14.

Chon ewe Mwichefen rese pupunu

14.0

Nepoputan

Ekkewe mwan me fefin rese mwo pupunu ika kewe ra mwu fesen ika mi mano punuwer ra forata watte kinikinin chochon Mwichefen. Mi auchea ren meinisin repwe kuna epinukunuk seni ewe Achasefan an Jises Kraist (nengeni Ether 12:4). Ekkewe ennet esemuch mi makketiw fan ir mi tongeni amari ena sokkun epinukunuk:

• Pukefel me soufosun fansoun soponon ra apungano pwe ion mi nikitu ne aneasochisi pwonen kapas allim epwe wor ren ewe tufichin manau mi tekia.

• Ewe wesewesen fansoun me napanap ren minne ekkewe feiochun manau mi tekia repwe kawor rese mwo affateno. Nge inamo ir repwe wesewesen kawor (nengeni Mosaia 2:41).

• Witiwit won ewe Samon a pwarano soposoponon aneasochis me fefeitan pekin ngun ngeni I (nengeni Isaiah 64:4).

• Kot a awora manau esemuch ngeni meinisin Noun semirit. Meinisin ekkewe mi fich ngeni an ewe Chon Amanau umoumochun niffangen omusomus me manaueni An kewe annuk repwe angei manau esemuch. (Nengeni Mosaia 26:30; Moronai 6:8.)

• Epinukunuk non ekkei pwon mi nukuchareno non nuku non Jises Kraist. Ren An chen, mettoch meinisin mi wewengeni manau won fonufan ra punguno (nengeni Alma 7:11–13).

Ewe Samon a mochen meinisin chon mwichefen ar repwe aninis non ewe angangen manau ese much non ar kewe wart me steik (nengeni 1 Corinth 12:12–27). Usun mi emwen me ren ewe Ngun, chon ewe mwichefen rese pupunu ra kokko ngeni nouwisen souemwen me ekkewe wisen chon afanafan.

Non ei sopun:

• “Chon ewe mwichefen rese pupunu” a wewe ngeni meinisin mi mwukomo chon ewe Mwichefen ekkewe rese pupunu iei.

• “Mi Mwukono anuon me fopun rese pupunu” a wewe ngeni ekkewe ier 18–30.

• “Mi Mwukono rese pupunu” a wewe ngeni ekkewe ier 31 me watte seni.

14.1

Chon ewe Mwichefen rese pupunu non Kinikinin Neni

14.1.1

Souemwenin Steik

14.1.1.2

Mwichen Mi Mwukono Anuon me Fopun Rese Pupunu me Mi Mwukono rese Pupunu

Ewe presetenin steik a fori eu mwichen mi mwukono anuon me fopun rese pupunu.

Ewe presetenin steik mi pwan tongeni fori eu mwichen mi mwukono rese pupunu.

Mwicheich ra kutta ar repwe anisi chon mwichefen ren ar chiechi fengen me ren tufichin fiti ewe angangen manau ese much me manau mi tekia (nengeni 14.2).

14.1.2

Souemwenin Wart

14.1.2.1

Mwichen Pisop

Ewe mwichen pisop i kiien an apachanong chon ewe mwichefen rese pupunu non ewe angangen manau ese much me manau mi tekia. Ra angang fengen me ewe mwichen apungupungun wart ar repwe esinnata kokko mi auchea me wis fan iten chon ewe mwichefen rese pupunu. Ra esinna me achocho ar repwe anisi ne aponuet met mi namot ngeni sam me in rese pupunu.

• Emon chochon ewe mwichen pisop epwe churi emon me emon mi mwukono anuon me fopun rese pupunu mwaren fan eu non eu ier.

• Ewe mwichen pisop mei tongeni etetteni eu mwichen wart ren mi mwukono anuon me fopun rese pupunu.

14.1.2.2

Chochon Mwichen Elter me Presetensin Relief Society mi Ewis ngeni Mi Mwukono Anuon me Fopun Rese pupunu

Ewe mwichen elter me presetenin Relief Society mei tongeni ewisa emon chon ar kewe presetensi an epwe anisi mi mwukono anuon me fopun rese pupunu. Ekkei chochon presetensi ra sinei ekkewe pochokunen mi mwukono anuon me fopun rese pupunu me anisi ne aponueta met mi namot ngenir.

Ewe mwichen elter me presetenin Relief Society epwe repot won ekkei angang weires non mwichen apungupung an wart.

14.1.2.3

Souemwenin Mi Mwukono Anuon me Fopun Rese Pupunu

Non eu wart mi chommong mi mwukono anuon me fopun rese pupunu, ewe mwichen pisop mi tongeni kori emon mwan me emon fefin ese pupunu ar repwe souemwenin mi mwukono anuon me fopun rese pupunu. Wiser mi pachenong:

• Anisi mi mwukono anuon me fopun rese pupunu ar repwe fiti ewe angangen manau ese much me manau mi tekia (nengeni 14.2).

• Angang won ewe mwichen mi mwukono anuon me fopun rese pupunu non ewe steik.

• Emweni ewe mwichen mi mwukono anuon me fopun rese pupunu non ewe wart ika mi wor eu mi for.

• Mwimwich fengen me ewe mwichen elter presetensi me Relief Society presetensi. Non ekkei mwich, ra oporous fengen usun pochokunen mi mwukono anuon me fopun rese pupunu me ifa usun repwe anisi ne aponueta met mi namot ngenir. Ra pwan anonga ar ekiek won ar iamwir ngeni mi mwukono anuon me fopun rese pupunu.

14.2

Fiti ewe angangen Manau ese Much me Manau mi tekia

14.2.1

Manaueni ewe Kapas Allimen Jises Kraist

14.2.1.1

Pwinin famini me Kaeo Kapas allim

Souemwen ika chon mwichefen kewe ra mochen fiti ir mi tongeni etetteni eu ika ekkoch mwichen pwinin famini fan iten mi mwukono rese pupunu me ekkoch mwich fan iten mi mwukono anuon me fopun rese pupunu.

14.2.1.3

Urumot

Fan emwenien souemwenin wart ika steik, mi mwukono anuon me fopun rese pupunu mei tongeni ota me fiti urumot ra fis fan iter. Ekkoch awewe mi tongeni pachenong:

• Chuno non tempel.

• Angangen uruon famini.

• Afanafana ewe kapas allim.

• Angang non ewe neni.

• Mwichen kon me oreni mi fis.

• Pekin urumot ren Sports

Fan emwenien ekkewe souemwenin steik, mi mwukono rese pupunu mei tongeni ota urumot epwe usun an steik kokot.