacnsap ke u in eis ac sang kahsruh ke ward.

  • Kuhlwacnsap ekihn mempucr se luhn mwet fuhsr ma eis ac sang kahsruh ke ward (liye 29.2.6).

  • Luti nuh sin kais sie muhtwacn fuhsr.

  • Luti mwet kol sahyac luhn Muhtwacn Fuhsr ac prestuhnsi ke kuhlahs ma kunaclos.

  • Kahsruh muhtwacn fuhsr ke ma upac ma tiac enenuh pisap kuh ma luhn ahkkoluk (liye 32.3, 31.3.1, ac 38.6.2).

11.3.4

Prestuhnsi ke Kuhlahs ac Mwet in Sihm

11.3.4.1

Pahngonyuck, Ahkkweyeyucklac, ac Sulweyucklac nuh ke Kunohkohn se

Kais sie kuhlahs ke Muhtwacn Fuhsr enenuh in oasr prestuhnsi kac.

Mempucr se ke pisraprik pahngon muhtwacn fuhsr se in ekihn prestuhn luhn kuhlahs sacn. Fin puhs muhtwacn fuhsr in kuhlwacnsap, pruhe siyuck kolyuck in sulwaclah mwet in kahsruh ac mwet in sihm ke kuhlahs ingacn.

Tukun sang kunohkohn inge, sie mwet ke pisraprik ahkkahlwemye muhtwacn fuhsr inge nuh sin kuhlahs sacn ke ahkkweyeyuck. Pisap kuh mwet in kahsruh srihsrngiyucki se sulwaclah muhtwacn fuhsr sacn nuh ke kunohkohn sacn.

11.3.4.2

Kunohkohn

Prestuhn luhn kuhlahs kuhlwacnsap ke u in eis ac sang kahsruh luhn mwet fuhsr ke ward sacn (liye 11.3.4.4). Prestuhnsi ke kuhlahs elos oacyacpac oruh kunohkohn inge:

  • Kol kuhlahs sacn in wi oruh orekma in molwelah ac ma pahtpaht (liye sapta 1).

  • Srihke in etwaclah ac kuhlwacnsuhpuh kais sie muhtwacn fuhsr, finne nuh kaclos suc tiac tuhkuh nuh ke kuhlahs.

  • Plwacn ac ahkfahsrye toeni in kuhlahs ke Sacnri (liye 11.2.1.2).

  • Plwacn ac ahkfahsrye kuhlwacnsap ac mukwikwi ke kuhlahs sacn (liye 11.2.1.3).

11.3.4.3

Miting luhn Prestuhnsi ke Kuhlahs

Prestuhnsi ke kuhlahs in Muhtwacn Fuhsr kwacna toeni. Prestuhn luhn kuhlahs kol miting sacn. Mwet mahtuh se ma kol Muhtwacn Fuhsr ma srihsrngiyucki in kahsruh prestuhnsi luhn kuhlahs ah enenuh pac in wi.

11.3.4.4

Toeni in eis ac sang kahsruh luhn Mwet Fuhsr ke Ward

Liye 29.2.6 nuh ke mwe ahkkahlwemye ke u in eis ac sang kahsruh luhn mwet fuhsr ke ward.

11.6

Kuhtuh Mwe Kol ac Masap

11.6.1

Karihngihn Mwet Fuhsr

Ke mwet mahtuh elos ohsun nuh sin mwet fuhsr ke mukwikwi luhn Alu, enenuh in mwet mahtuh luo oasr. Kuh pac in orekeni kuhlahs ingacn in ma sefanna in muh fihsrwacsr.

Mwet mahtuh nuhkwewa ma orekma wi tuhlihk fuhsr enenuh in ahksahfyelah trein nuh ke karihngihnyen tuhlihk ac mwet fuhsr ke lusen mahlwem se fah ahkkweyeyucklac el (liyeProtectingChildren.ChurchofJesusChrist.org).