Handbooks ac Kunohkohn
12. Tuhlihk Sihsrihk

“12. Tuhlihk Srihsrihk,” Ma Sulweyucklac ke General Handbook (2023).

“12. Tuhlihk Srihsrihk,” Ma Sulweyucklac ke General General Handbook

sucu sruok ma suhmuhslah

12.

Tuhlihk Srihsrihk

12.1

Srihpac ac U

Tuhlihk Srihsrihk pa liyeyuck yohk ke lohm se, u se ahkweyeyuck sin Alu. Ma nuh sin tuhlihk srihsrihk matwac mahlwem 18 nuh ke yac 11.

12.1.1

Srihpac

Tuhlihk Srihsrihk kahsruh tuhlihk:

  • Puhla luhngse luhn Pahpah Inkuhsrao ac luti ke placn in engan Lal.

  • Luti kacl Jisus Kraist ac ma Kunacl ke placn lal Pahpah Inkuhsrao.

  • Lutlutkihn ac moulkihn wosasuc luhn Jisus Kraist.

  • Puhla, etuh, ac orekma nuh ke pihrihk luhn Nguhn Muhtahl.

  • Ahkolah nuh kac, oraclah, ac karihngihn olwelah muhtahl.

  • Wi oruh orekma in molwelah ac ma pahtpaht.

12.1.3

Kuhlahs

Fin puhslac tuhlihk, elos kihtakatwelihk nuh ke kuhlahs fal nuh ke matwaclos.

Tuhlihk uh e muh som tilac wi Tuhlihk Srihsrihk som nuh ke Muhtwacn Fuhsr kuh u luhn deacon ke Jacnwacri yac se elos eklac yac 12.

12.1.4

Pacl in On

Pacl in on kahsruh tuhlihk srihsrihk in puhla luhngse luhn Pahpah Inkuhsrao ac lutlutkihn placn in engan Lal. Ke tuhlihk uh onkihn mwe luti ke wosasuc, Nguhn Muhtahl el ahkkweye ke pwacyeiyac.

Prestuhnsi luhn Tuhlihk Srihsrihk ac mwet in kol on sulaclah on nuh ke kais sie mahlwem in pahtok mwe luti ke wosasuc ma tuhlihk inge lutlutkihn ke kuhlahs lalos ac in lohm selos.

12.1.5

Acn luhn Ahwowo

Acn luhn ahwowo kahsruh tuhlihk srihsrihk mahlwem 18 nuh ke yac 3 in puhla luhngse luhn Pahpah Inkuhsrao ac lutlutkihn placn in engan Lal.

12.2

Wi oruh Orekma in Molwelah ac Ma Pahtpaht

12.2.1

Moulkihn Wosasuc luhn Jisus Kraist

12.2.1.2

Lutlutkihn Wosasuc

Toeni luhn Tuhlihk Srihsrihk ke Sacnri. Sie mwet ke prestuhnsi luhn Tuhlihk Srihsrihk kol muhtwacwacack.

Pa inge atacn toeni sacn:

Ipin toeni

Lusac

Ipin toeni

Ikacslah (pruhe, ma suhmuhslah, Ip Yohk ke Luhlahlfongi, ac sramsram—nohfohn orek sin tuhlihk)

Lusac

Mihniht 5

Ipin toeni

Pacl in on

Lusac

Mihnit 20

Ipin toeni

Ayaol nuh ke kuhlahs

Lusac

Mihnit 5

Ipin toeni

Kais sie kuhlahs ac pruhe in kaliyac

Lusac

Mihnit 20

Acn in ahwowo nuh sin tuhlihk srihsrihk matwac mahlwem 18 nuh ke yac 3 sahflah tukun mihinit 50. IBehold Your Little Ones oraclah atac se in ukweyuck.

