12.

Būraimere

12.1

Kōttōpar eo im Doulul eo

Būraimere ej juon doulul pedped ilo m̧weo, rie jān Kabun̄. Būraimere ej n̄an ajri ro 18 allōn̄ n̄an 11 iiō.

12.1.1

Kōttōbar ko

Būraimere ej jipan̄ ajri ro:

• En̄jake iakwe eo an Jemeer Ilan̄ im ekkatak kōn karōk in m̧ōņōņō eo An.

• Ekkatak kōn Jisōs Kraist im jerbal eo An ilo karōk eo an Jemādwōj Ilan̄.

• Ekkatak im mour kōn gospel eo an Jisōs Kraist.

• En̄jake, kile, im kōm̧m̧an ekkar n̄an im̧we eo an Jetōb Kwojarjar.

• M̧aanjabpopo n̄an, kōm̧m̧an, kōjparok bujen ko rekwojarjar.

• Bōk koņaadn ilo jerbal in lo̧mo̧o̧r eo an Anij im mour ijo eutiej tata.

12.1.3

Kūlaaj ko

N̄e ebwe uwaan ajri ro, remaron̄ kajimettane kūlaaj ko pedped ioon iiō ko aer.

Eitien aolep iien ajri ro rej em̧m̧akūt jān Būraimere n̄an Doulul eo an Jiron̄ ro ak doulul eo an tikōn ro ilo Jānwōde in iiō eo rej tōpar 12.

12.1.4

Iien Al

Iien al ej jipan̄ ajri ro rej en̄jake iakwe eo an Jemedwōj Ilan̄ im ekkatak kōn karōk in m̧ōņōņō eo An. Ilo an ajri ro al kōn pedped in katak ko an gospel eo, Jetōb Kwojarjar eo ej kam̧ool kōn m̧ool ko aer.

Būraimere būreejtōnji eo im ritōl al eo rej kāāleti al ko n̄an kajjojo allōn̄ n̄an kakijin̄en̄eikļok pedped in katak ko an gospel eo me ajri ro rej ekkatak ilo kūlaaj ko aer im ilo m̧weo.

12.1.5

Nursery eo

Nursery ej jipan̄ ajri ro me 18 aer allōn̄ ļo̧k n̄an jilu rej en̄jake iakwe eo an Jemedwōj Ilan̄ im ekkatak kōn karōk in m̧ōņōņō eo An.

12.2

Bōk Koņaad ilo Jerbal in Lo̧mo̧o̧r eo an Anij im Mour Ijo Eutiej Tata

12.2.1

Mour kōn Gospel eo an Jisōs Kraist

12.2.1.2

Ekkatak Gospel eo

Kweilo̧k ko an Būraimere ilo Jabōt Juon membōr in būreejtōnji eo an Būraimere ej kōjeikik iien kōppeļļo̧k eo.

Jikejuuļ in ej āinwōt in:

M̧ōttan in Kweilo̧k eo	Aitokan
M̧ōttan in Kweilo̧k eo Kōppeļļo̧k (jar, juon eoon ak Laajrak in Tōmak ko, im juon kōnono—rej aolep kōm̧m̧an jān ajri ro).	Aitokan 5 minit
M̧ōttan in Kweilo̧k eo Iien al eo	Aitokan 20 minit
M̧ōttan in Kweilo̧k eo Iien Jānij n̄an kūlaaj ko	Aitokan 5 minit
M̧ōttan in Kweilo̧k eo Iien kūlaaj ko im jar in ikkilōk	Aitokan 20 minit

Nursery ej n̄an ajri ro dettaer 18 allōn̄ n̄an 3 iiō aitokan ej 50 minit. Behold Your Little Ones ej letok juon jikejuuļ kar elmakote.

Iien Kwaļo̧k eo an Ajri ro ilo Kweilo̧k in Kwojkwoj eo. Iien kwaļo̧k eo an ajri ro ilo kweilo̧k in kwojkwoj eo iiō otemjej ej kōm̧m̧an ilo allōn̄ ko āliktata in juon iiō.

