12.

Kinter

12.1

Popun me Mwicheich

Kinter ew mwicheichen semirit a wor osukunen ewe kapas allim ngenir me non imw, fiti aninis seniewe Mwichefen. Ei fan iten ekkewe semirit ier 18 maram ngeni 11 ier.

12.1.1

Popun

Kinter a anisi semirit:

• Mefi an Semer we won Nang tong me kaeo usun An we kokoten pwapwa.

• Kaeo usun Jises Kraist me Wisan non An Samach won Nang we kokot.

• Kaeo me manaueni ewe kapas allimen Jises Kraist.

• Mefi, esina, me mokutukut won ewe amemefin ewe Ngun mi Fel.

• Amonata ren, fori, me aponueta ekkewe pwon mi pin.

• Pachenong non ewe angangen amanaua me manau mi tekia.

12.1.3

Ekkewe klas

Nupwen mei naf semirit, ra inet fesen non kewe klas anongonong won ierir.

Semirit ra napngeni mweteta seni Kinter ngeni Mwichen Fopun ika mwichen tiken non January ewe ier repwene ier 12.

12.1.4

Fansoun Kon

Fansoun kon a anisi semirit ar repwe mefi an Samach won Nang tong me kaeo usun An we kokoten pwapwa. An semirit kon usun nongonongen ewe kapas allim, ewe Ngun mi Fel a pwarata usun ar ennet.

Ewe presetensin Kinter me souemwenin kon ra fini ekkewe kon ren eu me eu maram an epwe apochokuna nongongen ewe kapas allim ekkewe semirit ra kaeo non ar klas me non imw.

12.1.5

Nenien Tumunu Kukkun Semirit

Nenien Tumunu kukkun semirit a anisi semirit 18 maram ngeni 3 ier repwe mefi an Samach won Nang we tong me kaeo usun An we kokotun pwapwa.

12.2

Pachenong non ewe Angangen Amanaua me Manau mi Tekia

12.2.1

Manaueni ewe Kapas Allimen Jises Kraist

12.2.1.2

Kaeo Kapas Allim

Mwichen Kinter non Raninifen. Emon chon ewe presetensin Kinter epwe ateten fansoun sukun.

Epwe iei usun tetenin:

Kinikinin Mwich	Taman
Kinikinin Mwich Suki ren (iotek, pukefel ika Nongonongen Achifouwa, me afanafan—meinisin seni semirit)	Taman 5 minich
Kinikinin Mwich Fansoun Kon	Taman 20 minich
Kinikinin Mwich Ekesiwin ngeni klas	Taman 5 minich
Kinikinin Mwich Ekkewe klas me iotekin nesoponon	Taman 20 minich

Nenien tumunun semirit 18 maram ngeni 3 ier epwe 50 minich taman. Nengeni Noumi Kewe Semirit a aora ew pekin kokotun atteten.

An Semirit Prokram non Mwichen Sakrament. An semirit prokram non mwichen sakrament iteiten ier a fis non ekkewe saingonon maram non ewe ier.

Ewe presetensin Kinter me souemwenin kon repwe ota ewe prokram fiti iotek. Ewe pisoprik a wau pekin emwen. Semirit ra tongeni kon, afanafan, me rongorong fengen porous, pukefel, ika pekin kapasen pwarata.

Tempel me Mwichen Amoneta an Pristut. Ewe presetensin Kinter a ota eu mwichen ren Tempel me an Pristut Amonata iteiten ier. Ewe mwichen pisop a wau pekin emwen. Ewe mwich fan iten ekkewe semirit ier 10. Sam me in ir mi kokoto ngeni.

12.2.1.3

Angang me pekin Urumot

Poputa non January ren ewe ier repwe ne 8 ier, semirit ra tongeni poputa ne fifiti an Kinter pekin urumot.

An Kinter pekin urumot a fis non ekkoch fansoun esap Raninfel ika pwinin Sarinfan.

• An Kinter pekin urumot a fis fan ruu non eu maram nupwen a tufich.

• At me nengin nap ngeni kan imufesen ne mwich. Iwe nge, ra tongeni chufengeni ren ekkoch pekin urumot ika non neni mi chokukun semirit ie.

Ewe mwichen pisoprik epwe tumunufichi pwe ewe pekin nounoun moni me ekkewe pekin urumot an at me nengin non Kinter repwe naf me nonopok.

12.2.1.4

Pusin An Emon Fefeita Won Winikapan

Non ar angang weires ar repwe ussun chok ewe Chon Amanu, semirit—poputa non ewe ier repwene 8 ier—ra ketiw ar repwe fori ar kokotun ar repwe mamarita non pekin ngun, pekin echiechi ngeni ekkoch, pekin inis, me non tipachem (nengeni Luke 2:52).

