familia ojokóvo umi escritura

12.

Primaria

12.1

Propósito ha Ñemohenda

Primaria ha’e peteĩ organización oñesentráva ógape, ha oñembojepytasóva Tupaóre. Ha’e mitãnguérape g̃uarã orekóva 18 mése guive 11 áño peve.

12.1.1

Propositokuéra

Primaria oipytyvõ mitãnguérape:

• Oñandúvo Itúva Yvagagua mborayhu ha oñemoarandu Ivy’apavẽ plan-pe.

• Oñemoarandúvo Jesucristo ha Ifunsiõ Túva Yvagagua plan-pe.

• Oñemoarandu ha ovivívo Jesucristo evanhélio.

• Oñandu ha ohechakuaávo Espíritu Santo influencia ha omba’e’apo upéva rupi.

• Oñembosako’ívo, ojapo hag̃ua ha oñongatúvo umi konvénio sagrádo.

• Opartisipávo salvasiõ ha exaltasiõ rembiapópe.

12.1.3

Clase-kuéra

Oĩháme heta porã mitãnguéra, oñemboja’o hikuái clase-pe eda orekoháicha.

Mitãnguéra ohasa jepi Primaria-gui Mujeres Jóvenes térã diákono kórumpe enero pe ary okumplihápe 12 áño.

12.1.4

Puraheirã Ára

Puraheirã ára oipytyvõ mitãnguérape oñandúvo Túva Yvagagua mborayhu ha oñemoarandu Ivy’apavẽ plan-pe. Mitãnguéra opurahéi aja evanhélio principio-kuéragui, pe Espíritu Santo otestifika hi’añeteguágui.

Primaria presidencia ha música líder oiporavo umi purahéi peteĩteĩ mes-pe g̃uarã omombarete hag̃ua umi evanhélio principio mitãnguéra oñemoarandúvape i-clase ha hogakuérape.

12.1.5

Guardería

Guardería-pe oñeipytyvõ mitãnguérape orekóva 18 mése guive 3 áño peve oñandúvo Túva Yvagagua mborayhu ha oñemoarandu hag̃ua Ivy’apavẽ plan-pe.

12.2

Ojepartisipávo Salvasiõ ha Exaltasiõ Rembiapópe

12.2.1

Ojevivívo Jesucristo Evanhélio

12.2.1.2

Evanhéliope Ñemoarandu

Domingo-gua Primaria Rreuniõnguéra. Peteĩ Primaria-gua presidencia miembro omboguata pe apertura.

Pe horario ha’e kóicha:

Rreuniõ Parte	Pukukue
Rreuniõ Parte Apertura (ñembo’e, escritura térã Artículo de Fe, ha discurso—opaite oñeme’ẽva mitã rupi)	Pukukue 5 minuto
Rreuniõ Parte Puraheirã Ára	Pukukue 20 minuto
Rreuniõ Parte Transisiõ umi clase-pe	Pukukue 5 minuto
Rreuniõ Parte Umi clase ha ñembo’e paha	Pukukue 20 minuto

Guardería mitãnguérape g̃uarã orekóva 18 mése guive 3 áño peve odura 50 minuto. Mirad a vuestros pequeñitos ome’ẽ peteĩ horario ojesuheríva.

Mitãnguéra Presentación Reunión Sacramental-pe. Mitãnguéra presentación anual reunión sacramental-pe ojejapo umi mes paha arypeguápe.

Primaria-gua presidencia ha música líder ñembo’epópe oplanea pe presentación. Pe obispado ome’ẽ gía ha orientasiõ. Mitãnguéra ikatu opurahéi, ome’ẽ discurso, ha okomparti ñemombe’u, escritura térã testimoniokuéra.

Rreuniõ ñembosako’irã templo ha sacerdocio-pe g̃uarã. Primaria-gua presidencia oplanea peteĩ rreuniõ ñembosako’irã templo ha sacerdocio-pe g̃uarã káda ary. Obispado ome’ẽ gía ha orientasiõ. Pe rreuniõ ha’e mitãnguérape g̃uarã orekóva 10 áño. Tuvakuéra oĩ invitado.

12.2.1.3

Servicio ha Actividakuéra

Oñepyrũvo enero guive upe ary okumplihápe 8 áño, mitãnguéra ikatu oñepyrũ oasistívo Primaria actividakuérape.

Primaria actividakuéra ojejapo ára ndaha’éiva Domingo ni Lunes pyhare.

• Primaria actividakuéra ojejapo mokõi jave káda mes ikatúrõ.

• Mitã’i ha mitãkuña’i oñerreuni jepi separado. Upevére, oĩ activida ha’ekuéra ikatúvape oĩ oñondive térã tenda oiháme pokã mitãnguéra.

Obispado ohecha umi activida ha presupuesto mitã’i ha mitãkuña’ime g̃uarã taheta porã ha taijoja.

12.2.1.4

Jekakuaa Personal

Iñeha’ãme ha’eve hag̃ua pe Salvador-cha, oñeinvita mitãnguérape—ary oreko guive 8 áño—oñemoĩ hag̃ua hikuái umi méta okakuaa hag̃ua espiritual, social, física ha intelectualmente (tojehecha Lucas 2:52).