Būraimere būreejtōnji eo im ritōl al eo rej jar ilo karōk iien kwaļo̧k eo. Bisoprik eo ej leļo̧k tōl. Ajri ro remaron̄ al, kwaļo̧k kōnono ko, im kwaļo̧k bwebwenato ko, eoon ko, ak naan in kam̧ool ko.

Tampeļ im Kweilo̧k in Kōppopo n̄an Priesthood Būraimere būreejtōnji eo ej karōk juon kweilo̧k in Maanjabpopo an tampeļ im Priesthood eo kajjojo iiō. Bisoprik eo ej leļo̧k tōl. Kweilo̧k in ej n̄an ajri ro 10 aer iiō. Jinen im jemān ajri ro rej ruwainene.

12.2.1.3

Jerbal in Jipan̄ im M̧akūtkūt ko

Jino ilo Jānwōde in iiō eo rej tōpar 8, ajri ro remaron̄ jino etal n̄an m̧akūtkūt ko an Būraimere.

Būraimere m̧akūtkūt ko rej kōm̧m̧an ilo iien ko ijello̧kin Jabōt ko ak joteenin M̧ande ko.

• Būraimere m̧akūtkūt ko rej kōm̧m̧an ruo alen juon allōn̄ n̄e emaron̄.

• Ļaddik ro im leddik ro ekkā an jepeļļo̧k aer ippān doon. Mekarta, remaron̄ koba n̄an jet m̧akūtkūt ko ak ilo jikin ko me eietļo̧k ajri ro ie.

Bisoprik eo ej kanooj lale bwe bajet eo im m̧akūtkūt ko n̄an ļaddik ro im leddik ro ilo Būraimere rōbwe im jon̄an wōt juon.

12.2.1.4

Eddōkļo̧k An Juon Make

Ilo kijejeto ko aer n̄an eromļo̧k āinwōt Rilo̧mo̧o̧r eo, ajri ro—jino ilo iiō eo rej tōpar 8—rej karuwaineneik er n̄an kōm̧m̧ani kōttōpar ko n̄an eddōkļo̧k ilo jetōb, iaio, kanniōk, im jeļāļo̧kjeņ (lale Luk 2:52).

Remaron̄ kōjerbal Personal Development: Children’s Guidebook n̄an kōm̧m̧an im ļo̧o̧ke kōttōpar ko.

12.3

Ward Būraimere Ritōl

12.3.1

Bisoprik eo

Eddo eo aorōk tata an bisop eo ej n̄an diktak in epepen eo, ekoba ajri ro. Bisop eo emaron̄ jitōn̄ juon rikakpilōklōk n̄an jipan̄ ilo eddo eo an n̄an Būraimere. Bisop eo ak rikakpilōklōk eo em̧ōj jitōn̄e e rej kweilo̧k ippān būreejtōn eo an Būraimere emakijkij.

Bisop eo im rikakpilōklōk ro an rej etal n̄an Būraimere iien otemjej.

12.3.2

Būraimere Būreejtōnji

Bisoprik eo ej kūr im kōjenolo̧k juon kōrā erūtto n̄an jerbal āinwōt ward Būraimere būreejtōn eo.

Ilo juon iunit eo edik, Būraimere būreejtōn eo emaron̄ e wōt ritōl kar kūri ilo Būraimere. Ilo jekjek in, liin ej jerbal ippān jinen im jemān ro n̄an karōk katak ko, iien al eo, im m̧akūtkūt ko. Eļan̄n̄e iunit eo ebwe an kilep, bar jet kūr ko remaron̄ in kanni ilo ellaajrak in: rikakpilōklōk ro, ritōl al eo, rūkaki ro im ritōl ro an nursery, rijeje, im ritōl ro an m̧akūtkūt.

Būraimere Būreejtōnji eo ej jipan̄ ro jinen im jemān ajri ro kepooj ajri ro n̄an deļo̧n̄ im wōnm̧aanļo̧k ilo iaļan bujen in.