Luti luhn Tuhlihk ke Pacl in Eis kuhfa luhn Leum. Pacl sefanna tuhlihk uh oruh luti lalos ke pacl in eis kuhfa luhn Leum orek ke mahlwem sahflah ke yac se.

Prestuhnsi luhn Tuhlihk Srihsrihk ac mwet in kol on elos pruhe plwacni atacn luti se lalos inge. Pisaprik sang kolyuck. Tuhlihk kuh in on, oruh sramsram, ac akacsruhi ke pohloh sramsram, ma suhmuhslah, kuh fahkwack luhlahlfongi.

Toeni in Tempuhl ac Ahkolah Pristut. Prestuhnsi ke Tuhlihk Srihsrihk plwacnelah miting se ke Tempuhl ac Ahkolah nuh ke Pristut ke yac se. Pisaprik sang kolyuck. Miting se inge ma nuh sin tuhlihk matwac yac 10. Pahpah ninac elos suliyuck nuh kac.

12.2.1.3

Kuhlwacnsap ac Mukwikwi

Muhtwacwacack ke Jacnwacri ke yac se elos yac 8, tuhlihk kuh in muhtwacwacack wi mukwikwi luhn Tuhlihk Srihsrihk.

Mukwikwi luhn Tuhlihk Srihsrihk inge orek pacl sahyacn Sacnri kuh ekuh in Mante.

  • Mukwikwi luhn Tuhlihk Srihsrihk inge orek pacl luo ke mahlwem se fin kuh.

  • Mukul ac muhtwacn elos fahsrwelihk. Kuhtuh pacl uh, elos kuh in toeni ke kuhtuh mukwikwi sahyac kuh ke kuhtuh acn ma suhpuhs tuhlihk uh.

Pisaprik el enenuh in liye lah budget ac mukwikwi luhn mukul ac muhtwacn ke Tuhlihk Srihsrihk inge yolyak ac fal.

12.2.1.4

Kapwack luhn Sie

Ke kampare lalos in oacna Mwet Lahngo, tuhlihk uh—muhtwacwacack ke yac se elos eklac yac 8—elos suliyuck in oraclah finsrak lalos ke nguhn, luhmah, mahno, ac in lahlmwetmwet (liye Luke 2:52).

Elos kuh in orekmakihn Personal Development: Children’s Guidebook in oraclah ac rikohrti finsrak inge.

12.3

Mwet Kol luhn Tuhlihk Srihsrihk ke Ward

12.3.1

Pisraprik

Kunohkohn yohk se luhn pisap som nuh ke fihl se mahtuhlah inge, suc pa tuhlihk uh. Pisap el kuh in kuniyac mwet in kahsruh se in kahsrel ke ma kunacl yurin Tuhlihk Srihsrihk. Pisap kuh mwet in kahsruh se el srihsrngiyac inge kwacna ohsun sin prestuhn luhn Tuhlihk Srihsrihk.

Pisap ac mwet in kahsruh lal enenuh in wi toeni luhn Tuhlihk Srihsrihk.

12.3.2

Prestuhnsi luhn Tuhlihk Srihsrihk

Pisap el pahngon ac sulwacl mwet mahtuh se in kuhlwacnsap ekihn prestuhn luhn Tuhlihk Srihsrihk.

Fin u srihsrihk se, prestuhn luhn Tuhlihk Srihsrihk el kuh in muhkena kol Tuhlihk Srihsrihk. Ke ohiyac se inge, el orekma wi pahpah ninac in akiyac mwe luti, pacl in on, ac mukwikwi in orek. Fin u sacn yohk kuhtuh, kunohkohn sahyac kuh in pahongyuck ke tahk se inge: mwet in kahsruh, mwet in kol on, mwet luti ac mwet in kol tuhlihk ahwowo, mwet in sihm, ac mwet in kol sritacl kuh mukwikwi.

Prestuhnsi luhn Tuhlihk Srihsrihk kahsruh pahpah ninac in ahkoelah tuhlihk in utyak ac kuhtanglah inkacnek in olwelah.