Ra tongeni aea Personal Development: Children’s Guidebook ne fori me makkei kewe kokkot.

12.3

Souemwenin Kinter non Wart

12.3.1

Pisoprik

Ewe auchean wis an ewe pisop epwe amarano ewe tappin aramas, pachenong ekkewe semirit. Ewe pisop epwe fini emon chon aninis an epwe anisi non wisan we ren Kinter. Ewe pisop ika emon chon aninis mi kefinita epwe chuchuri ewe presetenin Kinter iteitan.

Ewe pisop me noun kewe chon aninis ra fifiti Kinter iteitan.

12.3.2

Presetensin Kinter

Ewe pisop a kokori me efeioch ngeni emon fefin mi mukono ew wis an epwe angang epwe presetenin Kinter.

Non eu kukun kinikinin mwich, ewe presetenin Kinter meni epwe i chok ewe souemwenin non Kinter a kokko. Non ei napanap, neminewe me kewe sam me in repwe angang fengen ne eteteni kewe nesen, fansoun kon, me pekin urumot. Ika ewe neni mi naf waten, pwan ekkoch wis ra tongeni amasou non ei napanap ren tetenochun: chon aninis, souemwenin kon, sense, me souemwenin nenien tumunu kukkun semirit, sekereteri, me souemwenin pekin urumot.

Ewe presetensin Kinter a anisi ekkewe sam me in ne amonata semirit ne tonong me fefeita won ewe anen pwon.

An epwe ponueta ei, ewe presetenin Kinter epwe finata emon chon ewe presetensi an epwe anisi ekkewe sam me in ne amonata nour kewe semirit ar repwe paptais me kopunguno. Ewe presetenin Kinter a tongeni finata pwan emon chon ewe prestensi epwe anisi ekkewe sam me in ren tempel me monetan pristut ren nour kewe semirit.

Ewe presetenin Kinter a pwan wor wisan kewe ekkoch mi tetenitiw. Noun kewe chon aninis repwe anisi.

• Angang non ewe mwichen opungupungun wart.

• Efisi ekkewe mwichen presetensin Kinter me churi ewe pisop ika noun ewe chon aninis a finita.

• Aninis ne ota ekkewe angangen paptais ren semirit ren rekot nupwen ra tingor (nengeni 18.7.2).

• Ota me ateteni ewe sukun non mwichen Kinter non Raninfel.

• Iamwiri emon me emon ekkewe semirit, sense, me souemwen non Kinter.

• Aiti souemwenin Kinter me ekkewe sense wiser me anisir non ekana wis ne awewe ngenir wiser kewe (nengeni Teaching in the Savior’s Way [2016], 38).

• Nengeni ekkewe rekot, repot, pekin nounoun moni, me mwonien Kinter.

12.3.4

Souemwenin Kon me Chon Oroken

Ewe souemwenin kon me chon oroken repwe aiti semirit ewe kapas allimen Jises Kraist seni kon non ewe fansoun kon.

Ika ewe chon etik oroken ese nom me ese wor oroken, ekkewe souemwen repwene chok nounou ekkewe mi rekot.

12.3.5

Sense me Souemwenin Nenien Tumunu Kukkun Semirit

Ewe presetensin Kinter a finata ngeni ewe prsopri ekkewe mwan me fefin repwe angang ir souemwenin ekkewe sense me nenien tumunu kukkun semirit. Ekkei memper ra koko ar repwe asukuna me iamwir ngeni ekkewe kinikinin ierin semirit mi kefinino.

Sensen Kinter me souemwenin nenien tumunu kukkun semirit ra osukun seni Feitto, Tapweto Mwiri—Ren Primary (ier 3–11) me Behold Your Little Ones (nursery).

12.3.6

Souemwenin Pekin Urumot

Souemwenin pekin urumot an Kinter repwe iamwiri ekkew esemirit nupwen ra fori kokotun aninis me pekin urumot poputa non January non ewe ier ewe semirit epwe ne 8 ier (nengeni 12.2.1.3). Angang me pekin urumot a ofota ekiek won ewe angangen amanaua me manau mi tekia. Ra apwapwa me ameseik.

12.5

Pwan Ekkoch Emwen me Annuk

12.5.1

Tumunun Semirit

Nupwen ekkewe mi mukono repwe angang fengen me ekkewe semirit non mokutukutun Mwichefel, mi auchea epwe wor ruemon mi mukono repwe nom.

Meinisin mi mukono ekkewe ra angang fengen me ekkewe semirit non Mwichefen repwe awesono ewe trainin tumunun semirit me sarafo non ew maramen an a ketiw (ProtectingChildren.ChurchofJesusChrist.org).