N̄an kōm̧m̧ane menin, Būraimere būreejtōn eo emaron̄ jitōn̄ juon membōr in būreejtōnji eo n̄an jipan̄ ro jinen im jemān ajri ro kepooj ajri ro nejier n̄an peptaij im kapen. Būraimere būreejtōn eo emaron̄ jitōn̄ bar juon membōr in būreejtōnji eo n̄an jipan̄ jinen im jemān ajri ro kōn kōppopo an tampeļ im priesthood n̄an ajri ro nejier.

Būraimere būreejtōn eo ewōr ippān eddo kein ilaļ. Rikakpilōklōk ro an rej jipan̄ e.

• Jerbal ilo ward ko̧o̧njeļ eo.

• Kōm̧m̧ane kweilo̧k ko an Būraimere būreejtōnji eo aolep iien im kweilo̧k ippān bisop eo ak rikakpilōklōk eo an kar kappeik.

• Jipan̄ karōk iien peptaijkoin n̄an ajri ro me ewōr aer rekoot n̄e rej kajjitōk (lale 18.7.2).

• Karōk im kōjeikik kōppeļļo̧k eo an kweilo̧k ko an Būraimere ilo Jabōt.

• Jerbal in karejar n̄an kajjojo ajri ro, rūkaki ro, im ritōl ro ilo Būraimere.

• Katakin ritōl ro im rūkaki ro an Būraimere kōn eddo ko aer im rejtake er ilo eddo kein n̄an kajiniet er n̄an kūr ko aer (lale Katakin ilo Wāween eo an Rilo̧mo̧o̧r [2016], 38).

• Eddoik rekoot ko, riboot ko, bajet eo, im jāān ko an Būraimere.

12.3.4

Ritōl Al eo im Rikōjan̄jan̄ eo

Ritōl al eo im rikōjan̄jan̄ eo rej katakin ajri ro gospel eo an Jisōs Kraist kōn al ilo iien al eo.

N̄e ejjeļo̧k rikōjan̄jan̄ ak piano, ritōl ro remaron̄ kōjerbal kein kanne al ko.

12.3.5

Rūkaki ro im Ritōl ro an Nursery

Būraimere būreejtōnji eo ej elmakoteļo̧k n̄an bisoprik eo em̧m̧aan ro im kōrā ro n̄an jerbal āinwōt rūkaki ro an Būraimere im ritōl ro an nursery. Membōr rein rej kūr n̄an katakin im jerbal in karejar n̄an kurup in iiō ko em̧ōj rejenolo̧k an ajri ro.

Rūkaki ro an Būraimere im ritōl ro an nursery rej katakin jān Itok, Ļoor Eō—N̄an Būraimere iiō ko 3–11) im Behold Your Little Ones nursery).

12.3.6

Ritōl ro an M̧akūtkūt eo

Ritōl m̧akūtkut ro an Būraimere rej jerbal in karejar n̄an ajri ro ilo aer karōk jerbal in jipan̄ im m̧akūtkūt ko jino ilo Jānwōde in iiō eo ajri ro rej tōpar 8 (lale 12.2.1.3). Jerbal in jipan̄ im m̧akūtkūt ko rej pedped ioon jerbal in lo̧mo̧o̧r im mour ilo aiboojoj eo eutiejtata. Rej kalimomo im bōk koņaan.

12.5

Bar Jet Unin Tōl ko im Kakien ko

12.5.1

Kōjparok Ajri ro

N̄e rūtto ro rej ikitōltōl ippān ajri ro ilo jekjek ko an Kabun̄, diktata ruo rūtto rōkeke raikuj in pād.

Aolep rūtto ro me rej jerbal ippān ajri ro rej aikuj kadedeļo̧k kaminene in kōjparok ajri ro im jodikdik ro ilowaan wōt juon allōn̄ ālkin rejtake er (ProtectingChildren.ChurchofJesusChrist.org