In ahkfahsryelah ma se inge, prestuhn luhn Tuhlihk Srihsrihk kuh in kunweyac sie mempucr ke prestuhnsi in kahsruh pahpah ninac ahkoelah tuhlihk nahtuhlos in pacptaislac ac ahkkweyeyucklac. Prestuhn luhn Tuhlihk Srihsrihk enenuh in srihsrngiyac sie mwet ke prestuhnsi in kahsruh pahpah ninac in ahkolah nuh tempuhl ac pristutut nuh sin tuhlihk nahtuhlos.

Kunohkohn luhn prestuhn ke Tuhlihk Srihsrihk pa inge: Mwet in kahsruh lal suhpanguhl.

  • Kuhlwacnsap ke u in eis ac sang kahsruh luhn ward.

  • Ahkfahsrye miting in orek nuh sin prestuhnsi luhn Tuhlihk Srihsrihk pacl nuhkewa ac ohsun sin pisap kuh mwet in kahsruh lal.

  • Kahsruh plwacnelah atacn pacptais nuh sin tuhlihk ke pacl elos sun fin siyuckyuck (liye 18.7.2).

  • Plwacni ac us toeni luhn Tuhlihk Srihsrihk ke Sacnri.

  • Luti nuh sin kais sie tuhlihk, mwet luti, ac mwet kol luhn Tuhlihk Srihsrihk.

  • Luti mwet kol luhn Tuhlihk Srihsrihk ac mwet luti kunohkohn lalos ac kahsrelos ahkuhtweyac atacn kunohkohn lalos ingacn (liye Teaching in the Savior’s Way [2016], 38).

  • Liye records, ripohrts, budget, kuh orekmakihnyacn mani luhn Tuhlihk Srihsrihk.

12.3.4

Mwet in Kol On ac Mwet Ohkohn

Mwet in kol on ac mwet ohkohn luti tuhlihk uh wosasuc luhn Jisus Kraist ke pacl in on.

Fin mwet ohkohn se wacngihn, mwet kol kuh in orekmakihn on rikohrtiyucki.

12.3.5

Mwet Luti ac Mwet Kol luhn Ahwowo

Prestuhnsi ke Tuhlihk Srihsrihk siyuck sin mukul ke pisaprik kuh muhtwacn in kuhlwacnsap ekihn mwet luti luhn Tuhlihk Srihsrihk ac mwet kol luhn ahwowo. Mempucrs inge elos pahngonyuck in luti ac muhtwacta nuh sin matwac solac se u in tuhlihk se.

Mwet kol luhn Tuhlihk Srihsrihk ac ahwowo luti ke Fahsruh, Fahsr Tukuk—nuh sin Tuhlihk Srihsrihk (yac 3–11) ac Behold Your Little Ones (ahwowo).

12.3.6

Mwet in kol Mukwikwi

Mwet in kol mukwikwi luti tuhlihk uh ke elos plwacnelah kuhlwacnsap ac sritacl elos e oruh muhtwacwacack ke Jacnwacri se ma elos eklac yac 8 (liye 12.2.1.3). Kuhlwacnsap ac mukwikwi siac orekma in molwelah ac ma pahtpaht. Elos pwacr ac alken.

12.5

Kuhtuh Mwe Kolyuck ac Masap

12.5.1

Karuhnguhnwacng Tuhllihk uh

Ke mwet mahtuh elos ohsun sin tuhlihk uh lohm Alu, fin kuh mwet mahtuh luo enenuh in oasr.

Mwet mahtuh nuhkwewa ma wi tuhlihk kuh mwet fuhsr orekma uh enenuh in ahksahfyelah trein nuh ke karihngihnyen tuhlihk ac mwet fuhsr ke lusen mahlwem se fah ahkkweyeyucklac (ProtectingChildren.ChurchofJesusChrist.org).