Ha’ekuéra oiporukuaa Desarrollo personal: Guía para los niños omoĩ ha ohai hag̃ua umi méta.

12.3

Barrio-gua Primaria Liderkuéra

12.3.1

Obispado

Pe obispo rresponsabilida tuichavéva ha’e umi ñemoñare oúva ndive g̃uarã, oikehápe mitãnguéra. Obispo oasignakuaa peteĩ konsehérope oipytyvõ hag̃ua chupe irresponsabilida Primaria ndive g̃uarã. Pe obispo térã peteĩ konsehéro oñeasignáva mante oñerreuni Primaria-gua Presidenta ndive.

Obispo ha ikonsehéro oasisti meme Primaria-pe.

12.3.2

Primaria Presidencia

Obispo ohenói ha oaparta peteĩ kuña kakuaáva oservi hag̃ua barrio-gua Primaria presidenta-ramo.

Peteĩ unida michĩvape, upe Primaria presidenta ikatu ha’e líder peteĩnte Primaria-pe. Upéicharamo, ha’e omba’apo tuvakuéra ndive omohenda hag̃ua umi mbo’epy, puraheirã ára ha actividakuéra. Pe unida tuicha porãramo, ikatu ambue llamamiento oñemyanyhẽ ko ñemohendápe: konseherakuéra, música líder, mbo’eharakuéra ha guardería líder, secretaria, ha activida liderkuéra.

Primaria presidencia oipytyvõ tuvakuérape ombosako’ívo mitãnguérape oike ha okakuaa hag̃ua konvénio rapére.

Okumpli hag̃ua upéva, Primaria presidenta ikatu oasigna peteĩ hermana presidencia-gua miembro-pe oipytyvõ hag̃ua tuvakuérape ombosako’ívo ita’yrakuérape ojebautisa ha oñekonfirma hag̃ua. Primaria presidenta ikatu oasigna ambue hermana presidencia-gua miembro-pe oipytyvõ hag̃ua tuvakuérape ombosako’ívo ita’yrakuérape templo ha sacerdocio-rã.

Primaria presidenta orekove ko’ã rresponsabilida. Ha ikonseherakuéra oipytyvõ chupe.

• Oservi consejo de barrio-pe.

• Ojapo meme Primaria presidencia rreuniõ ha oñerreuni obispo térã ikonsehéro oñeasignáva ndive.

• Oipytyvõ oplaneávo servicio bautismal umi mitã oĩva inscrito-pe g̃uarã ojejerurérõ chupe (tojehecha 18.7.2).

• Oplanea ha omboguata Primaria rreuniõ Domingo-gua ñepyrũmby.

• Oministra peteĩteĩ Primaria-gua mitãnguéra, mbo’ehára ha liderkuérape.

• Ombo’e Primaria líder ha mbo’eharakuérape irresponsabilida ha oipytyvõ chupekuéra umívape ome’ẽvo orientasiõ illamamientope (tojehecha Enseñar a la manera del Salvador [2016], 38).

• Osupervisa Primaria registro, momarandu, presupuesto ha finánsa.

12.3.4

Música Líder ha Pianista

Pe música líder ha pianista ombo’e mitãnguérape Jesucristo evanhélio música rupive puraheirã árape.

Ndaipóriramo peteĩ pianista térã piano, liderkuéra oiporukuaa umi grabación.

12.3.5

Mbo’ehára ha Guardería Liderkuéra

Primaria presidencia orrekomenda obispado-pe kuimba’e ha kuña oservi hag̃ua umi Primaria mbo’ehára ha guardería liderkuéra ramo. Ko’ã miembro oñehenói ombo’e ha oministra hag̃ua mitãnguéra eda rupi aty específico-pe.

Primaria mbo’eharakuéra ha guardería líder ombo’e Eju, Chesegi—Primaria-pe g̃uarã (eda 3-11) ha Mirad a vuestros pequeñitos (guardería-gui).

12.3.6

Activida Liderkuéra

Primaria activida liderkuéra oministra mitãnguérape oplaneávo umi servicio ha activida oñepyrũvo enero-pe upe ary mitãnguéra okumplihápe 8 áño (tojehecha 12.2.1.3). Umi servicio ha activida oñesentra salvasiõ ha exaltasiõ rembiapópe. Umíva oporombovy’a ha oporombopy’arory.

12.5

Umi Páuta ha Norma Oñemoĩvéva

12.5.1

Oñemo’ãvo Mitãnguérape

Oĩ vove kakuaáva omba’e’apóvo mitãnguéra ndive Tupaópe, oĩva’erã presente upépe mokõi kakuaáva rresponsable jepe.

Opavave kakuaáva omba’apóva mitãnguéra ndive ojapopava’erã mitãnguéra ha imitãva ñemo’ã ñembokatupyry peteĩ mes oñesostene haguépe (ProtectingChildren.ChurchofJesusChrist.org).