ol pipol i stap toktok

14.

Ol Singgel Memba

14.0

Fas Toktok

Ol man mo ol woman, we oli no mared yet, o, oli bin divos o oli wido, oli wan bigfala namba long membasip ia blong Jos. Hem i impoten blong evriwan i faenem hop tru long Atonmen blong Jisas Kraes (luk long Ita 12:4). Olgeta trutok ia we oli no save finis, oli save help blong developem kaen hop ia:

• Ol skripja mo ol profet blong ol las dei ia oli konfemem se evriwan we oli fetful blong kipim ol kavenan blong gospel, bae oli gat janis blong laef olsem wan god.

• Stret taem mo fasin we ol blesing ia blong kam olsem wan god bae oli kam, i no kamaot evriwan yet tru long revelesen. Be nomata long hemia bae i oli kam Mosaea 2:41).

• Blong stap wet long Lod i minim blong gohed blong stap obei mo kam antap long saed blong spirit blong gohed blong wokbaot i go from Hem (luk long Aesea 64:4).

• God i givim laef we i no save finis long evriwan long ol pikinini blong Hem. Evriwan we oli kwalifae blong kasem presen we Sevya i givim wetem gladhat blong Hem, we i presen blong fogivnes, mo laef folem ol komanmen blong Hem, bambae oli kasem laef we i no save finis. (Luk long Mosaea 26:30; Moronae 6:8.)

• Blong trastem olgeta promes ia, i mas gat rus blong hem insaed long fet long Jisas Kraes. Tru long gladhat blong Hem, evri samting long saed blong laef long wol ia, bae oli kam stret (luk long Alma 7:11–13).

Lod i nidim evri memba blong oli help long wok blong Hem blong plan blong fasin blong sevem man insaed long ol wod mo stek blong olgeta (luk long 1 Korin 12:12–27). Olsem we Spirit i lidim, oli singaotem ol singgel memba blong holem ol posisen blong lidasip mo blong tij.

Insaed long japta ia:

• Toktok ia, “singgel memba,” i tokbaot evri adalt memba blong jos we oli no mared i stap.

• Toktok ia, “Yang Singgel Adalt,” i tokbaot olgeta we yia blong olgeta i 18 kasem 30 yia.

• Toktok ia, “Singgel Adalt,” i tokbaot olgeta yia blong olgeta i stat long 31 yia i go antap.

14.1

Ol Singgel Memba long Ol Jeografik Yunit

14.1.1

Stek Lidasip

14.1.1.2

Ol Komiti blong Stek Yang Singgel Adalt mo Singgel Adalt

Stek presidensi i krietem wan yang singgel adalt komiti.

Stek presidensi i save krietem wan singgel adalt komiti.

Ol komiti oli mas lukaotem blong sapotem ol memba tru long frensip mo ol janis blong tekpat insaed long wok ia blong fasin blong sevem man mo fasin blong kam olsem wan god (luk long 14.2

14.1.2

Wod Lidasip

14.1.2.1

Bisoprik

Bisoprik i ki ia blong mekem ol singgel memba oli tekpat insaed long wok ia blong fasin blong sevem man mo kam olsem wan god. Oli wok wetem wod kaonsel blong faenem ol koling mo ol wok we oli save givimaot, we oli gat mining, hemia blong ol singgel memba. Oli luksave mo traehad blong help blong lukluk long ol nid blong ol singgel papa o mama.

• Wan memba blong bisoprik i mit wetem wanwan yang singgel adalt wan taem long wan yia o moa.

• Bisoprik i save oganaesem wan wod yang singgel adalt komiti.

14.1.2.2

Ol Memba blong Kworom blong Ol Elda mo Rilif Sosaeti we Oli Gat Wok blong Lukaotem Ol Yang Singgel Adalt

Presiden blong kworom blong ol elda, mo presiden blong Rilif Sosaeti, wanwan long tufala i givim wok long wan memba blong presidensi blong tufala blong sapotem ol yang singgel adalt. Ol memba blong presidensi ia, oli lanem ol samting we ol yang singgel adalt oli strong long hem, mo oli helpem olgeta blong lukluk long ol nid blong olgeta.

Presiden blong kworom blong ol elda, mo presiden blong Rilif Sosaeti i save givim ripot blong ol hadwok ia i go long wod kaonsel miting.

14.1.2.3

Ol Yang Singgel Adalt Lida

Long wan wod we i gat inaf namba blong ol yang singgel adalt, bae bisoprik i save singaotem wan yang singgel adalt brata mo wan yang singgel adalt sista, blong tufala i stap olsem ol yang singgel adalt lida. Ol responsabiliti blong tufala, i gat olgeta ia:

• Helpem ol yang singgel adalt blong oli tekpat long wok ia blong fasin blong sevem man, mo fasin blong kam olsem wan god (luk long 14.2).

• Stap givim seves long stek yang singgel adalt komiti.

• Lidim wod yang singgel adalt komiti sapos i gat wan we oli oganaesem i stap.

• Mit oltaem wetem presidensi blong kworom blong ol elda mo presidensi blong Rilif Sosaeti. Long ol miting ia, oli toktok raon long wanem nao ol yang singgel adalt oli strong long hem, mo wei blong helpem olgeta blong lukluk long ol nid blong olgeta. Oli lukluk plante tu blong oli mekem wok blong givhan long ol yang singgel adalt.

14.2

Stap Tekpat long Wok Ia blong Fasin blong Sevem Man mo Fasin blong Kam Olsem Wan God

14.2.1

Stap Laef Folem Gospel blong Jisas Kraes

14.2.1.1

Haos Naet mo Gospel Stadi

Ol lida mo ol memba we oli disaed blong tekpat, oli save oganaesem, wan o moa long wan haos naet grup blong ol singgel adalt, mo ol nara grup blong ol yang singgel adalt.

14.2.1.3

Ol Aktiviti

Anda long daereksen blong ol lida blong wod o stek, ol yang singgel adalt oli save mekem plan mo oli save tekpat long ol aktiviti we i blong olgeta nomo. Samfala eksampol oli go olsem:

• Ol tempol visit.

• Wok blong famli histri.

• Stap serem gospel.

• Komuniti seves.

• Ol taem blong miusik mo kalja.

• Ol spot.

Anda long daereksen blong ol lida blong stek, ol yang singgel adalt oli save mekem plan blong holem ol semmak aktiviti long level blong stek.